Josu%E9 1
1
Usik'ixik ma Josué rumal i Dios
1Are kamnaq chik mam Moisés chi rajchak i Ajwal, are uri i Ajwal xch'aw che ma Josué, chi rak'al ma Nun, i ma Josué le chi xaq xterej chrij etz mam Moisés chu'anik i chak, xub'ij che:
2I wajchak chi mam Moisés kamnaq chik; rumali wo'or, yet keawok'aj intinimit, chiyijb'a iwib' che i axik che i ya Jordán, man kixupon ni che i ulew chi insujum chiwe yix ix aj Israel. 3Man Yin insujum ulew le che etz mam Moisés, rumali iwe yix ronojel ipa kixik'aw wi. 4Kjeqan li uchi' iwulew le pa tz'inilik jyub' chaqij, kupon k'a che i tzam taq jyub' Líbano, xaq kjeqan chali chuchi' i nim laj ya Éufrates, ru' ronojel kulew i je aj Het, k'a chuchi' i nim laj mar Mediterráneo chila puqajb'al ij. 5Ronojel ij re ak'aslemal mijun uri katuch'ako, keje pacha rok'axik etz mam Moisés xin-ano xaq keje awok'axik yet ile kin-an na, lik katwo'taj taj. 6Chakowij ak'ux xaq chakowij awach, man yet kajach ni ulew le chke i winaq, pacha xinsujuj chke kiqajaw kichuch. 7Pacha xinb'ij chawe, xwi chakowij ak'ux xaq chakowij awach, xaq chatkojon che ronojel i atb'al tzij chi uya'om kan etz mam Moisés chawe, chi wajchak, majek' awib' che i atb'al tzij le, mitene pa wiqab'im xaq mitene pa moxim, man xwi keje ile katel utz uri ru' xaipa kat-e wi. 8Arewi chawajlaj uwach intzij inpixab', xaq mamayij ub'ixkil, lik are ile chach'ob'o chipa'ij chicha'ab', xaq cha'ana ronojel wach i kub'ij, man keje ile ronojel ni'pa i ka'ano, katel ni utz ru'. 9Inb'im ti b'ari chawe chi chakowij ak'ux xaq lik chakowij awach. Maxij awib' xaq mb'a'krij ak'ux man Yin chi in Awajwal Dios in o awu' xaipa kat-e wi; keje ile xub'ij i Ajwal che ma Josué.
Ma Josué kuyijb'a rib' re uch'akik ulew
10Are uri ma Josué xuya jun taqanik chke i kaj-atzil aj Israel, xub'ij chke: 11“Jix chila ipa je o wi i winaq wo'or, chib'ij chke chi chkiyijb'a kiwa man pa oxib' ij panoq kqa'axuj i ya Jordán, man keje ile kojjeqi ni chwach ulew chi kuya i Qajwal Dios chqe. Keje ile xub'ij chke i kaj-atzil aj Israel.”
12Xaq xub'ij chke umuq uxikin ma Rubén, umuq uxikin i ma Gad, xaq nik'aj chke umuq uxikin ma Manasés:
13—Chk'un chik'ux wach ix utaqom kan etz mam Moisés chu'anik, chi rajchak i Dios, are xub'ij: I Ajwal chi i Dios yix kuya ni ulewi chiwe man keje ile kixuxlanik. 14Cheiya kan iwixoqil, iwak'al xaq ichikop, chi chwach ulewi, chi xuya kan etz mam Moisés chiwe che uchi' i raqana Jordán ipa oj o wi ri. Xwiri yix chi ix achiyab' chi ix yij che i ch'oj, rajwaxik kixnab'ej b'i chkiwach iwatz icha' tob'al ke, are kki'axuj i ya Jordán. 15I Ajwal k'a kuya ni i k'ijib'al re uxlanem chke iwatz icha' le, pacha u'anom chiwe yix, xaq k'a ketiki ni chumajik ulew chi usujum i Ajwal Dios chke. Te'uri, utz kixtzalij chub'i yix chwach iwulew xaq kixjeqi ni chwach, chi uya'om kan etz mam Moisés chiwe chila che uchi' raqana Jordán, prelb'al ij. Keje ile xub'ij ma Josué chke.
16Ike xkila' uwach che ma Josué, xkib'ij:
—Yoj kqa'an ni ronojel ni'pa i xojataq che xaq xaipa kojataq wi b'ik, koj-e na. 17Pacha qakojonik te'eq che etz mam Moisés xaq keje qakojonik uri ile chawe yet, xwi kqaj chi Ajwal Dios katrachi'ilaj pacha x-on che i etz mam Moisés chi lik xro'taj taj. 18Xapachin kuqel ronojel ataqanik xaq we kkojon ti che i atzij, kkamsax ni uri; yet xwi chakowij ak'ux xaq chakowij awach —xecha che ma Josué.
Currently Selected:
Josu%E9 1: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
Josu%E9 1
1
Usik'ixik ma Josué rumal i Dios
1Are kamnaq chik mam Moisés chi rajchak i Ajwal, are uri i Ajwal xch'aw che ma Josué, chi rak'al ma Nun, i ma Josué le chi xaq xterej chrij etz mam Moisés chu'anik i chak, xub'ij che:
2I wajchak chi mam Moisés kamnaq chik; rumali wo'or, yet keawok'aj intinimit, chiyijb'a iwib' che i axik che i ya Jordán, man kixupon ni che i ulew chi insujum chiwe yix ix aj Israel. 3Man Yin insujum ulew le che etz mam Moisés, rumali iwe yix ronojel ipa kixik'aw wi. 4Kjeqan li uchi' iwulew le pa tz'inilik jyub' chaqij, kupon k'a che i tzam taq jyub' Líbano, xaq kjeqan chali chuchi' i nim laj ya Éufrates, ru' ronojel kulew i je aj Het, k'a chuchi' i nim laj mar Mediterráneo chila puqajb'al ij. 5Ronojel ij re ak'aslemal mijun uri katuch'ako, keje pacha rok'axik etz mam Moisés xin-ano xaq keje awok'axik yet ile kin-an na, lik katwo'taj taj. 6Chakowij ak'ux xaq chakowij awach, man yet kajach ni ulew le chke i winaq, pacha xinsujuj chke kiqajaw kichuch. 7Pacha xinb'ij chawe, xwi chakowij ak'ux xaq chakowij awach, xaq chatkojon che ronojel i atb'al tzij chi uya'om kan etz mam Moisés chawe, chi wajchak, majek' awib' che i atb'al tzij le, mitene pa wiqab'im xaq mitene pa moxim, man xwi keje ile katel utz uri ru' xaipa kat-e wi. 8Arewi chawajlaj uwach intzij inpixab', xaq mamayij ub'ixkil, lik are ile chach'ob'o chipa'ij chicha'ab', xaq cha'ana ronojel wach i kub'ij, man keje ile ronojel ni'pa i ka'ano, katel ni utz ru'. 9Inb'im ti b'ari chawe chi chakowij ak'ux xaq lik chakowij awach. Maxij awib' xaq mb'a'krij ak'ux man Yin chi in Awajwal Dios in o awu' xaipa kat-e wi; keje ile xub'ij i Ajwal che ma Josué.
Ma Josué kuyijb'a rib' re uch'akik ulew
10Are uri ma Josué xuya jun taqanik chke i kaj-atzil aj Israel, xub'ij chke: 11“Jix chila ipa je o wi i winaq wo'or, chib'ij chke chi chkiyijb'a kiwa man pa oxib' ij panoq kqa'axuj i ya Jordán, man keje ile kojjeqi ni chwach ulew chi kuya i Qajwal Dios chqe. Keje ile xub'ij chke i kaj-atzil aj Israel.”
12Xaq xub'ij chke umuq uxikin ma Rubén, umuq uxikin i ma Gad, xaq nik'aj chke umuq uxikin ma Manasés:
13—Chk'un chik'ux wach ix utaqom kan etz mam Moisés chu'anik, chi rajchak i Dios, are xub'ij: I Ajwal chi i Dios yix kuya ni ulewi chiwe man keje ile kixuxlanik. 14Cheiya kan iwixoqil, iwak'al xaq ichikop, chi chwach ulewi, chi xuya kan etz mam Moisés chiwe che uchi' i raqana Jordán ipa oj o wi ri. Xwiri yix chi ix achiyab' chi ix yij che i ch'oj, rajwaxik kixnab'ej b'i chkiwach iwatz icha' tob'al ke, are kki'axuj i ya Jordán. 15I Ajwal k'a kuya ni i k'ijib'al re uxlanem chke iwatz icha' le, pacha u'anom chiwe yix, xaq k'a ketiki ni chumajik ulew chi usujum i Ajwal Dios chke. Te'uri, utz kixtzalij chub'i yix chwach iwulew xaq kixjeqi ni chwach, chi uya'om kan etz mam Moisés chiwe chila che uchi' raqana Jordán, prelb'al ij. Keje ile xub'ij ma Josué chke.
16Ike xkila' uwach che ma Josué, xkib'ij:
—Yoj kqa'an ni ronojel ni'pa i xojataq che xaq xaipa kojataq wi b'ik, koj-e na. 17Pacha qakojonik te'eq che etz mam Moisés xaq keje qakojonik uri ile chawe yet, xwi kqaj chi Ajwal Dios katrachi'ilaj pacha x-on che i etz mam Moisés chi lik xro'taj taj. 18Xapachin kuqel ronojel ataqanik xaq we kkojon ti che i atzij, kkamsax ni uri; yet xwi chakowij ak'ux xaq chakowij awach —xecha che ma Josué.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala