1 Tèsàlonikà 4
4
Ikuchèg ne ghìyə̀ Ŋwiye gyènde
1Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə. 2Mbə kyèri tikə te ne Anɔŋisəg Yeso ya nàʼi ika ina gha tì chwiti inən.
3Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu. 4Wə̀d imɔʼ imɔʼ abɔ̀ʼ inən kyeri icheg ni nyimbi ìwi nyɔd#4:4 kyeri icheg ni chughi məyi tì ìwi iweg kə̀ tì ìwi inɔm ane icheg ne zḛ bə̀ kòʼ. 5Imbə̀ʼ wə̀d mɔ̀ʼɔ abɔ̀ʼ inən si ghə̀ʼrə̀ yi anug ni nɔ̀kì mə̀yi kə̀ nɔ̀kì mbaŋà icheg ne bəd ne chəyi mbi kyeri Ŋwiye mbe ghìyə̀. 6Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən. 7Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ. 8Wə̀d ne to̰ yi tikə ìto̰, kayi wə̀d mɔ̀ʼɔ ne we to̰. Wì ya to̰ yaʼ Ŋwiye ne nàʼà àzi Azwighi inən.
9Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi. 10À ya tesiʼ gha mbə̰ mbe taŋ kɔ̀ŋɔ̀ ìmbən məfi məjìm fɔrɔ ìtən njàbi tijìm ne yaʼi inga isiŋi ijìm a Màsèdonìyà. Ìmba məfi fɔrɔ ìta njàbi, tì ya kiri boʼo ibo inən gha, mbə̀ che imbìghè se taŋ kɔ̀ŋɔ̀ ìmbən məfi fɔrɔ ìtən njàbi. 11Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən. 12Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.
Inug imbə̀ʼ icheg ne Anɔŋisəg biri ywiri yeʼe
13Ìmba məfi fɔrɔ ìta njàbi, tì kə̀b gha mbə̀ kyeri tesiʼ imbə̀ʼ bəd mbe ne fə ku. Chəyi tì kəbi gha mbə̀ ya sɔ̀mnɔ̀ imbə̀ʼ awɔb icheg mə̀mbin ne chəyi mbi beri ikɔndi gha mbi biri yaʼ abɔ̀ʼ Ŋwiye. 14Tè bḛ gha Yeso ya ku bə̀ zwème. Tè bə̀ bḛ gha Ŋwiye biri niŋ bəd mbe ne fə ku ne ya bḛ Yeso ghì mbi yaʼ tì Yeso. 15Anug azo̰ ne te ghà inən ya anug ne Anɔŋisəg zìye ya gha. Wì ya gha, anyumə̀ ne Anɔŋisəg ywirì yeʼe, chəyi bəd mbe ne biri yaʼ izɔm anyumə̀ we biri chè imbìghè abə bəd mbe ne fə ku. 16Anyumə̀ ne Anɔŋisəg zìye biri swiʼi ikaŋ, wì biri ghàm ane gì ka ka. Angirə̀ kyen biri bə ghàm. Tàŋ Ŋwiye biri bə̀ ghàm. Bəd mbe ne ya bḛ Kristo bɔŋ ku biri bi zweme. 17Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ. 18Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.
Currently Selected:
1 Tèsàlonikà 4: MBTP
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL
1 Tèsàlonikà 4
4
Ikuchèg ne ghìyə̀ Ŋwiye gyènde
1Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə. 2Mbə kyèri tikə te ne Anɔŋisəg Yeso ya nàʼi ika ina gha tì chwiti inən.
3Anug ne Ŋwiye kə̀bi ya gha mbə̀ chughi ane ikuchèg ne zḛ. Chəyi Ŋwiye kə̀bi gha, mbə̀ ya nɔ̀kɔ̀ mbaŋà kə̀ nɔ̀kɔ̀ mə̀yi abu abu. 4Wə̀d imɔʼ imɔʼ abɔ̀ʼ inən kyeri icheg ni nyimbi ìwi nyɔd#4:4 kyeri icheg ni chughi məyi tì ìwi iweg kə̀ tì ìwi inɔm ane icheg ne zḛ bə̀ kòʼ. 5Imbə̀ʼ wə̀d mɔ̀ʼɔ abɔ̀ʼ inən si ghə̀ʼrə̀ yi anug ni nɔ̀kì mə̀yi kə̀ nɔ̀kì mbaŋà icheg ne bəd ne chəyi mbi kyeri Ŋwiye mbe ghìyə̀. 6Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən. 7Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ. 8Wə̀d ne to̰ yi tikə ìto̰, kayi wə̀d mɔ̀ʼɔ ne we to̰. Wì ya to̰ yaʼ Ŋwiye ne nàʼà àzi Azwighi inən.
9Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi. 10À ya tesiʼ gha mbə̰ mbe taŋ kɔ̀ŋɔ̀ ìmbən məfi məjìm fɔrɔ ìtən njàbi tijìm ne yaʼi inga isiŋi ijìm a Màsèdonìyà. Ìmba məfi fɔrɔ ìta njàbi, tì ya kiri boʼo ibo inən gha, mbə̀ che imbìghè se taŋ kɔ̀ŋɔ̀ ìmbən məfi fɔrɔ ìtən njàbi. 11Mbə̀ kirə ika ni ghì inug ijìm imbə̀ʼ chughi ane àbɔrɔ̀bɔd. Imbə̀ʼ mbə̰ si ya zìyè awən ìwən ichug inga inug bəd ndəŋ. Wə̀d ziye atog yaʼ ane àzi àfàʼì bə̀ fàʼ ane ìmbi ibo icheg ne tì ya gha inən. 12Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.
Inug imbə̀ʼ icheg ne Anɔŋisəg biri ywiri yeʼe
13Ìmba məfi fɔrɔ ìta njàbi, tì kə̀b gha mbə̀ kyeri tesiʼ imbə̀ʼ bəd mbe ne fə ku. Chəyi tì kəbi gha mbə̀ ya sɔ̀mnɔ̀ imbə̀ʼ awɔb icheg mə̀mbin ne chəyi mbi beri ikɔndi gha mbi biri yaʼ abɔ̀ʼ Ŋwiye. 14Tè bḛ gha Yeso ya ku bə̀ zwème. Tè bə̀ bḛ gha Ŋwiye biri niŋ bəd mbe ne fə ku ne ya bḛ Yeso ghì mbi yaʼ tì Yeso. 15Anug azo̰ ne te ghà inən ya anug ne Anɔŋisəg zìye ya gha. Wì ya gha, anyumə̀ ne Anɔŋisəg ywirì yeʼe, chəyi bəd mbe ne biri yaʼ izɔm anyumə̀ we biri chè imbìghè abə bəd mbe ne fə ku. 16Anyumə̀ ne Anɔŋisəg zìye biri swiʼi ikaŋ, wì biri ghàm ane gì ka ka. Angirə̀ kyen biri bə ghàm. Tàŋ Ŋwiye biri bə̀ ghàm. Bəd mbe ne ya bḛ Kristo bɔŋ ku biri bi zweme. 17Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ. 18Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019 CABTAL