ISAYAX 40
40
Pui Siyiex Pon Krax Nyawm Rhawm
1Siyiex pex ah nin, tawx pa nyawm rhawm, tawx pa nyawm rhawm ka pui aux khankix. 2Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix. 3Lox pa kok yo pui ka daux tiagtu, “Khre rien daux krax Siyiex, cox daux krax ting rahsee ka daux tiag son Siyiex ex.#Mat 3:3; Mak 1:3; Yo 1:23 4Daux klawk ku klawk tak sang kieh naog, gawng ku gawng mai ton ku ton tak sang kieh tiem mai pa kawk vawk tak sang kieh see mai krax khluk khlek tak sang kieh plang. 5Min pakngai Siyiex, tak lih hoek mai kawn pui tak yaox tau ku kaux, mawh kheu jheeh Siyiex hoik krai ti deuh.”#Luk 3:4-6 6#1Pe 1:24-25 Lox lih hoek ah nin, “Yiiem heue, “Mai aux ah nin “Aux sang yiiem yuh ka mawx?” Kawn pui kuceu awm rib riem mai krax mhawm grang awm tai ka daux tiag. 7Rib riem an kawx tak kroh, tai kawx tak khrum, yam phlu Siyiex bhaung ka piang an, kawn pui kuceu mawh rib riem tete. 8Rib riem tak kroh mai tai tak khrum, viang mawh nan, gumlox Siyiex ex tak kaux cong leeing ju.#Yak 1:10-11; 1Pe 1:24-25 9Pui viex lox bwan mhawm hoek ka Zion eue, haok piang gawng lhaong, pui viex lox bwan mhawm hoek ka Yerusaliem eue, sau riang tix mai yo lox sinum, yo lox tix paw lhat mai ah nin ka meung Yudax, “Jhak ka Siyiex pex.” 10Jhak heue, Siyiex hoek mai sibrawm mai plawng taix Nawh Cao tak kwang son Nawh Cao mai bwanson koe ka Nawh Cao mai totaix koe sivoe Nawh Cao.#Isa 62:11; Jhi 22:12 11Nawh Cao tak liang phung yung Nawh, awm cao liang yung, Nawh Cao khrawm kawn yung ka plawng taix tix mai kliien ka piang naok tix mai koi thong miex yung pa kawn iak kawn. 12Mawh pui mawx pasax tong ti yaox rawm ka tawm taix tix mai sax tiag ti yaox raoma ka diex tix mai sax tong ti yaox phawng tiex ka khrawng, pasax ciang ti yaox gawng ting ka jiang lie? Mai ciang gawng iak ka daux jiang yoi lie? 13Mawh pui mawx pasax ciied ti yaox ka khwan Siyiex mai gau sawn tawx rhawm keud ka Nawh Cao?#Ro 11:34; 1Kaw 2:16 14Mawh kum Nawh Cao mai pui mawx, sonsang sidawng Nawh Cao ka, pui mawx pasax gau pa rahsee ka Nawh Cao mai gau Nawh ka krax tawng mai jhi Nawh Cao sidawng ka lie? 15Jhak heue, ceu pui kuceu, awm rawm roik jauh khaing pung mai pa simin awm phawng tiex ka piang jiang yoi. Jhak heue, Nawh Cao yaog klawn tiex awm phawng tiex. 16Ang kub yuh khix ka Lebanon mai ang kub yuh krax tan pa gleeing ka totiag. 17Ceu pui khawmuik ang mawh tidtix, ka plak sivoe Nawh Cao mai sawn kix nie lheu iak khaing pa ang mawh tidtix mai mawh pa giex going ka Nawh Cao. 18Mawh pon jhi pex Siyiex awm pui mawx lie? Phan ang mawh nan, mawh pon tiag pex Nawh Cao awm riang pakpeung patix lie? 19Rieng grang mawh pa raug cang lhaw, cao chix kraung mau mawh pa om khri mai pa raug soi mau. 20Pui hot laug ti yuh krax tan ka khaox pa ang chix rham, nawh sawg cang mai pa min sonsang saik riang grang pa ang chix lung lhiang. 21Ang pex tawng mai ang pex sax mhong, mawh ang pui sax krai ka pex tom yam jah mai ang pex sax tawng tom yam jah ti kaw num haktiex lie? 22Nawh Cao mawh pa ngawm ka piang haktiex mai pui pa ot daux haktiex awm sido, Nawh Cao tawm ti deuh raoma awm man tie mai nih ti deuh awm nyiex gox sonsang ot ka daux an. 23Simiang khankix ang kieh mawh tidtix mai kieh cao kwang haktiex khankix mawh pa giex going, 24Yam sum mai yam hoik rhuat ka kix, num kix tak sau riah tix daux tiex, yam phlu Nawh Cao ka piang kix, kix kawx fit hu mai bhaung keukanglux tak phlu kix luan awm kam. 25Siyiex pa singax singeh ah nin maix sang pon jhi ka pui pa awm Aux ka lie? 26Yaog ngai pex jhak ka dee lhaong mai jhak mawh pui mawx, pa phan ka ceu in khankix, Nawh Cao pa singax viex kix hu mai kok ceu kaux kix khawmuik. Ka riang rao pa ting tix, mawh kheu Nawh Cao koe sibrawm, ang koe pa grai tix kaux kawx. 27Pui Yakop eue, yuh patix pex lai ah, pui Isarelax eue, yuh patix pex lai ah nin, “Krax hu aux hoik mox khaing Siyiex mai pa rahsee aux Siyiex ang lai chawk ka.”? 28Ang pex sax tawng mai ang pex sax mhong lie? Siyiex, mawh Siyiex leeing ju, cao pa phan haktiex tom hoek ka num ka rao, Nawh Cao ang awn riang mai ang chix taug chix mao, ang pon sawg ti yaox ka krax tawng yung Nawh Cao. 29Nawh Cao tawx sibrawm ka pui pa taug pa mao mai baox riang ka pui awn riang. 30Viang pui awn ju taug mao mai awn riang kawx mai pui koe riang tak goh pak lawg. 31Pui pa krox jun ka Siyiex, tak koe riang rao khraox, kix tak di pruik tix mai po awm klang krih, kix to kawx ang taug mao mai nawh hu ang awn riang heue.
Currently Selected:
ISAYAX 40: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
ISAYAX 40
40
Pui Siyiex Pon Krax Nyawm Rhawm
1Siyiex pex ah nin, tawx pa nyawm rhawm, tawx pa nyawm rhawm ka pui aux khankix. 2Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix. 3Lox pa kok yo pui ka daux tiagtu, “Khre rien daux krax Siyiex, cox daux krax ting rahsee ka daux tiag son Siyiex ex.#Mat 3:3; Mak 1:3; Yo 1:23 4Daux klawk ku klawk tak sang kieh naog, gawng ku gawng mai ton ku ton tak sang kieh tiem mai pa kawk vawk tak sang kieh see mai krax khluk khlek tak sang kieh plang. 5Min pakngai Siyiex, tak lih hoek mai kawn pui tak yaox tau ku kaux, mawh kheu jheeh Siyiex hoik krai ti deuh.”#Luk 3:4-6 6#1Pe 1:24-25 Lox lih hoek ah nin, “Yiiem heue, “Mai aux ah nin “Aux sang yiiem yuh ka mawx?” Kawn pui kuceu awm rib riem mai krax mhawm grang awm tai ka daux tiag. 7Rib riem an kawx tak kroh, tai kawx tak khrum, yam phlu Siyiex bhaung ka piang an, kawn pui kuceu mawh rib riem tete. 8Rib riem tak kroh mai tai tak khrum, viang mawh nan, gumlox Siyiex ex tak kaux cong leeing ju.#Yak 1:10-11; 1Pe 1:24-25 9Pui viex lox bwan mhawm hoek ka Zion eue, haok piang gawng lhaong, pui viex lox bwan mhawm hoek ka Yerusaliem eue, sau riang tix mai yo lox sinum, yo lox tix paw lhat mai ah nin ka meung Yudax, “Jhak ka Siyiex pex.” 10Jhak heue, Siyiex hoek mai sibrawm mai plawng taix Nawh Cao tak kwang son Nawh Cao mai bwanson koe ka Nawh Cao mai totaix koe sivoe Nawh Cao.#Isa 62:11; Jhi 22:12 11Nawh Cao tak liang phung yung Nawh, awm cao liang yung, Nawh Cao khrawm kawn yung ka plawng taix tix mai kliien ka piang naok tix mai koi thong miex yung pa kawn iak kawn. 12Mawh pui mawx pasax tong ti yaox rawm ka tawm taix tix mai sax tiag ti yaox raoma ka diex tix mai sax tong ti yaox phawng tiex ka khrawng, pasax ciang ti yaox gawng ting ka jiang lie? Mai ciang gawng iak ka daux jiang yoi lie? 13Mawh pui mawx pasax ciied ti yaox ka khwan Siyiex mai gau sawn tawx rhawm keud ka Nawh Cao?#Ro 11:34; 1Kaw 2:16 14Mawh kum Nawh Cao mai pui mawx, sonsang sidawng Nawh Cao ka, pui mawx pasax gau pa rahsee ka Nawh Cao mai gau Nawh ka krax tawng mai jhi Nawh Cao sidawng ka lie? 15Jhak heue, ceu pui kuceu, awm rawm roik jauh khaing pung mai pa simin awm phawng tiex ka piang jiang yoi. Jhak heue, Nawh Cao yaog klawn tiex awm phawng tiex. 16Ang kub yuh khix ka Lebanon mai ang kub yuh krax tan pa gleeing ka totiag. 17Ceu pui khawmuik ang mawh tidtix, ka plak sivoe Nawh Cao mai sawn kix nie lheu iak khaing pa ang mawh tidtix mai mawh pa giex going ka Nawh Cao. 18Mawh pon jhi pex Siyiex awm pui mawx lie? Phan ang mawh nan, mawh pon tiag pex Nawh Cao awm riang pakpeung patix lie? 19Rieng grang mawh pa raug cang lhaw, cao chix kraung mau mawh pa om khri mai pa raug soi mau. 20Pui hot laug ti yuh krax tan ka khaox pa ang chix rham, nawh sawg cang mai pa min sonsang saik riang grang pa ang chix lung lhiang. 21Ang pex tawng mai ang pex sax mhong, mawh ang pui sax krai ka pex tom yam jah mai ang pex sax tawng tom yam jah ti kaw num haktiex lie? 22Nawh Cao mawh pa ngawm ka piang haktiex mai pui pa ot daux haktiex awm sido, Nawh Cao tawm ti deuh raoma awm man tie mai nih ti deuh awm nyiex gox sonsang ot ka daux an. 23Simiang khankix ang kieh mawh tidtix mai kieh cao kwang haktiex khankix mawh pa giex going, 24Yam sum mai yam hoik rhuat ka kix, num kix tak sau riah tix daux tiex, yam phlu Nawh Cao ka piang kix, kix kawx fit hu mai bhaung keukanglux tak phlu kix luan awm kam. 25Siyiex pa singax singeh ah nin maix sang pon jhi ka pui pa awm Aux ka lie? 26Yaog ngai pex jhak ka dee lhaong mai jhak mawh pui mawx, pa phan ka ceu in khankix, Nawh Cao pa singax viex kix hu mai kok ceu kaux kix khawmuik. Ka riang rao pa ting tix, mawh kheu Nawh Cao koe sibrawm, ang koe pa grai tix kaux kawx. 27Pui Yakop eue, yuh patix pex lai ah, pui Isarelax eue, yuh patix pex lai ah nin, “Krax hu aux hoik mox khaing Siyiex mai pa rahsee aux Siyiex ang lai chawk ka.”? 28Ang pex sax tawng mai ang pex sax mhong lie? Siyiex, mawh Siyiex leeing ju, cao pa phan haktiex tom hoek ka num ka rao, Nawh Cao ang awn riang mai ang chix taug chix mao, ang pon sawg ti yaox ka krax tawng yung Nawh Cao. 29Nawh Cao tawx sibrawm ka pui pa taug pa mao mai baox riang ka pui awn riang. 30Viang pui awn ju taug mao mai awn riang kawx mai pui koe riang tak goh pak lawg. 31Pui pa krox jun ka Siyiex, tak koe riang rao khraox, kix tak di pruik tix mai po awm klang krih, kix to kawx ang taug mao mai nawh hu ang awn riang heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012