2 Juan 1
1
Le jaajo' yéetel le yaacunajo'
1Teen, le anciano, quin dzíbtic le ju'una' ti' le quiic yéeya'an tumen Kuo', yéetel ti' u paalalo'ob máaxo'ob in yaabiltmajo'ob ich tu jaajil, ma' chéen teni', ba'ale' bey xan tuláacal le máaxo'ob dzo'oc u kaj óoltico'ob le jaajo'. 2In yaabiltmaje'exe' tu yo'olal le jaaj yaan ti' c pucsi'ikalo' yéetel bíin yanac t éetel mantadz. 3Ku le taatao', yéetel Yuumtzil Jesucristo u paal le taatao', bíin u dzáa te'ex u siibal utzil, u ch'a'a óotzilil yéetel u jéedzel óolal, ich jaaj yéetel ich yaacunaj.
4Jach qui'imacchaj in wóol tumen tin wilaj dze'edzec ti' a paalalo'obe' táan u cuxtalo'ob je'el bix cu ca'ansic le jaajo', je'el bix tu ya'aljilac to'on Kuo'. 5Bele', quiic, quin káat óoltic teech ca c yaabiltbáa t baatzil. Le ba'ax quin dzíibtic techa' ma' jun p'éel túumben a'almaj t'aani', ba'ale' leti' le anji to'on tu yáax chuune'. 6Le yaacunajo' leti' lela': U cuxtal máac je'el bix u ca'ansic to'on u ya'almaj t'aan Kue'; le a'almaj t'aano', je'el bix ta wu'uyjilaque'ex tu yáax chuune', ca cuxlaque'ex ich yaacunaj.
Le máaxo'ob cu tuuso'obo'
7Tumen ya'abcach j tuuso'ob táan u máano'ob yóokolcaab, máaxo'ob ma' táan u kaj óoltico'obe' Jesucristoe' j taal je'el bix jun túul máac jach tu jaajile'. Le máax beyo', leti' le j tuuso' yéetel leti' le máax yaan tu contra Cristoo'. 8Canantaba'ex te'ex, u ti'al ma' u sa'atal u yich a meyaje'ex, ba'ale' ca a kame'ex jun p'éel chuca'an bo'olil.
9Je'el máaxac ca u jach táanilcuntubáa yéetel ma' táan u p'áatal ti' le ba'ax tu ca'ansaj Cristoo', mina'an Ku ti'; ba'ale' le máax cu p'áatal ti' le ba'ax tu ca'ansaj Cristoo', le Taatao' ti' yaan ti' leti'e', bey xan le Paalo' ti' yaan ti' leti'e'. 10Wa yaan máax cu taal u yile'ex, ba'ale' ma' táan u taasic le ca'ansaja', ma' a kamique'ex ta wotoche'ex mix a tziquiltique'ex; 11tumen le máax tziquiltique'ex cu táacpajal ti' le kaas cu beetico'.
U dzooc t'aano'ob
12Ya'ab ba'alo'ob yaan in wa'al ti' te'ex, ba'ale' ma' in káat in wa'al yéetel dzíibil ju'uni'; tumen táan in pa'atic in bin in wile'ex u ti'al ca t'aanaquen ta wéetele'ex tin chi'il, u ti'al ca utzil chuca'anchajac c qui'imac óolal. 13U paalalo'ob a quiic, máax yéeya'an xan tumen Kue', cu túuxtico'ob te'ex tziiquil t'aano'ob.
Currently Selected:
2 Juan 1: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992