Isa%EDas 66
66
Yajanik chrij ukojik u'ij i dios chi saqil taj
1I Ajwal kub'ij:
“I kaj are inkub'ib'al chi o u'ij
xaq i ulew are ipa kintak'b'a wi waqan”.
¿Ipa nawi kiyak wi jun wachoch?
¿Ipa nawi ki'an wi jun ink'ijib'al re wuxlanb'al?
2¡Man Yin xin-anaw ronojel ni'pa i b'iroxiki,
rumali xkitikb'a winaqirik!
Yin, chi in Ajwal, xinb'ij ile.
I winaq chi kinkoj retalil Yin,
are i nib'a' xaq i kb'ison uk'ux
chi kuya u'ij intzij.
3Xwiri o jujun chi kkikamsaj jun toro
xaq lik kkikamsaj jun winaq;
kkiwor puqul jun chij, xaq kki'oqij uqul jun tz'i.
Kkisujuj sipon ch'irajil xaq ukik'el jun aq;
kkiporoj i pom xaq kkikoj u'ij jun tiox.
Ni'pa i xki'ul u'anik i anik le chi lik ch'am taj,
lik qus kkil u'anik ronojel ile.
4Xaq yin kin-ul ni uyej chi kinya chke ike,
xaq kink'am na li pkiwi ni'pa ile chi lik kkixij kib' che.
Man xeinsik'ij xwiri mijun xula' uwach chwe,
xinch'awik xwiri mijun xinuta,
xki'an ni'pa i kwaj ti yin,
are i xki'ul ronojel ni'pa tzel kwil yin.
U'atik tzij xaq i kiranik
5Chitatb'ej utzij i Ajwal,
yix chi kiya u'ij utzij:
Man o jujun iwach aj tinimit yix, chi ktitat kipam chiwe,
chi kixkiterb'ej rumal kikuxtaj kinataj inb'i yin, kkib'ij:
“Chi i Ajwal chuk'utu u'ij uchomal;
kqaj kqilo we lik kixkikotik.” Kecha.
Xwiri ike le lik ktze'ex ni kipalaj.
6I pacha uch'awb'al i jab' le chi kpe pa tinimit,
i wojojik le chi kpe prachoch i Ajwal,
ile are i wojojik chi ku'an i Ajwal
yab'al re wach kmajaw chke i je ajch'oj chrij.
7I tinimit Sion xalan che jun jo'taj tan
chuxe'el uk'axk'ol i alanik.
8¿Pachin utom chi uk'ulmam laj keje pacha ile?
¿Pachin rilom u'anik laj xaqjun pacha ile?
¿Kalax b'ari jun nim laj tinimit xa che jun ij?
¿Kalax b'ari jun tinimit che jun jo'taj tan?
Xwiri i tinimit Sion are xutikb'a una'ik uk'axk'ol,
juntir xeralaj i rak'al.
9¿Xatab'a kin-atij yin i alaxik le,
man lik yin neri kin-anaw i alanik?
Are i Awajwal Dios xb'iw ile.
10Chixkikot ru' i tinimit Jerusalén,
xaq lik china i kikotemal pik'ux ru' ire, iwonojel yix chi k'ax kina'o,
chiya iwach ru' ukikotemal
iwonojel yix chi ix o'naq che.
11Ire, are pacha jun chuchxel,
keutzuq ni ru' ukub'saxik kik'ux
k'a kenoj na.
12Man Yin, chi in Ajwal, kinb'ij:
Yin kin-an na chi i chomb'al ib' kk'un ni puwi ire
pacha jun raqana,
xaq i b'eyomal ke i nimaq taq tinimit kk'un ni puwi
pacha jun nim laj ya chi lik kb'alk'atik.
Ire kixutzuq ni yix, kixu'aluj na
xaq kixuch'uch'a ni chwi uch'ek.
13Pacha jun chuchxel chi kukub'saj uk'ux i rak'al,
keje ukub'saxik ik'ux yix ile kin-an yin,
xaq kiriq ni kub'sab'al ik'ux pa tinimit Jerusalén.
14Yix are kiwil ile, ik'ux lik kkikot na;
i ich'akul k-on ni chik k'ak' pacha utux ichaj.
I Ajwal kuya retamaxik ucho'ab' chkixol i rajpatanib',
xaq i roywal kuya ni retamaxik chkixol i je ajch'oj chrij.
15Man i Ajwal kupon chupam i a',
i uch'ich' re ub'inb'al kemajaw i kaqsut,
re kresb'ej i roywal
xaq i ujuluwik uya'ik utojb'alil.
16Qatzij, i Ajwal ku'an atb'al tzij ru' i a',
ku'at tzij pkiwi konojel i winaq chwach i jyub' ta'aj ru' ch'ich' chi k'ulala o uware
xaq ku'an na chi k'i kekamik.
17-18I Ajwal kub'ij:
Ni'pa lik kkijach kib' xaq kki'an ch'am che kib'
chukojik u'ij i tiox pa taq tikb'al kotz'ij
kiterb'em b'i i jun chi enaq pa nik'aj,
ni'pa i kkitij uti'ijlal i aq, uti'ijlal i ch'o
we ntaj kiti'ijlal i jub'an chik chikop chi je ch'am taj,
lik xa juntir ksachsax ni kiwach konojel.
Man yin weta'am ni'pa i kki'ano xaq wach i kkich'ob'o,
are uri Yin kink'un
chumolik kichi' konojel i tinimit
xaq konojel i nimaq taq tinimit,
are uri kek'un na xaq kkil ni in-ij inchomal.
19Yin kinya ni jun ilb'al re chke:
Kinya ni chke keb' oxib' ke'anmaj b'ik
xaq keintaq nu b'i pa nimaq taq tinimit:
Pa tinimit Tarsis,
pa tinimit Fut xaq pa tinimit Lud, chi lik kkiriq uk'aqik i ch'ab',
che i tinimit Tubal xaq che i tinimit Javán
xaq i tinimit chi naj je o wi chi taq mar,
chi lik kitom ti intzijol Yin,
xaq mitene kilom in-ij inchomal,
ike kkitzijoj ni in-ij inchomal chkixol i nimaq taq tinimit.
20Kki'an na chi kek'un konojel i jalajuj nimaq taq tinimit,
xaq konojel iwach aj tinimit yix,
kek'un ni rij taq kaway, pa taq ch'ich', pa taq kareta,
chkij taq mulib' xaq chkij taq kamey.
Lik are ni jun sipon chwe Yin
chila pa Jerusalén chi are lo'laj injyub',
pacha i sipon chi kkik'am li aj Israel
chupam i ch'am laj tu'b'al chinwach Yin waral pwachoch.
Yin chi in Ajwal, xinb'iw ile.
21Jujun chke ike le kein-ulna
re je ajsujul sipon xaq i aj Leví.
Yin, chi in Ajwal, xinb'iw ile.
22Xaq kub'ij i Ajwal:
Keje pacha i k'ak' kaj xaq i k'ak' ulew
chi yin kinnojij u'anik,
lik ronojel ni ij saq uwach,
xaq keje ni amuq axikin xaq i ab'i lik ronojel ij saq uwach.
23Xaq ik' ik' are kmuqi i ik',
xaq pa taq wuqub' ij che i ij sábado,
konojel ni'pa i winaq kek'un ni che i xukulem chinwach Yin.
Yin, chi in Ajwal, xinb'iw ile.
24Kek'un na xaq kkil ni kib'aqil i winaq
chi xkiyak kib' chu'anik ch'oj chwij.
I amol chi ketijawik lik kekam taj,
xaq i a' chi keuk'ato lik kchup taj.
¡Lik kmulkan ni kik'ux konojel i winaq che!
Currently Selected:
Isa%EDas 66: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala
Isa%EDas 66
66
Yajanik chrij ukojik u'ij i dios chi saqil taj
1I Ajwal kub'ij:
“I kaj are inkub'ib'al chi o u'ij
xaq i ulew are ipa kintak'b'a wi waqan”.
¿Ipa nawi kiyak wi jun wachoch?
¿Ipa nawi ki'an wi jun ink'ijib'al re wuxlanb'al?
2¡Man Yin xin-anaw ronojel ni'pa i b'iroxiki,
rumali xkitikb'a winaqirik!
Yin, chi in Ajwal, xinb'ij ile.
I winaq chi kinkoj retalil Yin,
are i nib'a' xaq i kb'ison uk'ux
chi kuya u'ij intzij.
3Xwiri o jujun chi kkikamsaj jun toro
xaq lik kkikamsaj jun winaq;
kkiwor puqul jun chij, xaq kki'oqij uqul jun tz'i.
Kkisujuj sipon ch'irajil xaq ukik'el jun aq;
kkiporoj i pom xaq kkikoj u'ij jun tiox.
Ni'pa i xki'ul u'anik i anik le chi lik ch'am taj,
lik qus kkil u'anik ronojel ile.
4Xaq yin kin-ul ni uyej chi kinya chke ike,
xaq kink'am na li pkiwi ni'pa ile chi lik kkixij kib' che.
Man xeinsik'ij xwiri mijun xula' uwach chwe,
xinch'awik xwiri mijun xinuta,
xki'an ni'pa i kwaj ti yin,
are i xki'ul ronojel ni'pa tzel kwil yin.
U'atik tzij xaq i kiranik
5Chitatb'ej utzij i Ajwal,
yix chi kiya u'ij utzij:
Man o jujun iwach aj tinimit yix, chi ktitat kipam chiwe,
chi kixkiterb'ej rumal kikuxtaj kinataj inb'i yin, kkib'ij:
“Chi i Ajwal chuk'utu u'ij uchomal;
kqaj kqilo we lik kixkikotik.” Kecha.
Xwiri ike le lik ktze'ex ni kipalaj.
6I pacha uch'awb'al i jab' le chi kpe pa tinimit,
i wojojik le chi kpe prachoch i Ajwal,
ile are i wojojik chi ku'an i Ajwal
yab'al re wach kmajaw chke i je ajch'oj chrij.
7I tinimit Sion xalan che jun jo'taj tan
chuxe'el uk'axk'ol i alanik.
8¿Pachin utom chi uk'ulmam laj keje pacha ile?
¿Pachin rilom u'anik laj xaqjun pacha ile?
¿Kalax b'ari jun nim laj tinimit xa che jun ij?
¿Kalax b'ari jun tinimit che jun jo'taj tan?
Xwiri i tinimit Sion are xutikb'a una'ik uk'axk'ol,
juntir xeralaj i rak'al.
9¿Xatab'a kin-atij yin i alaxik le,
man lik yin neri kin-anaw i alanik?
Are i Awajwal Dios xb'iw ile.
10Chixkikot ru' i tinimit Jerusalén,
xaq lik china i kikotemal pik'ux ru' ire, iwonojel yix chi k'ax kina'o,
chiya iwach ru' ukikotemal
iwonojel yix chi ix o'naq che.
11Ire, are pacha jun chuchxel,
keutzuq ni ru' ukub'saxik kik'ux
k'a kenoj na.
12Man Yin, chi in Ajwal, kinb'ij:
Yin kin-an na chi i chomb'al ib' kk'un ni puwi ire
pacha jun raqana,
xaq i b'eyomal ke i nimaq taq tinimit kk'un ni puwi
pacha jun nim laj ya chi lik kb'alk'atik.
Ire kixutzuq ni yix, kixu'aluj na
xaq kixuch'uch'a ni chwi uch'ek.
13Pacha jun chuchxel chi kukub'saj uk'ux i rak'al,
keje ukub'saxik ik'ux yix ile kin-an yin,
xaq kiriq ni kub'sab'al ik'ux pa tinimit Jerusalén.
14Yix are kiwil ile, ik'ux lik kkikot na;
i ich'akul k-on ni chik k'ak' pacha utux ichaj.
I Ajwal kuya retamaxik ucho'ab' chkixol i rajpatanib',
xaq i roywal kuya ni retamaxik chkixol i je ajch'oj chrij.
15Man i Ajwal kupon chupam i a',
i uch'ich' re ub'inb'al kemajaw i kaqsut,
re kresb'ej i roywal
xaq i ujuluwik uya'ik utojb'alil.
16Qatzij, i Ajwal ku'an atb'al tzij ru' i a',
ku'at tzij pkiwi konojel i winaq chwach i jyub' ta'aj ru' ch'ich' chi k'ulala o uware
xaq ku'an na chi k'i kekamik.
17-18I Ajwal kub'ij:
Ni'pa lik kkijach kib' xaq kki'an ch'am che kib'
chukojik u'ij i tiox pa taq tikb'al kotz'ij
kiterb'em b'i i jun chi enaq pa nik'aj,
ni'pa i kkitij uti'ijlal i aq, uti'ijlal i ch'o
we ntaj kiti'ijlal i jub'an chik chikop chi je ch'am taj,
lik xa juntir ksachsax ni kiwach konojel.
Man yin weta'am ni'pa i kki'ano xaq wach i kkich'ob'o,
are uri Yin kink'un
chumolik kichi' konojel i tinimit
xaq konojel i nimaq taq tinimit,
are uri kek'un na xaq kkil ni in-ij inchomal.
19Yin kinya ni jun ilb'al re chke:
Kinya ni chke keb' oxib' ke'anmaj b'ik
xaq keintaq nu b'i pa nimaq taq tinimit:
Pa tinimit Tarsis,
pa tinimit Fut xaq pa tinimit Lud, chi lik kkiriq uk'aqik i ch'ab',
che i tinimit Tubal xaq che i tinimit Javán
xaq i tinimit chi naj je o wi chi taq mar,
chi lik kitom ti intzijol Yin,
xaq mitene kilom in-ij inchomal,
ike kkitzijoj ni in-ij inchomal chkixol i nimaq taq tinimit.
20Kki'an na chi kek'un konojel i jalajuj nimaq taq tinimit,
xaq konojel iwach aj tinimit yix,
kek'un ni rij taq kaway, pa taq ch'ich', pa taq kareta,
chkij taq mulib' xaq chkij taq kamey.
Lik are ni jun sipon chwe Yin
chila pa Jerusalén chi are lo'laj injyub',
pacha i sipon chi kkik'am li aj Israel
chupam i ch'am laj tu'b'al chinwach Yin waral pwachoch.
Yin chi in Ajwal, xinb'iw ile.
21Jujun chke ike le kein-ulna
re je ajsujul sipon xaq i aj Leví.
Yin, chi in Ajwal, xinb'iw ile.
22Xaq kub'ij i Ajwal:
Keje pacha i k'ak' kaj xaq i k'ak' ulew
chi yin kinnojij u'anik,
lik ronojel ni ij saq uwach,
xaq keje ni amuq axikin xaq i ab'i lik ronojel ij saq uwach.
23Xaq ik' ik' are kmuqi i ik',
xaq pa taq wuqub' ij che i ij sábado,
konojel ni'pa i winaq kek'un ni che i xukulem chinwach Yin.
Yin, chi in Ajwal, xinb'iw ile.
24Kek'un na xaq kkil ni kib'aqil i winaq
chi xkiyak kib' chu'anik ch'oj chwij.
I amol chi ketijawik lik kekam taj,
xaq i a' chi keuk'ato lik kchup taj.
¡Lik kmulkan ni kik'ux konojel i winaq che!
© Biblia Achí de Cubulco, Derechos reservados de Sociedad Bíblica de Guatemala