ISAYAX 23
23
Pa Grux Krai Ka Veng Turux
1Grawng pa plak jhi ka veng Turux mawh nin, #Yez 26:1—28:19; Yol 3:4-8; Amo 1:9-10; Zak 9:1-4; Mat 11:21-22; Luk 10:13-14pa mawh cub reu ting veng Turux khankix eue, koe krax ngia krax ngheeik, grawh grawng nawh, an mawh pa hoik laux hoik leeing, tom ang nyiex ot mai dee bang reu ting khankix lai koe heue. In mawh satang pa mhong khaing meung Khiten heue. 2Can pui pa ot hawt baoh praok rawm sigrit sigra, pa mawh cao lai cao geu veng Sidon pa tiang ti hoek khaing plak rawm sigrit sigra pa hoik mawh pa grum naog khankix eue, kieh ot yiien yawg tix heue. 3Keun pa pon maix khaing simie si-un khaing rawm klawng Shihawrax mai plix nghox koi hawt rawm klawng Nilax khankix, maix mawh cao lai geu son meung haktiex khankix heue. 4Veng Sidon eue, koe krax kaig tua ka liak! grawh grawng nawh, rawm sigrit sigra pa ting hoik ah lox tix, riang rao rawm sigrit sigra ah nin aux ang sax yuh kaing mai ang sax keh kawn mai aux ang sax eei pui awn ju khankix mai ang sax priex kawn bunkrih ting heue. 5Yam hoek grawng lox satang an ka meung Ejiptux, kix tak baox koe krax pa khi rhawm ka grawng satang veng Turux heue. 6Tiang tix hu ka plak toi veng Tasux! pex pa ot hawt baoh praok rawm sigrit sigra khankix eue, koe krax ngia krax ngheeik heue. 7In mawh veng pa gaux rhawm pex mai mawh pa pang ti deuh tom yam jah dix, caong nawh hoik viex nawh hu pan hu peung dee singai lie? 8Mawh pui mawx pa hoik teei ti priex krax pa keud pa sawn in ka veng Turux mawh veng pa chix tawx mhok khri min plakngai, cao lai geu nawh khankix mawh pui pa ting lhaong ka piang haktiex heue. Mawh pui mawx pa keud pa yuh nin ka piang veng Turux lie? 9Mawh Siyiex cao kru naing raoma pa hoik keud hoik sawn ti deuh, sonsang kieh min pakngai pui pa ting rhawm ca nyhau khankix koe krax kaig tua mai sonsang kieh min pakngai pui pa ting lhaong ka piang haktiex hoek ka daux krax pa yeen tiiem heue. 10Kawn bun veng Tasux eue, deeh ing tah hu ka haktiex maix awm rawm klawng Nilax, maox rawd nyoi riang rao maix ang lai baox koe heue. 11Nawh Cao hoik nyeu taix tix ka piang rawm sigrit sigra, Nawh Cao hoik yung yang meung haktiex khawmuik heue. Siyiex hoik tawx gumlox ka piang meung Khanan, sonsang yuh laux leeing ka dee pa kaux cong nawh khankix heue. 12Nawh Cao baox ah nin maix pa mawh kawn bun krih veng Sidon pa hoik yaox krax pa kha rhawm eue maix tak lai baox koe krax gaux rhawm heue. Kaoh mai tiang ti hu ka haktiex Saiprat maix tak ang lai baox yaox ti koe krax pa laux lee tix tan heue. 13Jhak ti yaox ka haktiex ceu pui Khaladie khankix liak! ceu pui an hoik mawh pa ang sax koe tom yam an heue. Haktiex an mawh pa hoik pang simiang haktiex Asurix ti deuh son pui pa ot daux tiagtu heue. Kix hoik deeh sum nyiex tab lhaong nawh khankix, kix hoik kieh nyiex haw simiang nawh khankix, hoek daux krax pa laux leeing khawmuik heue. 14Pex pa mawh cub reu sang phaw veng Tasux khankix eue, koe krax pa ngia pa ngheeik heue. Grawh grawng nawh, dee pa kaux cong maix hoik mawh pa laux leeing heue.
15Ka daux singaix an, veng Turux tak mawh pa piawm atixgliah num, awm koe baux ju simiang tix kaux heue. Yam hoik sidah atixgliah num, an tak mawh pa lih ti koe ka veng Turux awm pa koe ka daux lai rhax bun coh kaux heue. 16Maix pa mawh bun coh kaux pa hoik piawm tix eue, teei ting hu lailing ka daux veng, kieh lox rhax mawh pa mhawm, rhax lai tom nie, sonsang deeh kieh pui doh keud ka maix heue. 17Khaix hoik sidah atixgliah num, Siyiex tak deeh kia ngien ka veng Turux, nawh tak sang deeh pon ka ngawh rao, yuh lai geu tau mai meung haktiex pa koe ka piang ca haktiex heue. 18Rao pa pon nawh mai ngawh pa pon nawh khankix, tak mawh pa tang gwieh ti deuh son Siyiex, an tak ang pon ti mawh pa priex tix awm sinngao mai ang pon ti kieh mawh pa khrawm ti deuh heue. Grawh grawng nawh, rao pa pon nawh tak mawh son pui an kix pa ot sivoe Siyiex, sonsang ih tom sak mai sonsang ceep kraung pa kaux heue.
Currently Selected:
ISAYAX 23: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
ISAYAX 23
23
Pa Grux Krai Ka Veng Turux
1Grawng pa plak jhi ka veng Turux mawh nin, #Yez 26:1—28:19; Yol 3:4-8; Amo 1:9-10; Zak 9:1-4; Mat 11:21-22; Luk 10:13-14pa mawh cub reu ting veng Turux khankix eue, koe krax ngia krax ngheeik, grawh grawng nawh, an mawh pa hoik laux hoik leeing, tom ang nyiex ot mai dee bang reu ting khankix lai koe heue. In mawh satang pa mhong khaing meung Khiten heue. 2Can pui pa ot hawt baoh praok rawm sigrit sigra, pa mawh cao lai cao geu veng Sidon pa tiang ti hoek khaing plak rawm sigrit sigra pa hoik mawh pa grum naog khankix eue, kieh ot yiien yawg tix heue. 3Keun pa pon maix khaing simie si-un khaing rawm klawng Shihawrax mai plix nghox koi hawt rawm klawng Nilax khankix, maix mawh cao lai geu son meung haktiex khankix heue. 4Veng Sidon eue, koe krax kaig tua ka liak! grawh grawng nawh, rawm sigrit sigra pa ting hoik ah lox tix, riang rao rawm sigrit sigra ah nin aux ang sax yuh kaing mai ang sax keh kawn mai aux ang sax eei pui awn ju khankix mai ang sax priex kawn bunkrih ting heue. 5Yam hoek grawng lox satang an ka meung Ejiptux, kix tak baox koe krax pa khi rhawm ka grawng satang veng Turux heue. 6Tiang tix hu ka plak toi veng Tasux! pex pa ot hawt baoh praok rawm sigrit sigra khankix eue, koe krax ngia krax ngheeik heue. 7In mawh veng pa gaux rhawm pex mai mawh pa pang ti deuh tom yam jah dix, caong nawh hoik viex nawh hu pan hu peung dee singai lie? 8Mawh pui mawx pa hoik teei ti priex krax pa keud pa sawn in ka veng Turux mawh veng pa chix tawx mhok khri min plakngai, cao lai geu nawh khankix mawh pui pa ting lhaong ka piang haktiex heue. Mawh pui mawx pa keud pa yuh nin ka piang veng Turux lie? 9Mawh Siyiex cao kru naing raoma pa hoik keud hoik sawn ti deuh, sonsang kieh min pakngai pui pa ting rhawm ca nyhau khankix koe krax kaig tua mai sonsang kieh min pakngai pui pa ting lhaong ka piang haktiex hoek ka daux krax pa yeen tiiem heue. 10Kawn bun veng Tasux eue, deeh ing tah hu ka haktiex maix awm rawm klawng Nilax, maox rawd nyoi riang rao maix ang lai baox koe heue. 11Nawh Cao hoik nyeu taix tix ka piang rawm sigrit sigra, Nawh Cao hoik yung yang meung haktiex khawmuik heue. Siyiex hoik tawx gumlox ka piang meung Khanan, sonsang yuh laux leeing ka dee pa kaux cong nawh khankix heue. 12Nawh Cao baox ah nin maix pa mawh kawn bun krih veng Sidon pa hoik yaox krax pa kha rhawm eue maix tak lai baox koe krax gaux rhawm heue. Kaoh mai tiang ti hu ka haktiex Saiprat maix tak ang lai baox yaox ti koe krax pa laux lee tix tan heue. 13Jhak ti yaox ka haktiex ceu pui Khaladie khankix liak! ceu pui an hoik mawh pa ang sax koe tom yam an heue. Haktiex an mawh pa hoik pang simiang haktiex Asurix ti deuh son pui pa ot daux tiagtu heue. Kix hoik deeh sum nyiex tab lhaong nawh khankix, kix hoik kieh nyiex haw simiang nawh khankix, hoek daux krax pa laux leeing khawmuik heue. 14Pex pa mawh cub reu sang phaw veng Tasux khankix eue, koe krax pa ngia pa ngheeik heue. Grawh grawng nawh, dee pa kaux cong maix hoik mawh pa laux leeing heue.
15Ka daux singaix an, veng Turux tak mawh pa piawm atixgliah num, awm koe baux ju simiang tix kaux heue. Yam hoik sidah atixgliah num, an tak mawh pa lih ti koe ka veng Turux awm pa koe ka daux lai rhax bun coh kaux heue. 16Maix pa mawh bun coh kaux pa hoik piawm tix eue, teei ting hu lailing ka daux veng, kieh lox rhax mawh pa mhawm, rhax lai tom nie, sonsang deeh kieh pui doh keud ka maix heue. 17Khaix hoik sidah atixgliah num, Siyiex tak deeh kia ngien ka veng Turux, nawh tak sang deeh pon ka ngawh rao, yuh lai geu tau mai meung haktiex pa koe ka piang ca haktiex heue. 18Rao pa pon nawh mai ngawh pa pon nawh khankix, tak mawh pa tang gwieh ti deuh son Siyiex, an tak ang pon ti mawh pa priex tix awm sinngao mai ang pon ti kieh mawh pa khrawm ti deuh heue. Grawh grawng nawh, rao pa pon nawh tak mawh son pui an kix pa ot sivoe Siyiex, sonsang ih tom sak mai sonsang ceep kraung pa kaux heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012