Mateyu 24
24
Yesu avwanga ivyakumongolwa kwang'anda yakwe Leza
(Marko 13:1-2; Luka 21:5-6)
1Yesu afuma mung'anda yakwe Leza alema inzila awapita pano awasambilizi wakwe wayile kweweliwe kukumulanjizya ivizengwa vyang'anda yakwe Leza. 2Yesu ati, Molimonye, nkuwanena nkuti, Mungalanga mukulola vyonsinye vyoo ichete: pasi iwe limwi lino lilisyala papela piwuye; yonsinye-pyu yalimungolwa yasumbwe pansi.
Ukuyimba namatamyo
(Marko 13:3-13; Luka 21:7-19)
3Ala Yesu wikala pamwamba wamingungu, awasambilizi wakwe awasochelela awaya kweweliwe kumbali. Awati, Tunene pano vyonsi vyoo vilipona, swinya utunene nachino chilipona kukutulanjizya impindi yakwiza kwako nimpindi yansilo yankulonye yoo.
4Yesu atolelela awanena ati, Chenjelani, mutize muleke wumwi ayize awatumpike. 5Amuno awantu wavule waliwakwizila mwizina lyane, wawatumpika wakuti, Nenenye ne Mesaya! 6Muliyivwa imbilikiti yisumo ikupalamila, mwivwe nilandwe lyisumo ukutali; ukuwa yivwani mutize muwatamika ivintunye vyoo vilila vile vipone, lelo vyovyonye visinakusula kuno insilo ilitela yiza. 7Insi zilisambuchilana ziwalwa, namawufumu yaliwachichizana. Kuliwa ivinkumbili nivizumanzi konsinye, 8ivintunye vyoo vyonsi viliwa ngati awulumila wakutalika uwampapo.
9Apano mulilemwa mulemekwe kukuyimvwa, mukomwe nukukomwa. Imyiko yonsi iliwawavitilwa amuno anene. 10Pampindinye yoyo awavule walisumba isuwilo lyawo; wakutililana nukupatana, 11Awatumwa wavule awawufi walikatuka watumpike awantu wavule. 12Uwuwipe wulinyama wutalalizye ulukundo lwawantu. 13Ukuwa wino wiza wazizimichizya wafika nakunsilo alitulwa. 14Nilandwe zima lyoo ilya Wufumu wamwiyulu liliwalandwa munsi yonsi, liwe achipanichisyo kumyiko yonsi; ngapano insilo iyize.
Ukutina kuwipe
(Marko 13:14-23; Luka 21:20-24)
15Mulilola ichakutinia chikulu chino umutumwa Daniel wavwanzile, chino chimisilwe mumasyo matele. (Wino akuwazya nd'ayiluke chino choo chikusula!) 16Ngapano wano wikala mwe Yudeya wize wasamalile kumyamba, 17Wino ali pamusonje wang'anda yakwe atize ayize awazinguluka pakwika ukuti akasende iviya vyakwe mung'anda. 18Umuntu winoalikuvyalo atize ayize awafwa nukuwela ukuti akasende umwinjilo wakwe. 19Yemwe, chililumila awanachi wano wali napanji wuli, nawano wakonsya mumandanye yayo! 20Pepanji kwe Leza ukuti ukusamala kwinu kutize kwize kuwe ichisiku nanti akusamala pawanda wakusolezya! 21Amuno itamyo lyampindinye yo yo liliwa alitamyo lyakutinia lino lisitela liwe walyamwatanye wowo ukutalichila pano insi yalile iyelewulilwa nukufika ilelo. Nanti akwiza litalitela lize swinya. 22Ukuwa Leza wachefya amanda; chino ndi atele atachita wowonye, wumwi atanga ayize apusuke. Ukuwa muno awasolwa wakwe, achino Leza alichefezya amanda.
23Achaleka ndiwumwi wiza wawanena wati, Lolani, Mesaya wee koo! nanti akuti weyo koko!—mutize mwize musuwile. 24Amuno kulikatuka wa Mesaya wawufi nawatumwa wawufi; waliwachita ivimanyilo vikulu nivizungusyo alyakuti wangasovya nukuchenjezya awasolwa wakwe Leza, ndichingachitwa. 25Lolani! nawanena choo lyankani.
26Nanti ndi awantu wiza wawanena wati, Lolani, ali mulumpalang'ang'a! —mutize mwize muye kweneko; nanti ndi wangati, Lolani, weyo avwamile koko!—mutize mwize musuwile. 27Amuno Umwanamuntu aliyiza ndivino ukumesya kuno kukamesya akukwila mwiyulu monsi kapela nakasikanye.
28Konsinye kuno kuli chala akuno amawimba yakawungana.
Ukwiza kwa Mwanamuntu
(Marko 13:24-27; Luka 21:25-28)
29Ukuwa napaponapapo, nditamyo lyamandanye yayo liza lyasila, ilanzi lilifita, numwezi wutaliwala, nintanda zililakata zifume mwiyulu, namaka yamwiyulu yaliyinganwa muno yikala. 30Ngapano kuliloleka ichimanyilo cha Mwanamuntu mwiyulu; ngapano imyiko yonsi iyamunsi iyize iwalosya, riga walole Umwanamuntu akwiza mumawingo yamwiyulu namaka nuwukankala wukulu. 31Inkangang'ombe nkulu ililila, nga ayize atume awangeli wakwe muvikonchi vini, wize wawunganike awasolwa wakwe ukutalichila kuno insi yafumilila ukufika nakuno yapakula.
lsambililo lyamukunyu
(Marko 13:28-31; Luka 21:29-33)
32Lekani umukunyu wuwasambilizye isambililo. Ziwala ndi insamba zyawa antontentonte namafwa yalemba, amumanyanga-nye amuti aminjililo yapalamila. 33Awowonye muwala ndimwalola ivintunye vyoo vyonsi, amumanyanga-nye amuti impindi yanenenchela ukwiza. 34Yizukanji choo! ivintunye vyoo vyonsi vilipona pano awantu wankulonye yoo watani wafwe wonsi. 35Iyulu ninsi vilizimanjika; ukuwa amazwi yane yatalizimanjika.
Pasi wino wamanya uwanda nant'ampindi
(Marko 13:32-37; Luka 17:26-30, 34-36)
36Ukuwa kweni pasi nanti wenga wino wamanya ukwiza kwawanda wowonye nant' apimndi-nanti awangelinye awamwiyulu, nanti a Mwananye; nkandi Umukwasi wenganye-nsu awino wamanya. 37Ukwiza kwa Mwanamuntu kuliwa ndivino chino chaponile pampindi yakwe Nowa. 38Ndivino mumanda yano intalala yachilinji ukwiza, awantu walyanga nukung'wa, awonsi nawanachi watwalananga, ukwizafika napawanda wuno Nowa winjizile muwato; 39naponye watamanyile chimwi isuka intalala iyiza iwakumpichizya wonsi. Wowonye avino chiliwa pano Umwanamuntu aliwakwiza. 40Pampindinye yoyo waliwala awantu wawili wakuwomba muchalo: wenga asendwa, wumwi asyala. 41Awanachi wawili waliwasya piwe: wenga asendwa, wumwi asyala. 42Achaleka fwandi lolelanji, amuno mutamanya uwanda wuno Imfumu yinu iliyizila. 43Yizukanji choo: Nd'achino umwening'anda amanyile pano umung'o akwizila, atanga aponechele ukuti umung'o akalepule ing'anda yakwe. 44Muno achonye-choo, fwandi namwenye mwazipila ukuyisengania, amuno Umwanamuntu aliyiza pampindi yino musinakwelengania.
Umuwomwi musuwilwa pamwi umuntasuwilwa
(Luka 12:41-48)
45Ngafwandi, umuwomwi musuwilwa uwamano weweni? Awino yisikulu wamulasika ukuwa wesongo pawawomwi wawuye, ukuti awawapa ichakulya pampindi nzipile. 46Awalongo wuli umuwomvinye weyo, wino alila pano yisikulu wawela waya amuzane akuchita wowonye! 47Nachawuzimanye nkuwanena nkuti yisikulu alilasika umuwomvinye weyo pansawo yakwe yonsi. 48Ukuwa nd'amuwomvi muwipe, aliyelengania ati, Tatakulu ataliyiza zuwa. 49paponye atalike ukuma awawomvi wawuye, awalya nukung'wa nawachakolwa. 50Ngapano yisikulu wamuwomvinye weyo ayize afike uwanda wuno atapechezile nukuwumanya atawumanyile. 51Yisikulu alimuputulania, apochelele umupamba wakwe wakachenjezya, awalila nukulumania amino.
Currently Selected:
Mateyu 24: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 24
24
Yesu avwanga ivyakumongolwa kwang'anda yakwe Leza
(Marko 13:1-2; Luka 21:5-6)
1Yesu afuma mung'anda yakwe Leza alema inzila awapita pano awasambilizi wakwe wayile kweweliwe kukumulanjizya ivizengwa vyang'anda yakwe Leza. 2Yesu ati, Molimonye, nkuwanena nkuti, Mungalanga mukulola vyonsinye vyoo ichete: pasi iwe limwi lino lilisyala papela piwuye; yonsinye-pyu yalimungolwa yasumbwe pansi.
Ukuyimba namatamyo
(Marko 13:3-13; Luka 21:7-19)
3Ala Yesu wikala pamwamba wamingungu, awasambilizi wakwe awasochelela awaya kweweliwe kumbali. Awati, Tunene pano vyonsi vyoo vilipona, swinya utunene nachino chilipona kukutulanjizya impindi yakwiza kwako nimpindi yansilo yankulonye yoo.
4Yesu atolelela awanena ati, Chenjelani, mutize muleke wumwi ayize awatumpike. 5Amuno awantu wavule waliwakwizila mwizina lyane, wawatumpika wakuti, Nenenye ne Mesaya! 6Muliyivwa imbilikiti yisumo ikupalamila, mwivwe nilandwe lyisumo ukutali; ukuwa yivwani mutize muwatamika ivintunye vyoo vilila vile vipone, lelo vyovyonye visinakusula kuno insilo ilitela yiza. 7Insi zilisambuchilana ziwalwa, namawufumu yaliwachichizana. Kuliwa ivinkumbili nivizumanzi konsinye, 8ivintunye vyoo vyonsi viliwa ngati awulumila wakutalika uwampapo.
9Apano mulilemwa mulemekwe kukuyimvwa, mukomwe nukukomwa. Imyiko yonsi iliwawavitilwa amuno anene. 10Pampindinye yoyo awavule walisumba isuwilo lyawo; wakutililana nukupatana, 11Awatumwa wavule awawufi walikatuka watumpike awantu wavule. 12Uwuwipe wulinyama wutalalizye ulukundo lwawantu. 13Ukuwa wino wiza wazizimichizya wafika nakunsilo alitulwa. 14Nilandwe zima lyoo ilya Wufumu wamwiyulu liliwalandwa munsi yonsi, liwe achipanichisyo kumyiko yonsi; ngapano insilo iyize.
Ukutina kuwipe
(Marko 13:14-23; Luka 21:20-24)
15Mulilola ichakutinia chikulu chino umutumwa Daniel wavwanzile, chino chimisilwe mumasyo matele. (Wino akuwazya nd'ayiluke chino choo chikusula!) 16Ngapano wano wikala mwe Yudeya wize wasamalile kumyamba, 17Wino ali pamusonje wang'anda yakwe atize ayize awazinguluka pakwika ukuti akasende iviya vyakwe mung'anda. 18Umuntu winoalikuvyalo atize ayize awafwa nukuwela ukuti akasende umwinjilo wakwe. 19Yemwe, chililumila awanachi wano wali napanji wuli, nawano wakonsya mumandanye yayo! 20Pepanji kwe Leza ukuti ukusamala kwinu kutize kwize kuwe ichisiku nanti akusamala pawanda wakusolezya! 21Amuno itamyo lyampindinye yo yo liliwa alitamyo lyakutinia lino lisitela liwe walyamwatanye wowo ukutalichila pano insi yalile iyelewulilwa nukufika ilelo. Nanti akwiza litalitela lize swinya. 22Ukuwa Leza wachefya amanda; chino ndi atele atachita wowonye, wumwi atanga ayize apusuke. Ukuwa muno awasolwa wakwe, achino Leza alichefezya amanda.
23Achaleka ndiwumwi wiza wawanena wati, Lolani, Mesaya wee koo! nanti akuti weyo koko!—mutize mwize musuwile. 24Amuno kulikatuka wa Mesaya wawufi nawatumwa wawufi; waliwachita ivimanyilo vikulu nivizungusyo alyakuti wangasovya nukuchenjezya awasolwa wakwe Leza, ndichingachitwa. 25Lolani! nawanena choo lyankani.
26Nanti ndi awantu wiza wawanena wati, Lolani, ali mulumpalang'ang'a! —mutize mwize muye kweneko; nanti ndi wangati, Lolani, weyo avwamile koko!—mutize mwize musuwile. 27Amuno Umwanamuntu aliyiza ndivino ukumesya kuno kukamesya akukwila mwiyulu monsi kapela nakasikanye.
28Konsinye kuno kuli chala akuno amawimba yakawungana.
Ukwiza kwa Mwanamuntu
(Marko 13:24-27; Luka 21:25-28)
29Ukuwa napaponapapo, nditamyo lyamandanye yayo liza lyasila, ilanzi lilifita, numwezi wutaliwala, nintanda zililakata zifume mwiyulu, namaka yamwiyulu yaliyinganwa muno yikala. 30Ngapano kuliloleka ichimanyilo cha Mwanamuntu mwiyulu; ngapano imyiko yonsi iyamunsi iyize iwalosya, riga walole Umwanamuntu akwiza mumawingo yamwiyulu namaka nuwukankala wukulu. 31Inkangang'ombe nkulu ililila, nga ayize atume awangeli wakwe muvikonchi vini, wize wawunganike awasolwa wakwe ukutalichila kuno insi yafumilila ukufika nakuno yapakula.
lsambililo lyamukunyu
(Marko 13:28-31; Luka 21:29-33)
32Lekani umukunyu wuwasambilizye isambililo. Ziwala ndi insamba zyawa antontentonte namafwa yalemba, amumanyanga-nye amuti aminjililo yapalamila. 33Awowonye muwala ndimwalola ivintunye vyoo vyonsi, amumanyanga-nye amuti impindi yanenenchela ukwiza. 34Yizukanji choo! ivintunye vyoo vyonsi vilipona pano awantu wankulonye yoo watani wafwe wonsi. 35Iyulu ninsi vilizimanjika; ukuwa amazwi yane yatalizimanjika.
Pasi wino wamanya uwanda nant'ampindi
(Marko 13:32-37; Luka 17:26-30, 34-36)
36Ukuwa kweni pasi nanti wenga wino wamanya ukwiza kwawanda wowonye nant' apimndi-nanti awangelinye awamwiyulu, nanti a Mwananye; nkandi Umukwasi wenganye-nsu awino wamanya. 37Ukwiza kwa Mwanamuntu kuliwa ndivino chino chaponile pampindi yakwe Nowa. 38Ndivino mumanda yano intalala yachilinji ukwiza, awantu walyanga nukung'wa, awonsi nawanachi watwalananga, ukwizafika napawanda wuno Nowa winjizile muwato; 39naponye watamanyile chimwi isuka intalala iyiza iwakumpichizya wonsi. Wowonye avino chiliwa pano Umwanamuntu aliwakwiza. 40Pampindinye yoyo waliwala awantu wawili wakuwomba muchalo: wenga asendwa, wumwi asyala. 41Awanachi wawili waliwasya piwe: wenga asendwa, wumwi asyala. 42Achaleka fwandi lolelanji, amuno mutamanya uwanda wuno Imfumu yinu iliyizila. 43Yizukanji choo: Nd'achino umwening'anda amanyile pano umung'o akwizila, atanga aponechele ukuti umung'o akalepule ing'anda yakwe. 44Muno achonye-choo, fwandi namwenye mwazipila ukuyisengania, amuno Umwanamuntu aliyiza pampindi yino musinakwelengania.
Umuwomwi musuwilwa pamwi umuntasuwilwa
(Luka 12:41-48)
45Ngafwandi, umuwomwi musuwilwa uwamano weweni? Awino yisikulu wamulasika ukuwa wesongo pawawomwi wawuye, ukuti awawapa ichakulya pampindi nzipile. 46Awalongo wuli umuwomvinye weyo, wino alila pano yisikulu wawela waya amuzane akuchita wowonye! 47Nachawuzimanye nkuwanena nkuti yisikulu alilasika umuwomvinye weyo pansawo yakwe yonsi. 48Ukuwa nd'amuwomvi muwipe, aliyelengania ati, Tatakulu ataliyiza zuwa. 49paponye atalike ukuma awawomvi wawuye, awalya nukung'wa nawachakolwa. 50Ngapano yisikulu wamuwomvinye weyo ayize afike uwanda wuno atapechezile nukuwumanya atawumanyile. 51Yisikulu alimuputulania, apochelele umupamba wakwe wakachenjezya, awalila nukulumania amino.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.