Looma 16
16
Mabwehe
1Me pondi huli benu mu uyaka kedi a bisu Febe, wu li mutumi libundu la Sankereya. 2Yakaani nde mu Yisu, Pfumu a bisu, we bu hwafwana mu uyaka bangidi. Kumbasaani nde mu pasi dyambu li nde huba na nzala a benu. Mu toni ati nde akumbasa babalahi, homo me mwakulu. 3Bilaani Pirisiye na Akilasi, batsyengi ba me ba isalu mu Yisu Kristo. 4Bo baasyeti mivuumu mya bo mu ufuuhasa me. Me a handi siha mu ufutala bo matondo ve. Mabundu moosi ma ba baavele Bayudaayo kaka, mali mu usilasa bo. 5Bilaani kaka libundu li libaatsonzomo mu nzo a bo. Bilaani kaka Epayineti, mbahi a me wu litondo, nde li wa tsomi mu usa imiinu mu Kristo mu itanzi hya Asiya. 6Bilaani Mariya, wu amoni pasi yindahi mu benu. 7Bilaani Andronikusi na Yunyasi, ikuta hya me, bo ba baaba na me mu kondaayi. Bu baasilasa bo ŋa hati li bilumbi, na bo baatswamini me uyaka Kristo. 8Bilaani Amplyatusi, mbahi a me wu afulala litondo mu Pfumu. 9Bilaani Uribani, tsyengi a bisu wu isalu mu Kristo, na Sitakyusi, wa me wu litondo. 10Bilaani Apelisi wu amwesi me imbuli hi imiinu hya nde mu Kristo. Bilaani ba bali mu nzo a Aristobule. 11Bilaani Erodyoni, ikuta hya me. Bilaani ba mu nzo a Narasise ba bubaasa imiinu mu Pfumu. 12Bilaani Tirifene na Tirifosi, bakaasu ba bali mu usala mu toni a Pfumu, na wa me wu litondo, Pereside wu asiidi isalu hi inene mu nduhi a Pfumu. 13Bilaani Rufusi wu Pfumu hasooli, na ngu a nde, wu li kaka ngu a me. 14Bilaani Asinikrite, Felegoni na Heremesi, Patorobasi, Heremasi na baana ba ngu ba bali na bo. 15Bilaani Filologi, na Yulya, Nere na kedi a nde, na Olipasi na bangidi boosi ba bali na bo. 16Bilasanaani mu pivili a tama yi bungidi. Mabundu ma Kristo moosi mabili benu.
Kuminini ya tsyelele
17Me ndi mu upondo huli benu baana ba ngu, kebaani mu ba bali mu ubehe burandu husto libundu, na ba bali mu udungasa banga imiinu mu utuna ndongisili yi benu laayaka. Tahuhaani na bo, 18mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili. 19Ka uto ti benu, boosi bayaabi lisiingala la benu mu Pfumu. Me ndi mu kinya mu benu. Ka me tondi ti benu liba banga a tsiki mu uvanga ma mabwe, na uba ba baatsyeme mu mitima mu ubata ma mabi. 20Nzambi wu ubaava hyenze a hutaamba mu unyihula Satana hutsina matambi ma benu ve. Nyaha hyese hya Pfumu a bisu Yisu Kristo hiba na benu.
21Timoteho, tsyengi a me mu isalu mu Kristo li mu uva benu mabwehe. Ni bumosi, Lusyusi, Yasoni na Sozipatere, bikuta bya me, batsindihi benu mabwehe. 22Me Terityusi wu li dingisi mu usonehele benu muhanda mo wunuwu, me ndi mu utsindaha mabwehe ma me mu Pfumu wu li mu upfuuta bisu a benu. 23Ngayusi wu miiyaka me mu nzo a nde, viidi benu mabwehe. Ni huli nde libundu loosi libaakuukama. Erasite, iswehe mbongo hi musyenge, na mwana a ngu Karitusi baviidi mabwehe.
24Nyaha hyese hya Pfumu a bisu Yisu Kristo hiba na benu boosi! Ameni!
Muyusu a tsyelele
25Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.
26Bunuubu, lahi mo li liyobolo limiimonehele pa yalala,
mu nzila mabuuku ma mimbihuli
we bu hu li tumili a Nzambi wu avele na tsukusu,
lahi mo laamiimonehele mu mabuli makima ma toto yoosi,
mana mo masiila nde imiinu na masiingala nde.
27Muyusu aba hu li Nzambi, wu li siha nga tsiki,
mu Yisu Kristo, mu bilima na bilima!
Ameni!
Currently Selected:
Looma 16: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 16
16
Mabwehe
1Me pondi huli benu mu uyaka kedi a bisu Febe, wu li mutumi libundu la Sankereya. 2Yakaani nde mu Yisu, Pfumu a bisu, we bu hwafwana mu uyaka bangidi. Kumbasaani nde mu pasi dyambu li nde huba na nzala a benu. Mu toni ati nde akumbasa babalahi, homo me mwakulu. 3Bilaani Pirisiye na Akilasi, batsyengi ba me ba isalu mu Yisu Kristo. 4Bo baasyeti mivuumu mya bo mu ufuuhasa me. Me a handi siha mu ufutala bo matondo ve. Mabundu moosi ma ba baavele Bayudaayo kaka, mali mu usilasa bo. 5Bilaani kaka libundu li libaatsonzomo mu nzo a bo. Bilaani kaka Epayineti, mbahi a me wu litondo, nde li wa tsomi mu usa imiinu mu Kristo mu itanzi hya Asiya. 6Bilaani Mariya, wu amoni pasi yindahi mu benu. 7Bilaani Andronikusi na Yunyasi, ikuta hya me, bo ba baaba na me mu kondaayi. Bu baasilasa bo ŋa hati li bilumbi, na bo baatswamini me uyaka Kristo. 8Bilaani Amplyatusi, mbahi a me wu afulala litondo mu Pfumu. 9Bilaani Uribani, tsyengi a bisu wu isalu mu Kristo, na Sitakyusi, wa me wu litondo. 10Bilaani Apelisi wu amwesi me imbuli hi imiinu hya nde mu Kristo. Bilaani ba bali mu nzo a Aristobule. 11Bilaani Erodyoni, ikuta hya me. Bilaani ba mu nzo a Narasise ba bubaasa imiinu mu Pfumu. 12Bilaani Tirifene na Tirifosi, bakaasu ba bali mu usala mu toni a Pfumu, na wa me wu litondo, Pereside wu asiidi isalu hi inene mu nduhi a Pfumu. 13Bilaani Rufusi wu Pfumu hasooli, na ngu a nde, wu li kaka ngu a me. 14Bilaani Asinikrite, Felegoni na Heremesi, Patorobasi, Heremasi na baana ba ngu ba bali na bo. 15Bilaani Filologi, na Yulya, Nere na kedi a nde, na Olipasi na bangidi boosi ba bali na bo. 16Bilasanaani mu pivili a tama yi bungidi. Mabundu ma Kristo moosi mabili benu.
Kuminini ya tsyelele
17Me ndi mu upondo huli benu baana ba ngu, kebaani mu ba bali mu ubehe burandu husto libundu, na ba bali mu udungasa banga imiinu mu utuna ndongisili yi benu laayaka. Tahuhaani na bo, 18mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili. 19Ka uto ti benu, boosi bayaabi lisiingala la benu mu Pfumu. Me ndi mu kinya mu benu. Ka me tondi ti benu liba banga a tsiki mu uvanga ma mabwe, na uba ba baatsyeme mu mitima mu ubata ma mabi. 20Nzambi wu ubaava hyenze a hutaamba mu unyihula Satana hutsina matambi ma benu ve. Nyaha hyese hya Pfumu a bisu Yisu Kristo hiba na benu.
21Timoteho, tsyengi a me mu isalu mu Kristo li mu uva benu mabwehe. Ni bumosi, Lusyusi, Yasoni na Sozipatere, bikuta bya me, batsindihi benu mabwehe. 22Me Terityusi wu li dingisi mu usonehele benu muhanda mo wunuwu, me ndi mu utsindaha mabwehe ma me mu Pfumu wu li mu upfuuta bisu a benu. 23Ngayusi wu miiyaka me mu nzo a nde, viidi benu mabwehe. Ni huli nde libundu loosi libaakuukama. Erasite, iswehe mbongo hi musyenge, na mwana a ngu Karitusi baviidi mabwehe.
24Nyaha hyese hya Pfumu a bisu Yisu Kristo hiba na benu boosi! Ameni!
Muyusu a tsyelele
25Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.
26Bunuubu, lahi mo li liyobolo limiimonehele pa yalala,
mu nzila mabuuku ma mimbihuli
we bu hu li tumili a Nzambi wu avele na tsukusu,
lahi mo laamiimonehele mu mabuli makima ma toto yoosi,
mana mo masiila nde imiinu na masiingala nde.
27Muyusu aba hu li Nzambi, wu li siha nga tsiki,
mu Yisu Kristo, mu bilima na bilima!
Ameni!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.