Mataayi 11
11
Bayihi ba Yowani mutondihi
1Bu Yisu haamani uva matumili huli bayihi ba nde bakuumi na boole, nde amati ŋaana mu uyalongese na uyata ibila mutso misyenge mi itaanzi mo hiina. 2Yowani mutondihi hutso a kondaayi, ayuhi tsangu mavaanga ma Kristo. Nde atsindihi bayihi ba nde, 3mu uyafuula Yisu: «We ni nde wuuna wu afwana uya, vo ti bisu laafwana ukeele mukima?» 4Yisu afutili bo: «Yenaani yayabisaani Yowani mambu ma benu lili mu uyuha na umono. 5Binzimana bili mu umono, bikata bili mu uteleme na utakula, banga bwatsi bali mu utsyeme, bikwa-matswi bili mu uyuha, babaakwa bali mu usuuha, na bali mu ulongese Musamu wu Mubwe huli biyaha#Esa 35.5-6; 61.1 . 6Kinya yili huli muutu wuna wu uvelebwisa imiinu hya nde mu tooni a me.»
7Bayihi ba Yowani bu bafutihi, Yisu abaandihi utoyo mu tooni a Yowani huli konge a baatu: «Benu hima limiiyamono hu kumu a nzala? Litsotso li lili mu unyingama mu livupu#Luk 7.24 ? 8Ka benu hima limiiyamono? Muutu wu alwata bikutu bibibwe? Naana! Ba bubaalwata bikutu bibibwe, ubaatsahala hutso bibaanga bi batumi. 9Ka benu na limiiyamono? Mumbihuli? Eye, me ndeele benu, wu afulala pa mumbihuli. 10Yowani ni nde wuuna wu Libuuku la Ngidi lili mu uleele: “Mono, me miitsindaha iluumbi hya me hu busu bwa we, mu uvangimasa nzila a we#Mal 3.1.” 11Mu mbuli me ndeele benu: ŋa hati la baatu boosi kini a laamoni wu akulala Yowani mu tondihi ve. Ka muutu wu afulala bukenyi mu Ipfumu hi mayulu, akulala nde. 12Umata taangu yi Yowani hakatondehe natee lolo yiniiyi, baatu bali mu ulwanisa Ipfumu hi mayulu. Na ba baafulala ngolo, bali mu usaha ukala hyo. 13Mimbihuli myosi na Mikele mya Moose mibaayabisa Ipfumu natee mu taangu a Yowani. 14Na tso benu litondi, yaabaani ti Yowani ni Eliya wu baayabisi nziili a nde. 15Woosi nga matswi mu uyuha, nyaha ayuha!
16Naana me upfwanisa tuungi mo liniili? Lo laafwanina na baana ba bangebe ba baatsahala ŋa litandala li mikungi, ba bali mu utelesene na bali mu ulelesene: 17“Bisu laafula benu munzololo, benu a laakina ve! Bisu laayimbala benu nyimbu yi ikwili, benu a laalila ve!” 18Buuna, Yowani Mutondihi amiiya, nde a hali mu udya tso unywa ve, na bali mu uleele: “Tengo laamiilwata nde!” 19Mwana a muutu amiiya, nde li mu udya, nde li mu unywa, na bali mu uleele: “Monwaani bahala mo liniili, nga mubaka udya na ikolo-mbungu. Nde li mbaahi a bakaambi ba limandu na baatu banga masumu!” Ka tsiki a Nzambi yibaamonehele mu mavaanga ma nde.»
Misyenge mi mili mu ubisa usa imiinu
Luk 10.13-15
20Buuna, Yesu abaandihi usyembe misyenge mi nde hafulili usa bipadi. Mu tooni ati, baatu ba misyenge mo miina a baasobi mbiili ve. 21«Ki pila lingebe huli we musi Korazini! Ki pila lingebe huli we Betesayida! Mu tooni ati, tso bipadi byosi bi baasiidi ŋa hati la benu, baayasa byo huli bisu Tiilo na bisu Sidoni, kini umata beleve, baatu ba misyenge mo miina baamiikoto mu lingebe, baamiiyobo mufutu mu mitswe na usobo mbiili. 22Ni mu buuna, me ndi mu undeele benu: mu ilumbu hya tsundusu, tsyembili yi benu luuyaka yiuvyohelele ya baatu ba misyenge mya Tiilo na Sidoni. 23Na we Kapernahumi, we li mu utsima ti Nzambi sa asyenolo we natee hu yulu? Naana! A buuna ve. Sa bakulamasa we natee hu tsi a babaakwa. Mu tooni ati, tso bipadi bi baasiidi huli we, baasiidi byo kaka mu musyenge a Sodoomo, kini musyenge mo wuuna kiiba natee lolo yiniiyi.#Esa 13.14-15; Mba 19.24-28 24Ni mu buuna, me ndi mu undeele benu, mu ilumbu hya tsundusu, tsyembili yi benu luuyaka yiuvyohelele ya baatu ba musyenge a Sodoomo.»
Yaani huli me mu ubaha puumili
Luk 10.21-22
25Mu taangu mo yiina, Yisu aleeli: «Taata, Pfumu a yulu na toto, me ndi mu unzuusa we mu tooni ati, we miimweese huli bikenyi mambu ma we aswehi huli bangeele na huli baatu banga buyedi#1Ko 1.17-29. 26Eye, Taata, mu libweye la we, ni buuna bu we mwakulu atondo.
27Taata a me ava me bisiha byosi. A hu li na muutu wu uyaaba Mwana, tso a ni Taata ve. Na muutu a hayaba Taata, tso a ni Mwana ve, na huli bo baana ba Mwana atondi usaangula lo. 28Yaani huli me, benu boosi ba laamiikolo mu ubita mipfuna mi myaleme. Me tsa pa benu puumili. 29Volwaani na bitaani paka a me, na yakaani ndongisili a me, mu tooni ati, me ndi wu mubwe, nga bulembo mu mutima, na benu sa libaha puumili mu mivumu mya benu#Yel 6.16. 30Paka a me yili yimbwe, na mupfuna a me li wu aleenge.»
Currently Selected:
Mataayi 11: TSA
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mataayi 11
11
Bayihi ba Yowani mutondihi
1Bu Yisu haamani uva matumili huli bayihi ba nde bakuumi na boole, nde amati ŋaana mu uyalongese na uyata ibila mutso misyenge mi itaanzi mo hiina. 2Yowani mutondihi hutso a kondaayi, ayuhi tsangu mavaanga ma Kristo. Nde atsindihi bayihi ba nde, 3mu uyafuula Yisu: «We ni nde wuuna wu afwana uya, vo ti bisu laafwana ukeele mukima?» 4Yisu afutili bo: «Yenaani yayabisaani Yowani mambu ma benu lili mu uyuha na umono. 5Binzimana bili mu umono, bikata bili mu uteleme na utakula, banga bwatsi bali mu utsyeme, bikwa-matswi bili mu uyuha, babaakwa bali mu usuuha, na bali mu ulongese Musamu wu Mubwe huli biyaha#Esa 35.5-6; 61.1 . 6Kinya yili huli muutu wuna wu uvelebwisa imiinu hya nde mu tooni a me.»
7Bayihi ba Yowani bu bafutihi, Yisu abaandihi utoyo mu tooni a Yowani huli konge a baatu: «Benu hima limiiyamono hu kumu a nzala? Litsotso li lili mu unyingama mu livupu#Luk 7.24 ? 8Ka benu hima limiiyamono? Muutu wu alwata bikutu bibibwe? Naana! Ba bubaalwata bikutu bibibwe, ubaatsahala hutso bibaanga bi batumi. 9Ka benu na limiiyamono? Mumbihuli? Eye, me ndeele benu, wu afulala pa mumbihuli. 10Yowani ni nde wuuna wu Libuuku la Ngidi lili mu uleele: “Mono, me miitsindaha iluumbi hya me hu busu bwa we, mu uvangimasa nzila a we#Mal 3.1.” 11Mu mbuli me ndeele benu: ŋa hati la baatu boosi kini a laamoni wu akulala Yowani mu tondihi ve. Ka muutu wu afulala bukenyi mu Ipfumu hi mayulu, akulala nde. 12Umata taangu yi Yowani hakatondehe natee lolo yiniiyi, baatu bali mu ulwanisa Ipfumu hi mayulu. Na ba baafulala ngolo, bali mu usaha ukala hyo. 13Mimbihuli myosi na Mikele mya Moose mibaayabisa Ipfumu natee mu taangu a Yowani. 14Na tso benu litondi, yaabaani ti Yowani ni Eliya wu baayabisi nziili a nde. 15Woosi nga matswi mu uyuha, nyaha ayuha!
16Naana me upfwanisa tuungi mo liniili? Lo laafwanina na baana ba bangebe ba baatsahala ŋa litandala li mikungi, ba bali mu utelesene na bali mu ulelesene: 17“Bisu laafula benu munzololo, benu a laakina ve! Bisu laayimbala benu nyimbu yi ikwili, benu a laalila ve!” 18Buuna, Yowani Mutondihi amiiya, nde a hali mu udya tso unywa ve, na bali mu uleele: “Tengo laamiilwata nde!” 19Mwana a muutu amiiya, nde li mu udya, nde li mu unywa, na bali mu uleele: “Monwaani bahala mo liniili, nga mubaka udya na ikolo-mbungu. Nde li mbaahi a bakaambi ba limandu na baatu banga masumu!” Ka tsiki a Nzambi yibaamonehele mu mavaanga ma nde.»
Misyenge mi mili mu ubisa usa imiinu
Luk 10.13-15
20Buuna, Yesu abaandihi usyembe misyenge mi nde hafulili usa bipadi. Mu tooni ati, baatu ba misyenge mo miina a baasobi mbiili ve. 21«Ki pila lingebe huli we musi Korazini! Ki pila lingebe huli we Betesayida! Mu tooni ati, tso bipadi byosi bi baasiidi ŋa hati la benu, baayasa byo huli bisu Tiilo na bisu Sidoni, kini umata beleve, baatu ba misyenge mo miina baamiikoto mu lingebe, baamiiyobo mufutu mu mitswe na usobo mbiili. 22Ni mu buuna, me ndi mu undeele benu: mu ilumbu hya tsundusu, tsyembili yi benu luuyaka yiuvyohelele ya baatu ba misyenge mya Tiilo na Sidoni. 23Na we Kapernahumi, we li mu utsima ti Nzambi sa asyenolo we natee hu yulu? Naana! A buuna ve. Sa bakulamasa we natee hu tsi a babaakwa. Mu tooni ati, tso bipadi bi baasiidi huli we, baasiidi byo kaka mu musyenge a Sodoomo, kini musyenge mo wuuna kiiba natee lolo yiniiyi.#Esa 13.14-15; Mba 19.24-28 24Ni mu buuna, me ndi mu undeele benu, mu ilumbu hya tsundusu, tsyembili yi benu luuyaka yiuvyohelele ya baatu ba musyenge a Sodoomo.»
Yaani huli me mu ubaha puumili
Luk 10.21-22
25Mu taangu mo yiina, Yisu aleeli: «Taata, Pfumu a yulu na toto, me ndi mu unzuusa we mu tooni ati, we miimweese huli bikenyi mambu ma we aswehi huli bangeele na huli baatu banga buyedi#1Ko 1.17-29. 26Eye, Taata, mu libweye la we, ni buuna bu we mwakulu atondo.
27Taata a me ava me bisiha byosi. A hu li na muutu wu uyaaba Mwana, tso a ni Taata ve. Na muutu a hayaba Taata, tso a ni Mwana ve, na huli bo baana ba Mwana atondi usaangula lo. 28Yaani huli me, benu boosi ba laamiikolo mu ubita mipfuna mi myaleme. Me tsa pa benu puumili. 29Volwaani na bitaani paka a me, na yakaani ndongisili a me, mu tooni ati, me ndi wu mubwe, nga bulembo mu mutima, na benu sa libaha puumili mu mivumu mya benu#Yel 6.16. 30Paka a me yili yimbwe, na mupfuna a me li wu aleenge.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.