ISAYAX 43
43
Cao Taoh Pui Isarelax
1Yam in, Siyiex, pa phan maix Yakop, pa mawh Siyiex pa phan Isarelax ah nin, “Paw lhat mawh kheu Aux hoik taoh ka maix. Aux hoik kok maix ka ceu kaux maix, maix mawh cie Aux. 2Yam tiang maix daux rawm, Aux tak ot tau mai maix mai yam tiang rawm klawng tak ang kheem maix, yam hu maix ka daux ngu maix tak ang gleeing mai rao ngu tak ang hax yuh maix. 3Aux Siyiex, pa mawh Siyiex maix, Siyiex pa singax singeh pui Isarelax, Aux hoik tawx meung Ejiptux, mawh ngawh riang taoh ka maix mai Ethiopia mai Sebax sonsang loh maix ka, 4Mawh kheu koe ngawh jum maix ka plak sivoe ngai Aux mai pon min pakngai mai moh ka maix, Aux tom tawx pui sonsang loh maix ka mai tawx ceu pui khankix sonsang loh ju maix ka. 5“Paw lhat heue, mawh kheu ot Aux mai maix, Aux tak viex doeh ru maix hoek khaing plak lih singaix mai Aux tak khrawm maix khaing plak klip singaix. 6Aux tak ah nin, ka caong ma laong ploi heue mai ah nin ka caong ma seh, paw teei tix priex, viex cub kawn simex Aux hoek khaing dee singai mai kawn bun Aux khaing dee sidah sidu haktiex. 7Pa mawh ceu pui pa hoik kok ka daux ceu kaux Aux, mawh pui pa hoik phan Aux ka son min pakngai tix, pa mawh pui hoik phan hoik yuh Aux.” 8Viex pui dug pa koe ngai mai pui lheet pa koe yhaok khankix hoek. 9Kieh ceu pui khawmuik, kum paox tix mai kieh ceu pui khawmuik rom paox tix, mawh pui mawx ka daux sinax kix, pa pon pao grawng in mai jhi ex yaox ceu pa koe sivoe in, kieh kix jhi mhai rug tix, sonsang luan khaing krax prawng ca phan ang mawh nan, kieh kix mhong ah nin, an mawh pa mawh tete.” 10Siyiex ah nin “Pex mawh mhai rug Aux mai siliex pa hoik laug Aux, sonsang tawng maix mai yum rhawm ka Aux mai tawng mawh Aux Siyiex, sivoe Aux ang koe Siyiex pa phan mai khaix Aux kawx tak ang koe. 11Aux mawh Siyiex, lheu khaing Aux, ang koe cao taoh. 12Aux hoik plak jhi mai Aux hoik taoh, Aux hoik krai pao mai siyiex tang kaux tang hak ang lai koe ka daux sinax pex mai pex mawh mhai rug Aux, Siyiex ah nan. 13Sivoe ang singaix sawm nyang koe, Aux hoik dawg mawh Siyiex, ang koe pui rud pex lih khaing daux taix Aux, mawh pui mawx pa pon tieb ka kaing jhaw yuh Aux. 14Pa mawh Siyiex cao pa taoh pex, Siyiex pa singax singeh pui Isarelax ah nin, “Mawh kheu jhak Aux ka plakngai pex, Aux tak ploi pui ka Babulon awm pui to tua, pa mawh pui Khaladie ka daux reu ting, pa hoik sax gaux rhawm kix ka daux. 15Aux mawh Siyiex, pa mawh Siyiex pa singax singeh pex, cao pa phan pui Isarelax, pa mawh simiang pex.” 16Siyiex cao pa phan krax ka daux rawm sigrit sigra mai krax ka sinax rawm pa kied ting riang. 17Cao pa viex ka kru naing brung mai pui naing hoek, kix it tau mai ang lai pon kaoh, hoik laux leeing mai yeet awm keei kawk ngu. 18Siyiex ah nin, “Paw lai keud pa hoik luan mai paw lai tiag cheu ka ceu pa prim. 19Jhak heue, Aux tak sang yuh ceu pa khraox, yam in hoik lih mawh, ang pex nyang yaox lie? Aux tak yuh krax doh ka daux tiag mai rawm klawng ka tiag mhaik. 20Totiag tak tawx min ka Aux, pa mawh sox praix mai sim kala uk khankix, mawh kheu tawx Aux rawm koe daux tiag mai rawm klawng ka tiag mhaik, sonsang tawx rawm nyaux ka pui Aux, pa hoik laug Aux ka. 21Pa mawh pui pa phan Aux son tix. Sonsang yaogyaw kix ka Aux. 22Pui Yakop khankix eue, pex ang lai kok yo ka Aux, pui Isarelax eue mai ang lai rhawm yaox ka Aux. 23Pex ang lai viex yung, sonsang yuh krax tan pa gleeing ka Aux mai ang lai tawx min ka Aux ka daux krax tan pa yuh tix, Aux ang tie kieh pex nyhap mao mai yuh krax tan mai ang lai taug mao kheu tok nyawng bhawng. 24Pex ang sax liag oxmex ka mau tix, sonsang tawx ka Aux mai ang kieh Aux khaw rhawm ka klon bee krax tan tix, viang mawh nan pex hoik kieh Aux cien beeh glawm ka son phimap tix mai pex hoik kieh Aux khi rhawm ka grawng phimap pa yuh tix. 25Aux mawh Siyiex heue, kaw pa hoik preet ka krax phit pex, sonsang yaox ka plakngai cao tix mai Aux tak ang lai doh keud ka phimap pa yuh pex. 26Kieh Aux, doh keud mai kieh ex rom ti tat see tau, krai grawng see pex, sonsang lawd luan pex. 27Keeing pa jah pex dix, hoik yuh phimap mai cao pa gau pex hoik lud ka Aux. 28Mawh kheu nan, Aux tak khlut ti tik ka simiang dee pa singax mai kieh pui Yakop pon krax pa jhax lawg mai pui Isarelax pon pa salao heue.”
Currently Selected:
ISAYAX 43: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
ISAYAX 43
43
Cao Taoh Pui Isarelax
1Yam in, Siyiex, pa phan maix Yakop, pa mawh Siyiex pa phan Isarelax ah nin, “Paw lhat mawh kheu Aux hoik taoh ka maix. Aux hoik kok maix ka ceu kaux maix, maix mawh cie Aux. 2Yam tiang maix daux rawm, Aux tak ot tau mai maix mai yam tiang rawm klawng tak ang kheem maix, yam hu maix ka daux ngu maix tak ang gleeing mai rao ngu tak ang hax yuh maix. 3Aux Siyiex, pa mawh Siyiex maix, Siyiex pa singax singeh pui Isarelax, Aux hoik tawx meung Ejiptux, mawh ngawh riang taoh ka maix mai Ethiopia mai Sebax sonsang loh maix ka, 4Mawh kheu koe ngawh jum maix ka plak sivoe ngai Aux mai pon min pakngai mai moh ka maix, Aux tom tawx pui sonsang loh maix ka mai tawx ceu pui khankix sonsang loh ju maix ka. 5“Paw lhat heue, mawh kheu ot Aux mai maix, Aux tak viex doeh ru maix hoek khaing plak lih singaix mai Aux tak khrawm maix khaing plak klip singaix. 6Aux tak ah nin, ka caong ma laong ploi heue mai ah nin ka caong ma seh, paw teei tix priex, viex cub kawn simex Aux hoek khaing dee singai mai kawn bun Aux khaing dee sidah sidu haktiex. 7Pa mawh ceu pui pa hoik kok ka daux ceu kaux Aux, mawh pui pa hoik phan Aux ka son min pakngai tix, pa mawh pui hoik phan hoik yuh Aux.” 8Viex pui dug pa koe ngai mai pui lheet pa koe yhaok khankix hoek. 9Kieh ceu pui khawmuik, kum paox tix mai kieh ceu pui khawmuik rom paox tix, mawh pui mawx ka daux sinax kix, pa pon pao grawng in mai jhi ex yaox ceu pa koe sivoe in, kieh kix jhi mhai rug tix, sonsang luan khaing krax prawng ca phan ang mawh nan, kieh kix mhong ah nin, an mawh pa mawh tete.” 10Siyiex ah nin “Pex mawh mhai rug Aux mai siliex pa hoik laug Aux, sonsang tawng maix mai yum rhawm ka Aux mai tawng mawh Aux Siyiex, sivoe Aux ang koe Siyiex pa phan mai khaix Aux kawx tak ang koe. 11Aux mawh Siyiex, lheu khaing Aux, ang koe cao taoh. 12Aux hoik plak jhi mai Aux hoik taoh, Aux hoik krai pao mai siyiex tang kaux tang hak ang lai koe ka daux sinax pex mai pex mawh mhai rug Aux, Siyiex ah nan. 13Sivoe ang singaix sawm nyang koe, Aux hoik dawg mawh Siyiex, ang koe pui rud pex lih khaing daux taix Aux, mawh pui mawx pa pon tieb ka kaing jhaw yuh Aux. 14Pa mawh Siyiex cao pa taoh pex, Siyiex pa singax singeh pui Isarelax ah nin, “Mawh kheu jhak Aux ka plakngai pex, Aux tak ploi pui ka Babulon awm pui to tua, pa mawh pui Khaladie ka daux reu ting, pa hoik sax gaux rhawm kix ka daux. 15Aux mawh Siyiex, pa mawh Siyiex pa singax singeh pex, cao pa phan pui Isarelax, pa mawh simiang pex.” 16Siyiex cao pa phan krax ka daux rawm sigrit sigra mai krax ka sinax rawm pa kied ting riang. 17Cao pa viex ka kru naing brung mai pui naing hoek, kix it tau mai ang lai pon kaoh, hoik laux leeing mai yeet awm keei kawk ngu. 18Siyiex ah nin, “Paw lai keud pa hoik luan mai paw lai tiag cheu ka ceu pa prim. 19Jhak heue, Aux tak sang yuh ceu pa khraox, yam in hoik lih mawh, ang pex nyang yaox lie? Aux tak yuh krax doh ka daux tiag mai rawm klawng ka tiag mhaik. 20Totiag tak tawx min ka Aux, pa mawh sox praix mai sim kala uk khankix, mawh kheu tawx Aux rawm koe daux tiag mai rawm klawng ka tiag mhaik, sonsang tawx rawm nyaux ka pui Aux, pa hoik laug Aux ka. 21Pa mawh pui pa phan Aux son tix. Sonsang yaogyaw kix ka Aux. 22Pui Yakop khankix eue, pex ang lai kok yo ka Aux, pui Isarelax eue mai ang lai rhawm yaox ka Aux. 23Pex ang lai viex yung, sonsang yuh krax tan pa gleeing ka Aux mai ang lai tawx min ka Aux ka daux krax tan pa yuh tix, Aux ang tie kieh pex nyhap mao mai yuh krax tan mai ang lai taug mao kheu tok nyawng bhawng. 24Pex ang sax liag oxmex ka mau tix, sonsang tawx ka Aux mai ang kieh Aux khaw rhawm ka klon bee krax tan tix, viang mawh nan pex hoik kieh Aux cien beeh glawm ka son phimap tix mai pex hoik kieh Aux khi rhawm ka grawng phimap pa yuh tix. 25Aux mawh Siyiex heue, kaw pa hoik preet ka krax phit pex, sonsang yaox ka plakngai cao tix mai Aux tak ang lai doh keud ka phimap pa yuh pex. 26Kieh Aux, doh keud mai kieh ex rom ti tat see tau, krai grawng see pex, sonsang lawd luan pex. 27Keeing pa jah pex dix, hoik yuh phimap mai cao pa gau pex hoik lud ka Aux. 28Mawh kheu nan, Aux tak khlut ti tik ka simiang dee pa singax mai kieh pui Yakop pon krax pa jhax lawg mai pui Isarelax pon pa salao heue.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012