S. Juan 18
18
Kaj chuka a Jesús
(Mt. 26.47-56; Mr. 14.43-50; Lc. 22.47-53)
1Tuk'in Jesús ts'oki u t'ʌnik K'uj, bini yete u kʌ'sa winik tu pach a uk'un a k'aba' Cedrón, tuj oko' tita tiʌ jump'e tuba ku laj pʌk'a tu woro ba' tak che'i. 2Bexi' a Judas, a mok ku bin u k'ube a Jesús, u k'o'mo' a lay tuj oko', tu a Jesús ch'ik ya'p wʌts' tu much'a u bʌj yete u kʌ'sa winik tita. 3Y tita a Judas k'uchi yete ne pim ba'kʌi y yete u t'ojio' a moko' ku meajo' yok'o u yatoch K'uj a to'o tuche'bio' ti' u t'ojio' a ku meaj yok'o u yatoch K'uj, u winiko' a judíos a ku ya'batio' fariseos. U ch'a'mo' kip' y yete u maska' y yete che' a bʌk'ʌ yete nok' y u t'ʌbmo'. 4Chen a Jesús toj u yue a ba' ku bin meta' ti', jok'i y tu k'ata tio':
—¿Moj ka kʌxtik?
5Tio' tu nuko' ti':
—A Jesús u winki Nazaret lʌji' kin kʌxtiko'.
Jesús tu nuka:
—Tenen.
A Judas, a mok tu k'uba a Jesús, tiʌ tita yete tio'. 6Tuk'in ka tu nuka a Jesús: «Tenen», tu pura u bʌjo' tu pacho' ij laj chero' yok'o lu'm. 7Jesús tu ka' k'ata tio':
—¿Moj ka kʌxtik?
Y tio' tu ka' ao':
—A Jesús u winki Nazaret lʌji' kin kʌxtiko'.
8A Jesús tu ka' nuka:
—Ya tin wa'te'x Lʌjien Tenen a lay ka kʌxtike'x. O ten ka kʌxtiken, cha u bino' a jeo'.
9A je' a ba' mʌni bex, lʌji' ti u metchʌ a ba' tu toj a'a a Jesús ka tu ya'a bex: «Tet, a to'o ta ts'a ten, moj sa'to' mix junturi'.» 10Chen a Simón Pedro u ch'amʌ jump'e maska', tu jara y tu ch'ʌka u xikin junturi' xi'ra a u k'aba' Malco, a lʌji' u k'ʌni' a u jach t'oji a mok ku meaj yok'o u yatoch K'uj. 11Jesús tu ya'ti' a Pedro:
—Li'se a maska' yok'o u pix, wo in Tet poch u ts'ek in wuk'e a je' a k'aj a ba' ¿Mo' yʌnti' in wuk'ik?.
A Jesús tiʌ yoko' u jach t'oji a mok ku meaj yok'o u yatoch K'uj
(Mt. 26.57-58; Mr. 14.53-54; Lc. 22.54)
12Aj ba'kʌi yete u ts'uri, y a ku kʌnʌntiko' u yatoch K'uj a u winik a judíos, tu chuko' a Jesús y tu k'ʌxo'. 13Tu yʌ puro' yok'o u yatoch Anás, tu lʌji' u yʌkʌn a Caifás, a lʌji' u jach t'oji a mok ku meaj yok'o u yatoch K'uj a lay a yaxk'in. 14A je' a Caifás lʌiti' a tu yʌ a'a ti' a judíos, tsoy wa jay junturi' xi'ra ku kimi ti' u kʌjta.
A Pedro ku yei'k mu' k'omo' a Jesús
(Mt. 26.69-70; Mr. 14.66-68; Lc. 22.55-57)
15A Simón Pedro y u jer junturi' tʌn u t'uriko' tuku bisa' a Jesús. A juntu k'omo' ten u jach t'oji a mok ku meaj yok'o u yatoch K'uj, bein u yet oko yete a Jesús yok'o a palacio. 16Chen a Pedro tij p'ati jaknʌki yok'o u jor. Chen a juntu u kʌ'sa winik a Jesús a k'omo' ti' u jach t'oji a mok ku meaj yok'o u yatoch K'uj, jok'i y tu t'ʌna' a mok ku kʌnʌntik u jor a nʌj y lʌji' kaj oki a Pedro. 17A ku kʌnʌntik u jor a nʌj tu k'ata ti a Pedro:
—¿A tech mo' lʌjiech u kʌ'sa winik a lay a xi'ra?
Pedro tu nuka:
—Mo'o, mo' tenen.
18Y tu ne sis, la'jen a ku meajo' tita yete a ku kʌnʌntik a nʌj, tu nuts'o' k'ak' ti' u k'icho', y tiʌ tita tu k'ich laj bexi' a Pedro.
U t'oji a ku meaj yok'o u yatoch K'uj ku chich k'atik ti' Jesús
(Mt. 26.59-66; Mr. 14.55-64; Lc. 22.66-71)
19A u jach t'oji a mok ku meaj yok'o u yatoch K'uj tu k'ata ti a Jesús yok'o u kʌ'sa winiko' y baiki ku kʌ'sik ti'. 20A Jesús tu ya'a:
—Ten tsikbʌnen ti tu woro a winik; woro ki kʌ'sa yok'o u yatoch K'uj, yok'o u nʌji tuku much'ik u bʌjo' a judíos u xake u t'ʌn K'uj y tu ku much'ik u bʌjo' a Judíos; la'jen mi' wae ba' mukra'bi. 21¿Biken ten ka k'atik ten? K'ate ti' a mok tu yuo' in tsikba y ka u yao' baij tin wa'a. A tio' u ye baiki tin wa'a. 22Ka' tu ya'a bex a Jesús, junturi' a ku meaj tita u kʌnʌnte a nʌj, tu jʌts'a' u p'uk' a Jesús y tu ya'a:
—¿Bex ka nukik ti' u jach t'oji a mok ku meaj yok'o u yatoch K'uj?
23Jesús ku nuka ti':
—Wo tin wa'a ba' mo' tsoy, a'ten baiki, y si wo tsoy tin wa'a, ¿Biken ka' jʌts'ken?
24Lʌji' a Anás ka tu pura a Jesús k'ʌxʌ', ti' a Caifás a lʌji' u jer u jach t'oji a mok ku meaj yok'o u yatoch K'uj.
A Pedro ku ka' ei'k mu' k'omʌ a Jesús
(Mt. 26.71-75; Mr. 14.69-72; Lc. 22.58-62)
25A Pedro xuri' tiʌ tita, k'ichuka' yok'o k'ak', kaj k'ata ti:
—¿Wo mo' tech u kʌ'sa winik a lay a xi'ra?
A Pedro tu ya'a:
—Mo'o, mo' ten.
26Pachi junturi' u k'ʌni' a u jach t'oji a mok ku meaj yok'o u yatoch K'uj y a lʌji' bexi' u ka' bojo' a mok a Pedro tu k'upa' u xikin kaj chuka' a Jesús, tu k'ata:
—¿Mo' ti wirech tu pʌk'a tu woro ba' tak che'i a kaj chuka' a je' a xi'ra?. 27A Pedro tu ka' a'a mu' k'omʌ a Jesús, lʌji' kaj ka'ynʌ aj t'er.
Jesús tiʌ ʌkʌtʌn ti' a Pilato
28Jara' a Jesús yok'o u yatoch Caifás ij bisa' hasta yok'o u nukuch atoch a u wesi Roma. Chen tʌn u chu'mpʌ u sasta, u winki judíos moj oko' yok'o a nukuch nʌj u wesi a Roma, tu bex ku yei'k a uchmen u t'ʌn K'uj tu mo bik u yoko' yok'o u yatoch a mo' judíos ti' mu' k'asto', y bex tsoy y jʌno' yok'o u k'ini a pascua. 29Bein a Pilato jok'i u t'ʌno' jaknʌki. Ka tu ya'tio':
—¿Ba' yete ka pʌk'ik u pach a je' a xi'ra?
30A tio' tu nuko':
—Mʌnʌ' in tasiko' ti tech a je' a xi'ra wa mʌnʌ' u si'pi.
31A Pilato tu ya'tio':
—Ch'ae'x y pure'x y ts'ae'x teche'x u bo'tik u si'pi bex a teche'x a lismʌ a t'ʌne'x.
Chen u t'ojio' a judíos tu nuko':
—A teno' a judíos mo' chaʌ' in li'sko' u t'ʌni ti' u kinsa' mix junturi' winik.
32Y bex mʌni ti' u nup'u a ba' tu ya'a a Jesús bij ku bin kimi. 33A Pilato ka' oki yok'o u palacio wes, tu t'ʌna a Jesús y tu k'ata ti:
—¿Tech lʌjiech u Wesi a judíos?
34Jesús tu nuka:
—¿A lay ka k'atik ti' tech, o yok'o tu ta wu'a ti' u jer winik u yei'ko' ti' ten?
35A Pilato tu nuka:
—¿Wo ka wiken judien a ten? A mok a wet kʌjta yete u t'ojio' a moko' ku meajo' yok'o u yatoch K'uj lʌjio' a mok tu k'ubech. ¿Baij ta meta?
36A Jesús tu nuka:
—Tu ki wesintik ten, mo' way tiʌ yok'o lu'm, wa way kin wesintik, in winik jeu jach loxo' ti' u tajken ti' mu' k'uben ti'a judíos, chen mo' way tiʌ tu kin wesintik.
37Lʌji' ka tu k'ata a Pilato:
—¿A techech jach wesech ka wei'k?
Jesús tu nuka ti:
—Tech ta wa'a: Wesen. Ten sijen y taren yok'o lu'm ti wei'k a baiki a jach taj. Y tu woro a mok tiʌ yok'o u taji a ba', ku yui'k in t'ʌn.
38A Pilato tu ya'ti':
—¿Y baiki u jach taji a ba'?
Pachi kaj ts'ok u k'atik a je' a ba', a Pilato ka' jok'i tu t'ʌn yete a judíos y tu ya'tio':
—Ten mij wirik mix k'as u si'pi a je' a xi'ra. 39Chen a teche'x toj t'ʌrʌ' teche'x in siptik junturi' a mok chukʌ' u k'ini Pascua: ¿A kat in siptik teche'x a u Wesi a judíos?
40Tu woro ka' chu'mpʌjo' u yaboto':
—¡A lay mo'o! ¡Sipte a Barrabás!
Y a Barrabás lʌji' a mok ne ku yakraba'.
Currently Selected:
S. Juan 18: PLacNaha
Highlight
Copy
Compare
Share
Want to have your highlights saved across all your devices? Sign up or sign in
Sociedad Biblica de México AC
S. Juan 18
18
Kaj chuka a Jesús
(Mt. 26.47-56; Mr. 14.43-50; Lc. 22.47-53)
1Tuk'in Jesús ts'oki u t'ʌnik K'uj, bini yete u kʌ'sa winik tu pach a uk'un a k'aba' Cedrón, tuj oko' tita tiʌ jump'e tuba ku laj pʌk'a tu woro ba' tak che'i. 2Bexi' a Judas, a mok ku bin u k'ube a Jesús, u k'o'mo' a lay tuj oko', tu a Jesús ch'ik ya'p wʌts' tu much'a u bʌj yete u kʌ'sa winik tita. 3Y tita a Judas k'uchi yete ne pim ba'kʌi y yete u t'ojio' a moko' ku meajo' yok'o u yatoch K'uj a to'o tuche'bio' ti' u t'ojio' a ku meaj yok'o u yatoch K'uj, u winiko' a judíos a ku ya'batio' fariseos. U ch'a'mo' kip' y yete u maska' y yete che' a bʌk'ʌ yete nok' y u t'ʌbmo'. 4Chen a Jesús toj u yue a ba' ku bin meta' ti', jok'i y tu k'ata tio':
—¿Moj ka kʌxtik?
5Tio' tu nuko' ti':
—A Jesús u winki Nazaret lʌji' kin kʌxtiko'.
Jesús tu nuka:
—Tenen.
A Judas, a mok tu k'uba a Jesús, tiʌ tita yete tio'. 6Tuk'in ka tu nuka a Jesús: «Tenen», tu pura u bʌjo' tu pacho' ij laj chero' yok'o lu'm. 7Jesús tu ka' k'ata tio':
—¿Moj ka kʌxtik?
Y tio' tu ka' ao':
—A Jesús u winki Nazaret lʌji' kin kʌxtiko'.
8A Jesús tu ka' nuka:
—Ya tin wa'te'x Lʌjien Tenen a lay ka kʌxtike'x. O ten ka kʌxtiken, cha u bino' a jeo'.
9A je' a ba' mʌni bex, lʌji' ti u metchʌ a ba' tu toj a'a a Jesús ka tu ya'a bex: «Tet, a to'o ta ts'a ten, moj sa'to' mix junturi'.» 10Chen a Simón Pedro u ch'amʌ jump'e maska', tu jara y tu ch'ʌka u xikin junturi' xi'ra a u k'aba' Malco, a lʌji' u k'ʌni' a u jach t'oji a mok ku meaj yok'o u yatoch K'uj. 11Jesús tu ya'ti' a Pedro:
—Li'se a maska' yok'o u pix, wo in Tet poch u ts'ek in wuk'e a je' a k'aj a ba' ¿Mo' yʌnti' in wuk'ik?.
A Jesús tiʌ yoko' u jach t'oji a mok ku meaj yok'o u yatoch K'uj
(Mt. 26.57-58; Mr. 14.53-54; Lc. 22.54)
12Aj ba'kʌi yete u ts'uri, y a ku kʌnʌntiko' u yatoch K'uj a u winik a judíos, tu chuko' a Jesús y tu k'ʌxo'. 13Tu yʌ puro' yok'o u yatoch Anás, tu lʌji' u yʌkʌn a Caifás, a lʌji' u jach t'oji a mok ku meaj yok'o u yatoch K'uj a lay a yaxk'in. 14A je' a Caifás lʌiti' a tu yʌ a'a ti' a judíos, tsoy wa jay junturi' xi'ra ku kimi ti' u kʌjta.
A Pedro ku yei'k mu' k'omo' a Jesús
(Mt. 26.69-70; Mr. 14.66-68; Lc. 22.55-57)
15A Simón Pedro y u jer junturi' tʌn u t'uriko' tuku bisa' a Jesús. A juntu k'omo' ten u jach t'oji a mok ku meaj yok'o u yatoch K'uj, bein u yet oko yete a Jesús yok'o a palacio. 16Chen a Pedro tij p'ati jaknʌki yok'o u jor. Chen a juntu u kʌ'sa winik a Jesús a k'omo' ti' u jach t'oji a mok ku meaj yok'o u yatoch K'uj, jok'i y tu t'ʌna' a mok ku kʌnʌntik u jor a nʌj y lʌji' kaj oki a Pedro. 17A ku kʌnʌntik u jor a nʌj tu k'ata ti a Pedro:
—¿A tech mo' lʌjiech u kʌ'sa winik a lay a xi'ra?
Pedro tu nuka:
—Mo'o, mo' tenen.
18Y tu ne sis, la'jen a ku meajo' tita yete a ku kʌnʌntik a nʌj, tu nuts'o' k'ak' ti' u k'icho', y tiʌ tita tu k'ich laj bexi' a Pedro.
U t'oji a ku meaj yok'o u yatoch K'uj ku chich k'atik ti' Jesús
(Mt. 26.59-66; Mr. 14.55-64; Lc. 22.66-71)
19A u jach t'oji a mok ku meaj yok'o u yatoch K'uj tu k'ata ti a Jesús yok'o u kʌ'sa winiko' y baiki ku kʌ'sik ti'. 20A Jesús tu ya'a:
—Ten tsikbʌnen ti tu woro a winik; woro ki kʌ'sa yok'o u yatoch K'uj, yok'o u nʌji tuku much'ik u bʌjo' a judíos u xake u t'ʌn K'uj y tu ku much'ik u bʌjo' a Judíos; la'jen mi' wae ba' mukra'bi. 21¿Biken ten ka k'atik ten? K'ate ti' a mok tu yuo' in tsikba y ka u yao' baij tin wa'a. A tio' u ye baiki tin wa'a. 22Ka' tu ya'a bex a Jesús, junturi' a ku meaj tita u kʌnʌnte a nʌj, tu jʌts'a' u p'uk' a Jesús y tu ya'a:
—¿Bex ka nukik ti' u jach t'oji a mok ku meaj yok'o u yatoch K'uj?
23Jesús ku nuka ti':
—Wo tin wa'a ba' mo' tsoy, a'ten baiki, y si wo tsoy tin wa'a, ¿Biken ka' jʌts'ken?
24Lʌji' a Anás ka tu pura a Jesús k'ʌxʌ', ti' a Caifás a lʌji' u jer u jach t'oji a mok ku meaj yok'o u yatoch K'uj.
A Pedro ku ka' ei'k mu' k'omʌ a Jesús
(Mt. 26.71-75; Mr. 14.69-72; Lc. 22.58-62)
25A Pedro xuri' tiʌ tita, k'ichuka' yok'o k'ak', kaj k'ata ti:
—¿Wo mo' tech u kʌ'sa winik a lay a xi'ra?
A Pedro tu ya'a:
—Mo'o, mo' ten.
26Pachi junturi' u k'ʌni' a u jach t'oji a mok ku meaj yok'o u yatoch K'uj y a lʌji' bexi' u ka' bojo' a mok a Pedro tu k'upa' u xikin kaj chuka' a Jesús, tu k'ata:
—¿Mo' ti wirech tu pʌk'a tu woro ba' tak che'i a kaj chuka' a je' a xi'ra?. 27A Pedro tu ka' a'a mu' k'omʌ a Jesús, lʌji' kaj ka'ynʌ aj t'er.
Jesús tiʌ ʌkʌtʌn ti' a Pilato
28Jara' a Jesús yok'o u yatoch Caifás ij bisa' hasta yok'o u nukuch atoch a u wesi Roma. Chen tʌn u chu'mpʌ u sasta, u winki judíos moj oko' yok'o a nukuch nʌj u wesi a Roma, tu bex ku yei'k a uchmen u t'ʌn K'uj tu mo bik u yoko' yok'o u yatoch a mo' judíos ti' mu' k'asto', y bex tsoy y jʌno' yok'o u k'ini a pascua. 29Bein a Pilato jok'i u t'ʌno' jaknʌki. Ka tu ya'tio':
—¿Ba' yete ka pʌk'ik u pach a je' a xi'ra?
30A tio' tu nuko':
—Mʌnʌ' in tasiko' ti tech a je' a xi'ra wa mʌnʌ' u si'pi.
31A Pilato tu ya'tio':
—Ch'ae'x y pure'x y ts'ae'x teche'x u bo'tik u si'pi bex a teche'x a lismʌ a t'ʌne'x.
Chen u t'ojio' a judíos tu nuko':
—A teno' a judíos mo' chaʌ' in li'sko' u t'ʌni ti' u kinsa' mix junturi' winik.
32Y bex mʌni ti' u nup'u a ba' tu ya'a a Jesús bij ku bin kimi. 33A Pilato ka' oki yok'o u palacio wes, tu t'ʌna a Jesús y tu k'ata ti:
—¿Tech lʌjiech u Wesi a judíos?
34Jesús tu nuka:
—¿A lay ka k'atik ti' tech, o yok'o tu ta wu'a ti' u jer winik u yei'ko' ti' ten?
35A Pilato tu nuka:
—¿Wo ka wiken judien a ten? A mok a wet kʌjta yete u t'ojio' a moko' ku meajo' yok'o u yatoch K'uj lʌjio' a mok tu k'ubech. ¿Baij ta meta?
36A Jesús tu nuka:
—Tu ki wesintik ten, mo' way tiʌ yok'o lu'm, wa way kin wesintik, in winik jeu jach loxo' ti' u tajken ti' mu' k'uben ti'a judíos, chen mo' way tiʌ tu kin wesintik.
37Lʌji' ka tu k'ata a Pilato:
—¿A techech jach wesech ka wei'k?
Jesús tu nuka ti:
—Tech ta wa'a: Wesen. Ten sijen y taren yok'o lu'm ti wei'k a baiki a jach taj. Y tu woro a mok tiʌ yok'o u taji a ba', ku yui'k in t'ʌn.
38A Pilato tu ya'ti':
—¿Y baiki u jach taji a ba'?
Pachi kaj ts'ok u k'atik a je' a ba', a Pilato ka' jok'i tu t'ʌn yete a judíos y tu ya'tio':
—Ten mij wirik mix k'as u si'pi a je' a xi'ra. 39Chen a teche'x toj t'ʌrʌ' teche'x in siptik junturi' a mok chukʌ' u k'ini Pascua: ¿A kat in siptik teche'x a u Wesi a judíos?
40Tu woro ka' chu'mpʌjo' u yaboto':
—¡A lay mo'o! ¡Sipte a Barrabás!
Y a Barrabás lʌji' a mok ne ku yakraba'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Sociedad Biblica de México AC