Inug ne si nwḭ̀yḛ̀ 17
17
Anatì njə̀m imbə̀ʼ àkwàrì ka ne chughi igun nyam kyen
1Angirə̀ ifibì abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ya yèʼe pè ghà inum gha, “Yeʼe, mə biri chwi icheg ne mbi biri chə àkwàrì ka ze ne chùghə iban tigyi kyen nɔʼ nɔʼ ine. 2Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”
3Azwighi Ŋwiye ya nyi inga inum. Ane, angirə̀ we ya niŋ amə tì ghò inga ibad zɔbi. Anyumə̀ ne mə̀ ya pè angu, mə̀ ya bàd àyi ne chughi igun nyam kyen ne bàŋì baŋi. Tikum ne zɔ̀mbɔ̀ Ŋwiye ya yaʼ igun nyɔd məd ijìm. Zì ya bə̀ bèrì itog ìsàmbe tì ndɔŋ ìghum. 4Àyi we ya zì iku ndwi we ne məfɔn mbe zìyè. Wì ya ghì ngwèn igun ìwi nyɔd ane ndəŋ ne mbi tangi ane gol, fɔrɔ ndəŋ ne ya ateg àka inun bə̀ fɔrɔ ane ndəŋ ne ya mə̀pə!#17:4 Mə̀pə ya ikum ndəŋ àka inun mɔ̀ʼɔ ne ya kwàʼ ìti chɔm chɔm. Wì ya nyimi toʼ ne mbi tangi ane gol. Inug tibɔ̀ŋ yeti yeti tì izṵ inug mbe ne wì yaya nɔ̀kɔ̀ mbaŋà abu abu ya sweg inga toʼ ze. 5Mbi ya ŋwàʼrì ikum mɔ̀ʼɔ igun akəŋi isi məd ne chəyi wə̀d mɔ̀ʼɔ kyeri aton. Aton ane ikum we ya gha, “Babilɔ̀n kyen, ngɔb ìkwàrì ijìm tì ngɔb inug tibɔ̀ŋ yeti yeti mbe ne yaʼi igun isəg.” 6Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be.
Anyumə̀ ne mə̀ ya bàri aməd, mə̀ ya yeti chè ati. 7Angirə̀ we ya biri inum gha, “Àghò kə yète aghə? Mə biri ghà anug ze ne yaʼi inə̀mbi imbə̀ʼ àyi gho̰ ine. Mə biri bə ghà anug imbə̀ʼ nyam kyen ze ne məd we kɔ̀ʼɔ, ne beri itog ìsàmbe tì ndɔŋ ìghum. 8Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”
9“Anug azo̰ ya kə̀bə̀ gha wə̀d beri iwe, atog wə̀d bə zen. Itog mbe ìsàmbe ya tiwum ìsàmbe ne àyi we we chùghə igun. Itog mbe ya bə̀ məfɔn ìsàmbe. 10Məfɔn məta̰ abɔ̀ʼ məfɔn mbe fə ku. Ìwi ifibì we kiri biri yi izɔm. Chəyi ìwi ndəŋ kiri yèʼe. Anyumə̀ ne wì biri yeʼe, wì biri chughi məyi ane iki nyumə̀. 11Nyam kyen ze ne ya kweʼì yaʼ izɔm, si ya gha zì fə ku, ya ifɔn we ne pè ane ìfàmi. Məd ya ifɔn mɔ̀ʼɔ abɔ̀ʼ məfɔn mbe ìsàmbe. Wì biri ghò ane asiŋi ze ne mbi biri nimni aməd angu.
12Ndɔŋ te ìghum ne àghò kə̀ bàri ya məfɔn ìghum ne chəyi mbi kiri naʼi ika inɔb. Si ya gha, mbi biri nàʼ ika ni tùmbì bəd inɔb bə̀ nàʼ ika abə nyam kyen mbègtog ze ni tùmbì bəd ane awà fìbì. 13Mbi biri zì ìmbɔb itog ane mbi imɔʼ, ane, nàʼ ati ìkyen bə̀ nàʼ ika ni tùmbì bəd abə nyam kyen mbègtog ze. 14Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”
15Angirə̀ we ya bə̀ ghà inum gha, “Tigyi te ne àghò kə̀ bàri ne àkwàrì ze kə̀ chùghi igun ya bəd inga isiŋi ijìm, tinɔ̰ bəd kyen, bəd inga iben ijìm tì bəd ne nɔʼi inga tìngam ijìm. 16Ndɔŋ te ìghum ne àghò kə̀ bàri, tì nyam kyen ze biri bàn àkwàrì ze. Mbɔb biri bən ighi ijìm ibo, sàŋì aməd tì ìkyèrikye. Mbi biri kud nyàmnyɔd məd bə̀ nìmni aməd ane iywid. 17Mbɔb biri ghì ane imbə̀ʼ icheg ne Ŋwiye fə zì inga ìtɔb fìŋ gha mbe ghiyə anug ze ne wì ya fə chuʼri. Mbi biri zì ìmbɔb itog ane ìmbi imɔʼ, nàʼ ika ni tùmbì bəd abə nyam kyen mbègtog ze pè ane nyumə̀ ne Ìngam Ŋwiye biri dù ane tesiʼ. 18Àyi we ne àghò kə̀ bàri ya asiŋi kyen ze ne ìfɔ̀n məd we tùmbə̀ məfɔn məjìm igun isəg.”
Currently Selected:
Inug ne si nwḭ̀yḛ̀ 17: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
Inug ne si nwḭ̀yḛ̀ 17
17
Anatì njə̀m imbə̀ʼ àkwàrì ka ne chughi igun nyam kyen
1Angirə̀ ifibì abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ya yèʼe pè ghà inum gha, “Yeʼe, mə biri chwi icheg ne mbi biri chə àkwàrì ka ze ne chùghə iban tigyi kyen nɔʼ nɔʼ ine. 2Məfɔn igun isəg fə nɔ̀kì tì məd abu abu. Bəd inga isəg fə no mənoʼ mbe ne wì ya nàʼi inɔb be. Mənoʼ mbe ya anug ni nɔ̀kì tì məd abu abu.”
3Azwighi Ŋwiye ya nyi inga inum. Ane, angirə̀ we ya niŋ amə tì ghò inga ibad zɔbi. Anyumə̀ ne mə̀ ya pè angu, mə̀ ya bàd àyi ne chughi igun nyam kyen ne bàŋì baŋi. Tikum ne zɔ̀mbɔ̀ Ŋwiye ya yaʼ igun nyɔd məd ijìm. Zì ya bə̀ bèrì itog ìsàmbe tì ndɔŋ ìghum. 4Àyi we ya zì iku ndwi we ne məfɔn mbe zìyè. Wì ya ghì ngwèn igun ìwi nyɔd ane ndəŋ ne mbi tangi ane gol, fɔrɔ ndəŋ ne ya ateg àka inun bə̀ fɔrɔ ane ndəŋ ne ya mə̀pə!#17:4 Mə̀pə ya ikum ndəŋ àka inun mɔ̀ʼɔ ne ya kwàʼ ìti chɔm chɔm. Wì ya nyimi toʼ ne mbi tangi ane gol. Inug tibɔ̀ŋ yeti yeti tì izṵ inug mbe ne wì yaya nɔ̀kɔ̀ mbaŋà abu abu ya sweg inga toʼ ze. 5Mbi ya ŋwàʼrì ikum mɔ̀ʼɔ igun akəŋi isi məd ne chəyi wə̀d mɔ̀ʼɔ kyeri aton. Aton ane ikum we ya gha, “Babilɔ̀n kyen, ngɔb ìkwàrì ijìm tì ngɔb inug tibɔ̀ŋ yeti yeti mbe ne yaʼi igun isəg.” 6Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be.
Anyumə̀ ne mə̀ ya bàri aməd, mə̀ ya yeti chè ati. 7Angirə̀ we ya biri inum gha, “Àghò kə yète aghə? Mə biri ghà anug ze ne yaʼi inə̀mbi imbə̀ʼ àyi gho̰ ine. Mə biri bə ghà anug imbə̀ʼ nyam kyen ze ne məd we kɔ̀ʼɔ, ne beri itog ìsàmbe tì ndɔŋ ìghum. 8Nyam kyen ze ne àghò ya bàri ya kweʼì yaʼ izɔm. Si ya gha, amad anìŋ, zì fə ku. Zì biri kɔʼ dù inga ibighi kyen we ne chəyi ìnwḭ, si ghò inga asiŋi ze ne zì biri ku nim angu. Anug biri chè bəd mbe ne yaʼi igun isəg ne chəyi mbi ŋwaʼri ìtɔb tikum inga àŋwàʼrì ze ne bɔŋ Ŋwiye ya se tànga isəg wì ya fə ŋwàʼri tikum bəd mbe ne biri jəg ìtḛ̀ inga. Anug biri chè awɔb imbə̀ʼ icheg ne nyam ze ya kweʼì yaʼ izɔm, amad anìŋ zì fə ku. Si ya gha, zì biri ywiri dù.”
9“Anug azo̰ ya kə̀bə̀ gha wə̀d beri iwe, atog wə̀d bə zen. Itog mbe ìsàmbe ya tiwum ìsàmbe ne àyi we we chùghə igun. Itog mbe ya bə̀ məfɔn ìsàmbe. 10Məfɔn məta̰ abɔ̀ʼ məfɔn mbe fə ku. Ìwi ifibì we kiri biri yi izɔm. Chəyi ìwi ndəŋ kiri yèʼe. Anyumə̀ ne wì biri yeʼe, wì biri chughi məyi ane iki nyumə̀. 11Nyam kyen ze ne ya kweʼì yaʼ izɔm, si ya gha zì fə ku, ya ifɔn we ne pè ane ìfàmi. Məd ya ifɔn mɔ̀ʼɔ abɔ̀ʼ məfɔn mbe ìsàmbe. Wì biri ghò ane asiŋi ze ne mbi biri nimni aməd angu.
12Ndɔŋ te ìghum ne àghò kə̀ bàri ya məfɔn ìghum ne chəyi mbi kiri naʼi ika inɔb. Si ya gha, mbi biri nàʼ ika ni tùmbì bəd inɔb bə̀ nàʼ ika abə nyam kyen mbègtog ze ni tùmbì bəd ane awà fìbì. 13Mbi biri zì ìmbɔb itog ane mbi imɔʼ, ane, nàʼ ati ìkyen bə̀ nàʼ ika ni tùmbì bəd abə nyam kyen mbègtog ze. 14Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”
15Angirə̀ we ya bə̀ ghà inum gha, “Tigyi te ne àghò kə̀ bàri ne àkwàrì ze kə̀ chùghi igun ya bəd inga isiŋi ijìm, tinɔ̰ bəd kyen, bəd inga iben ijìm tì bəd ne nɔʼi inga tìngam ijìm. 16Ndɔŋ te ìghum ne àghò kə̀ bàri, tì nyam kyen ze biri bàn àkwàrì ze. Mbɔb biri bən ighi ijìm ibo, sàŋì aməd tì ìkyèrikye. Mbi biri kud nyàmnyɔd məd bə̀ nìmni aməd ane iywid. 17Mbɔb biri ghì ane imbə̀ʼ icheg ne Ŋwiye fə zì inga ìtɔb fìŋ gha mbe ghiyə anug ze ne wì ya fə chuʼri. Mbi biri zì ìmbɔb itog ane ìmbi imɔʼ, nàʼ ika ni tùmbì bəd abə nyam kyen mbègtog ze pè ane nyumə̀ ne Ìngam Ŋwiye biri dù ane tesiʼ. 18Àyi we ne àghò kə̀ bàri ya asiŋi kyen ze ne ìfɔ̀n məd we tùmbə̀ məfɔn məjìm igun isəg.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL