Mə̀Hibrù 10
10
Kristo nàʼ ìwi nyɔd ane aghi àfàtì ane ighə̀m imɔʼ atog abə bəd məjìm
1Mə̀nɔ̀ʼɔ̀ Muse ya məyi àzìŋə ane ighi chɔm mbe ne kiri yeʼe. Mbi yaya nàʼà ighi àfàtì tituʼ tijìm icheg ne mə̀nɔ̀ʼɔ̀ Muse gha. Si ya gha chəyi tì ighi àfàtì mbe ghì bəd mbe ne ghùmnə Ŋwiye mbi zen mànì. 2Àkə aghi ne ighi àfàtì mbe yaya sò bəd mbi zḛ mànà, imbə̀ʼ nji chəyi mbe ywìrè nàʼà? Nji bəd mbe ne ghùmnə Ŋwiye fə zen ighə̀m imɔʼ ne chəyi ìtɔb fìŋ biri ya ywìrè sàʼa awɔb imbə̀ʼ ìmbɔb inug tibɔ̀ŋ. 3Tesiʼ ya gha, ighi àfàtì ya ghìyə̀ bəd wende ìmbɔb inug tibɔ̀ŋ mà tituʼ tijìm. 4Ze ya ane imbə̀ʼ icheg ne chəyi tì anəm pɔ̀ŋ tì anəm gwi sò inug tibɔ̀ŋ wə̀d chì.
5À ya aton ne, anyumə̀ we ne Kristo ya yeʼe igun isəg wì ya ghà abə Ŋwiye gha,
“Chəyi àghò kə̀bi ighi àfàtì fɔrɔ ituti.
Àghò ya kə̀bə̀ yaʼ gha mə naʼa ìmə nyàmnyɔd ze ne àghò nàʼi inum.
6Ighi àfàtì mbe ne mbi yaya tɔ̰̀ fɔrɔ ighi ituti mbe ne mbi yaya nàʼà ni sò inug tibɔ̀ŋ bəd,
chəyi mbi ya ghi ìze fìŋ bɔŋ.
7Mə ya si gha, ‹Ŋwiye, nḛ! À ya mo gho̰.
Mə yèʼe ni fàʼ anug ne àghò kɔ̀ŋi,
icheg ne mbi ŋwàʼri inga Àŋwàʼrì Ŋwiye imbə̀ʼ amə.›”
8Ka mə̀nɔ̀ʼɔ̀ Muse ya jiʼì gha tì naʼa ituti fɔrɔ ighi àfàtì, Kristo ya gha, “Chəyi àghò we kə̀bə̀ ighi àfàtì ni sò inug tibɔ̀ŋ fɔrɔ ighi ituti ne mbe tɔ̰̀. Chəyi ighi mbo̰ mbe ghìyə̀ ìze fìŋ bɔŋɔ.” 9Wì ya bə̀ gha, “Ŋwiye, nḛ! À ya mo gho̰. Mə yèʼe ni fàʼ anug ne àghò kɔ̀ŋi.” Ane, Ŋwiye ya pə̀ ighi àfàtì anun chì, si nɔ̀ŋì aghi àfàtì feg. 10Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.
11Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd. 12Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.#10:12 aba abo jəghi ya ati ne beri ika fɔrɔ ighumni 13Nɔ̀ʼ ane nyùmə̀ we, wì ya se ghɔ̀mɔ̀ gha Ŋwiye ghiyə bəd ìpàb məd mbi si yaʼ aghi ne wì biri se nɔ̀ŋɔ̀ ìmbi ighog igun. 14Anjìm aghi àfàtì azo̰ amɔʼ, wì fə ghì bəd mbe ne we sò ìmbɔb inug tibɔ̀ŋ mbi zen mànì ane ighə̀m imɔʼ. 15Azwighi Ŋwiye bḛ inug mbo̰ ijìm ina. Ze ya bì gha,
16“Anɔŋisəg gha, aŋa ya ikan we ne mə̀ biri wàd tì inɔb
inga ineg mbe ne yèʼe.
Mə biri ghì mbi se kɔ̀ndɔ ìmbum mə̀nɔ̀ʼɔ̀
bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ.”
17Wì ya ywìrì gha,
“Ìmbɔb inug tibɔ̀ŋ fɔrɔ ìwɔb igug inug
chəyi mə̀ biri ywiri nɔʼ wendi.”
18Anyumə̀ ne Ŋwiye fə waʼi inug tibɔ̀ŋ bəd, chəyi mbi koʼi ni ywiri nàʼ ighi àfàtì.
Tè tindi iban Ŋwiye
19Ane, ìmbum məfi fɔrɔ ìtum njàbi, tì nyi inga asiŋi ne zḛ mànì inga mbàn Ŋwiye anjìm anəm Yeso ne chəyi te bɔ. 20Iwu məd ya ghì Ŋwiye setì ndwi ze ne mbi ya tìŋi inga mbàn Ŋwiye, fìʼì inɔnjì feg ina ni nyi inga asiŋi ne zḛ mànì, jəg ìtḛ̀. 21Icheg ne tì beri ijiʼì wə̀d mbàn Ŋwiye ne kyèʼrè nəb Ŋwiye, 22tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ. 23Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi. 24Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin. 25Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.
26Tì mə niŋ isɔbi anug ni chè imbìghè ni ghì inug tibɔ̀ŋ anyumə̀ ne tì fə kyeri tesiʼ, chəyi ywìrè aghi àfàtì mɔ̀ʼɔ ne mbi biri nàʼ imbə̀ʼ ìmba inug tibɔ̀ŋ. 27Anug ne si bùʼ ya gha, tì biri se ghɔ̀mɔ̀ bə̀ bɔ aneg ze ne Ŋwiye biri saʼ ìmbi bəd ìpàb, tɔ̀n awɔb inga iywid. 28Chəyi mbi yaya dìgrè igun bəd mbe ne yaya gùghə̀ mə̀nɔ̀ʼɔ̀ Muse. Anyumə̀ ne bəd məbe kə̀ mətad bḛ gha mbɔb bàd ati ne wə̀d gùghi anug, mbi ya zwète tengàŋ. 29Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye? 30Tè kyèri wə̀d we ne ya gha gha, “À ya mo we ywìtè ìpàb. Mə biri ywìtì.” À ya məd bə ywìrì gha, “Anɔŋisəg biri sɔb isaʼi igun ìmbi bəd.” 31Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.
32Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ. 33Anyumə̀ mɔ̀ʼɔ, mbi ya zɔ̀mbì awən bə̀ chə awən inga inɔ̰ bəd. Nyùmə̀ ndəŋ ya bə̀ yaʼ ne mbə̀ ya nəri fìŋ abə məfi ndəŋ ne mbi ya bə̀ zɔ̀mbì awɔb bə̀ chə awɔb. 34Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ. 35Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən. 36Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi. 37Àŋwàʼrì Ŋwiye gha,
Chəyi agha biri sà,
“Wə̀d we ne yèʼe biri yeʼe
witì chìkì nyumə̀.
38Àsi ìmbum bəd ne təmi kòʼ,
mbɔb biri chughi izɔm anjìm ìwɔb ibḛfiŋ.
Chəyi mə̀ biri gyendi tì bəd mbe ne bə̀ndə̀ anjìm.”
39Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.
Currently Selected:
Mə̀Hibrù 10: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
Mə̀Hibrù 10
10
Kristo nàʼ ìwi nyɔd ane aghi àfàtì ane ighə̀m imɔʼ atog abə bəd məjìm
1Mə̀nɔ̀ʼɔ̀ Muse ya məyi àzìŋə ane ighi chɔm mbe ne kiri yeʼe. Mbi yaya nàʼà ighi àfàtì tituʼ tijìm icheg ne mə̀nɔ̀ʼɔ̀ Muse gha. Si ya gha chəyi tì ighi àfàtì mbe ghì bəd mbe ne ghùmnə Ŋwiye mbi zen mànì. 2Àkə aghi ne ighi àfàtì mbe yaya sò bəd mbi zḛ mànà, imbə̀ʼ nji chəyi mbe ywìrè nàʼà? Nji bəd mbe ne ghùmnə Ŋwiye fə zen ighə̀m imɔʼ ne chəyi ìtɔb fìŋ biri ya ywìrè sàʼa awɔb imbə̀ʼ ìmbɔb inug tibɔ̀ŋ. 3Tesiʼ ya gha, ighi àfàtì ya ghìyə̀ bəd wende ìmbɔb inug tibɔ̀ŋ mà tituʼ tijìm. 4Ze ya ane imbə̀ʼ icheg ne chəyi tì anəm pɔ̀ŋ tì anəm gwi sò inug tibɔ̀ŋ wə̀d chì.
5À ya aton ne, anyumə̀ we ne Kristo ya yeʼe igun isəg wì ya ghà abə Ŋwiye gha,
“Chəyi àghò kə̀bi ighi àfàtì fɔrɔ ituti.
Àghò ya kə̀bə̀ yaʼ gha mə naʼa ìmə nyàmnyɔd ze ne àghò nàʼi inum.
6Ighi àfàtì mbe ne mbi yaya tɔ̰̀ fɔrɔ ighi ituti mbe ne mbi yaya nàʼà ni sò inug tibɔ̀ŋ bəd,
chəyi mbi ya ghi ìze fìŋ bɔŋ.
7Mə ya si gha, ‹Ŋwiye, nḛ! À ya mo gho̰.
Mə yèʼe ni fàʼ anug ne àghò kɔ̀ŋi,
icheg ne mbi ŋwàʼri inga Àŋwàʼrì Ŋwiye imbə̀ʼ amə.›”
8Ka mə̀nɔ̀ʼɔ̀ Muse ya jiʼì gha tì naʼa ituti fɔrɔ ighi àfàtì, Kristo ya gha, “Chəyi àghò we kə̀bə̀ ighi àfàtì ni sò inug tibɔ̀ŋ fɔrɔ ighi ituti ne mbe tɔ̰̀. Chəyi ighi mbo̰ mbe ghìyə̀ ìze fìŋ bɔŋɔ.” 9Wì ya bə̀ gha, “Ŋwiye, nḛ! À ya mo gho̰. Mə yèʼe ni fàʼ anug ne àghò kɔ̀ŋi.” Ane, Ŋwiye ya pə̀ ighi àfàtì anun chì, si nɔ̀ŋì aghi àfàtì feg. 10Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.
11Inga ikan anun, wə̀d mbàn Ŋwiye yaya nàʼà ighi àfàtì inga mbàn Ŋwiye ineg ijìm. Wì ya nàʼà iku ighi àfàtì afibì aghəm nɔʼ nɔʼ ni ghì gha Ŋwiye waʼ inug tibɔ̀ŋ bəd. Si ya gha, chəyi ighi mbo̰ ya kə kweʼì chì inug tibɔ̀ŋ bəd. 12Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.#10:12 aba abo jəghi ya ati ne beri ika fɔrɔ ighumni 13Nɔ̀ʼ ane nyùmə̀ we, wì ya se ghɔ̀mɔ̀ gha Ŋwiye ghiyə bəd ìpàb məd mbi si yaʼ aghi ne wì biri se nɔ̀ŋɔ̀ ìmbi ighog igun. 14Anjìm aghi àfàtì azo̰ amɔʼ, wì fə ghì bəd mbe ne we sò ìmbɔb inug tibɔ̀ŋ mbi zen mànì ane ighə̀m imɔʼ. 15Azwighi Ŋwiye bḛ inug mbo̰ ijìm ina. Ze ya bì gha,
16“Anɔŋisəg gha, aŋa ya ikan we ne mə̀ biri wàd tì inɔb
inga ineg mbe ne yèʼe.
Mə biri ghì mbi se kɔ̀ndɔ ìmbum mə̀nɔ̀ʼɔ̀
bə̀ ghì mbi se nɔ̀ŋɔ̀ ìmbum mə̀nɔ̀ʼɔ̀ inɔb inga fìŋ.”
17Wì ya ywìrì gha,
“Ìmbɔb inug tibɔ̀ŋ fɔrɔ ìwɔb igug inug
chəyi mə̀ biri ywiri nɔʼ wendi.”
18Anyumə̀ ne Ŋwiye fə waʼi inug tibɔ̀ŋ bəd, chəyi mbi koʼi ni ywiri nàʼ ighi àfàtì.
Tè tindi iban Ŋwiye
19Ane, ìmbum məfi fɔrɔ ìtum njàbi, tì nyi inga asiŋi ne zḛ mànì inga mbàn Ŋwiye anjìm anəm Yeso ne chəyi te bɔ. 20Iwu məd ya ghì Ŋwiye setì ndwi ze ne mbi ya tìŋi inga mbàn Ŋwiye, fìʼì inɔnjì feg ina ni nyi inga asiŋi ne zḛ mànì, jəg ìtḛ̀. 21Icheg ne tì beri ijiʼì wə̀d mbàn Ŋwiye ne kyèʼrè nəb Ŋwiye, 22tè tindi iban Ŋwiye ane fìŋ ijìm bə̀ nɔ̀ŋì ìwa ikɔndi ijìm igun məd. Tè tindi ane tì fìŋ ne Ŋwiye fə so tikɔndi tibɔ̀ŋ chì fɔrɔ tì nyàmnyɔd ne Ŋwiye fə so ane mənib zḛ zḛ. 23Tè taŋ nyìmi inug mbe ne tì bḛ, bə̀ nɔ̀ŋì ikɔndi ni ghɔ̀m imbə̀ʼ icheg ne Ŋwiye ne kàʼi anug ina, wì ya fàʼà inug mbe ne wì kàʼi. 24Tè kɔndi icheg ni ya ghìyə̀ inug ne nə̀rə wə̀d imɔʼ imɔʼ gha wì ya ghìyə̀ inug chɔm bə̀ kɔ̀ŋɔ̀ mə̀mbin. 25Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.
26Tì mə niŋ isɔbi anug ni chè imbìghè ni ghì inug tibɔ̀ŋ anyumə̀ ne tì fə kyeri tesiʼ, chəyi ywìrè aghi àfàtì mɔ̀ʼɔ ne mbi biri nàʼ imbə̀ʼ ìmba inug tibɔ̀ŋ. 27Anug ne si bùʼ ya gha, tì biri se ghɔ̀mɔ̀ bə̀ bɔ aneg ze ne Ŋwiye biri saʼ ìmbi bəd ìpàb, tɔ̀n awɔb inga iywid. 28Chəyi mbi yaya dìgrè igun bəd mbe ne yaya gùghə̀ mə̀nɔ̀ʼɔ̀ Muse. Anyumə̀ ne bəd məbe kə̀ mətad bḛ gha mbɔb bàd ati ne wə̀d gùghi anug, mbi ya zwète tengàŋ. 29Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye? 30Tè kyèri wə̀d we ne ya gha gha, “À ya mo we ywìtè ìpàb. Mə biri ywìtì.” À ya məd bə ywìrì gha, “Anɔŋisəg biri sɔb isaʼi igun ìmbi bəd.” 31Anug ne wə̀d ijìm beri ni taŋ bɔ ya gha imbə̀ʼ wì nɔʼ nyi ikye abo abə Ŋwiye we ne yaʼi izɔm.
32Mbə̀ kɔndi ineg mbe ne ya fə che ne mbə̀ ya kyeri tesiʼ imbə̀ʼ Yeso Kristo. Mbə̀ bə kɔ̀ndi icheg ne mbə̰ ya nyìʼi inug bə̀ kiri nɔŋi ìwən ibḛfiŋ igun Ŋwiye anyumə̀ ne mbi ya kwàʼri awən ghì mbə zə̰ ngəʼ nɔʼ nɔʼ. 33Anyumə̀ mɔ̀ʼɔ, mbi ya zɔ̀mbì awən bə̀ chə awən inga inɔ̰ bəd. Nyùmə̀ ndəŋ ya bə̀ yaʼ ne mbə̀ ya nəri fìŋ abə məfi ndəŋ ne mbi ya bə̀ zɔ̀mbì awɔb bə̀ chə awɔb. 34Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ. 35Ane, imbə̀ʼ mbə̰ chiye awən ibḛfiŋ igun Anɔŋisəg imbə̀ʼ icheg ne ibḛfiŋ we biri nàʼ chùd ne faŋi inən. 36Mbə bèrì ni ya nyìmbe fìŋ ni fàʼ anug ze ne Ŋwiye kə̀bi imbə̀ʼ bèrì anug ze ne wì kàʼi. 37Àŋwàʼrì Ŋwiye gha,
Chəyi agha biri sà,
“Wə̀d we ne yèʼe biri yeʼe
witì chìkì nyumə̀.
38Àsi ìmbum bəd ne təmi kòʼ,
mbɔb biri chughi izɔm anjìm ìwɔb ibḛfiŋ.
Chəyi mə̀ biri gyendi tì bəd mbe ne bə̀ndə̀ anjìm.”
39Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL