LIH HU 20
20
Lox Pingnyap Kao Gum
(Pi 5:1-21)
1Siyiex leeing ju krai gumlox inkix khawmuik ah nin, 2“Aux mawh Siyiex maix, pa viex maix lih khaing haktiex Ejiptux mai khaing daux dee mawh maix siliex.” 3“Lheu khaing Aux maix tak ang pon ti krub ka Siyiex tang kaux. 4“Maix tak ang pon ti yuh riang grang tix ceu kawx son tokaux tix, pa awm grang pakpeung pa koe daux raoma mai pa koe piang haktiex, phan ang mawh nan, can ceu pa koe daux rawm greem haktiex khankix kawx, ang pon ti yuh, 5“Maix tak ang pon ti krub mai yuh kaing son kix, #Lih 34:17; Krub 19:4, 26:1; Pi 4:15-18, 27:15 mawh kheu Aux mawh Siyiex maix, mawh Siyiex pa bak pa viang mai pa deeh viied phimap keeing pex khankix, ka piang kawn praix nawh tom hoek loe ju mai pon ju, ka doeh ru maix mai can pui pa koeng ka Aux.” 6Viang mawh nan, Aux tak jhi krax caux rhawm tix ka pui pa moh ka Aux mai can pui pa priex ti hawt gumlox mukheu Aux khankix tom hoek kaing rheng ju pui.#Lih 34:6, 7; Si 14:18; Pi 7:9-10 7“Maix tak ang pon ti kok ceu kaux Siyiex maix giex going.#Krub 19:12 Pui pa kok ka ceu kaux Siyiex giex going Siyiex tak ang deuh nawh mawh pa ang koe phimap. 8“Doh keud ka singaix twah mai een singax singeh.”#Lih 16:23-30, 31:12-14 9Maix tak coca ti yuh kaing yuh tix khawmuik daux liah singaix. 10Daux singaix aliah, mawh singaix twah Siyiex maix, maix tak ang pon yuh kaing tix ceu kawx#Lih 23:12, 31:15, 34:21, 35:2; Krub 23:3 daux singaix an maix, kawn simex kawn bun maix, kawncau simex kawncau bun maix, khawm to brie maix, khawm nyo sinie pa ot daux siviex maix khawmuik, 11Mawh kheu Siyiex hoik phan raoma mai haktiex, rawm sigrit sigra mai can pa koe daux nawh khawmuik, liah singaix laux lee tix ka daux aliah singaix, mawh kheu Siyiex nawb bwan ka singaix twah mai kieh mawh singaix pa singax singeh heue.#Jah 2:1-3; Lih 31:17 12“Yungyi ka miex keeing tix, #Pi 27:16; Mat 15:4, 19:19; Mak 7:10, 10:19; Luk 18:20; Efe 6:2 sonsang mhawm ka maix mai sonsang lang ju maix ka piang haktiex pa tawx Siyiex ka maix.”#Efe 6:3 13“Maix tak ang pon ti pah pui yum.”#Jah 9:6; Krub 24:17; Mat 5:21, 19:18; Mak 10:19; Luk 18:20; Ro 13:9; Yak 2:11 14“Ang pon ti phit vao mai moeng kawn pui.”#Krub 20:10; Mat 5:27, 19:18; Mak 10:19; Luk 18:20; Ro 13:9; Yak 2:11 15“Ang pon ti briex.”#Krub 19:11; Mat 19:18; Mak 10:19; Luk 18:20; Ro 13:9 16“Ang pon tix kham sakse pa ang mawh meh ka paox plawg tix.”#Lih 23:1; Mat 19:18; Mak 10:19; Luk 18:20 17“Maix tak ang pon ti ghoing#Ro 7:7, 13:9 ka nyiex ma paox plawg tix, ang pon ti ghoing ka moeng paox plawg tix, kawncau simex kawncau bun nawh, mawie nawh, la nawh mai can ceu pa mawh cie paox plawg maix tix ceu kawx heue.”
Grawng Lhat Ka Siyiex
(Pi 5:22-33)
18Yam mhong pui khankix sinum praix mai pluk plak praix mai lox teet tawng mai taox ngu khaing daux gawng, pui khankix lhat graung siyaung mai cung dee singai, 19mai kix ah nin ka Mose, “Maix sikah ka yix, yix tak sang nghiet lox maix, paw kieh Siyiex sikah tau mai yix liak, phan ang mawh nan, yix tak yum ka.”#He 12:18-19 20“Mose ah nin ka pui khankix, “Paw lhat graung, mawh kheu Siyiex hoek ti cheuk cheu ka pex sonsang lhat graung pex ka Nawh Cao mai sonsang ang pex yuh phimap.” 21Pui khankix cung dee singai, viang mawh nan Mose greed tix dex ka dee pu ceep paiawm ka dee ot Siyiex.
Khu Dee Tan
22Siyiex ah nin ka Mose, “Maix tak ah nin ka pui Isarelax khankix. Pex hoik yaox sikah Aux tau mai khaing daux raoma. 23Maix tak ang pon ti yuh riang siyiex mau mai riang siyiex khri son tokaux tix lheu khaing Aux. 24Maix tak yuh khu dee tan ka tiex son Aux mai maix tak tan krax tan pa gleeing mai krax tan pa nhim, pa mawh yung mai mawie tix ka piang an, ka dah dee deuh Aux min ceu kaux tix kudah, Aux tak hoek ti nawb bwan ka maix. 25Phan maix yuh khu dee tan simaox son Aux maix tak ang pon ti yuh ka simaox#Krub 27:5-7; Yaw 8:31 pa hoik bre ti mhawm mhawm, phan maix yuh ka kraung taix pa shiao ti ka simaox an maix hoik kieh nawh seeing brai. 26Maix tak ang pon ti haok ka khu dee tan ka bawng, sonsang ang krax kakaong maix sidawng piang an heue.
Currently Selected:
LIH HU 20: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
LIH HU 20
20
Lox Pingnyap Kao Gum
(Pi 5:1-21)
1Siyiex leeing ju krai gumlox inkix khawmuik ah nin, 2“Aux mawh Siyiex maix, pa viex maix lih khaing haktiex Ejiptux mai khaing daux dee mawh maix siliex.” 3“Lheu khaing Aux maix tak ang pon ti krub ka Siyiex tang kaux. 4“Maix tak ang pon ti yuh riang grang tix ceu kawx son tokaux tix, pa awm grang pakpeung pa koe daux raoma mai pa koe piang haktiex, phan ang mawh nan, can ceu pa koe daux rawm greem haktiex khankix kawx, ang pon ti yuh, 5“Maix tak ang pon ti krub mai yuh kaing son kix, #Lih 34:17; Krub 19:4, 26:1; Pi 4:15-18, 27:15 mawh kheu Aux mawh Siyiex maix, mawh Siyiex pa bak pa viang mai pa deeh viied phimap keeing pex khankix, ka piang kawn praix nawh tom hoek loe ju mai pon ju, ka doeh ru maix mai can pui pa koeng ka Aux.” 6Viang mawh nan, Aux tak jhi krax caux rhawm tix ka pui pa moh ka Aux mai can pui pa priex ti hawt gumlox mukheu Aux khankix tom hoek kaing rheng ju pui.#Lih 34:6, 7; Si 14:18; Pi 7:9-10 7“Maix tak ang pon ti kok ceu kaux Siyiex maix giex going.#Krub 19:12 Pui pa kok ka ceu kaux Siyiex giex going Siyiex tak ang deuh nawh mawh pa ang koe phimap. 8“Doh keud ka singaix twah mai een singax singeh.”#Lih 16:23-30, 31:12-14 9Maix tak coca ti yuh kaing yuh tix khawmuik daux liah singaix. 10Daux singaix aliah, mawh singaix twah Siyiex maix, maix tak ang pon yuh kaing tix ceu kawx#Lih 23:12, 31:15, 34:21, 35:2; Krub 23:3 daux singaix an maix, kawn simex kawn bun maix, kawncau simex kawncau bun maix, khawm to brie maix, khawm nyo sinie pa ot daux siviex maix khawmuik, 11Mawh kheu Siyiex hoik phan raoma mai haktiex, rawm sigrit sigra mai can pa koe daux nawh khawmuik, liah singaix laux lee tix ka daux aliah singaix, mawh kheu Siyiex nawb bwan ka singaix twah mai kieh mawh singaix pa singax singeh heue.#Jah 2:1-3; Lih 31:17 12“Yungyi ka miex keeing tix, #Pi 27:16; Mat 15:4, 19:19; Mak 7:10, 10:19; Luk 18:20; Efe 6:2 sonsang mhawm ka maix mai sonsang lang ju maix ka piang haktiex pa tawx Siyiex ka maix.”#Efe 6:3 13“Maix tak ang pon ti pah pui yum.”#Jah 9:6; Krub 24:17; Mat 5:21, 19:18; Mak 10:19; Luk 18:20; Ro 13:9; Yak 2:11 14“Ang pon ti phit vao mai moeng kawn pui.”#Krub 20:10; Mat 5:27, 19:18; Mak 10:19; Luk 18:20; Ro 13:9; Yak 2:11 15“Ang pon ti briex.”#Krub 19:11; Mat 19:18; Mak 10:19; Luk 18:20; Ro 13:9 16“Ang pon tix kham sakse pa ang mawh meh ka paox plawg tix.”#Lih 23:1; Mat 19:18; Mak 10:19; Luk 18:20 17“Maix tak ang pon ti ghoing#Ro 7:7, 13:9 ka nyiex ma paox plawg tix, ang pon ti ghoing ka moeng paox plawg tix, kawncau simex kawncau bun nawh, mawie nawh, la nawh mai can ceu pa mawh cie paox plawg maix tix ceu kawx heue.”
Grawng Lhat Ka Siyiex
(Pi 5:22-33)
18Yam mhong pui khankix sinum praix mai pluk plak praix mai lox teet tawng mai taox ngu khaing daux gawng, pui khankix lhat graung siyaung mai cung dee singai, 19mai kix ah nin ka Mose, “Maix sikah ka yix, yix tak sang nghiet lox maix, paw kieh Siyiex sikah tau mai yix liak, phan ang mawh nan, yix tak yum ka.”#He 12:18-19 20“Mose ah nin ka pui khankix, “Paw lhat graung, mawh kheu Siyiex hoek ti cheuk cheu ka pex sonsang lhat graung pex ka Nawh Cao mai sonsang ang pex yuh phimap.” 21Pui khankix cung dee singai, viang mawh nan Mose greed tix dex ka dee pu ceep paiawm ka dee ot Siyiex.
Khu Dee Tan
22Siyiex ah nin ka Mose, “Maix tak ah nin ka pui Isarelax khankix. Pex hoik yaox sikah Aux tau mai khaing daux raoma. 23Maix tak ang pon ti yuh riang siyiex mau mai riang siyiex khri son tokaux tix lheu khaing Aux. 24Maix tak yuh khu dee tan ka tiex son Aux mai maix tak tan krax tan pa gleeing mai krax tan pa nhim, pa mawh yung mai mawie tix ka piang an, ka dah dee deuh Aux min ceu kaux tix kudah, Aux tak hoek ti nawb bwan ka maix. 25Phan maix yuh khu dee tan simaox son Aux maix tak ang pon ti yuh ka simaox#Krub 27:5-7; Yaw 8:31 pa hoik bre ti mhawm mhawm, phan maix yuh ka kraung taix pa shiao ti ka simaox an maix hoik kieh nawh seeing brai. 26Maix tak ang pon ti haok ka khu dee tan ka bawng, sonsang ang krax kakaong maix sidawng piang an heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012