LOX KAB 10
10
Lox Phektem Pa Kied Raux Sawlamon
1Lox phektem pa kied raux lai lox kab pa sidiex simiang Sawlamon mawh nin, kawn simex pa koe pingnya mawh ceu pa kieh keeing tix gaux rhawm, kawn simex pa caox, mawh pa kieh miex tix khi rhawm heue. 2Sinngao mau khri, pa pon ka daux pa ang rahsee khankix, ang koe bwanson, krax pa rahsee chix taoh ex khaing krax yum. 3Siyiex ang kieh pui rahsee khankix yum ca, Siyiex yieh ti tik ka kaing pui pa nieb yuh pa ang cee ang cag khankix. 4Pui pa nieh khankix, tak hoek krax hot sibhawm mai pui pa rien pa coca khankix, tak hoek krax mi krax koe heue. 5Pui pa khrawm ti priex yam plix khankix, mawh kawn simex pa koe pingnya heue. Pui pa it bawg yam vawg nghox mawh kawn simex pa kaig tua heue. 6Bwanson tak sang hoek piang kaing pui pa rahsee heue. Ka jheeh pui pa ang rahsee khankix, phimap pa tuktiak thox jheeh kix heue. 7Yam doh keud ka pui rahsee, tak pon bwanson mai ceu kaux pui pa ang rahsee khankix, chix laux leeing heue. 8Pui pa koe pingnya khankix, chix priex ti hawt ka lox tawm beenli, pui caox pa haoh lox kankix, tak hoek krax som nai heue. 9Pui pa lawng hu ka krax rahsee khankix, tak khaw diang hu nawh mai pui pa lawng hu ka daux krax pa ang rahsee khankix, tak lih sidawng pa yuh kix mai hoek krax laux leeing heue. 10Pui pa khiep ngai khankix, tak khi rhawm heue. Pui caox pa haoh lox khankix, tak hoek krax som nai heue. 11Jheeh pui rahsee khankix, mawh rawm keut pa im ju heue. Jheeh pui pa ang rahsee khankix, phimap pa tuktiak kix tak thox jheeh kix heue. 12Rhawm pa koeng chix kieh krax simah lih heue. Krax moh krax rhawm mawh pa chix tawb kheem ka phimap khankix heue.#Yak 5:20; 1Pe 4:8 13Pui pa mhawm pingnya krax tawng yung chix krai grawng pingnya heue. Pui pa ang koe pingnya khankix, khaox sivied hoik koe piang blawg kix heue. 14Pui pa koe pingnya khankix, chix khrawm chix priex ti deuh ka can pa tawng pa mhong nawh khawmuik heue, jheeh pui pa caox khankix, dex dawd mai pa som nai heue. 15Pui pa chix pon mau, can sinngao nawh, kaux cong awm veng pa kaux cong heue. Krax hot sibhawm pui hot pui sibhawm khankix, mawh pa som nai heue. 16Kaing pa yuh pui rahsee khankix, dex dawd mai ju heue. Kaing pa yuh pui pa ang rahsee khankix, dex dawd mai phimap heue. 17Pui pa chix priex ti hawt ka lox pa sidiex gau beenli, chix hawt hu krax im ju mai pui pa ang nghiet ka lox sidiex gau khankix, chix lud krax hu tix heue. 18Pui tawb kheem ceu pa koeng ka siyieb jheuh pa pie lhen, pui chix krai lox kieh min plakngai pui laux, mawh pa koe rhawm pa caox heue. 19Ka daux pa haoh lox sikah chix kieh phimap lih, pui pa chix priex jheeh tokaux tix mawh pa koe pingnya heue. 20Dak pui rahsee khankix, awm mau pa mhawm pa hoik thi heue. Rhawm pui caox khankix ang koe ngawh jum. 21Siyieb jheeh pui rahsee khankix, chix tawx pui hun ih heue. Pui caox khankix, tak yum kheu ang koe pingnya krax tawng yung heue. 22Bwanson Siyiex chix mawh sinngao, sinngao an ang khao tau mai krax khi rhawm heue. 23Pui caox khankix gaux rhawm ka dee yuh kix phimap mai pui mhawm pingnya pa tawng pa yung khankix, chix keud chix gau kah heue. 24Pui pa ang rahsee khankix, ceu pa chix lhat tak hoek piang nawh heue. Pui rahsee khankix, Siyiex tak tawx can pa simie kix ti pon khawmuik heue. 25Pui pa ang rahsee khankix, chix grai hu awm phlu bhaung keu kang lux heue. Pui rahsee khankix, jaong num kix kied kaux cong heue. 26Awm rawm niex pa siki yuh rhang, pa awm taox ngu pa meet ka ngai, pui pa nieh khankix kawx, mawh pa cau pa soi pui heue. 27Pui pa lhat graung ka Siyiex, kieh nawh lang ju mai pui pa ang rahsee khankix, khix num kix dawd heue. 28Krax pa krox jun pui rahsee khankix, mawh ceu pa gaux rhawm mai pa krox jun pui caox khankix, tak grai hu heue. 29Daux krax Siyiex mawh pa kaux cong son pui rahsee mai pui pa yuh pa ang rahsee khankix, tak hoek krax laux leeing heue. 30Pui rahsee khankix, kaux cong jheung jheung mai pui pa ang rahsee khankix, ang yaox ti ot kaux cong piang haktiex. 31Pingnya chix lih khaing jheeh pui rahsee mai dak pie lhen tak yaox ti kham ka pa tat ti tik heue. 32Siyieb jheeh pui rahsee khankix, chix tawng ka pa khaw caw rhawm pui kah heue. Pui pa ang rahsee khankix, chix ah lox tiebtie heue.
Currently Selected:
LOX KAB 10: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
LOX KAB 10
10
Lox Phektem Pa Kied Raux Sawlamon
1Lox phektem pa kied raux lai lox kab pa sidiex simiang Sawlamon mawh nin, kawn simex pa koe pingnya mawh ceu pa kieh keeing tix gaux rhawm, kawn simex pa caox, mawh pa kieh miex tix khi rhawm heue. 2Sinngao mau khri, pa pon ka daux pa ang rahsee khankix, ang koe bwanson, krax pa rahsee chix taoh ex khaing krax yum. 3Siyiex ang kieh pui rahsee khankix yum ca, Siyiex yieh ti tik ka kaing pui pa nieb yuh pa ang cee ang cag khankix. 4Pui pa nieh khankix, tak hoek krax hot sibhawm mai pui pa rien pa coca khankix, tak hoek krax mi krax koe heue. 5Pui pa khrawm ti priex yam plix khankix, mawh kawn simex pa koe pingnya heue. Pui pa it bawg yam vawg nghox mawh kawn simex pa kaig tua heue. 6Bwanson tak sang hoek piang kaing pui pa rahsee heue. Ka jheeh pui pa ang rahsee khankix, phimap pa tuktiak thox jheeh kix heue. 7Yam doh keud ka pui rahsee, tak pon bwanson mai ceu kaux pui pa ang rahsee khankix, chix laux leeing heue. 8Pui pa koe pingnya khankix, chix priex ti hawt ka lox tawm beenli, pui caox pa haoh lox kankix, tak hoek krax som nai heue. 9Pui pa lawng hu ka krax rahsee khankix, tak khaw diang hu nawh mai pui pa lawng hu ka daux krax pa ang rahsee khankix, tak lih sidawng pa yuh kix mai hoek krax laux leeing heue. 10Pui pa khiep ngai khankix, tak khi rhawm heue. Pui caox pa haoh lox khankix, tak hoek krax som nai heue. 11Jheeh pui rahsee khankix, mawh rawm keut pa im ju heue. Jheeh pui pa ang rahsee khankix, phimap pa tuktiak kix tak thox jheeh kix heue. 12Rhawm pa koeng chix kieh krax simah lih heue. Krax moh krax rhawm mawh pa chix tawb kheem ka phimap khankix heue.#Yak 5:20; 1Pe 4:8 13Pui pa mhawm pingnya krax tawng yung chix krai grawng pingnya heue. Pui pa ang koe pingnya khankix, khaox sivied hoik koe piang blawg kix heue. 14Pui pa koe pingnya khankix, chix khrawm chix priex ti deuh ka can pa tawng pa mhong nawh khawmuik heue, jheeh pui pa caox khankix, dex dawd mai pa som nai heue. 15Pui pa chix pon mau, can sinngao nawh, kaux cong awm veng pa kaux cong heue. Krax hot sibhawm pui hot pui sibhawm khankix, mawh pa som nai heue. 16Kaing pa yuh pui rahsee khankix, dex dawd mai ju heue. Kaing pa yuh pui pa ang rahsee khankix, dex dawd mai phimap heue. 17Pui pa chix priex ti hawt ka lox pa sidiex gau beenli, chix hawt hu krax im ju mai pui pa ang nghiet ka lox sidiex gau khankix, chix lud krax hu tix heue. 18Pui tawb kheem ceu pa koeng ka siyieb jheuh pa pie lhen, pui chix krai lox kieh min plakngai pui laux, mawh pa koe rhawm pa caox heue. 19Ka daux pa haoh lox sikah chix kieh phimap lih, pui pa chix priex jheeh tokaux tix mawh pa koe pingnya heue. 20Dak pui rahsee khankix, awm mau pa mhawm pa hoik thi heue. Rhawm pui caox khankix ang koe ngawh jum. 21Siyieb jheeh pui rahsee khankix, chix tawx pui hun ih heue. Pui caox khankix, tak yum kheu ang koe pingnya krax tawng yung heue. 22Bwanson Siyiex chix mawh sinngao, sinngao an ang khao tau mai krax khi rhawm heue. 23Pui caox khankix gaux rhawm ka dee yuh kix phimap mai pui mhawm pingnya pa tawng pa yung khankix, chix keud chix gau kah heue. 24Pui pa ang rahsee khankix, ceu pa chix lhat tak hoek piang nawh heue. Pui rahsee khankix, Siyiex tak tawx can pa simie kix ti pon khawmuik heue. 25Pui pa ang rahsee khankix, chix grai hu awm phlu bhaung keu kang lux heue. Pui rahsee khankix, jaong num kix kied kaux cong heue. 26Awm rawm niex pa siki yuh rhang, pa awm taox ngu pa meet ka ngai, pui pa nieh khankix kawx, mawh pa cau pa soi pui heue. 27Pui pa lhat graung ka Siyiex, kieh nawh lang ju mai pui pa ang rahsee khankix, khix num kix dawd heue. 28Krax pa krox jun pui rahsee khankix, mawh ceu pa gaux rhawm mai pa krox jun pui caox khankix, tak grai hu heue. 29Daux krax Siyiex mawh pa kaux cong son pui rahsee mai pui pa yuh pa ang rahsee khankix, tak hoek krax laux leeing heue. 30Pui rahsee khankix, kaux cong jheung jheung mai pui pa ang rahsee khankix, ang yaox ti ot kaux cong piang haktiex. 31Pingnya chix lih khaing jheeh pui rahsee mai dak pie lhen tak yaox ti kham ka pa tat ti tik heue. 32Siyieb jheeh pui rahsee khankix, chix tawng ka pa khaw caw rhawm pui kah heue. Pui pa ang rahsee khankix, chix ah lox tiebtie heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012