Josu%E9 5
5
I k'ijib'al chila Gilgal
1Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.
2Che taq i ij le i Ajwal xub'ij che ma Josué: “Cha'ana jub'an kuchil ab'aj chi lik o uware, te'uri chakojo chik i circuncisión chke konojel achiyab' aj Israel.”
3Are u'ankil uri chi ma Josué xu'an jub'an kuchil ab'aj, te'uri xu'an i circuncisión chke konojel achiyab' aj Israel, chila tzam jyub' Aralot. 4Xki'an i circuncisión le chke man i achiyab' chi je yij che i ch'oj chi xe'el li pa Egipto, xekam kan pa taq b'e pa tz'inilik jyub' chaqij. 5Tupu konojel ike le chi xe'el li pa Egipto, antal chik i circuncisión chke, xwiri konojel ni'pa xealax pa taq b'e pa tz'inilik jyub' chaqij, ike le antal ti circuncisión le chke. 6I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik. 7Rumali ma Josué xu'an i circuncisión chke i kak'al achiyab' le chi je alab'om, ile are xeuya kan i Ajwal pkik'exel kiqajaw man ike le antal ti circuncisión chke man rumal je o pa taq b'e. 8Are antal chik i circuncisión chke, xek'iji ni chila ipa je o wi, lik k'a xeutzir na. 9Are uri i Ajwal xub'ij che ma Josué: Ru' ukojik i circuncisión chke achiyab' le, xwesaj i k'ixb'alil chi aj Egipto kiya'om chiwe. Rumal ile chi k'ijib'al le Gilgal ub'i wo'or.
10Are xqaj i ij che i ij kajlajuj re i nab'e ik', tz'aqat je uxlannaq chwa ta'aj Jericó i aj Israel xki'an i nima'ij Pascua. 11Chukab' ij are xik'aw i nima'ij Pascua, i winaq xkijeq utzuqik kib' che uwach i tikon aj chila Canaán, xkitij i wa chi nti kunb'al ru' chi re paxb'al uwach i wa, xaq xkitij i k'ilim trigo. 12Che i ij le xumayij li tzaqik i maná, are uri xkijeq utzuqik kib' i aj Israel che uwach i tikon aj chila Canaán, are u'ankil uri chi xkitij ti chik i maná; lik are uwach i tikon aj chila Canaán xkijeq utijawik che i junab' le.
I ma Josué xaq i aj-atzil ke i achiyab' chi je yij che i ch'oj re i Ajwal
13Xuk'ulmaj che jun ij are naqaj o wi ma Josué che i tinimit Jericó, xaqte'et xrilo chi tak'al pan jun achi chwach rok'am jun ch'ich' pu'ab', are uri ma Josué xtejeb' pan ru', xutz'onoj che:
—¿At qachi'il nawi o xa at kachi'il i je ajch'oj chqij? —Xcha.
14I achi le xula' uwach che:
—Mijun inya'om inwach ru', yin in kaj-atzil i je ajch'oj chikaj chi re i Ajwal —xcha.
Are uri ma Josué xxuki'ik, xuqajsaj upalaj k'a chwach ulew kojb'al re u'ij, te'uri xutz'onoj che:
—Nim laj winaq ¿Wach i taqanik awok'am li yet che awajchaki?
15I kaj-atzil i je ajch'oj chikaj chi re i Ajwal xub'ij che ma Josué:
—Chawesaj axajab' che awaqan man ipa at tak'al wi lik elsam re i Ajwal.
Ma Josué lik keje ile xu'ano.
Currently Selected:
Josu%E9 5: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
Josu%E9 5
5
I k'ijib'al chila Gilgal
1Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.
2Che taq i ij le i Ajwal xub'ij che ma Josué: “Cha'ana jub'an kuchil ab'aj chi lik o uware, te'uri chakojo chik i circuncisión chke konojel achiyab' aj Israel.”
3Are u'ankil uri chi ma Josué xu'an jub'an kuchil ab'aj, te'uri xu'an i circuncisión chke konojel achiyab' aj Israel, chila tzam jyub' Aralot. 4Xki'an i circuncisión le chke man i achiyab' chi je yij che i ch'oj chi xe'el li pa Egipto, xekam kan pa taq b'e pa tz'inilik jyub' chaqij. 5Tupu konojel ike le chi xe'el li pa Egipto, antal chik i circuncisión chke, xwiri konojel ni'pa xealax pa taq b'e pa tz'inilik jyub' chaqij, ike le antal ti circuncisión le chke. 6I Dios usujum te'eq chke i katit kimam i aj Israel chi kuya jun utz laj ulew chke man chila che i ulew le lik o i leche xaq uwa'al kab' lik keje pacha i ya kb'inik. Xwiri i aj Israel chi xe'el li pa Egipto xkiqel i Ajwal. Rumali Ire xusaqij chke chi kkil ti uwach i ulew le. Rumali xeb'aytaj kawinaq (40) junab' pa tz'inilik jyub' chaqij, rumali konojel achiyab' chi je yij te'eq che i ch'oj are xe'el Egipto ya je kamnaq chik. 7Rumali ma Josué xu'an i circuncisión chke i kak'al achiyab' le chi je alab'om, ile are xeuya kan i Ajwal pkik'exel kiqajaw man ike le antal ti circuncisión chke man rumal je o pa taq b'e. 8Are antal chik i circuncisión chke, xek'iji ni chila ipa je o wi, lik k'a xeutzir na. 9Are uri i Ajwal xub'ij che ma Josué: Ru' ukojik i circuncisión chke achiyab' le, xwesaj i k'ixb'alil chi aj Egipto kiya'om chiwe. Rumal ile chi k'ijib'al le Gilgal ub'i wo'or.
10Are xqaj i ij che i ij kajlajuj re i nab'e ik', tz'aqat je uxlannaq chwa ta'aj Jericó i aj Israel xki'an i nima'ij Pascua. 11Chukab' ij are xik'aw i nima'ij Pascua, i winaq xkijeq utzuqik kib' che uwach i tikon aj chila Canaán, xkitij i wa chi nti kunb'al ru' chi re paxb'al uwach i wa, xaq xkitij i k'ilim trigo. 12Che i ij le xumayij li tzaqik i maná, are uri xkijeq utzuqik kib' i aj Israel che uwach i tikon aj chila Canaán, are u'ankil uri chi xkitij ti chik i maná; lik are uwach i tikon aj chila Canaán xkijeq utijawik che i junab' le.
I ma Josué xaq i aj-atzil ke i achiyab' chi je yij che i ch'oj re i Ajwal
13Xuk'ulmaj che jun ij are naqaj o wi ma Josué che i tinimit Jericó, xaqte'et xrilo chi tak'al pan jun achi chwach rok'am jun ch'ich' pu'ab', are uri ma Josué xtejeb' pan ru', xutz'onoj che:
—¿At qachi'il nawi o xa at kachi'il i je ajch'oj chqij? —Xcha.
14I achi le xula' uwach che:
—Mijun inya'om inwach ru', yin in kaj-atzil i je ajch'oj chikaj chi re i Ajwal —xcha.
Are uri ma Josué xxuki'ik, xuqajsaj upalaj k'a chwach ulew kojb'al re u'ij, te'uri xutz'onoj che:
—Nim laj winaq ¿Wach i taqanik awok'am li yet che awajchaki?
15I kaj-atzil i je ajch'oj chikaj chi re i Ajwal xub'ij che ma Josué:
—Chawesaj axajab' che awaqan man ipa at tak'al wi lik elsam re i Ajwal.
Ma Josué lik keje ile xu'ano.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala