KAWNCAU 21
21
Pawlux Hu Ka Veng Yerusaliem
1Khaix hoik pon preeng ex ti gwieh khaing kix, ex brug reu hu ka klawn tiex Kawsax rahsee mai ngaix pasax hoek ka klawn tiex Rawdax mai yaog khaing tan hoek ka veng Patarax heue. 2Kheu yaox ex reu pa sang hu ka meung Phinit, ex laig ka reu an mai baox brug hu heue. 3Yam hoek dee pon ex ti yaox klawn tiex Kuparux, ex grham klawn tiex an plak khawn gwiex mai brug reu hu ka meung Surix. Mai paung ka veng Turux, mawh kheu sang teei kraung lih khaing daux reu an tan heue. 4Khaix hoik sawg ex ti yaox kawncau mau soi khankix, ex ot tan aliah ngaix mai kix ne Pawlux ka daux Khuan son ang nawh sang hu ka veng Yerusaliem heue. 5Yam hoik naog singaix ex khankix tan, ex lih hu mai kawncau mau soi khankix, khawm moeng khawm kawn kix khawmuik, hu tawx ex tom hoek plak praix veng mai ex grux ngawng tix ka caong raog tan mai rawg bwan mai ah lox gwieh ka paox tix tan heue. 6Ex haok piang reu mai kix deeh ing ka nyiex kix heue. 7Khaix hoik sidah brug ex reu hoek khaing veng Turux mai hoek ka veng Patalemie, ex nawb bwan ka puxaik khankix mai ot tan tix ngaix heue. 8Ngaix pasax ex lih hu mai hoek ka veng Kesarix mai laig ka daux nyiex Philipux,#Cau 6:5, 8:5 pa mawh cao sidiex, ka daux kix aliah kaux tix kaux, ex ot tau mai nawh heue. 9Pui in koe kawn bun pa mawh bunkrih pon kaux pa chix krai lox jhai heue. 10Yam kawn ot ex tan ngaix tix blah, cao jhai tix kaux, pa kaux Akabu lih hoek khaing meung Yudax,#Cau 11:28 11Hoek ka ex mai nawh teei maox rhawt nyoi Pawlux mai phyawk caong phyawk taix tokaux tix kah ah nin, “Khuan Singax Singeh ah ceu in, Pui pa mawh cao maox rhawt nyoi in, pui Yudax khankix tak phyawk awm in ka daux veng Yerusaliem mai teei ti tawx nawh ka daux tawm taix pui tang ceu khankix heue.” 12Yam hoik mhong ex lox ceu in, ex khawm pui pa ot dee an khyox khaw ka nawh son ang nawh sang haok hu ka veng Yerusaliem heue. 13Yam an Pawlux deeh pawk ah nin, “Kheu pex lai yiiem mai kieh rhawm aux laux ka? Mawh kheu aux hoik rien ti pon kham geu pa phyawk ngie ang mawh, viang mawh phan tak lai yum son ceu kaux Simiang Yesux ka veng Yerusaliem kawx pon tix heue.” 14Yam ang nawh nghiet lox nyaw glaw, ex glaik ti ah nin, “Kieh mawh alo pa khaw rhawm Simiang heue.” 15Khaix ngaix inkix, ex khre kraung tix mai haok hu ka veng Yerusaliem heue. 16Viang mawh kawncau mau soi khaing veng Kesarix tix blah kawx hu mai ex mai tawx ex ka Manason pui Kuparu, pa hoik dawg mawh kawncau, sonsang tum ex tau mai nawh heue.
Pawlux Hu Fi Ka Yakop
17Yam hoek ex ka veng Yerusaliem, puxaik khankix gaux rhawm mai rieb ti teei ex heue. 18Yam hoek ngaix pasax Pawlux laig tau mai ex ka nyiex Yakop mai pui bung kaing ceucao khawmuik kawx ot tan heue. 19Khaix hoik nawb Pawlux bwan ka kix, nawh krai grawng tix ceu hoik tix ceu pa hoik yuh Siyiex ka sinax pui tang ceu, ka daux kaing sidiex pa hoik yuh nawh heue. 20Yam hoik mhong kix grawng an, yaogyaw Siyiex mai ah nin ka nawh, “Puxaik eue maix tawng grawng pui pa yum rhawm ka daux pui Yudax koe miex mheen miex rheng mai kix khawmuik mawh pa nied ti hawt twah lox lai beenli. 21Pui hoik krai kix mhong grawng maix, grawng sidiex maix ka pui Yudax khawmuik, pa ot ka sinax pui tang ceu, sonsang tik ka Mose mai nhie kix paw pat hak kawn praix kix mai viang mawh been khankix kawx nhie paw hawt heue. 22Mawh kheu in khaw ti yuh ka mawx? Kix tee sang mhong grawng hoek maix tete heue. 23Mawh kheu nan yuh awm pa krai ex ka maix. Ex koe pui pon kaux tin pa ot greem lox tiex tu, 24teei kix mai hu yuh kieh tokaux maix singax tau mai kix mai tawx ngawh son kix, sonsang pon khlao kaing kix, #Si 6:13-21phan yuh nan khawmuik tak pon ti tawng, grawng lox pa hoik mhong kix grawng maix, ang mawh pa mawh meh mai grawng tokaux maix kawx, twah klaung mai priex ti hawt lox lai beenli heue. 25Viang mawh nan ex hoik tiiem lai ka pui tang ceu pa hoik yum rhawm khankix, prawng ca tawx nhie kix paw dex paw teeh ka riang grang mai khaing nham, khaing ceu pa hoik rawd ghok mai khaing pa lud vao heue.”#Cau 15:29 26Ngaix pasax Pawlux teei pui an kix, yuh ti kieh tokaux tix singax tau mai kix, laig ka daux nyiex bwan mai krai grawng hoik naog singaix pa kieh singax khankix, tom hoik tan son kix ku kaux daux pui heue.
Giex Pawlux Daux Nyiex Bwan
27Yam hoik dex naog aliah ngaix an, pui Yudax khankix pa kaoh khaing meung Asix, yaox Pawlux ka daux nyiex bwan, cheeik ka cub pui hun mai giex nawh, 28mai yo ah nin, “Pui Isarelax khankix eue, teem yix liak, mawh pui in pa gau ka pui khawmuik ku dah dee, sonsang koeng ka pui ceu ex mai ka lox lai beenli mai ka dee in mai lheu khaing an viang mawh pui Helasax kawx nawh hoik viex laig ka daux nyiex bwan mai hoik kieh dee singax singeh in seeing brai heue.” 29Mawh kheu sivoe an, kix hoik yaox nawh ka daux veng an, tau mai Trawphimux,#Cau 20:4 pa mawh pui Efesux, kix tom ce Pawlux hoik viex kaw an laig daux nyiex bwan heue. 30Pui veng an khawm veng lulax mai khrawm tix to hoek tau mai giex Pawlux mai reu nawh lih plak praix nyiex bwan mai klab siviex dom mawx dom an heue. 31Yam sawg kix ti teei nawh yum, cao giex kaing naing piang pui tix rheng, pon lox grawng sung sang veng Yerusaliem khawmuik heue. 32Dom mawx dom an nawh teei pui naing mai cao giex kaing naing greem nawh khankix mai to lih hu ka kix heue. Yam yaox kix cao giex kaing naing pa ting mai pui naing khankix, kix bloi bleue pa tap Pawlux heue. 33Yam cao giex kaing naing pa ting an hoek dex, nawh giex Pawlux mai tawx lox sonsang phyawk nawh ka ceng ra nyaing mai chawk ah nin, “Kaw in mawh mawx? mai nawh hoik yuh pa yuh ka mawx?” 34Pui daux cub pui an, tix blah yo tix ceu mai tang kaux tix blah yo tang ceu mai yam ang nawh pon tawng grawng sidawng, kheu lox lawh maw, nawh tawx lox nhie kix viex Pawlux hu ka dee ot pui naing heue. 35Yam hoek Pawlux piang bawng, kheu kied nieb yuh cub pui khankix, pui naing khankix tom kliien nawh hu heue. 36Mawh kheu cub pui hun hawt khaix mai yo ah nin, “Teei ti tik nawh heue.”
Pawlux Krai Lox Tiebtie
37Yam dex viex Pawlux laig ka daux dee ot pui naing, nawh chawk ka cao giex kaing naing pa ting ah nin, “Khex pon krai aux lox ka maix ceeix lie?” Cao giex kaing naing an chawk ah nin, “Chix maix lox Helasax lie? 38Phan mawh nan ang maix mawh pui Ejiptux pa hoik cheeik kieh pui tieh feen mai thong kix pon rheng pa mawh pui pa plaux pui yum hu daux tiagtu, bawg yam singaix glang ka in khankix lie?” 39Pawlux deeh ah nin, “Aux mawh pui Yudax, pa mawh pui veng Tasux meung Kiliki, aux mawh pui veng pa ang lak law tix mawh veng mai aux khyox khaw ka maix, kieh aux sikah ka pui khankix liak.” 40Khaix hoik tawx cao giex kaing naing an akhwang ka nawh, Pawlux cung piang bawng mai yuh pui khankix yaox ka taix tix mai khaix hoik yiien singiet, nawh sikah ka kix, ka lox Hebrie ah nin,
Currently Selected:
KAWNCAU 21: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
KAWNCAU 21
21
Pawlux Hu Ka Veng Yerusaliem
1Khaix hoik pon preeng ex ti gwieh khaing kix, ex brug reu hu ka klawn tiex Kawsax rahsee mai ngaix pasax hoek ka klawn tiex Rawdax mai yaog khaing tan hoek ka veng Patarax heue. 2Kheu yaox ex reu pa sang hu ka meung Phinit, ex laig ka reu an mai baox brug hu heue. 3Yam hoek dee pon ex ti yaox klawn tiex Kuparux, ex grham klawn tiex an plak khawn gwiex mai brug reu hu ka meung Surix. Mai paung ka veng Turux, mawh kheu sang teei kraung lih khaing daux reu an tan heue. 4Khaix hoik sawg ex ti yaox kawncau mau soi khankix, ex ot tan aliah ngaix mai kix ne Pawlux ka daux Khuan son ang nawh sang hu ka veng Yerusaliem heue. 5Yam hoik naog singaix ex khankix tan, ex lih hu mai kawncau mau soi khankix, khawm moeng khawm kawn kix khawmuik, hu tawx ex tom hoek plak praix veng mai ex grux ngawng tix ka caong raog tan mai rawg bwan mai ah lox gwieh ka paox tix tan heue. 6Ex haok piang reu mai kix deeh ing ka nyiex kix heue. 7Khaix hoik sidah brug ex reu hoek khaing veng Turux mai hoek ka veng Patalemie, ex nawb bwan ka puxaik khankix mai ot tan tix ngaix heue. 8Ngaix pasax ex lih hu mai hoek ka veng Kesarix mai laig ka daux nyiex Philipux,#Cau 6:5, 8:5 pa mawh cao sidiex, ka daux kix aliah kaux tix kaux, ex ot tau mai nawh heue. 9Pui in koe kawn bun pa mawh bunkrih pon kaux pa chix krai lox jhai heue. 10Yam kawn ot ex tan ngaix tix blah, cao jhai tix kaux, pa kaux Akabu lih hoek khaing meung Yudax,#Cau 11:28 11Hoek ka ex mai nawh teei maox rhawt nyoi Pawlux mai phyawk caong phyawk taix tokaux tix kah ah nin, “Khuan Singax Singeh ah ceu in, Pui pa mawh cao maox rhawt nyoi in, pui Yudax khankix tak phyawk awm in ka daux veng Yerusaliem mai teei ti tawx nawh ka daux tawm taix pui tang ceu khankix heue.” 12Yam hoik mhong ex lox ceu in, ex khawm pui pa ot dee an khyox khaw ka nawh son ang nawh sang haok hu ka veng Yerusaliem heue. 13Yam an Pawlux deeh pawk ah nin, “Kheu pex lai yiiem mai kieh rhawm aux laux ka? Mawh kheu aux hoik rien ti pon kham geu pa phyawk ngie ang mawh, viang mawh phan tak lai yum son ceu kaux Simiang Yesux ka veng Yerusaliem kawx pon tix heue.” 14Yam ang nawh nghiet lox nyaw glaw, ex glaik ti ah nin, “Kieh mawh alo pa khaw rhawm Simiang heue.” 15Khaix ngaix inkix, ex khre kraung tix mai haok hu ka veng Yerusaliem heue. 16Viang mawh kawncau mau soi khaing veng Kesarix tix blah kawx hu mai ex mai tawx ex ka Manason pui Kuparu, pa hoik dawg mawh kawncau, sonsang tum ex tau mai nawh heue.
Pawlux Hu Fi Ka Yakop
17Yam hoek ex ka veng Yerusaliem, puxaik khankix gaux rhawm mai rieb ti teei ex heue. 18Yam hoek ngaix pasax Pawlux laig tau mai ex ka nyiex Yakop mai pui bung kaing ceucao khawmuik kawx ot tan heue. 19Khaix hoik nawb Pawlux bwan ka kix, nawh krai grawng tix ceu hoik tix ceu pa hoik yuh Siyiex ka sinax pui tang ceu, ka daux kaing sidiex pa hoik yuh nawh heue. 20Yam hoik mhong kix grawng an, yaogyaw Siyiex mai ah nin ka nawh, “Puxaik eue maix tawng grawng pui pa yum rhawm ka daux pui Yudax koe miex mheen miex rheng mai kix khawmuik mawh pa nied ti hawt twah lox lai beenli. 21Pui hoik krai kix mhong grawng maix, grawng sidiex maix ka pui Yudax khawmuik, pa ot ka sinax pui tang ceu, sonsang tik ka Mose mai nhie kix paw pat hak kawn praix kix mai viang mawh been khankix kawx nhie paw hawt heue. 22Mawh kheu in khaw ti yuh ka mawx? Kix tee sang mhong grawng hoek maix tete heue. 23Mawh kheu nan yuh awm pa krai ex ka maix. Ex koe pui pon kaux tin pa ot greem lox tiex tu, 24teei kix mai hu yuh kieh tokaux maix singax tau mai kix mai tawx ngawh son kix, sonsang pon khlao kaing kix, #Si 6:13-21phan yuh nan khawmuik tak pon ti tawng, grawng lox pa hoik mhong kix grawng maix, ang mawh pa mawh meh mai grawng tokaux maix kawx, twah klaung mai priex ti hawt lox lai beenli heue. 25Viang mawh nan ex hoik tiiem lai ka pui tang ceu pa hoik yum rhawm khankix, prawng ca tawx nhie kix paw dex paw teeh ka riang grang mai khaing nham, khaing ceu pa hoik rawd ghok mai khaing pa lud vao heue.”#Cau 15:29 26Ngaix pasax Pawlux teei pui an kix, yuh ti kieh tokaux tix singax tau mai kix, laig ka daux nyiex bwan mai krai grawng hoik naog singaix pa kieh singax khankix, tom hoik tan son kix ku kaux daux pui heue.
Giex Pawlux Daux Nyiex Bwan
27Yam hoik dex naog aliah ngaix an, pui Yudax khankix pa kaoh khaing meung Asix, yaox Pawlux ka daux nyiex bwan, cheeik ka cub pui hun mai giex nawh, 28mai yo ah nin, “Pui Isarelax khankix eue, teem yix liak, mawh pui in pa gau ka pui khawmuik ku dah dee, sonsang koeng ka pui ceu ex mai ka lox lai beenli mai ka dee in mai lheu khaing an viang mawh pui Helasax kawx nawh hoik viex laig ka daux nyiex bwan mai hoik kieh dee singax singeh in seeing brai heue.” 29Mawh kheu sivoe an, kix hoik yaox nawh ka daux veng an, tau mai Trawphimux,#Cau 20:4 pa mawh pui Efesux, kix tom ce Pawlux hoik viex kaw an laig daux nyiex bwan heue. 30Pui veng an khawm veng lulax mai khrawm tix to hoek tau mai giex Pawlux mai reu nawh lih plak praix nyiex bwan mai klab siviex dom mawx dom an heue. 31Yam sawg kix ti teei nawh yum, cao giex kaing naing piang pui tix rheng, pon lox grawng sung sang veng Yerusaliem khawmuik heue. 32Dom mawx dom an nawh teei pui naing mai cao giex kaing naing greem nawh khankix mai to lih hu ka kix heue. Yam yaox kix cao giex kaing naing pa ting mai pui naing khankix, kix bloi bleue pa tap Pawlux heue. 33Yam cao giex kaing naing pa ting an hoek dex, nawh giex Pawlux mai tawx lox sonsang phyawk nawh ka ceng ra nyaing mai chawk ah nin, “Kaw in mawh mawx? mai nawh hoik yuh pa yuh ka mawx?” 34Pui daux cub pui an, tix blah yo tix ceu mai tang kaux tix blah yo tang ceu mai yam ang nawh pon tawng grawng sidawng, kheu lox lawh maw, nawh tawx lox nhie kix viex Pawlux hu ka dee ot pui naing heue. 35Yam hoek Pawlux piang bawng, kheu kied nieb yuh cub pui khankix, pui naing khankix tom kliien nawh hu heue. 36Mawh kheu cub pui hun hawt khaix mai yo ah nin, “Teei ti tik nawh heue.”
Pawlux Krai Lox Tiebtie
37Yam dex viex Pawlux laig ka daux dee ot pui naing, nawh chawk ka cao giex kaing naing pa ting ah nin, “Khex pon krai aux lox ka maix ceeix lie?” Cao giex kaing naing an chawk ah nin, “Chix maix lox Helasax lie? 38Phan mawh nan ang maix mawh pui Ejiptux pa hoik cheeik kieh pui tieh feen mai thong kix pon rheng pa mawh pui pa plaux pui yum hu daux tiagtu, bawg yam singaix glang ka in khankix lie?” 39Pawlux deeh ah nin, “Aux mawh pui Yudax, pa mawh pui veng Tasux meung Kiliki, aux mawh pui veng pa ang lak law tix mawh veng mai aux khyox khaw ka maix, kieh aux sikah ka pui khankix liak.” 40Khaix hoik tawx cao giex kaing naing an akhwang ka nawh, Pawlux cung piang bawng mai yuh pui khankix yaox ka taix tix mai khaix hoik yiien singiet, nawh sikah ka kix, ka lox Hebrie ah nin,
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012