ISAYAX 55
55
Bwanson Pa Ting Lhaong
1Can pui pa sang nyaux nie rawm khankix eue, Hoek ka dee koe rawm. #Jhi 21:6, 22:17 Pex pa ang koe mau khankix eue, hoek liag maix ih nyaux heue. Mawh heue, hoek liag rawm plix siiet mai rawm teeih ka daux pa ang tix viex mau mai ka pa ang tix tawx ngawh heue. 2Pex cai mau son ceu pa ang mawh pa ih mai riang kaing yuh pex khankix, son ceu pa ang pon tawx krax pa fah rhawm kheu jao pa yuh ka mawx lie? Nghiet mhawm mhawm ka lox Aux mai ih priex ceu pa mhawm mai kieh rhawm rhi pex koe krax gaux rhawm ka daux krax pa ih pa nyaux pa tie heue. 3Daong yhaok maix hoek ka Aux nghiet ka lox Aux mai khwan ju maix tak im ju mai Aux tak yuh gumlox sijax mukheu leeing ju tau mai maix, pa mawh bwanson pa een Davit rhawm tix ka heue.#Cau 13:34; He 13:20 4Aux hoik yaox nawh, mawh pui pa kham sakse ka pui khawmuik, pa mawh cao bung kwang son pui khawmuik heue. 5Maix tak kok ceu pui pa ang maix sax tawng hoek mai ceu pui pa ang sax tawng ka maix khankix, tak to ti hoek ka maix, kheu jao Siyiex, pa mawh Siyiex maix, pa mawh Siyiex pa singax singeh ceu pui Isarelax heue. Mawh kheu Nawh Cao hoik yaog min pakngai maix heue. 6Sawg ka Siyiex, yam kawn pon pex ti sawg ka Nawh Cao, kok ka Nawh Cao yam dex Nawh Cao heue. 7Kieh pui caox caig tik vud ka daux krax cao tix mai pui pa ang rahsee khankix tik vud ka krax keud tix, kieh nawh deeh ing hoek ka Siyiex mai Siyiex tak koe krax caux rhawm ka nawh mai hoek ka Siyiex ex. Mawh kheu Nawh Cao tak yuh krax pluat ploi pa kied ting heue. 8Grawh grawng nawh, Siyiex ah nin, “Krax keud Aux ang awm krax keud pex, daux krax Aux ang awm daux krax pex khankix heue. 9Grawh grawng nawh, awm nie lheu lhaong raoma khaing haktiex, daux krax Aux mawh pa nie lhaong khaing daux krax pex khankix heue. Krax keud Aux mawh pa nie lheu lhaong khaing krax keud pex khankix heue. 10Grawh grawng nawh, awm lih lhiex mai rawm rha khaing raoma mai ang lai deeh ing tan, viang nawh nan, cao yuh haktiex mai kieh haktiex kuah nghox koi mai simie sonsang pon cao rhuat simie ti koe simie mai kieh cao pa ih koe pa ih,#2Kaw 9:10 11awm an gumlox Aux tak mawh pa lih khaing daux jheeh Aux heue. An tak ang lai deeh ing ka Aux ka daux krax pa giex going, viang mawh nan, tak grum naog yuh ceu pa khaw rhawm Aux mai an tak koe krax haok hwan ka daux ceu pa hoik ploi Aux an hu heue. 12Grawh grawng nawh pex tak lih hu tau mai krax pa gaux rhawm mai mawh pa hoik thung ti lih tau mai krax pa nhim heue. Gawng ting mai gawng iak khankix, tak kok yo ti ah lai rhax ka plak sivoe pex mai pang khaox pa koe daux tiag tak dieh taix tix heue. 13Dee koe pang kat lawm khankix, khaox gix tak kwah, dee koe pang kat heeit khaox Muratu tak deeh kwah ti ot, an tak mawh son dee pa doh keud ka ceu kaux Siyiex mai son mhai rug leeing ju, pa tak ang lai mawh pa tat ti tik heue.”
Currently Selected:
ISAYAX 55: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
ISAYAX 55
55
Bwanson Pa Ting Lhaong
1Can pui pa sang nyaux nie rawm khankix eue, Hoek ka dee koe rawm. #Jhi 21:6, 22:17 Pex pa ang koe mau khankix eue, hoek liag maix ih nyaux heue. Mawh heue, hoek liag rawm plix siiet mai rawm teeih ka daux pa ang tix viex mau mai ka pa ang tix tawx ngawh heue. 2Pex cai mau son ceu pa ang mawh pa ih mai riang kaing yuh pex khankix, son ceu pa ang pon tawx krax pa fah rhawm kheu jao pa yuh ka mawx lie? Nghiet mhawm mhawm ka lox Aux mai ih priex ceu pa mhawm mai kieh rhawm rhi pex koe krax gaux rhawm ka daux krax pa ih pa nyaux pa tie heue. 3Daong yhaok maix hoek ka Aux nghiet ka lox Aux mai khwan ju maix tak im ju mai Aux tak yuh gumlox sijax mukheu leeing ju tau mai maix, pa mawh bwanson pa een Davit rhawm tix ka heue.#Cau 13:34; He 13:20 4Aux hoik yaox nawh, mawh pui pa kham sakse ka pui khawmuik, pa mawh cao bung kwang son pui khawmuik heue. 5Maix tak kok ceu pui pa ang maix sax tawng hoek mai ceu pui pa ang sax tawng ka maix khankix, tak to ti hoek ka maix, kheu jao Siyiex, pa mawh Siyiex maix, pa mawh Siyiex pa singax singeh ceu pui Isarelax heue. Mawh kheu Nawh Cao hoik yaog min pakngai maix heue. 6Sawg ka Siyiex, yam kawn pon pex ti sawg ka Nawh Cao, kok ka Nawh Cao yam dex Nawh Cao heue. 7Kieh pui caox caig tik vud ka daux krax cao tix mai pui pa ang rahsee khankix tik vud ka krax keud tix, kieh nawh deeh ing hoek ka Siyiex mai Siyiex tak koe krax caux rhawm ka nawh mai hoek ka Siyiex ex. Mawh kheu Nawh Cao tak yuh krax pluat ploi pa kied ting heue. 8Grawh grawng nawh, Siyiex ah nin, “Krax keud Aux ang awm krax keud pex, daux krax Aux ang awm daux krax pex khankix heue. 9Grawh grawng nawh, awm nie lheu lhaong raoma khaing haktiex, daux krax Aux mawh pa nie lhaong khaing daux krax pex khankix heue. Krax keud Aux mawh pa nie lheu lhaong khaing krax keud pex khankix heue. 10Grawh grawng nawh, awm lih lhiex mai rawm rha khaing raoma mai ang lai deeh ing tan, viang nawh nan, cao yuh haktiex mai kieh haktiex kuah nghox koi mai simie sonsang pon cao rhuat simie ti koe simie mai kieh cao pa ih koe pa ih,#2Kaw 9:10 11awm an gumlox Aux tak mawh pa lih khaing daux jheeh Aux heue. An tak ang lai deeh ing ka Aux ka daux krax pa giex going, viang mawh nan, tak grum naog yuh ceu pa khaw rhawm Aux mai an tak koe krax haok hwan ka daux ceu pa hoik ploi Aux an hu heue. 12Grawh grawng nawh pex tak lih hu tau mai krax pa gaux rhawm mai mawh pa hoik thung ti lih tau mai krax pa nhim heue. Gawng ting mai gawng iak khankix, tak kok yo ti ah lai rhax ka plak sivoe pex mai pang khaox pa koe daux tiag tak dieh taix tix heue. 13Dee koe pang kat lawm khankix, khaox gix tak kwah, dee koe pang kat heeit khaox Muratu tak deeh kwah ti ot, an tak mawh son dee pa doh keud ka ceu kaux Siyiex mai son mhai rug leeing ju, pa tak ang lai mawh pa tat ti tik heue.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012