1 Timotì 2
2
Icheg ne bəd Kristo koʼi ni ghumni Ŋwiye
1Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm. 2Mbə̀ ya bə̀ chàʼrà Ŋwiye abə məfɔn fɔrɔ abə itog bəd mbe ne sàʼa aben. Mbə̀ ghiyə ane imbə̀ʼ tì chughi ane àbɔrɔ̀bɔd bə̀ nɔ̀ŋì fìŋ ane anug Ŋwiye bə̀ chùghi ane ìzḛzḛ. 3Aŋa ya anug ne bɔŋi bə̀ kòʼ abə Ŋwiye ne pùmnə bəd. 4Ŋwiye we kə̀bə̀ gha bəd məjìm kyeri tesiʼ pum. 5Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo. 6À ya məd ne ya nàʼi àzi atog ni pumni bəd məjìm. Aŋa ya ikən we ne nyùmə̀ kòʼi, Ŋwiye gha abə bəd məjìm. 7Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.
8Mə kə̀b gha isiŋi ijìm ne bəd fète angu ni ghumni Ŋwiye, mbaŋà ijìm waʼ agaŋ bə̀ sàŋì achɔb se nɔ̀ ibo zḛ zḛ ikaŋ, chàʼrà Ŋwiye. 9Mə bə̀ kə̀b gha mə̀yi ya zìyè ndwi ne koʼi koʼi ne nàʼà ighumni abə Ŋwiye. Imbə̀ʼ mə̀yi nɔ̀ŋɔ̀ awɔb ìtɔb fìŋ ane: anug ni baʼ itog tìngì ighi ngwèn angu kə̀ ane anug ni zì ndəŋ tì məkàrà ne mbi tangi ane gol kə̀ mə̀pə#2:9 Mə̀pə ya ikum ndəŋ àka inun mɔ̀ʼɔ ne ya kwàʼ ìti chɔm chɔm. kə̀ ane anug ni zì ndwi àka inun. 10Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye. 11Mə̀yi ya mə̀nə̀ inug tizi bə̀ taŋ swi ìwɔb nyɔd aseg. 12Chəyi mə̀ kə̀bi gha àyi təm se chwìte inug inga bəd kə̀ ya tùmbə̀ mbaŋà. Mə̀yi ya mə̀nə̀ inug tizi. 13Aton ya gha, Ŋwiye ya bì tàngi Adàm bɔŋ si tàngi If. 14Kayi Adàm ne Sàtàn ya tambi. À ya àyi ne mbi ya tambi wì gùg anug abə Ŋwiye si bə̀ŋə̀ ane wə̀d inug tibɔ̀ŋ. 15Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.
Currently Selected:
1 Timotì 2: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
1 Timotì 2
2
Icheg ne bəd Kristo koʼi ni ghumni Ŋwiye
1Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm. 2Mbə̀ ya bə̀ chàʼrà Ŋwiye abə məfɔn fɔrɔ abə itog bəd mbe ne sàʼa aben. Mbə̀ ghiyə ane imbə̀ʼ tì chughi ane àbɔrɔ̀bɔd bə̀ nɔ̀ŋì fìŋ ane anug Ŋwiye bə̀ chùghi ane ìzḛzḛ. 3Aŋa ya anug ne bɔŋi bə̀ kòʼ abə Ŋwiye ne pùmnə bəd. 4Ŋwiye we kə̀bə̀ gha bəd məjìm kyeri tesiʼ pum. 5Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo. 6À ya məd ne ya nàʼi àzi atog ni pumni bəd məjìm. Aŋa ya ikən we ne nyùmə̀ kòʼi, Ŋwiye gha abə bəd məjìm. 7Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.
8Mə kə̀b gha isiŋi ijìm ne bəd fète angu ni ghumni Ŋwiye, mbaŋà ijìm waʼ agaŋ bə̀ sàŋì achɔb se nɔ̀ ibo zḛ zḛ ikaŋ, chàʼrà Ŋwiye. 9Mə bə̀ kə̀b gha mə̀yi ya zìyè ndwi ne koʼi koʼi ne nàʼà ighumni abə Ŋwiye. Imbə̀ʼ mə̀yi nɔ̀ŋɔ̀ awɔb ìtɔb fìŋ ane: anug ni baʼ itog tìngì ighi ngwèn angu kə̀ ane anug ni zì ndəŋ tì məkàrà ne mbi tangi ane gol kə̀ mə̀pə#2:9 Mə̀pə ya ikum ndəŋ àka inun mɔ̀ʼɔ ne ya kwàʼ ìti chɔm chɔm. kə̀ ane anug ni zì ndwi àka inun. 10Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye. 11Mə̀yi ya mə̀nə̀ inug tizi bə̀ taŋ swi ìwɔb nyɔd aseg. 12Chəyi mə̀ kə̀bi gha àyi təm se chwìte inug inga bəd kə̀ ya tùmbə̀ mbaŋà. Mə̀yi ya mə̀nə̀ inug tizi. 13Aton ya gha, Ŋwiye ya bì tàngi Adàm bɔŋ si tàngi If. 14Kayi Adàm ne Sàtàn ya tambi. À ya àyi ne mbi ya tambi wì gùg anug abə Ŋwiye si bə̀ŋə̀ ane wə̀d inug tibɔ̀ŋ. 15Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL