Zakariya 3
3
Umutumwa alota ichilota chakwe simapepo mukulu
1Muchilota Imfumu e Leza andanjizya Joshua esimapepo mukulu, pano wimilile pankolelo pamungeli wa Mfumu e Leza, nu Satana wimilile mupipi nu Joshua ukuti amuvililichile. 2Nga umungeli wa Mfumu e Leza anena Satana ati, Ndi Imfumu e Leza akupe umulandu, Chiwa-we. Sivyo Imfumu e Leza wino wakunda Yerusalemu, akupe umulandu. Umuntu wee ali ngati ansonzo yino ikupya alukuni luno lukupya luno lwasonsolwa mumulilo.
3Joshua wimilile palyanye, wazwite ivizwalo vifite nkani. 4Umungeli anena awamwiyulu wane wakamupyunjila ati, Zulani umuntu wee ivizwalo vyoo iviwipe vino azwite.
Anyoka apiluluchila kwe Joshua amunena ati, Nafumya uluwembu lwako, nandi nkupe ivizwalo vipya avino uzwale.
5Akomelezya wane wamupyunjilanga ukuti wazwike inkofwela nswepe kumutwe wakwe Joshua. Nawo awachita wowonye, awamuzwika nivizwalo, pano numungeli wa Mfumu ayimilile paponye.
6Ngapano umungeli anena Joshua ati, 7Imfumu e Leza wamaka yonsi akuti, Ndachino wati uwatontela amasundo yane wawomba nimilimo yane yino nakupa, ye wandi uwe wesongo wang’anda yakumpepela, apano ndiwakwivwa amapepo yako, ndivino nkwivwanga amapepo yawangeli wano wikala nani. 8Ale kanonzi yivwa, we Joshua, wemuntu wesimapepo mukulu; namwenye mwewasimapepo wakwe awawuye, yivwani: mwemwenye mwevilolelo wavintu vizima ivyakunkolelo. Nandi ndete umuwomvi wane, wino izina lyakwe Welusamba! 9Nawika pankolelo pe Joshua iwe lyonga lino lili nimpumi munenulambali! Nandi mfolowole mbalike amawaliko penepo, nga muwanda wonganye-nsu ndifumya uluwembu Iwamunsi yoo. 10Ndi uwandanye wowo wiza-wiza, mwensinye muliwakwitana ukuti mukayitopwe muzewele umutende mwisika mu miti yinu iyavikomwa vino mukasuta ipala niyamakunyu.
Currently Selected:
Zakariya 3: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Zakariya 3
3
Umutumwa alota ichilota chakwe simapepo mukulu
1Muchilota Imfumu e Leza andanjizya Joshua esimapepo mukulu, pano wimilile pankolelo pamungeli wa Mfumu e Leza, nu Satana wimilile mupipi nu Joshua ukuti amuvililichile. 2Nga umungeli wa Mfumu e Leza anena Satana ati, Ndi Imfumu e Leza akupe umulandu, Chiwa-we. Sivyo Imfumu e Leza wino wakunda Yerusalemu, akupe umulandu. Umuntu wee ali ngati ansonzo yino ikupya alukuni luno lukupya luno lwasonsolwa mumulilo.
3Joshua wimilile palyanye, wazwite ivizwalo vifite nkani. 4Umungeli anena awamwiyulu wane wakamupyunjila ati, Zulani umuntu wee ivizwalo vyoo iviwipe vino azwite.
Anyoka apiluluchila kwe Joshua amunena ati, Nafumya uluwembu lwako, nandi nkupe ivizwalo vipya avino uzwale.
5Akomelezya wane wamupyunjilanga ukuti wazwike inkofwela nswepe kumutwe wakwe Joshua. Nawo awachita wowonye, awamuzwika nivizwalo, pano numungeli wa Mfumu ayimilile paponye.
6Ngapano umungeli anena Joshua ati, 7Imfumu e Leza wamaka yonsi akuti, Ndachino wati uwatontela amasundo yane wawomba nimilimo yane yino nakupa, ye wandi uwe wesongo wang’anda yakumpepela, apano ndiwakwivwa amapepo yako, ndivino nkwivwanga amapepo yawangeli wano wikala nani. 8Ale kanonzi yivwa, we Joshua, wemuntu wesimapepo mukulu; namwenye mwewasimapepo wakwe awawuye, yivwani: mwemwenye mwevilolelo wavintu vizima ivyakunkolelo. Nandi ndete umuwomvi wane, wino izina lyakwe Welusamba! 9Nawika pankolelo pe Joshua iwe lyonga lino lili nimpumi munenulambali! Nandi mfolowole mbalike amawaliko penepo, nga muwanda wonganye-nsu ndifumya uluwembu Iwamunsi yoo. 10Ndi uwandanye wowo wiza-wiza, mwensinye muliwakwitana ukuti mukayitopwe muzewele umutende mwisika mu miti yinu iyavikomwa vino mukasuta ipala niyamakunyu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.