YAWBAX 40
40
1Lheu khaing an Siyiex pawk lox Yawbax ah nin, 2“Mawh sang khaw pui an pa tieh feen ka cao pa ting sibrawm tix sidiex Nawh lie? Nawh pa mawh pui pa tang phimap ka Siyiex, kieh nawh deeh pawk heue.”
Deeh Pawk Yawbax Ka Siyiex
3Khaix an Yawbax deeh pawk lox Siyiex ah nin, 4“Jhak heue, aux mawh pui caox, aux tak sang deeh pawk ka Maix Cao yuh ka mawx lie? Aux tak thox jheeh tix ka taix tix heue. 5Aux hoik loe ti sikah tix bawg, viang mawh nan aux tak ang lai baox ah khaix in, aux hoik loe ti pawk ra bawg, viang nawh nan aux tak ang lai baox jiiem lox tix heue.
Siyiex Silah Ka Yawbax
6Khaix an Siyiex pawk lox ka Yawbax khaing daux bhaung ting ah nin, 7“Yam in rhawt maox nyoi maix awm mawh tix simex tix kaux, Aux tak chawk ka maix mai deeh pawk lox chawk aux ka maix heue. 8Mawh sang preet maix ti tik ka krax prawng ca Aux lie? Mawh keud maix tix mawh pui rahsee mai deuh Aux mawh pa koe phimap lie? 9Mawh koe riang rao plawng taix maix awm plawng taix Siyiex lie? Phan ang mawh nan mawh sang pon kieh maix lox tix sinum awm sinum lox Nawh Cao lie? 10Khaix an ceep ka sibrawm min plakngai mai pa mhawm grang mai khre tokaux tix ka ceu pa yaogyaw koe min mai ka ceu pa mhawm grang an khankix heue. 11Peeik ti tik krax song rhawm khaing daux maix, mai jhak ka pui pa ting rhawm ca nyhau khankix mai yeen nawh tiem heue. 12Jhak ka pui pa ting rhawm ca nyhau ku kaux mai deeh kieh kix hoek dee pa tiem, dig ti tik pui caox caig khankix ka dee ot dee koe kix heue. 13Mox kix tau ka daux phawng tiex mai tawb ngai kix ka pa faik heue. 14Khaix an Aux tak sang deeh rieb ka maix, sonsang pon taoh taix khawn dawm cao maix ka maix heue. 15“Yam in jhak ka totiag Behemok, Brung rawm, pa phan Aux ti deuh tau mai maix, nawh sawm rib awm moi heue. 16Jhak heue, riang nawh koe ka nyoi nawh mai sibrawm nawh koe ka si niak vaig nawh heue. 17Nawh vuh vied sidax tix awm gaw khaox Arit mai siniag ba viang nawh kab tix kaux tix gap hoik tix gap heue. 18Si-ang nawh khankix awm gawng tawng lheung mai si-ang praok nawh khankix awm gawng rhiem heue. 19Nawh mawh ceu pa phan pa deuh Siyiex phao voe, Mawh ngie Nawh Cao pa phan pa deuh nawh nong nong, pa pon viex vaig lawm tix hoek dex heue. 20Gawng lua khankix tawx pa ih ka son nawh mai totiag klieh tau mai paox tix daux tong tan heue. 21Nawh noi ti it greem veei pang kraox nhawng khankix mai ka daux yeem pang jo khankix mai ka daux ung heue. 22Veei pang kraox nhawng khankix, kheem ka nawh, pang khaox siglai hawt klawng khankix vung viang ka nawh heue. 23Viang rawm klawng hwan miex ding kawx, nawh ang khi rhawm mai viang rawm klawng Yawdan thah tix laig daux jheeh nawh kawx nawh ang gah ang greed tix. 24Mawh pui mawx pa sang pon dung ngai nawh dug mai phyawk ka mai teei rhiem cieh meeh nawh mai tuk hu lie?
Currently Selected:
YAWBAX 40: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAWBAX 40
40
1Lheu khaing an Siyiex pawk lox Yawbax ah nin, 2“Mawh sang khaw pui an pa tieh feen ka cao pa ting sibrawm tix sidiex Nawh lie? Nawh pa mawh pui pa tang phimap ka Siyiex, kieh nawh deeh pawk heue.”
Deeh Pawk Yawbax Ka Siyiex
3Khaix an Yawbax deeh pawk lox Siyiex ah nin, 4“Jhak heue, aux mawh pui caox, aux tak sang deeh pawk ka Maix Cao yuh ka mawx lie? Aux tak thox jheeh tix ka taix tix heue. 5Aux hoik loe ti sikah tix bawg, viang mawh nan aux tak ang lai baox ah khaix in, aux hoik loe ti pawk ra bawg, viang nawh nan aux tak ang lai baox jiiem lox tix heue.
Siyiex Silah Ka Yawbax
6Khaix an Siyiex pawk lox ka Yawbax khaing daux bhaung ting ah nin, 7“Yam in rhawt maox nyoi maix awm mawh tix simex tix kaux, Aux tak chawk ka maix mai deeh pawk lox chawk aux ka maix heue. 8Mawh sang preet maix ti tik ka krax prawng ca Aux lie? Mawh keud maix tix mawh pui rahsee mai deuh Aux mawh pa koe phimap lie? 9Mawh koe riang rao plawng taix maix awm plawng taix Siyiex lie? Phan ang mawh nan mawh sang pon kieh maix lox tix sinum awm sinum lox Nawh Cao lie? 10Khaix an ceep ka sibrawm min plakngai mai pa mhawm grang mai khre tokaux tix ka ceu pa yaogyaw koe min mai ka ceu pa mhawm grang an khankix heue. 11Peeik ti tik krax song rhawm khaing daux maix, mai jhak ka pui pa ting rhawm ca nyhau khankix mai yeen nawh tiem heue. 12Jhak ka pui pa ting rhawm ca nyhau ku kaux mai deeh kieh kix hoek dee pa tiem, dig ti tik pui caox caig khankix ka dee ot dee koe kix heue. 13Mox kix tau ka daux phawng tiex mai tawb ngai kix ka pa faik heue. 14Khaix an Aux tak sang deeh rieb ka maix, sonsang pon taoh taix khawn dawm cao maix ka maix heue. 15“Yam in jhak ka totiag Behemok, Brung rawm, pa phan Aux ti deuh tau mai maix, nawh sawm rib awm moi heue. 16Jhak heue, riang nawh koe ka nyoi nawh mai sibrawm nawh koe ka si niak vaig nawh heue. 17Nawh vuh vied sidax tix awm gaw khaox Arit mai siniag ba viang nawh kab tix kaux tix gap hoik tix gap heue. 18Si-ang nawh khankix awm gawng tawng lheung mai si-ang praok nawh khankix awm gawng rhiem heue. 19Nawh mawh ceu pa phan pa deuh Siyiex phao voe, Mawh ngie Nawh Cao pa phan pa deuh nawh nong nong, pa pon viex vaig lawm tix hoek dex heue. 20Gawng lua khankix tawx pa ih ka son nawh mai totiag klieh tau mai paox tix daux tong tan heue. 21Nawh noi ti it greem veei pang kraox nhawng khankix mai ka daux yeem pang jo khankix mai ka daux ung heue. 22Veei pang kraox nhawng khankix, kheem ka nawh, pang khaox siglai hawt klawng khankix vung viang ka nawh heue. 23Viang rawm klawng hwan miex ding kawx, nawh ang khi rhawm mai viang rawm klawng Yawdan thah tix laig daux jheeh nawh kawx nawh ang gah ang greed tix. 24Mawh pui mawx pa sang pon dung ngai nawh dug mai phyawk ka mai teei rhiem cieh meeh nawh mai tuk hu lie?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012