2 Timotì 2
2
Wə̀d ne fàʼà abə Yeso Kristo icheg sogyì chɔm
1Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo. 2Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ. 3Icheg sogyì chɔm ne fàʼà abə Yeso Kristo, àghò nyimi fìŋ anyumə̀ ne àghò we chè inga ngəʼ icheg ina. 4Chəyi mə̀sogyì ne fàʼà beri ni zì ìwɔb nyɔd ane inug ne chè inga aben. Aton ya gha, mbi mə̀ ghì ane, chəyi tì mbi ghì gha atog wə̀d igun mə̀sogyì we ne chɔʼi awɔb wè gyendi. 5À ya bə̀ ane ne wə̀d ne nòtò mə chəyi wì nòto icheg ne mə̀nɔ̀ʼɔ̀ ànòtì chwi, chəyi tì wì bèrì ineʼi we ne mbe nàʼà abə wə̀d ne che ànòtì. 6Wə̀d mben ne taŋ zì atog ane àfàʼì kòʼ ni yaʼ wə̀d mbègtog ni jəg ane ighi mbe ne mbi foʼi a mben. 7Àghò taŋ kɔ̀ndi inug mbo̰ ne mə ghà anìŋ. Anɔŋisəg biri fiʼì àze atog ghì àghò taŋ kyèri inug mbo̰.
8Àghò wendi Yeso Kristo ne yaʼi ŋwan ane aghaŋ inəbi ifɔn Dèvid, Ŋwiye ya ghì wì zwème ane iwu. À ya ikən chɔm ne mə chètè we. 9À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye. 10Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.
11Ajiʼi anug ne tì koʼi ni bḛ ya gha;
tì mə fə ku tì Kristo,
tì biri bə ywìri chughi izɔm tì məd.
12Tì mə nyìʼ,
tì biri bə jəg anug ìfɔ̀n tì məd.
Tì mə to̰ awa məd,
wì biri bə to̰ yi awa.
13Tì mə to̰ awa ni nɔ̀ŋì ibḛfiŋ igun məd,
wì biri kiri kɔ̀ŋ awa
imbə̀ʼ icheg ne chəyi tì wì ton anug ze ne wì fə nɔŋi ni fàʼ.
Wə̀d àfàʼì ne Ŋwiye chɔ̀ʼi
14Àghò che imbìghè ni wendi inug mbo̰ abə bəd Kristo. Àghò pati awɔb imbìghè abə Ŋwiye gha imbə̀ʼ mbi ya tàŋà awɔb tìngam ako ne chəyi tì ti wètì wə̀d. Tìngam te ya chìkə̀ fìŋ abə bəd mbe ne zi atog ni zug tiwən. 15Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm. 16Àghò ton tìngam mɔ̀ʼɔ te ne chəyi te ghìyə̀ wə̀d kyère Ŋwiye imbə̀ʼ icheg ne bəd ne zi atog igun iku tìngam te ya ghìyə̀ inug nɔʼ nɔʼ ne chəyi mbe nàʼà iwumni abə Ŋwiye. 17Inug mbe ne mbɔb mbe chwìte ya sàkà kwàʼ icheg ne kwà ze sàkà jə̀ghə nyɔd ijìm abə wə̀d. Bəd mɔ̀ʼɔ abɔ̀ʼ bəd mbe ne chwìte tiku inug te ya Hèmenùs fɔrɔ Fìletùs. 18Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn. 19Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.
20Achan kyen ya bèrì ikaŋ aku aku. Ikaŋ mɔ̀ʼɔ ya mbi tangi ane gol. Mbin ya mbi tangi ane siribà. Mbi mɔ̀ʼɔ ya mbi to ane ized. Mbin ya mbi bɔmi ane ìseg. Mbi mɔ̀ʼɔ ya mbi nɔŋi ni fàʼ ijiʼi inug inga. Mbin ya mbe kə bètè fàʼà ighi inga ineg ijìm. 21Wə̀d mə sò ìwi nyɔd waʼ ìmbi inug tibɔ̀ŋ, wì biri yaʼ icheg akaŋ ne Ŋwiye biri niŋ aməd ni fàʼ ijiʼi inug inga. Wì biri fə zen mànì. Mbaʼ àfàʼì məd biri fàʼ tì məd icheg ne wì fə chuʼri ìwi nyɔd ni ghì inug chɔm ijìm. 22Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀. 23Àghò chiye ìfe ifeg ane inug mbe ne bəd mbe tàŋà ne chəyi iwe inga imbə̀ʼ icheg ne àghò kyèri àze aghi gha, inug mbe ya zìyè yaʼ achɔb inga bəd. 24Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa. 25Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye. 26Wì ya bə̀ ghìyə̀ ane nè nɔ̀ŋɔ̀ ikɔndi gha ìmbɔb itog biri zen, mbi si chwed abə atam ze ne Debrə̀ bə̰ nɔ̀ŋì inɔb, ni gwì awɔb ghì mbi se fàʼà inug mbe ne məd kə̀bi.
Currently Selected:
2 Timotì 2: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
2 Timotì 2
2
Wə̀d ne fàʼà abə Yeso Kristo icheg sogyì chɔm
1Timotì, ìmə ŋwan, àghò təm kà anjìm ìchɔ̀mì we ne Ŋwiye ghi ine icheg ne àghò yaʼi ane ifɔti tì Yeso Kristo. 2Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ. 3Icheg sogyì chɔm ne fàʼà abə Yeso Kristo, àghò nyimi fìŋ anyumə̀ ne àghò we chè inga ngəʼ icheg ina. 4Chəyi mə̀sogyì ne fàʼà beri ni zì ìwɔb nyɔd ane inug ne chè inga aben. Aton ya gha, mbi mə̀ ghì ane, chəyi tì mbi ghì gha atog wə̀d igun mə̀sogyì we ne chɔʼi awɔb wè gyendi. 5À ya bə̀ ane ne wə̀d ne nòtò mə chəyi wì nòto icheg ne mə̀nɔ̀ʼɔ̀ ànòtì chwi, chəyi tì wì bèrì ineʼi we ne mbe nàʼà abə wə̀d ne che ànòtì. 6Wə̀d mben ne taŋ zì atog ane àfàʼì kòʼ ni yaʼ wə̀d mbègtog ni jəg ane ighi mbe ne mbi foʼi a mben. 7Àghò taŋ kɔ̀ndi inug mbo̰ ne mə ghà anìŋ. Anɔŋisəg biri fiʼì àze atog ghì àghò taŋ kyèri inug mbo̰.
8Àghò wendi Yeso Kristo ne yaʼi ŋwan ane aghaŋ inəbi ifɔn Dèvid, Ŋwiye ya ghì wì zwème ane iwu. À ya ikən chɔm ne mə chètè we. 9À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye. 10Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.
11Ajiʼi anug ne tì koʼi ni bḛ ya gha;
tì mə fə ku tì Kristo,
tì biri bə ywìri chughi izɔm tì məd.
12Tì mə nyìʼ,
tì biri bə jəg anug ìfɔ̀n tì məd.
Tì mə to̰ awa məd,
wì biri bə to̰ yi awa.
13Tì mə to̰ awa ni nɔ̀ŋì ibḛfiŋ igun məd,
wì biri kiri kɔ̀ŋ awa
imbə̀ʼ icheg ne chəyi tì wì ton anug ze ne wì fə nɔŋi ni fàʼ.
Wə̀d àfàʼì ne Ŋwiye chɔ̀ʼi
14Àghò che imbìghè ni wendi inug mbo̰ abə bəd Kristo. Àghò pati awɔb imbìghè abə Ŋwiye gha imbə̀ʼ mbi ya tàŋà awɔb tìngam ako ne chəyi tì ti wètì wə̀d. Tìngam te ya chìkə̀ fìŋ abə bəd mbe ne zi atog ni zug tiwən. 15Àghò kirə ika ijìm ni təm imbìghè abə Ŋwiye icheg wə̀d àfàʼì ne Ŋwiye bḛ gha wè kòʼ. Təm icheg wə̀d àfàʼì ne chəyi wì beri tìnìrètog, bə̀ təm icheg wə̀d àfàʼì ne nyimi tesiʼ we ne yaʼi inga Ìngam Ŋwiye kwàʼ icheg chɔm. 16Àghò ton tìngam mɔ̀ʼɔ te ne chəyi te ghìyə̀ wə̀d kyère Ŋwiye imbə̀ʼ icheg ne bəd ne zi atog igun iku tìngam te ya ghìyə̀ inug nɔʼ nɔʼ ne chəyi mbe nàʼà iwumni abə Ŋwiye. 17Inug mbe ne mbɔb mbe chwìte ya sàkà kwàʼ icheg ne kwà ze sàkà jə̀ghə nyɔd ijìm abə wə̀d. Bəd mɔ̀ʼɔ abɔ̀ʼ bəd mbe ne chwìte tiku inug te ya Hèmenùs fɔrɔ Fìletùs. 18Mbɔb fə waʼ tesiʼ we ne yaʼi inga Ìngam Ŋwiye. Mbɔb mbe ghàmà gha anug ni zweme ane iwu ya fə chè. Mbɔb ya ghìyə̀ ane chìkə̀ ibḛfiŋ abə bəd ndan ndàn. 19Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.
20Achan kyen ya bèrì ikaŋ aku aku. Ikaŋ mɔ̀ʼɔ ya mbi tangi ane gol. Mbin ya mbi tangi ane siribà. Mbi mɔ̀ʼɔ ya mbi to ane ized. Mbin ya mbi bɔmi ane ìseg. Mbi mɔ̀ʼɔ ya mbi nɔŋi ni fàʼ ijiʼi inug inga. Mbin ya mbe kə bètè fàʼà ighi inga ineg ijìm. 21Wə̀d mə sò ìwi nyɔd waʼ ìmbi inug tibɔ̀ŋ, wì biri yaʼ icheg akaŋ ne Ŋwiye biri niŋ aməd ni fàʼ ijiʼi inug inga. Wì biri fə zen mànì. Mbaʼ àfàʼì məd biri fàʼ tì məd icheg ne wì fə chuʼri ìwi nyɔd ni ghì inug chɔm ijìm. 22Àghò ton inug tibɔ̀ŋ mbe ne ngwàʼ bɔd ze kɔ̀ŋɔ̀. Àghò kirə ika ni ya ghìyə̀ inug mbe ne təmi kòʼ. Àghò nɔŋɔ ìwe ibḛfiŋ igun Kristo bə̀ ya ghìyə̀ inug abə bəd ane àkɔ̀ŋì. Àghò chughi ane àbɔrɔ̀bɔd tì bəd. Àghò ya ghìyə̀ inug mbo̰ ijìm icheg ne bəd mbe ne kàrà Anɔŋisəg ane fìŋ ijìm mbe ghìyə̀. 23Àghò chiye ìfe ifeg ane inug mbe ne bəd mbe tàŋà ne chəyi iwe inga imbə̀ʼ icheg ne àghò kyèri àze aghi gha, inug mbe ya zìyè yaʼ achɔb inga bəd. 24Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa. 25Wì mənyìʼ ya chwìte inug ane àbɔrɔ̀bɔd abə bəd mbe ne to̰ inug mbe ne məd we chwìte. Wì ya ghìyə̀ ane nè nɔ̀ŋɔ̀ ikɔndi gha, Ŋwiye biri ghì mbi bə̀ŋə̀ ìtɔb fìŋ sìkì inug tibɔ̀ŋ, bə̀ ghì mbi kyeri tesiʼ we ne yaʼi inga Ìngam Ŋwiye. 26Wì ya bə̀ ghìyə̀ ane nè nɔ̀ŋɔ̀ ikɔndi gha ìmbɔb itog biri zen, mbi si chwed abə atam ze ne Debrə̀ bə̰ nɔ̀ŋì inɔb, ni gwì awɔb ghì mbi se fàʼà inug mbe ne məd kə̀bi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL