Mavanga 20
20
Pahuli miidyenge hu itanzi hya Masedonya na hu tsi a Ngerese
1Bu muyungisi hafwidi, Pahuli ateeli bayihi ba nde. Nde amana uhwadisa bo, nde alanisi bo na ayeni hu itanzi hya Masedonya#20.1 1Ti 1.3.. 2Nde akataangila itanzi mohina, na akahwadisa banga hiitu. Titswene nde ayeni hu tsi a Ngerese. 3Huuna, nde avyosi batsungi batatu. Bu hakiiyene hu tsi a Siriya mu likuumbi la nzali, nde ayuhi pfuundu yi Bayudaayo baaba baamiikutala nde. Na nde amoni bubwe mu ufutahala mu nzila a Masedonya. 4Ba baakadyenge na nde ni baaniiba: Sopatere, mwana a Pilusi, musi musyenge a Beere, Arisitake na Sekundusi bisu Tesalonika, Ngayusi musi Derebe, Timoteho, titswene Tisike na Tolofime bisu itanzi hya Asiya. 5Baaniiba ni ba baatswamini mu uyakeele bisu hu musyenge a Tolowasi. 6Buuna, humbisa mukungi mapa ma maaveledaana, bisu laakoti likuumbi la nzali ŋa ngulu makuumbi ya hu musyenge a Filipo. Humbisa bilumbu bitaanu, bisu laabiisili ba baatswamini bisu hu musyenge a Tolowasi. Ni huuna, bisu laavyosi bilumbu tsaambu.
Pahuli miisuula muutu wu akwa hu musyenge a Tolowasi
7Mu ilumbu hya saba ŋa tsitsaha, bisu laakuukimi mu udya itwadi. Pahuli akalongese libundu la Kristo. Bu nde hakiidyenge mu ilumbu hya ndaanda, Pahuli asusili ndongisili a nde nate hu hahati a busi. 8Mu itini hya nzo hya hu yulu ibanga hu bisu laaba laakuukama, hwaba na minda mimilahi. 9Mufudu mbahala mumosi, nga nduhi Etikusi, aba atsahala ŋa nenenge liluta. Bu Pahuli hakasusala ndongisili a nde, mufudu mbahala mowunuwu abwamini tolo la kidumana. Hutso a tolo, nde alengumini, na asakuhi umata hu mutaabu mutatu wu ibanga hya nzo. Bu bo baakiitelemese nde, bo baamoni ti nde aba amiimana muvumu. 10Buuna, Pahuli asutihi, abaandimi ŋa yulu a nde, atsyeti nde, na aleeli: «A lidyengese matsimi ve! Nde monyi ali!» 11Bu Pahuli habwekumasa hu ibanga, nde akabi lipa na adidi. Titswene nde abwelongese bulahi nate tsuumba a ngwali, na ayeni. 12Ka mufudu mbahala mowunuwu, baafutihi na nde wa monyi, na boosi baaba mu kinya yindahi.
Pahuli miidyenge hu musyenge a Tolowasi nate hu Mile
13Ka bisu laateehili, na laakoti likuumbi la nzali li laabiti bisu hu ngulu makuumbi ya Asosi. Huuna, bisu laapfulili Pahuli, mu toni ati, nde akatsima uyene hu Asosi mu miilu. 14Bu nde hayabiisala bisu hu Asosi, nde akoti mu likuumbi na bisu mu uyene hu iliiŋa hya Mitileni. 15Limata ŋaana, bisu laasupiini mu mubu mu likuumbi, na laayato ilumbu hya ndaanda, ŋa iliiŋa hya Kiyo. Ŋa ngwali, bisu laayato hu iliiŋa hya Samosi, titswene ilumbu hi hyabweduuka, bisu laayato hu ngulu makuumbi ya Mile. 16Kaahu, Pahuli ataasi uveletsikama ŋa musyenge a Efeso, mu uvelevyoso tangu hu itanzi hya Asiya. Mu toni ati, nde akabingalala uto hu musyenge a Yeruselemi, mu ilumbu hya Pentekote tso huyelimini.
Pahuli miiva mabwehe ma tsyelele huli bakuutu ba musyenge a Efeso
17Bu laatoodi hu ngulu makuumbi ya Mile, Pahuli atsindihi muutu mu uyatsiha bakuutu ba libundu la Efeso. 18Bu bo baayabiisala nde, Pahuli aleeli bo: «Benu liyabi mbiili a me ŋa hati la benu tangu yoosi, umata ilumbu hya tsomi hya nziili a me mu tsi ya Asiya. 19Me atsalili Pfumu Yisu hutso a kulimini na matsanga mu miisu. Me atsalili nde hutso mapasi na ketili imiinu mu toni mapfuundu mamabi ma Bayudaayo baakakutala me. 20Benu liyabi ti, me a hatswehe benu pasi dyambu lili kiiba tsoongo mu benu ve. Me anzaabisi na ulongese benu moosi ŋa kuungi la baatu, na mutso manzo ma benu. 21Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»
22«Ka bunuubu, mu tumili Livupu la Ngidi, me akadwe hu Yeruselemi, na me a hanzaabi li lu uyila me huuna ve. 23Li me nzaabi ni ti, Livupu la Ngidi lili mu uyibusa me: “Mu pasi musyenge, kondaayi na mapasi bili mu ukeele we.” 24Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»
25«Bunuubu, me nzaabi bubwe ti, benu boosi ba me andongisi Ipfumu hya Nzambi, tso mumosi a hubwemono me ve. 26Ni mu buuna, me ndi mu undeele benu lo na bukuhu bwosi loloyi: tso mumosi mu benu dungi nzila a Nzambi, a matali me ve. 27Mu toni ati, me anzaabisi benu litondo la Nzambi loosi, hwavele uswehe pasi dyambu. 28Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu. 29Me nzaabi ti bu me utehe mbisa, baatu babaafwana na miinzi mi bukanyi, sa bakotelele libundu mu umana konge biboodi. 30Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo. 31Ni mu buuna, kebaani! Yibwalaani monyi ti, mu bilima bitatu, butsuhu na nyangu, me a hakolo mu uva mumosi mumosi mu benu mandongi ve. Mu toni a benu, me ambeedi na matsanga mu miisu. 32Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde. 33Me a hanyungala tso mbongo, tso wolo, tso bikutu bya pasi muutu ve. 34Benu mwakulu liyabi ti, ni myoho mo miiniimi myasahi byosi bi me, na bambaahi ba me, laaba na byo nzala. 35Me amwese benu ti mu moosi, lafwaana ubaasala, mana libaakuumbasa biyaha. Yibwalaani monyi mu ma Pfumu Yisu nde mwakulu haleeli: “Kinya ya wu ubaava, yafulala ya wu ubaayaka.”»
36Ŋa yulu a maana, Pahuli atsokimi itwadi na bo, na nde asambili Nzambi. 37Boosi na lingebe, baakalila, baakabumba Pahuli, na usiingama mu likingu la nde na minyongo. 38Bo baaba fula-fula mu lingebe, mu toni a bu nde haleeli ti bo a bu ubwemono nde ve. Titswene, bo baayavehese nde nate hu likuumbi.
Currently Selected:
Mavanga 20: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mavanga 20
20
Pahuli miidyenge hu itanzi hya Masedonya na hu tsi a Ngerese
1Bu muyungisi hafwidi, Pahuli ateeli bayihi ba nde. Nde amana uhwadisa bo, nde alanisi bo na ayeni hu itanzi hya Masedonya#20.1 1Ti 1.3.. 2Nde akataangila itanzi mohina, na akahwadisa banga hiitu. Titswene nde ayeni hu tsi a Ngerese. 3Huuna, nde avyosi batsungi batatu. Bu hakiiyene hu tsi a Siriya mu likuumbi la nzali, nde ayuhi pfuundu yi Bayudaayo baaba baamiikutala nde. Na nde amoni bubwe mu ufutahala mu nzila a Masedonya. 4Ba baakadyenge na nde ni baaniiba: Sopatere, mwana a Pilusi, musi musyenge a Beere, Arisitake na Sekundusi bisu Tesalonika, Ngayusi musi Derebe, Timoteho, titswene Tisike na Tolofime bisu itanzi hya Asiya. 5Baaniiba ni ba baatswamini mu uyakeele bisu hu musyenge a Tolowasi. 6Buuna, humbisa mukungi mapa ma maaveledaana, bisu laakoti likuumbi la nzali ŋa ngulu makuumbi ya hu musyenge a Filipo. Humbisa bilumbu bitaanu, bisu laabiisili ba baatswamini bisu hu musyenge a Tolowasi. Ni huuna, bisu laavyosi bilumbu tsaambu.
Pahuli miisuula muutu wu akwa hu musyenge a Tolowasi
7Mu ilumbu hya saba ŋa tsitsaha, bisu laakuukimi mu udya itwadi. Pahuli akalongese libundu la Kristo. Bu nde hakiidyenge mu ilumbu hya ndaanda, Pahuli asusili ndongisili a nde nate hu hahati a busi. 8Mu itini hya nzo hya hu yulu ibanga hu bisu laaba laakuukama, hwaba na minda mimilahi. 9Mufudu mbahala mumosi, nga nduhi Etikusi, aba atsahala ŋa nenenge liluta. Bu Pahuli hakasusala ndongisili a nde, mufudu mbahala mowunuwu abwamini tolo la kidumana. Hutso a tolo, nde alengumini, na asakuhi umata hu mutaabu mutatu wu ibanga hya nzo. Bu bo baakiitelemese nde, bo baamoni ti nde aba amiimana muvumu. 10Buuna, Pahuli asutihi, abaandimi ŋa yulu a nde, atsyeti nde, na aleeli: «A lidyengese matsimi ve! Nde monyi ali!» 11Bu Pahuli habwekumasa hu ibanga, nde akabi lipa na adidi. Titswene nde abwelongese bulahi nate tsuumba a ngwali, na ayeni. 12Ka mufudu mbahala mowunuwu, baafutihi na nde wa monyi, na boosi baaba mu kinya yindahi.
Pahuli miidyenge hu musyenge a Tolowasi nate hu Mile
13Ka bisu laateehili, na laakoti likuumbi la nzali li laabiti bisu hu ngulu makuumbi ya Asosi. Huuna, bisu laapfulili Pahuli, mu toni ati, nde akatsima uyene hu Asosi mu miilu. 14Bu nde hayabiisala bisu hu Asosi, nde akoti mu likuumbi na bisu mu uyene hu iliiŋa hya Mitileni. 15Limata ŋaana, bisu laasupiini mu mubu mu likuumbi, na laayato ilumbu hya ndaanda, ŋa iliiŋa hya Kiyo. Ŋa ngwali, bisu laayato hu iliiŋa hya Samosi, titswene ilumbu hi hyabweduuka, bisu laayato hu ngulu makuumbi ya Mile. 16Kaahu, Pahuli ataasi uveletsikama ŋa musyenge a Efeso, mu uvelevyoso tangu hu itanzi hya Asiya. Mu toni ati, nde akabingalala uto hu musyenge a Yeruselemi, mu ilumbu hya Pentekote tso huyelimini.
Pahuli miiva mabwehe ma tsyelele huli bakuutu ba musyenge a Efeso
17Bu laatoodi hu ngulu makuumbi ya Mile, Pahuli atsindihi muutu mu uyatsiha bakuutu ba libundu la Efeso. 18Bu bo baayabiisala nde, Pahuli aleeli bo: «Benu liyabi mbiili a me ŋa hati la benu tangu yoosi, umata ilumbu hya tsomi hya nziili a me mu tsi ya Asiya. 19Me atsalili Pfumu Yisu hutso a kulimini na matsanga mu miisu. Me atsalili nde hutso mapasi na ketili imiinu mu toni mapfuundu mamabi ma Bayudaayo baakakutala me. 20Benu liyabi ti, me a hatswehe benu pasi dyambu lili kiiba tsoongo mu benu ve. Me anzaabisi na ulongese benu moosi ŋa kuungi la baatu, na mutso manzo ma benu. 21Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»
22«Ka bunuubu, mu tumili Livupu la Ngidi, me akadwe hu Yeruselemi, na me a hanzaabi li lu uyila me huuna ve. 23Li me nzaabi ni ti, Livupu la Ngidi lili mu uyibusa me: “Mu pasi musyenge, kondaayi na mapasi bili mu ukeele we.” 24Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»
25«Bunuubu, me nzaabi bubwe ti, benu boosi ba me andongisi Ipfumu hya Nzambi, tso mumosi a hubwemono me ve. 26Ni mu buuna, me ndi mu undeele benu lo na bukuhu bwosi loloyi: tso mumosi mu benu dungi nzila a Nzambi, a matali me ve. 27Mu toni ati, me anzaabisi benu litondo la Nzambi loosi, hwavele uswehe pasi dyambu. 28Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu. 29Me nzaabi ti bu me utehe mbisa, baatu babaafwana na miinzi mi bukanyi, sa bakotelele libundu mu umana konge biboodi. 30Ŋa hati la benu mwakulu, baatu sa baleele ma upfuta mu udimbasa libundu, mana bayihi bakima mu benu, baduukala bo. 31Ni mu buuna, kebaani! Yibwalaani monyi ti, mu bilima bitatu, butsuhu na nyangu, me a hakolo mu uva mumosi mumosi mu benu mandongi ve. Mu toni a benu, me ambeedi na matsanga mu miisu. 32Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde. 33Me a hanyungala tso mbongo, tso wolo, tso bikutu bya pasi muutu ve. 34Benu mwakulu liyabi ti, ni myoho mo miiniimi myasahi byosi bi me, na bambaahi ba me, laaba na byo nzala. 35Me amwese benu ti mu moosi, lafwaana ubaasala, mana libaakuumbasa biyaha. Yibwalaani monyi mu ma Pfumu Yisu nde mwakulu haleeli: “Kinya ya wu ubaava, yafulala ya wu ubaayaka.”»
36Ŋa yulu a maana, Pahuli atsokimi itwadi na bo, na nde asambili Nzambi. 37Boosi na lingebe, baakalila, baakabumba Pahuli, na usiingama mu likingu la nde na minyongo. 38Bo baaba fula-fula mu lingebe, mu toni a bu nde haleeli ti bo a bu ubwemono nde ve. Titswene, bo baayavehese nde nate hu likuumbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.