Mateyu 17
17
Yesu apilunkana
(Marko 9:2-13; Luka 9:28-36)
1Ayala manda yasila mutanda Yesu asenda Peter nawang'anda yonga wawili e Jemusi nu munyina e Yohani akwela nawo mumwamba wutali palwawo. 2Awala pano wakulola nukulola, Yesu apilunkana paminso yawo; impumi yakwe iwala wilanzi, nimyenda yakwe iwa amitiswe ngati akuwala. 3Awasambilizi wotatunye awalola Musa nu Eliya wakuvwanzyania nu Yesu. 4Achaleka Peter asimpuka anena Yesu ati, Chazipa wuli pano tuli konye-koo; ndi ukulonda, nazenga paa imitanda yitatu, wumwi awako, wumwi wuwe awakwe Musa, nawunji wuwe awakwe Eliya.
5Ala vino achili akuvwanga, iwingo tiswe aliwavwimba: nizwi alifuma mwiwingo aliti, Wee a Mwanane umukundwe, mwakwe wino nkusechela nkani; mwivwanji!
6Awala awasambilizi wivwa izwi, awatina nkaninye awapona pansi wafukime. 7Yesu aya awakumvya ati, Katukani, mutatina! 8Achaleka awinula aminso yawo lelo nanti kulola wumwi suka ndi we Yesu mutupu.
9Awala vino wakutantamuka umwamba, Yesu awasunda ati, Mutaya mukanene umuntu wumwi ichilolwa chino mwalola, asuke Umwanamuntu ayize azyulupulwe kumfwa.
10Awasambilizi wakwe awamuwuzya awati, Ngamunochani chino awasambilizya wamasundo wakutanji, Eliya awino alitalichila ukwiza?
11Yesu atolelela ati, Awenche Eliya akwiza, ayize ayanie ivintu vyonsi. 12Ukuwa nkuwanena nkuti Eliya wiza kali, nanti apakuti wamumanye, ukuwa wamuchita chonsi chino walondanga. Awowonye avino nu Mwanamuntu aliyimba kwewoliwo.
13Ngapano awasambilizi wakwe awiluka kuno wawanenanga ivyakwe Yohani kapabatizya.
Yesu apozya umulumendo wamuzimu wuwipe
(Marko 9:14-29; Luka 9:37-43a)
14Ala Yesu nawasambilizi wakwe watatu wanyochela kwiwumba, umuntu wumwi aya kwe Yesu, afika amusokowalila ati, 15Mfumu, fwila umwanane inkumbu! Amuno ali nusinsa, ali nivipalazi viwipe chino mpindi zimwi akaponela mumulilo, mpindi zimwi muminzi. 16Imulesile kuwasambilizi wako wapotwa ukumupozya.
17Yesu atolelela ati, Oko mwenkulo mbipe ntasuwilwa-mwe! Ngandilanga nikala namwe mpaka kwi? Nga nandi njikale namwe yanga? Leta umulumendo weyo kwenene! 18Yesu akalipila umuzimu wuwipe awufuma mumulumendo: apola pampindinye yoyo.
19Nga awasambilizi awaya kwe Yesu palwawo, awafika awati, Ngamuno chani chino swenji tuposilwe ukufumya umuzimu wuwipe?
20Awanena ati, Amuno alisuwilo linu itichi. Manyani choo! Ndi muli nisuwilo walupumba lwamuti, mulinena umwambanye woo muti, Syembuka uye koko! Wulisyembuka. Pasi chimwi chino chiliwapota. [ 21Ukuwa nkandi amapepo nukukana ukulya umwenzo avino vingawinga ichamwatanye ndi-woo.]
Swinyanye Yesu avwanga ivyamfwa yakwe
(Marko 9:30-32; Luka 9:43b-45)
22Awala awasambilizi wonsi waya mu Galileya, Yesu awanena ati, Umwanamuntu alilemekwa mumakasa yawantu; 23wize wamukome; uwanda wachititatu azyulupulwe.
Awasambilizi awawa namalanda nkaninye.
Imitulo yang'anda yakupepela Leza
24Ala Yesu nawasambilizi wakwe waya ku Kapemahumi, wane wapochelelanga imitulo yang'anda yakupepela awaya kwe Peter awamuwuzya awati, Wuzye numusambilizya winunye akatula imitulo yang'anda yakupepela?
25Peter atolelela ati, Eta akatula.
Ala vino Peter winjila mung'anda, Yesu amutanganizya amuwuzya ati, Ngawenji ukuti wuli, Simoni? Ngawaweni wane wakatula imitulo kuzyamfumu zyamunsinye yoo? Wuzye awakaya wamunsinye pamwi aweni?
26Peter atolelela ati, Aweni.
Yesu atolelela ati, Molimonye awakaya wasitula imitulo. 27Ukuwa swenji tutize tupunuzye awantunye waa. Achaleka fwandi yanga kwesumbi ukasumbile iswelo; usende inswi yino watalichila waswela, ule wayasamula wandi uzane ulundalama luno viyine numutulo wane nuwinu; uwape utele watula imitulo yitu.
Currently Selected:
Mateyu 17: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 17
17
Yesu apilunkana
(Marko 9:2-13; Luka 9:28-36)
1Ayala manda yasila mutanda Yesu asenda Peter nawang'anda yonga wawili e Jemusi nu munyina e Yohani akwela nawo mumwamba wutali palwawo. 2Awala pano wakulola nukulola, Yesu apilunkana paminso yawo; impumi yakwe iwala wilanzi, nimyenda yakwe iwa amitiswe ngati akuwala. 3Awasambilizi wotatunye awalola Musa nu Eliya wakuvwanzyania nu Yesu. 4Achaleka Peter asimpuka anena Yesu ati, Chazipa wuli pano tuli konye-koo; ndi ukulonda, nazenga paa imitanda yitatu, wumwi awako, wumwi wuwe awakwe Musa, nawunji wuwe awakwe Eliya.
5Ala vino achili akuvwanga, iwingo tiswe aliwavwimba: nizwi alifuma mwiwingo aliti, Wee a Mwanane umukundwe, mwakwe wino nkusechela nkani; mwivwanji!
6Awala awasambilizi wivwa izwi, awatina nkaninye awapona pansi wafukime. 7Yesu aya awakumvya ati, Katukani, mutatina! 8Achaleka awinula aminso yawo lelo nanti kulola wumwi suka ndi we Yesu mutupu.
9Awala vino wakutantamuka umwamba, Yesu awasunda ati, Mutaya mukanene umuntu wumwi ichilolwa chino mwalola, asuke Umwanamuntu ayize azyulupulwe kumfwa.
10Awasambilizi wakwe awamuwuzya awati, Ngamunochani chino awasambilizya wamasundo wakutanji, Eliya awino alitalichila ukwiza?
11Yesu atolelela ati, Awenche Eliya akwiza, ayize ayanie ivintu vyonsi. 12Ukuwa nkuwanena nkuti Eliya wiza kali, nanti apakuti wamumanye, ukuwa wamuchita chonsi chino walondanga. Awowonye avino nu Mwanamuntu aliyimba kwewoliwo.
13Ngapano awasambilizi wakwe awiluka kuno wawanenanga ivyakwe Yohani kapabatizya.
Yesu apozya umulumendo wamuzimu wuwipe
(Marko 9:14-29; Luka 9:37-43a)
14Ala Yesu nawasambilizi wakwe watatu wanyochela kwiwumba, umuntu wumwi aya kwe Yesu, afika amusokowalila ati, 15Mfumu, fwila umwanane inkumbu! Amuno ali nusinsa, ali nivipalazi viwipe chino mpindi zimwi akaponela mumulilo, mpindi zimwi muminzi. 16Imulesile kuwasambilizi wako wapotwa ukumupozya.
17Yesu atolelela ati, Oko mwenkulo mbipe ntasuwilwa-mwe! Ngandilanga nikala namwe mpaka kwi? Nga nandi njikale namwe yanga? Leta umulumendo weyo kwenene! 18Yesu akalipila umuzimu wuwipe awufuma mumulumendo: apola pampindinye yoyo.
19Nga awasambilizi awaya kwe Yesu palwawo, awafika awati, Ngamuno chani chino swenji tuposilwe ukufumya umuzimu wuwipe?
20Awanena ati, Amuno alisuwilo linu itichi. Manyani choo! Ndi muli nisuwilo walupumba lwamuti, mulinena umwambanye woo muti, Syembuka uye koko! Wulisyembuka. Pasi chimwi chino chiliwapota. [ 21Ukuwa nkandi amapepo nukukana ukulya umwenzo avino vingawinga ichamwatanye ndi-woo.]
Swinyanye Yesu avwanga ivyamfwa yakwe
(Marko 9:30-32; Luka 9:43b-45)
22Awala awasambilizi wonsi waya mu Galileya, Yesu awanena ati, Umwanamuntu alilemekwa mumakasa yawantu; 23wize wamukome; uwanda wachititatu azyulupulwe.
Awasambilizi awawa namalanda nkaninye.
Imitulo yang'anda yakupepela Leza
24Ala Yesu nawasambilizi wakwe waya ku Kapemahumi, wane wapochelelanga imitulo yang'anda yakupepela awaya kwe Peter awamuwuzya awati, Wuzye numusambilizya winunye akatula imitulo yang'anda yakupepela?
25Peter atolelela ati, Eta akatula.
Ala vino Peter winjila mung'anda, Yesu amutanganizya amuwuzya ati, Ngawenji ukuti wuli, Simoni? Ngawaweni wane wakatula imitulo kuzyamfumu zyamunsinye yoo? Wuzye awakaya wamunsinye pamwi aweni?
26Peter atolelela ati, Aweni.
Yesu atolelela ati, Molimonye awakaya wasitula imitulo. 27Ukuwa swenji tutize tupunuzye awantunye waa. Achaleka fwandi yanga kwesumbi ukasumbile iswelo; usende inswi yino watalichila waswela, ule wayasamula wandi uzane ulundalama luno viyine numutulo wane nuwinu; uwape utele watula imitulo yitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.