N%FAmeros 30
30
Atb'al tzij chrij i sujunik
1Ma Moisés xub'ij chke i kaj-atzil i jalajuj taq tzob'aj aj Israel:
Iri are xutaq ub'ixkil i Ajwal. 2Jun winaq we xu'an jun sujunik xaq we lik kub'ij pub'i i Ajwal, lik rajwaxik uri ku'an na pacha i xub'ij le xaq ronojel ni'pa i xusujuj.
3Jun ali, we k'a o chuqul uqajaw, we xu'an jun sujunik xaq we xuya rib' chu'anik jun b'iroxik chwach i Ajwal, 4we xretamaj uqajaw chi xu'an jun sujunik chwach i Ajwal xwiri we xu'atij taj, i ali le lik o uri chuqul ku'an ni uri ronojel chrij pacha i xusujuj xaq chrij wach xuya rib' chu'anik. 5Xwiri are kretamaj uqajaw, we xu'atij chuya'ik usipon xaq wach uya'om rib' chu'anik, i Ajwal ku'an ti chik pen uri utz'onoxik.
6Jun ali we u'anom jun sujunik xaq we uya'om rib' chu'anik jun b'iroxik chwach i Dios we' uwach, xwiri we xk'uli'ik, 7we xretamaj rachijil chi i rixoqil u'anom jun sujunik chwach i Ajwal, xwiri we xu'atij taj, i ixoq le lik o uri chuqul u'anik ronojel, chrij pacha i xusujuj xaq chrij wach xuya rib' chu'anik. 8Xwiri are kretamaj i rachijil, we xu'atij chuya'ik usipon xaq ni'pa uya'om rib' chu'anik are kk'achirik, lik kelsax uri chuqul uya'ik xaq i Ajwal ku'an ti chik pen utz'onoxik i sujunik le che.
9Jun ixoq we malkan xaq we jachtalik, we ku'an jun sujunik xaq we kuya rib' chu'anik jun b'iroxik chwach i Ajwal, lik o uri chuqul u'anik ronojel ni'pa xusujuj.
10Jun ixoq k'ulanik, i o prachoch i rachijil, we ku'an jun sujunik o we kub'ij pub'i i Ajwal, 11xwiri we xretamaj i rachijil, i ixoqil le chi u'anom jun sujunik xaq ni'pa xuya rib' chu'anik chwach i Ajwal, xwiri we xu'atij taj, i ixoq le lik o uri chuqul chu'anik ronojel ni'pa i sujunik chi xu'ano. 12Xwiri are kretamaj i rachijil we xu'atij chuya'ik usipon xaq wach ub'im pub'i i Ajwal i ixoq le nti chik uri chuqul chu'anik ronojel ni'pa xusujuj, man i rachijil xu'atij che. Xaq i Ajwal ku'an ti chik pen uri utz'onoxik i sipon le.
13I achi pu'ab' o wi ub'ixkil che i rixoqil we ku'ano o we ku'an ti i sujunik xaq i u'anik ni'pa i xub'ij pub'i i Ajwal, xaq lik pu'ab' o wi utaqik chumayixik uwa'im re ku'anb'ej utz'onb'enik chwach i Dios. 14We xik'aw keb' oxib' ij, i achi we nti ub'im che rixoqil, ke'el uri chi kuya che i rixoqil chi ku'an ronojel ni'pa usujum. 15Xwiri we i achi, nab'e kuya che rixoqil chi ku'ano wach usujum, te'uri ku'atij tan chik chu'anik usujunik chwach i Ajwal are ik'awnaq chik keb' oxib' ij, lik chuqul ire uri kkanaj wi umak rixoqil chwach i Ajwal.
16Are i atb'al tzij ile chi xuya i Ajwal che ma Moisés re jun ixoq ru' i rachijil, xaq re jun apoj ali chi k'a o ru' uqajaw.
Currently Selected:
N%FAmeros 30: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
N%FAmeros 30
30
Atb'al tzij chrij i sujunik
1Ma Moisés xub'ij chke i kaj-atzil i jalajuj taq tzob'aj aj Israel:
Iri are xutaq ub'ixkil i Ajwal. 2Jun winaq we xu'an jun sujunik xaq we lik kub'ij pub'i i Ajwal, lik rajwaxik uri ku'an na pacha i xub'ij le xaq ronojel ni'pa i xusujuj.
3Jun ali, we k'a o chuqul uqajaw, we xu'an jun sujunik xaq we xuya rib' chu'anik jun b'iroxik chwach i Ajwal, 4we xretamaj uqajaw chi xu'an jun sujunik chwach i Ajwal xwiri we xu'atij taj, i ali le lik o uri chuqul ku'an ni uri ronojel chrij pacha i xusujuj xaq chrij wach xuya rib' chu'anik. 5Xwiri are kretamaj uqajaw, we xu'atij chuya'ik usipon xaq wach uya'om rib' chu'anik, i Ajwal ku'an ti chik pen uri utz'onoxik.
6Jun ali we u'anom jun sujunik xaq we uya'om rib' chu'anik jun b'iroxik chwach i Dios we' uwach, xwiri we xk'uli'ik, 7we xretamaj rachijil chi i rixoqil u'anom jun sujunik chwach i Ajwal, xwiri we xu'atij taj, i ixoq le lik o uri chuqul u'anik ronojel, chrij pacha i xusujuj xaq chrij wach xuya rib' chu'anik. 8Xwiri are kretamaj i rachijil, we xu'atij chuya'ik usipon xaq ni'pa uya'om rib' chu'anik are kk'achirik, lik kelsax uri chuqul uya'ik xaq i Ajwal ku'an ti chik pen utz'onoxik i sujunik le che.
9Jun ixoq we malkan xaq we jachtalik, we ku'an jun sujunik xaq we kuya rib' chu'anik jun b'iroxik chwach i Ajwal, lik o uri chuqul u'anik ronojel ni'pa xusujuj.
10Jun ixoq k'ulanik, i o prachoch i rachijil, we ku'an jun sujunik o we kub'ij pub'i i Ajwal, 11xwiri we xretamaj i rachijil, i ixoqil le chi u'anom jun sujunik xaq ni'pa xuya rib' chu'anik chwach i Ajwal, xwiri we xu'atij taj, i ixoq le lik o uri chuqul chu'anik ronojel ni'pa i sujunik chi xu'ano. 12Xwiri are kretamaj i rachijil we xu'atij chuya'ik usipon xaq wach ub'im pub'i i Ajwal i ixoq le nti chik uri chuqul chu'anik ronojel ni'pa xusujuj, man i rachijil xu'atij che. Xaq i Ajwal ku'an ti chik pen uri utz'onoxik i sipon le.
13I achi pu'ab' o wi ub'ixkil che i rixoqil we ku'ano o we ku'an ti i sujunik xaq i u'anik ni'pa i xub'ij pub'i i Ajwal, xaq lik pu'ab' o wi utaqik chumayixik uwa'im re ku'anb'ej utz'onb'enik chwach i Dios. 14We xik'aw keb' oxib' ij, i achi we nti ub'im che rixoqil, ke'el uri chi kuya che i rixoqil chi ku'an ronojel ni'pa usujum. 15Xwiri we i achi, nab'e kuya che rixoqil chi ku'ano wach usujum, te'uri ku'atij tan chik chu'anik usujunik chwach i Ajwal are ik'awnaq chik keb' oxib' ij, lik chuqul ire uri kkanaj wi umak rixoqil chwach i Ajwal.
16Are i atb'al tzij ile chi xuya i Ajwal che ma Moisés re jun ixoq ru' i rachijil, xaq re jun apoj ali chi k'a o ru' uqajaw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala