Zakariya 12
12
Ukupusuka kwakwe Yerusalemu
1Yaa ayali mazwi yano yafumile ku Mfumu e Leza kuvyakwe Israeli, yano yafumile ku Mfumu e Leza wino wakonzolola iyulu, watumbula ninsi, wapa nuwumi kumuntu. Awino akuti, 2Ndileka Yerusalemu awe ngati alupindi Iwipala, imyiko yino yaliwilizya mumbali waliwang’wa awatantalila ngati awachakolwa. Nga ndiwiza waliwilizya Yerusalemu, ye nutwaya tunjinye tuno tuli mwe Yuda tuliliwilizwa. 3Ndimpindinye yo yo yiza yafika ndileka Yerusalemu ang’wame ngati aliwe—umwiko wonsi wuno wuliyelezya ukunyamula Yerusalemu wulichisika. Imyiko yonsinye iyamunsi iliyisanzya apaliponga ukuti walwisye Yerusalemu. 4Pampindinye yo yo ndizakazya wakavwalo wawo wonsi, ndeke wakakwelela wakwe wakavwalo waluwaluwa. Ndisunga awantu wamwe Yuda, ukuwa ndileka wakavwalo wawalwani wawo watonkoke aminso. 5Ngapano iviwanza vyakwe Yuda vilivwanga vyonganye viti, Imfumu e Leza wamaka yonsi akupanga amaka kuwantu wakwe wane wali mwe Yerusalemu.
6Pampindinye yoyo ndichita iviwanza vyakwe Yuda ngati amulilo mumusitu pamwi muchalo chamalezi yano yacha—wize wulovye imyiko yino ili mupipi. Awantu wamwe Yerusalemu walisyala umutende mukaya.
7Nenenye, ne Mfumu e Leza pakutalika ndipa ivita vyakwe Yuda amaka yakuchimvizya, alyakuti umuchinzi wuno ikwata lyakwe Davidi nawantu wamwe Yerusalemu walipochelela wutize wulusye awamwe Yuda wano wasyala. 8Pampindinye yoyo Imfumu e Leza alipususya wane wikala mwe Yerusalemu, nawatombozyokenye walikazawana ndivino Davidi walinji. Ikwata lyakwe Davidi liliwawakolelela ndivino Leza, ndivino umungeli wa Mfumu e Leza. 9Pampindinye yoyo ndilovya imyiko yonsi yino yiza yalonda ukulwisya Yerusalemu.
10Ndiyizuzya ikwata lyakwe Davidi nawantu wamwe Yerusalemu numuzimu wankumbu nga numuzimu wipepo. Waliwalola wino wamulasile wafwa nukufwa, wize wamulosye ndivino wane wakalosya musyupu. Wize walosye nkaninye, ngati awino akulosya umwanakwe ekatote. 11Pampindinye yo yo ukulosya kwamwe Yerusalemu kulikula nkaninye ngati awano wakulosya Baali munsi ya Megido. 12Ichiwanza chonsi munsi chiliwalosya palwawo: Awonsi wachiwanza chakwe Nathani waliwalosya wonganye, nawachi nawo wonganye; 13ichiwanza chakwe Levi, nawachi; ichiwanza chakwe Shimei, nawachi; 14niviwanza vinji vyonsi waliwalosya, wane palwawo, nawachi nawo walange wakulosya wonga.
Currently Selected:
Zakariya 12: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Zakariya 12
12
Ukupusuka kwakwe Yerusalemu
1Yaa ayali mazwi yano yafumile ku Mfumu e Leza kuvyakwe Israeli, yano yafumile ku Mfumu e Leza wino wakonzolola iyulu, watumbula ninsi, wapa nuwumi kumuntu. Awino akuti, 2Ndileka Yerusalemu awe ngati alupindi Iwipala, imyiko yino yaliwilizya mumbali waliwang’wa awatantalila ngati awachakolwa. Nga ndiwiza waliwilizya Yerusalemu, ye nutwaya tunjinye tuno tuli mwe Yuda tuliliwilizwa. 3Ndimpindinye yo yo yiza yafika ndileka Yerusalemu ang’wame ngati aliwe—umwiko wonsi wuno wuliyelezya ukunyamula Yerusalemu wulichisika. Imyiko yonsinye iyamunsi iliyisanzya apaliponga ukuti walwisye Yerusalemu. 4Pampindinye yo yo ndizakazya wakavwalo wawo wonsi, ndeke wakakwelela wakwe wakavwalo waluwaluwa. Ndisunga awantu wamwe Yuda, ukuwa ndileka wakavwalo wawalwani wawo watonkoke aminso. 5Ngapano iviwanza vyakwe Yuda vilivwanga vyonganye viti, Imfumu e Leza wamaka yonsi akupanga amaka kuwantu wakwe wane wali mwe Yerusalemu.
6Pampindinye yoyo ndichita iviwanza vyakwe Yuda ngati amulilo mumusitu pamwi muchalo chamalezi yano yacha—wize wulovye imyiko yino ili mupipi. Awantu wamwe Yerusalemu walisyala umutende mukaya.
7Nenenye, ne Mfumu e Leza pakutalika ndipa ivita vyakwe Yuda amaka yakuchimvizya, alyakuti umuchinzi wuno ikwata lyakwe Davidi nawantu wamwe Yerusalemu walipochelela wutize wulusye awamwe Yuda wano wasyala. 8Pampindinye yoyo Imfumu e Leza alipususya wane wikala mwe Yerusalemu, nawatombozyokenye walikazawana ndivino Davidi walinji. Ikwata lyakwe Davidi liliwawakolelela ndivino Leza, ndivino umungeli wa Mfumu e Leza. 9Pampindinye yoyo ndilovya imyiko yonsi yino yiza yalonda ukulwisya Yerusalemu.
10Ndiyizuzya ikwata lyakwe Davidi nawantu wamwe Yerusalemu numuzimu wankumbu nga numuzimu wipepo. Waliwalola wino wamulasile wafwa nukufwa, wize wamulosye ndivino wane wakalosya musyupu. Wize walosye nkaninye, ngati awino akulosya umwanakwe ekatote. 11Pampindinye yo yo ukulosya kwamwe Yerusalemu kulikula nkaninye ngati awano wakulosya Baali munsi ya Megido. 12Ichiwanza chonsi munsi chiliwalosya palwawo: Awonsi wachiwanza chakwe Nathani waliwalosya wonganye, nawachi nawo wonganye; 13ichiwanza chakwe Levi, nawachi; ichiwanza chakwe Shimei, nawachi; 14niviwanza vinji vyonsi waliwalosya, wane palwawo, nawachi nawo walange wakulosya wonga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.