LOX KAB 22
22
1Khaw tix sawg min plakngai nie lheu khaing sawg krax pa mi pa koe, bwanson pa moh rhawm ka pui tang kaux, nie lheu mhawm khaing mau khri heue. 2Pui pa mi pa koe mai pui hot sibhawm sipub paox tix, mawh krax pa yuh Siyiex khawmuik heue. 3Pui pa koe satix, nawh grux tawng ka see ceu pa khi rhawm pa sang hoek piang tix mai chix mox tix heue. Pui pa ang koe pingnya, hu awm pa hu nawh mai hu yaox see krax khi rhawm heue. 4Bwanson pa tiem rhawm rhi mai pa lhat graung ka Siyiex, mawh pa pon sinngao, min plakngai mai ju heue. 5Pang kat mai jhawk hoik koe ka daux krax hu pui pa vawk rhawm mai pui pa priex ju khwan khankix, chix via hu singai khaing kix heue. 6Sidiex gau ka krax hu kawn nyawm awx. Phan yuh nan, yam riex ju sax, nawh ang lud hu ka daux krax an heue. 7Pui mi pa koe khankix, giex kaing piang pui pa hot sibhawm mai pui pa yaog yaing mawh siliex ka cao pa tawx yaog yaing heue. 8Pui pa rhuat simie pa caox pa ang mhawm, nawh tak yaox tix deeh vawg nghox krax kha rhawm heue. Kaing pa yuh nawh tak grai hu heue. 9Pui pa koe ngai pa chix caux rhawm, koe bwanson, mawh kheu nawh tak tawx blah pa ih ka pui pa hot sibhawm heue. 10Grheu ti tik ka pui pa yuh pa ang cee ang cag khankix, phan yuh nan, ceu pa koeng lih hu mai pa simah mai pa salao tak yiien hu heue. 11Pui pa moh ka rhawm pa singax singeh, chix krai lox pa awn pa tiem mai tak mawh pa chix yuh paox pie ka simiang heue. 12Ngai Siyiex chix priex ka pingnya pa tawng yung mai Nawh yuh laux ka pui pa lud heue. 13Pui pa nieh pa chix ah nin, sivai sangsi koe ka praix tan mai phan aux lih hu, rien tix yum heue. 14Jheeh bun pa ang mhawm been, mawh daux tiex pa kied raux, kaw pa seeing Siyiex kah, Nawh Cao tak rau nawh ka daux tiex an heue. 15Rhawm pa caox, kie ti deuh ka daux rhawm kawn nyawm heue. Viang mawh nan, khaox saux pa sivied tix gau, grheu ti tik ka rhawm an singai heue. 16Pui pa tuktiak ka pui pa hot sibhawm, sonsang mi sang koe tokaux nawh mai pui pa tawx ka pui pa mi pa koe khankix, tak hoek krax pa hot sibhawm tete heue.
Lox Pa Koe Pingnya
17Veeh yhaok maix mai nghiet ka lox pui pa koe pingnya awx. Pingnya pa tawng yung aux kawx, kieh koe ka daux rhawm maix heue. 18Phan maix sau ceu an khankix, ka daux rhawm mai daux jheeh maix koe bwanson pa mhawm son maix heue. 19Kheu sonsang deuh maix rhawm tix ka Siyiex, aux sidiex gau ka tokaux maix singaix heue. 20Aux hoik tiiem grawng lox tawm pingnyap pa tawx satix mai grawng lox tawm pingnyap pa tawng pa yung heue. 21Sonsang tawng maix ka lox pa mawh meh mai sonsang chix krai maix lox pa mawh meh mai lox pa tawx satix mai lox mhai pa daox deng ka kix, pui pa ploi hoek ka maix, aux hoik tiem tix tawx ka maix ang mawh lie? 22Paw lai tud rhim ti teei kraung khrai pui pa hot sibhawm, grawh grawng nawh, kheu kied hot sibhawm nawh, paw lai ciyang ka kix mai pui pa kha rhawm, ka diang siviex veng. 23Grawh grawng nawh, Siyiex priex ka kix mai pui pa tud rhim ti teei kraung khrai kix, Siyiex tak deeh rhim ti teei ju kix heue. 24Paw vi yuh paox grawm ka pui pa dawd rhawm mai paw lai hawt khaix pui pa yie song rhawm, 25phan maix hawt khaix kix, ha maix kox gau ti yuh pa yuh kix mai tokaux maix tak krix ka jhawk heue. 26Paw laig ti yuh paox pie mai cub pui pa dieh taix mai cub pui pa kham tang ceuk rom pui. 27Phan maix ang koe tix tawx, mawh kheu patix nawh teei kraung it maix hu? 28Paw lai greed mee haktiex pa hoik sum tax du pex ti deuh khankix. 29Sax yaox maix pui pa cheung ka kaing yuh tix tom hoik lie? Pui an, tak yaox tix yuh kaing jhaw simiang mai tak ang yuh kaing pui iak pui lied heue.
Currently Selected:
LOX KAB 22: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
LOX KAB 22
22
1Khaw tix sawg min plakngai nie lheu khaing sawg krax pa mi pa koe, bwanson pa moh rhawm ka pui tang kaux, nie lheu mhawm khaing mau khri heue. 2Pui pa mi pa koe mai pui hot sibhawm sipub paox tix, mawh krax pa yuh Siyiex khawmuik heue. 3Pui pa koe satix, nawh grux tawng ka see ceu pa khi rhawm pa sang hoek piang tix mai chix mox tix heue. Pui pa ang koe pingnya, hu awm pa hu nawh mai hu yaox see krax khi rhawm heue. 4Bwanson pa tiem rhawm rhi mai pa lhat graung ka Siyiex, mawh pa pon sinngao, min plakngai mai ju heue. 5Pang kat mai jhawk hoik koe ka daux krax hu pui pa vawk rhawm mai pui pa priex ju khwan khankix, chix via hu singai khaing kix heue. 6Sidiex gau ka krax hu kawn nyawm awx. Phan yuh nan, yam riex ju sax, nawh ang lud hu ka daux krax an heue. 7Pui mi pa koe khankix, giex kaing piang pui pa hot sibhawm mai pui pa yaog yaing mawh siliex ka cao pa tawx yaog yaing heue. 8Pui pa rhuat simie pa caox pa ang mhawm, nawh tak yaox tix deeh vawg nghox krax kha rhawm heue. Kaing pa yuh nawh tak grai hu heue. 9Pui pa koe ngai pa chix caux rhawm, koe bwanson, mawh kheu nawh tak tawx blah pa ih ka pui pa hot sibhawm heue. 10Grheu ti tik ka pui pa yuh pa ang cee ang cag khankix, phan yuh nan, ceu pa koeng lih hu mai pa simah mai pa salao tak yiien hu heue. 11Pui pa moh ka rhawm pa singax singeh, chix krai lox pa awn pa tiem mai tak mawh pa chix yuh paox pie ka simiang heue. 12Ngai Siyiex chix priex ka pingnya pa tawng yung mai Nawh yuh laux ka pui pa lud heue. 13Pui pa nieh pa chix ah nin, sivai sangsi koe ka praix tan mai phan aux lih hu, rien tix yum heue. 14Jheeh bun pa ang mhawm been, mawh daux tiex pa kied raux, kaw pa seeing Siyiex kah, Nawh Cao tak rau nawh ka daux tiex an heue. 15Rhawm pa caox, kie ti deuh ka daux rhawm kawn nyawm heue. Viang mawh nan, khaox saux pa sivied tix gau, grheu ti tik ka rhawm an singai heue. 16Pui pa tuktiak ka pui pa hot sibhawm, sonsang mi sang koe tokaux nawh mai pui pa tawx ka pui pa mi pa koe khankix, tak hoek krax pa hot sibhawm tete heue.
Lox Pa Koe Pingnya
17Veeh yhaok maix mai nghiet ka lox pui pa koe pingnya awx. Pingnya pa tawng yung aux kawx, kieh koe ka daux rhawm maix heue. 18Phan maix sau ceu an khankix, ka daux rhawm mai daux jheeh maix koe bwanson pa mhawm son maix heue. 19Kheu sonsang deuh maix rhawm tix ka Siyiex, aux sidiex gau ka tokaux maix singaix heue. 20Aux hoik tiiem grawng lox tawm pingnyap pa tawx satix mai grawng lox tawm pingnyap pa tawng pa yung heue. 21Sonsang tawng maix ka lox pa mawh meh mai sonsang chix krai maix lox pa mawh meh mai lox pa tawx satix mai lox mhai pa daox deng ka kix, pui pa ploi hoek ka maix, aux hoik tiem tix tawx ka maix ang mawh lie? 22Paw lai tud rhim ti teei kraung khrai pui pa hot sibhawm, grawh grawng nawh, kheu kied hot sibhawm nawh, paw lai ciyang ka kix mai pui pa kha rhawm, ka diang siviex veng. 23Grawh grawng nawh, Siyiex priex ka kix mai pui pa tud rhim ti teei kraung khrai kix, Siyiex tak deeh rhim ti teei ju kix heue. 24Paw vi yuh paox grawm ka pui pa dawd rhawm mai paw lai hawt khaix pui pa yie song rhawm, 25phan maix hawt khaix kix, ha maix kox gau ti yuh pa yuh kix mai tokaux maix tak krix ka jhawk heue. 26Paw laig ti yuh paox pie mai cub pui pa dieh taix mai cub pui pa kham tang ceuk rom pui. 27Phan maix ang koe tix tawx, mawh kheu patix nawh teei kraung it maix hu? 28Paw lai greed mee haktiex pa hoik sum tax du pex ti deuh khankix. 29Sax yaox maix pui pa cheung ka kaing yuh tix tom hoik lie? Pui an, tak yaox tix yuh kaing jhaw simiang mai tak ang yuh kaing pui iak pui lied heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012