Looma 4
4
Ifwani hi imiinu hya Abrahami
1Buuna, hima bisu luuleele mu Abrahami kaaha a bisu mu musunya? Hima nde habahi? 2Tso Nzambi asiingi ti Abrahami li wu akuha mu toni mavanga, Abrahami utwala ubula mabyoho. Ka a ŋa busu bwa Nzambi ve. 3Eye! Ma baasonehe ma Ngidi buni mu uleele: «Abrahami asiidi imiinu mu Nzambi, na Nzambi asiingi ti nde li wu akuha mu imiinu#Mba 15.6.» 4Woosi wu ubaasala, ubaayaka pfuta a nde. Pfuta mo, a yili huli nde we hyese ve, ka yo yili mukanu. 5Ka ŋa muutu wu avelesa isalu, ali na hiitu mu Nzambi wu ubaakitusa nga masumu wu akuha, Nzambi miisiinga ti nde wu akuha ali mu imiinu. 6Ni bumosi kaka, Davidi li mu uyaabisa kinya yi yili na muutu wu Nzambi ubaasiinga ti nde wu akuha ali, hwavele utala mavanga ma nde:
7«Kinya yili huli baana, ba Nzambi hamiisa kolo-kolo mu mamabi ma bo,
na ba masumu ma bo baamiifuuha!
8Kinya yili huli muutu wu Pfumu havelesiinga lisumu la nde#Mkg 32.1-2!»
9Kinya moyiina ndulu ya ba bali Bayudaayo, vo ti yo yili kaka yi bangoyi? Mu mbuli, bisu libaaleele ti: «Nzambi asiingi ti Abrahami wu akuha ali, mu toni imiinu hya nde.» 10Mu ki tangu musamu mowuuna hatswihi? Tehele bakete Abrahami, buve humbisa a ketili a nde? Naana! A humbisa a ketili a nde ve, ka ŋa habedi kini a baaketi ve. 11Na titswene, Abrahami ayaki ketili we iliimbu. Hyo hyaba we matala mu umwese ti Nzambi asiingi ukuha hwa nde mu imiinu. Ni buuna, bu Abrahami haba kini a baaketi ve, Nzambi abyalisi nde taata a boosi ba bubaasiila imiinu mu Nzambi. Baatu mobaana, Nzambi ubaasiinga bo kaka we ba baakuha, tso bu bo baabeedi kini a baaketi ve. 12Nde li kaka taata a ba baakete, ka a ba bubaabingalala ndulu ketili ve, ka ba bubaaduukala ifwani hi imiinu hya taata a bisu Abrahami, bu haba kini a baaketi ve.
Lahi la Nzambi huli ba bubaasa imiinu mu Yisu
13Ni mu buuna, Nzambi asiidi lahi huli Abrahami na imbisa hya nde, ti bo sa babyalila tsi. Lahi moliina basiidi lo, a mu toni ati Abrahami asiingili Mikele ve, ka mu toni ati Nzambi asiingi ti nde li wu akuha mu imiinu. 14Tso ubyalila hwa tsi hu baasa lahi, bali mu ubyalila yo mu lisiingala li Mikele, buuna imiinu hikiiba hi hyavele a kaluha, na lahi la Nzambi likiiba li laavele a tsoongo. 15Mikele mibaateele kesi a Nzambi. Ka ŋa hwavele Mikele, kene mu Mikele ka yove.
16Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi, 17we bu ma baasonehe mali mu uleele: «Me atsoolo we taata mabuli mamalahi ma baatu ba tsi.» Nde li taata a bisu ŋa busu bwa Nzambi wu nde ubaasiila imiinu, Nzambi wu ubaafutala monyi huli babaakwa na wu ubaatsunda bi byavele. 18Toni yi ubwesa hiitu aba aka yove, ka Abrahami asiidi hwa nde hiitu. «Nde akituhi kaaha mabuli mamalahi ma baatu.» Nde asiidi imiinu mu Nzambi, we bu Nzambi haleeli nde: «Buuna ni bu huba litangu li imbisa hya we#Mba 15.5.» 19Abrahami aba aka bebele a kama (100) li bilima. Ka imiinu hya nde hyaba a hyakolo ve, bu nde hakatsima ti linyutu la nde aba laaka bebele na lipfu, na mukadi a nde Sara wu akiibwevelebuta. 20Ŋa busu bwa lahi la Nzambi, Abrahami a habwisi hiitu hya nde na usa paha ve. Imiinu hya nde hyahwadisi nde, na nde ayusi Nzambi. 21Nde aba na tadi ti Nzambi na matwala ma ukuhasa ma nde hasiidi lahi. 22Ni mu buuna, bubaaleele mu Abrahami ti, mu toni imiinu hya nde, «Nzambi asiingi ti nde wu akuha.»
23Mikuma mominiimi: «Nzambi ubaasiinga Abrahami, muutu wu akuha», a mu toni a Abrahami siha baasonehe ve. 24Baasonehe mikuma momiina kaka mu bisu. Bisu ba buusiinga ti imiinu hya bisu hili hi hyakuha, mu toni ati libaasa imiinu mu Nzambi wu asuuli Yisu Kristo Pfumu a bisu, ŋa hati la babakwa. 25Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.
Currently Selected:
Looma 4: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 4
4
Ifwani hi imiinu hya Abrahami
1Buuna, hima bisu luuleele mu Abrahami kaaha a bisu mu musunya? Hima nde habahi? 2Tso Nzambi asiingi ti Abrahami li wu akuha mu toni mavanga, Abrahami utwala ubula mabyoho. Ka a ŋa busu bwa Nzambi ve. 3Eye! Ma baasonehe ma Ngidi buni mu uleele: «Abrahami asiidi imiinu mu Nzambi, na Nzambi asiingi ti nde li wu akuha mu imiinu#Mba 15.6.» 4Woosi wu ubaasala, ubaayaka pfuta a nde. Pfuta mo, a yili huli nde we hyese ve, ka yo yili mukanu. 5Ka ŋa muutu wu avelesa isalu, ali na hiitu mu Nzambi wu ubaakitusa nga masumu wu akuha, Nzambi miisiinga ti nde wu akuha ali mu imiinu. 6Ni bumosi kaka, Davidi li mu uyaabisa kinya yi yili na muutu wu Nzambi ubaasiinga ti nde wu akuha ali, hwavele utala mavanga ma nde:
7«Kinya yili huli baana, ba Nzambi hamiisa kolo-kolo mu mamabi ma bo,
na ba masumu ma bo baamiifuuha!
8Kinya yili huli muutu wu Pfumu havelesiinga lisumu la nde#Mkg 32.1-2!»
9Kinya moyiina ndulu ya ba bali Bayudaayo, vo ti yo yili kaka yi bangoyi? Mu mbuli, bisu libaaleele ti: «Nzambi asiingi ti Abrahami wu akuha ali, mu toni imiinu hya nde.» 10Mu ki tangu musamu mowuuna hatswihi? Tehele bakete Abrahami, buve humbisa a ketili a nde? Naana! A humbisa a ketili a nde ve, ka ŋa habedi kini a baaketi ve. 11Na titswene, Abrahami ayaki ketili we iliimbu. Hyo hyaba we matala mu umwese ti Nzambi asiingi ukuha hwa nde mu imiinu. Ni buuna, bu Abrahami haba kini a baaketi ve, Nzambi abyalisi nde taata a boosi ba bubaasiila imiinu mu Nzambi. Baatu mobaana, Nzambi ubaasiinga bo kaka we ba baakuha, tso bu bo baabeedi kini a baaketi ve. 12Nde li kaka taata a ba baakete, ka a ba bubaabingalala ndulu ketili ve, ka ba bubaaduukala ifwani hi imiinu hya taata a bisu Abrahami, bu haba kini a baaketi ve.
Lahi la Nzambi huli ba bubaasa imiinu mu Yisu
13Ni mu buuna, Nzambi asiidi lahi huli Abrahami na imbisa hya nde, ti bo sa babyalila tsi. Lahi moliina basiidi lo, a mu toni ati Abrahami asiingili Mikele ve, ka mu toni ati Nzambi asiingi ti nde li wu akuha mu imiinu. 14Tso ubyalila hwa tsi hu baasa lahi, bali mu ubyalila yo mu lisiingala li Mikele, buuna imiinu hikiiba hi hyavele a kaluha, na lahi la Nzambi likiiba li laavele a tsoongo. 15Mikele mibaateele kesi a Nzambi. Ka ŋa hwavele Mikele, kene mu Mikele ka yove.
16Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi, 17we bu ma baasonehe mali mu uleele: «Me atsoolo we taata mabuli mamalahi ma baatu ba tsi.» Nde li taata a bisu ŋa busu bwa Nzambi wu nde ubaasiila imiinu, Nzambi wu ubaafutala monyi huli babaakwa na wu ubaatsunda bi byavele. 18Toni yi ubwesa hiitu aba aka yove, ka Abrahami asiidi hwa nde hiitu. «Nde akituhi kaaha mabuli mamalahi ma baatu.» Nde asiidi imiinu mu Nzambi, we bu Nzambi haleeli nde: «Buuna ni bu huba litangu li imbisa hya we#Mba 15.5.» 19Abrahami aba aka bebele a kama (100) li bilima. Ka imiinu hya nde hyaba a hyakolo ve, bu nde hakatsima ti linyutu la nde aba laaka bebele na lipfu, na mukadi a nde Sara wu akiibwevelebuta. 20Ŋa busu bwa lahi la Nzambi, Abrahami a habwisi hiitu hya nde na usa paha ve. Imiinu hya nde hyahwadisi nde, na nde ayusi Nzambi. 21Nde aba na tadi ti Nzambi na matwala ma ukuhasa ma nde hasiidi lahi. 22Ni mu buuna, bubaaleele mu Abrahami ti, mu toni imiinu hya nde, «Nzambi asiingi ti nde wu akuha.»
23Mikuma mominiimi: «Nzambi ubaasiinga Abrahami, muutu wu akuha», a mu toni a Abrahami siha baasonehe ve. 24Baasonehe mikuma momiina kaka mu bisu. Bisu ba buusiinga ti imiinu hya bisu hili hi hyakuha, mu toni ati libaasa imiinu mu Nzambi wu asuuli Yisu Kristo Pfumu a bisu, ŋa hati la babakwa. 25Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.