2 Kɔrèn 13
13
Inug ne si nwḭ̀yḛ̀
1Aŋa ya aghəm atad ne mə yèʼe ni mùg mbə inən. Àŋwàʼrì Ŋwiye ghà gha, “Bəd məbe kə̀ bəd mətad mə̀ bḛ gha mbɔb bàd ati ne wə̀d gùghi anug, anug ze ya àze tesiʼ.” 2Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ. 3Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika. 4Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən
5Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze. 6Mə kyèri kwàʼ icheg chɔm gha, mbə̰ biri bàd gha chəyi mba gughi àkwàʼrì ze. 7Ìwa ichaʼri Ŋwiye ya gha, imbə̀ʼ mbə̰ nɔ̀ʼ gùg anug. Chəyi te chàʼrà Ŋwiye ane ni chwi gha tè chè àkwàrì. Ka mbə̰ niŋ awa gha tè gùg àkwàʼrì, tì ya chàʼrà Ŋwiye gha, mbə̀ se ghìyə̀ inug chɔ̀m. 8Chəyi tì tì ghì anug mɔ̀ʼɔ ni nyə̀m tesiʼ. Tì ya tə̀mə məyi igun tesiʼ. 9Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì. 10À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.
Ichaʼri ne si nwìyḛ̀
11Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.
12Mbə̀ chaʼra wə̀d imɔʼ imɔʼ kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo. 13Bəd Ŋwiye məjìm mbe chàʼrà awən. 14Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.
Currently Selected:
2 Kɔrèn 13: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
2 Kɔrèn 13
13
Inug ne si nwḭ̀yḛ̀
1Aŋa ya aghəm atad ne mə yèʼe ni mùg mbə inən. Àŋwàʼrì Ŋwiye ghà gha, “Bəd məbe kə̀ bəd mətad mə̀ bḛ gha mbɔb bàd ati ne wə̀d gùghi anug, anug ze ya àze tesiʼ.” 2Mə ya fə pati bəd mbe ne ghìyə̀ inug tibɔ̀ŋ anyumə̀ ne mə̀ ya ywìri yèʼe ni mùg awən ane ighəm ne pè ane ibe. Mə ya anìŋ ywìrè pàta awən ne chəyi mə̀ yaʼ iban inən. Anyumə̀ ne mə̀ ywìrì yèʼe, chəyi mə̀ biri bèrì àsɔ̀mnəfiŋ igun bəd mbe ne mə̀ kweʼì pàti fɔrɔ bəd ndəŋ ndəŋ. 3Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika. 4Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən
5Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze. 6Mə kyèri kwàʼ icheg chɔm gha, mbə̰ biri bàd gha chəyi mba gughi àkwàʼrì ze. 7Ìwa ichaʼri Ŋwiye ya gha, imbə̀ʼ mbə̰ nɔ̀ʼ gùg anug. Chəyi te chàʼrà Ŋwiye ane ni chwi gha tè chè àkwàrì. Ka mbə̰ niŋ awa gha tè gùg àkwàʼrì, tì ya chàʼrà Ŋwiye gha, mbə̀ se ghìyə̀ inug chɔ̀m. 8Chəyi tì tì ghì anug mɔ̀ʼɔ ni nyə̀m tesiʼ. Tì ya tə̀mə məyi igun tesiʼ. 9Tì we gyènde anyumə̀ ne tì bɔri, mbə̰ si təm kà ane ibḛfiŋ. Ìwa ichàʼri Ŋwiye inən ya gha mbə̀ təm zen mànì. 10À ya aton ne mə̀ ŋwaʼri àŋwàʼrì azo̰ inən ne chəyi mə̀ kiri pe abɔ̀ʼ inən. Mə ŋwàʼrì anìŋ ni gha anyumə̀ ne mə̀ pe, chəyi mə̀ biri niŋ ika we ne Ŋwiye nàʼi inum ni ghàm tɔ inən. Ika gho̰ ya Anɔŋisəg nàʼi inum ni gha mə ghìyə mbə̀ təm kà ane ibḛfiŋ, kayi ni chìkì ìwən ibḛfiŋ.
Ichaʼri ne si nwìyḛ̀
11Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.
12Mbə̀ chaʼra wə̀d imɔʼ imɔʼ kwàʼ icheg chɔm. Mbə̀ chaʼra ane chwi àkɔ̀ŋì ze ne yaʼi inga bəd Kristo. 13Bəd Ŋwiye məjìm mbe chàʼrà awən. 14Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL