Mateyu 8
8
Yesu apozya uwamambombo
(Marko 1:40-45; Luka 5:12-16)
1Ala pano watantamuka umwamba, amawumba makulu ayamukonka. 2Ngapano uwamambombo aya kweweliwe, afika afukama pankolelo peweliwe, ati, Mulali, nd'achino ukulonda ungampozya.
3Yesu akunzulula ikasa lyakwe amulema. Amutolelela ati, Nkulonda! Telepa! napaponapapo apola amambombo yakwe. 4Yesu amunena swinya ati, Siyivwa! Utize uwanena wumwi, ukuwa lungama kwe simapepo uleke akakulolelole ukafime inzuwi yino Musa wakomelezizye, alyakuti wensi akapanichisye kuno wapola.
Yesu apozya umuwomvi wakwe musika wawa Roma
(Luka 7:1-10)
5Walile pano Yesu winjila mu Kapemahumi, emusika wawa Roma amusunkania amulambilizya ukuti amwavwe: ati, 6Mulali, umuwomvi wane amulwale alazile mung'anda, atanga akatuke akutamika nkaninye.
7Yesu ati, Nandi inje nkamupozye. 8Ukuwa musika atolelela ati, Oko, wetatakulu, ntayine ukuti wewe ungaya ukinjile mung'anda yane. Komelezya izwi tupu umuwomvi wane apole. 9Naninye, nemuntu wino ndi pansi pakwe wamusika wakulu, swinya indi nawavita pansi pakwe nene. Nkanena wumwi inti, Pita! apita; swinya nena winji inti, Zanga! ayiza; numuzya wane ndi nati, Chita choo! achita.
10Nga ala Yesu wivwa wowonye azunguka, anena awantu wano wamukonsile ati, Nkuwanena nkuti, Nsitela ndole isuwilo ndilyoo mu wa Israeli nanti wenga. 11Yizukani choo! Awavule walifumilila kapela nakasika wize wikale pitebulo lya mu Wufumu wamwiyulu nu Abrahamu, nu Ayizeki, nga nu Jekapu. 12Ukuwa wano wazipila ukwinjila mu Wufumu walisumbilwa kulonde mumfinzi, kulipona inkuta nukulumania amino. 13Ngapano Yesu anena musika ati, Yanga, kung'anda yako, nachino wasuwila chandi chichitwe wowonye.
Numuwomvi wakw‑e musika apola pampindinye yoyo.
Yesu apozya awantu wavule
(Marko 1:29-34; Luka 4:38-41)
14Yesu aya mung'anda yakwe Peter, alola nyinavyala alazile alwile inzekema. 15Amulema pikasa; inzekema imutaya, akatuka atalika ukuwapyunjila.
16Akula kwila awatwala kwe Yesu awantu wavule wano walwile imizimu miwipe. Yesu awinga imizimu miwipe nizwi tupu swinya apozya awalwale wonsi. 17Wachisile wonye-woo alyakuti chino chavwanzilwe numutumwa Ayizeya chifiswe ichakuti, Weliwenye nalwakwe wasenzile ukutotowala kwitu asenda nindwala zitu.
Ukuvwilika ukukonka Yesu
(Luka 9:57-62)
18Ala Yesu walola iwumba lyamuliwilizya akomelezya awasambilizi wakwe ukuti walambe waye mumbalama yakwe sumbi. 19Umusambilizya wamasundo aya kweweliwe. Afika ati, Musambilizya, nkasi ndakukonka konsinye kuno ukuya.
20Yesu amutolelela ati, Wamumbwe wali nimichembo, ninyunyi zili nivisalanzo, ukuwa Umwanamuntu asi napano angalala apuze.
21Umuntu winji wino walinji amusambilizi afika ati, Mulali, tela nzumilizya inje nkazike tata.
22Ukuwa Yesu amutolelela ati, Nkonka, leka awafwe wazikana nawafwe wawuye.
Yesu amyalalika ichipunga
(Marko 4:35-41; Luka 8:22-25)
23Ala Yesu winjila muwato, awasambilizi wakwe awamukonaka. 24Napaponapapo ichipunga chikulu achikatuka pesumbi, amang'wimbi ayakuma uwato. Ukuwa Yesu weni waponechile. 25Awasambilizi awaya awamuziwula awati, Oko, we Mfumu, situtule twafwa!
26Yesu awatolelela ati, Ngamuno chani chino muli nintete? Ye, mwachepa isuwilo wuli! Ngapano akatuka akalipila ichipunga namang'wimbi, akutekana akuwa-mya.
27Wonsinye awazunguka wakuti, Ngamuntu-chi wee? Weni numuzanye namang'wimbi vikumutontela!
Yesu apozya awantu wawili wano walwile imizimu miwipe
(Marko 5:1-20; Luka 8:26-39)
28Yesu afika munsi ya Wagadara, mumbalama yakwe sumbi, asunkana nawantu wawili wano wafumile kumalalo. Awantunye waa walwile imizimu miwipe swinya watinianga awantu nkaninye awawalesya nukupita inzilanye yoyo. 29Awalila awati, Nga ukulonda uchite naswe chani, we Mwanakwe Leza? Wuzye wiza mukutusunda pano impindi itani ifichile?
30Kwalinji uwufyo wakwe wakapoli walyanga akatalamuchila. 31Imizimu miwipe ilambilizya Yesu iti, Nd'achino ukasi utuwinge, leka tuye tukinjile muwufyo wowo uwakwe wakapoli.
32Yesu anena imizimu miwipe ati, Swili, yanji, achaleka ifuma iya kwe wakapoli. Uwufyo wonsi awupazamuka awuya awupona pakwe mfuzi awupuwila mwesumbi awung'wela.
33Nga awachemi awasamala awaya kukaya, awaya awalongola vyonsi, navino vyachisilwe kuwantu wano walwile imizimu miwipe. 34Achaleka awantu wamukaya wonsi awaya mukusunkania Yesu; awala wamulola awamulambilizya ukuti afume munsi yawo.
Currently Selected:
Mateyu 8: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 8
8
Yesu apozya uwamambombo
(Marko 1:40-45; Luka 5:12-16)
1Ala pano watantamuka umwamba, amawumba makulu ayamukonka. 2Ngapano uwamambombo aya kweweliwe, afika afukama pankolelo peweliwe, ati, Mulali, nd'achino ukulonda ungampozya.
3Yesu akunzulula ikasa lyakwe amulema. Amutolelela ati, Nkulonda! Telepa! napaponapapo apola amambombo yakwe. 4Yesu amunena swinya ati, Siyivwa! Utize uwanena wumwi, ukuwa lungama kwe simapepo uleke akakulolelole ukafime inzuwi yino Musa wakomelezizye, alyakuti wensi akapanichisye kuno wapola.
Yesu apozya umuwomvi wakwe musika wawa Roma
(Luka 7:1-10)
5Walile pano Yesu winjila mu Kapemahumi, emusika wawa Roma amusunkania amulambilizya ukuti amwavwe: ati, 6Mulali, umuwomvi wane amulwale alazile mung'anda, atanga akatuke akutamika nkaninye.
7Yesu ati, Nandi inje nkamupozye. 8Ukuwa musika atolelela ati, Oko, wetatakulu, ntayine ukuti wewe ungaya ukinjile mung'anda yane. Komelezya izwi tupu umuwomvi wane apole. 9Naninye, nemuntu wino ndi pansi pakwe wamusika wakulu, swinya indi nawavita pansi pakwe nene. Nkanena wumwi inti, Pita! apita; swinya nena winji inti, Zanga! ayiza; numuzya wane ndi nati, Chita choo! achita.
10Nga ala Yesu wivwa wowonye azunguka, anena awantu wano wamukonsile ati, Nkuwanena nkuti, Nsitela ndole isuwilo ndilyoo mu wa Israeli nanti wenga. 11Yizukani choo! Awavule walifumilila kapela nakasika wize wikale pitebulo lya mu Wufumu wamwiyulu nu Abrahamu, nu Ayizeki, nga nu Jekapu. 12Ukuwa wano wazipila ukwinjila mu Wufumu walisumbilwa kulonde mumfinzi, kulipona inkuta nukulumania amino. 13Ngapano Yesu anena musika ati, Yanga, kung'anda yako, nachino wasuwila chandi chichitwe wowonye.
Numuwomvi wakw‑e musika apola pampindinye yoyo.
Yesu apozya awantu wavule
(Marko 1:29-34; Luka 4:38-41)
14Yesu aya mung'anda yakwe Peter, alola nyinavyala alazile alwile inzekema. 15Amulema pikasa; inzekema imutaya, akatuka atalika ukuwapyunjila.
16Akula kwila awatwala kwe Yesu awantu wavule wano walwile imizimu miwipe. Yesu awinga imizimu miwipe nizwi tupu swinya apozya awalwale wonsi. 17Wachisile wonye-woo alyakuti chino chavwanzilwe numutumwa Ayizeya chifiswe ichakuti, Weliwenye nalwakwe wasenzile ukutotowala kwitu asenda nindwala zitu.
Ukuvwilika ukukonka Yesu
(Luka 9:57-62)
18Ala Yesu walola iwumba lyamuliwilizya akomelezya awasambilizi wakwe ukuti walambe waye mumbalama yakwe sumbi. 19Umusambilizya wamasundo aya kweweliwe. Afika ati, Musambilizya, nkasi ndakukonka konsinye kuno ukuya.
20Yesu amutolelela ati, Wamumbwe wali nimichembo, ninyunyi zili nivisalanzo, ukuwa Umwanamuntu asi napano angalala apuze.
21Umuntu winji wino walinji amusambilizi afika ati, Mulali, tela nzumilizya inje nkazike tata.
22Ukuwa Yesu amutolelela ati, Nkonka, leka awafwe wazikana nawafwe wawuye.
Yesu amyalalika ichipunga
(Marko 4:35-41; Luka 8:22-25)
23Ala Yesu winjila muwato, awasambilizi wakwe awamukonaka. 24Napaponapapo ichipunga chikulu achikatuka pesumbi, amang'wimbi ayakuma uwato. Ukuwa Yesu weni waponechile. 25Awasambilizi awaya awamuziwula awati, Oko, we Mfumu, situtule twafwa!
26Yesu awatolelela ati, Ngamuno chani chino muli nintete? Ye, mwachepa isuwilo wuli! Ngapano akatuka akalipila ichipunga namang'wimbi, akutekana akuwa-mya.
27Wonsinye awazunguka wakuti, Ngamuntu-chi wee? Weni numuzanye namang'wimbi vikumutontela!
Yesu apozya awantu wawili wano walwile imizimu miwipe
(Marko 5:1-20; Luka 8:26-39)
28Yesu afika munsi ya Wagadara, mumbalama yakwe sumbi, asunkana nawantu wawili wano wafumile kumalalo. Awantunye waa walwile imizimu miwipe swinya watinianga awantu nkaninye awawalesya nukupita inzilanye yoyo. 29Awalila awati, Nga ukulonda uchite naswe chani, we Mwanakwe Leza? Wuzye wiza mukutusunda pano impindi itani ifichile?
30Kwalinji uwufyo wakwe wakapoli walyanga akatalamuchila. 31Imizimu miwipe ilambilizya Yesu iti, Nd'achino ukasi utuwinge, leka tuye tukinjile muwufyo wowo uwakwe wakapoli.
32Yesu anena imizimu miwipe ati, Swili, yanji, achaleka ifuma iya kwe wakapoli. Uwufyo wonsi awupazamuka awuya awupona pakwe mfuzi awupuwila mwesumbi awung'wela.
33Nga awachemi awasamala awaya kukaya, awaya awalongola vyonsi, navino vyachisilwe kuwantu wano walwile imizimu miwipe. 34Achaleka awantu wamukaya wonsi awaya mukusunkania Yesu; awala wamulola awamulambilizya ukuti afume munsi yawo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.