Mateyu 10
10
Awasambilizi ikumi nawawili
(Marko 3:13-19; Luka 6:12-16)
1Yesu ayita awasambilizi wakwe ikumi nawawili awapa amaka yakuwinjila imizimu miwipe nukupozya indwala namatenda yamisango-misango. 2Amazina yawasambilizi ikumi nawawili ayaa: uwakutalika, we Simoni (wino akakwitwa ilyakwe Peter) numunyina e Andreya; e Jemusi nu Yohani umunyina, awanakwe Zebediya; 3e Filipu nu Bartolomeyo; e Tomasi nu Mateyu, ekasonchezya wamusonko; nu Jemusi, umwanakwe Alifeyu, nu Tadeyu; 4e Simoni umukaya nga nu Yuda Iskarioti, wino wakutilizile Yesu.
Yesu atuma awasambilizi ikumi nawawili
(Marko 6:7-13; Luka 9:1-6)
5Yesu atuma awantunye waa ikumi nawawili awakomelezya ati, Mutize muye munsi zyamakandi nanti akuya mutwaya twa wa Samariya. 6Ukuwa yanji kung'onzi nsowe izya wa Israeli. 7Yanji mukawilange Ilandwe zima muwati, Uwufumu wamwiyulu wapalamila! 8Mukapozyange awalwale, Nukuzyulupula awafwe, nukutelefya awamambombo nukuwinga imizimu miwipe. Mwapochelela uwila, achaleka namwenye kapanji uwila. 9Mutize umauwasenda nanti we golide, nanti we silivara, nanti andalama zyamakopala zimwi mumatumba yinu; 10mutize muwasenda ivyakupempela pamusinzo, nanti akusenda amalaya yawili-yawili, nanti andyatu, nanti ansonzo yakusintilila. Umuwomvi wazipila ukulambulwa.
11Muwala mukaya konsi kano mwinjila mwenemo, akakulu nanti akatichinye, amuvwamba wumwi wino akulonda ukuwapochelela, amulanga mwisile naweyonye musuke mwize mufume mumasyonye yayo. 12Ndi mwinjila mung'anda amuti, Uumautende wuwe namwe. 13Ndi aweni ng'anda wawapochelela, amuleka umutende winu awuwasyalila; ukuwa ndi wakana ukuwapochelela, amuleka umutende winu awuwanyochela. 14Ukuwa ndi mwaya mung'anda nanti amukaya kamwi wakana ukuwapochelela nanti akuwivwa, amupita amusya mwakunta itukumbu lino lili kumatamba yinu. 15Yizukani choo! Pawanda wipanzyo Leza aliwa ninkumbu nkulu kuwantu wamwe Sodomu nu Gomora ukulusye awantu wamukayanye kako!
Ukwiza kwamatamyo
(Marko 13:9-13; Luka 21:12-17)
16Yivwani! Nawatuma ngati ang'onzi mukasi mumpumpi. Mule muwachenjela ndivino inzoka swinya muwe mwewachimyamya ndivino inkunda. 17Ukuwa, amuno awantu wamwi waliwalema wawatwale kumapembo yakupanzizya, wawavyapule nukuwavyapula mung'anda zyakupepela. 18Waliwatwala kwakwe wakapanzya nakuzyamfumu muno anene, pakuwalandila Ilandwe Zima nukulandila amakandi. 19Ndi wiza wawatwala kukupanzwa, mutize mwize muwasakamala chino mwandi mukavwange nanti achakuti nga mwaya vwanga chani; ndi iumapindi yiza-yiza mulipwa ichakuvwanga. 20Amuno amazwi yano muliwavwanga yasi amazwi yinu; yalifuma ku Muzimu wa Monsi winu awino aliwavwanga mwakwe mwemwe.
21Awantu waliwalemeka awanyina kukukomwa, nawakwasinye nawo waliwachita kuwana wawo wowonye; awana walisambuchila awakwasi waleke wakomwa. 22Awantu wonsi waliwapata, amuno anene. Ukuwa wino wiza walemasya ukufika nakunsilo alitulwa. 23Ukuwa ndi wiza wawayimvya mukaya kamwi, amwiza amusamalila kukaya kanji. Nkuwanena nkuti, mutalimala ukuwomba umulimo winu mutwaya twakwe Israeli tonsi alange Umwanamuntu atizile.
24Umusambilizi atakula walusya umusambilizya wakwe; nanti amuzya atalusya yisikulu. 25Achaleka umusambilizi wazipila awa ngati amusambilizya wakwe, numuzya ngati weyisikulu. Ndipongo lyachiwanza akakwitwa ilya Muwipe, ye awamuchiwanza weni wangitwa amazina mawipisye ukulusye!
Wino wazipila ukutinwa
(Luka 12:2-7)
26Mutize muwatina awantu. Chonsinye chino chafumfunjizywa chiliwa palwenze, ninkama yonsinye ilimanyikwa. 27Chino nkuwanena mumfinzi mwenji amuchivwanga apatiswe, nachonsi chino mwivwa munkama amuya amuchivwanjila pamusonje papela. 28Mutize muwatina wino ali namaka yakukoma umuwili ukuwa nanti kuwa namaka yakukoma umuzimu; ukuwa tinanji Leza, wino ali namaka yakulovya vyowili umuwili numuzimu awusumbile namwilungu lyamulilo. 29Mungakala utusawa tuwili nikopala lyonga; ukuwa naponye pasi nanti kamwi kano kakapona pansi nanti kuti Umonsi winu amanye. 30Achaleka fwandi mwenji, ninyele zyakumwite yinunye zyapendwa zyonsi. 31Achaleka mutize muwatina; mwakula uwuzi mwalusya utusawa tuvule!
Ukuzumila mbali nukukana Klistu
(Luka 12:8-9)
32Wensi wino akunzumila pankolelo pawantu, awino naninye ndimuzumila pankolelo pa Monsi wane uwamwiyulu. 33Ukuwa wensi wino akunkana pankolelo pawantu, naninye ndimukana pankolelo pa Monsi wane uwamwiyulu.
Wus'amutende, ukuwa alisumo
(Luka 12:51-53; 14:26-27)
34Mutize muwakwelengania muwati niza leta umutende munsi; awe ntizaleta umutende, ukuwa alisumo. 35Niza mukupatania awanachonsi kwewayisi nawo awanachanachi kwewanyina, wanyinavyala wana kwewanyinavyala; 36awalwani walutilizyewamuntu waliwa awachiwanza chakwenye.
37Wensi wino wakunda yisi nanti wenyina walusya nene atazipila nene; nawensi wino wakunda umwanakwe uwachonsi nanti awachanachi walusya nene atazipila nene. 38Wensi wino asinakusenda uwuchingane wakwe ankonka munzila zyane atazipila nene. 39Wensi wino akwelezya ukukakatizya uwumi aliwusumba; ukuwa wensi wino akusumba uwumi wakwe muno anene alilanga ali nawo.
ivilambu
(Marko 9:41)
40Wensi wino akuwapochelela, atela akumpochelela nene; nawensi wino akumpochelela nene, atela akupochelela wino wantuma. 41Wensi wino akupochelela intumi yakwe Leza alichelela ichilambu nawensi wino akupopochelela umuntu muzima, muno nachawuzimanye amuzima, alipochelela ichilambu. 42Achaleka yizukani choo! Wensi wino wiza wapa wenga awawatichinye wano wakankonka aminzi matalale, muno akankonka nene, nachawuzimanye alipochelela ichilambuchakwe.
Currently Selected:
Mateyu 10: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 10
10
Awasambilizi ikumi nawawili
(Marko 3:13-19; Luka 6:12-16)
1Yesu ayita awasambilizi wakwe ikumi nawawili awapa amaka yakuwinjila imizimu miwipe nukupozya indwala namatenda yamisango-misango. 2Amazina yawasambilizi ikumi nawawili ayaa: uwakutalika, we Simoni (wino akakwitwa ilyakwe Peter) numunyina e Andreya; e Jemusi nu Yohani umunyina, awanakwe Zebediya; 3e Filipu nu Bartolomeyo; e Tomasi nu Mateyu, ekasonchezya wamusonko; nu Jemusi, umwanakwe Alifeyu, nu Tadeyu; 4e Simoni umukaya nga nu Yuda Iskarioti, wino wakutilizile Yesu.
Yesu atuma awasambilizi ikumi nawawili
(Marko 6:7-13; Luka 9:1-6)
5Yesu atuma awantunye waa ikumi nawawili awakomelezya ati, Mutize muye munsi zyamakandi nanti akuya mutwaya twa wa Samariya. 6Ukuwa yanji kung'onzi nsowe izya wa Israeli. 7Yanji mukawilange Ilandwe zima muwati, Uwufumu wamwiyulu wapalamila! 8Mukapozyange awalwale, Nukuzyulupula awafwe, nukutelefya awamambombo nukuwinga imizimu miwipe. Mwapochelela uwila, achaleka namwenye kapanji uwila. 9Mutize umauwasenda nanti we golide, nanti we silivara, nanti andalama zyamakopala zimwi mumatumba yinu; 10mutize muwasenda ivyakupempela pamusinzo, nanti akusenda amalaya yawili-yawili, nanti andyatu, nanti ansonzo yakusintilila. Umuwomvi wazipila ukulambulwa.
11Muwala mukaya konsi kano mwinjila mwenemo, akakulu nanti akatichinye, amuvwamba wumwi wino akulonda ukuwapochelela, amulanga mwisile naweyonye musuke mwize mufume mumasyonye yayo. 12Ndi mwinjila mung'anda amuti, Uumautende wuwe namwe. 13Ndi aweni ng'anda wawapochelela, amuleka umutende winu awuwasyalila; ukuwa ndi wakana ukuwapochelela, amuleka umutende winu awuwanyochela. 14Ukuwa ndi mwaya mung'anda nanti amukaya kamwi wakana ukuwapochelela nanti akuwivwa, amupita amusya mwakunta itukumbu lino lili kumatamba yinu. 15Yizukani choo! Pawanda wipanzyo Leza aliwa ninkumbu nkulu kuwantu wamwe Sodomu nu Gomora ukulusye awantu wamukayanye kako!
Ukwiza kwamatamyo
(Marko 13:9-13; Luka 21:12-17)
16Yivwani! Nawatuma ngati ang'onzi mukasi mumpumpi. Mule muwachenjela ndivino inzoka swinya muwe mwewachimyamya ndivino inkunda. 17Ukuwa, amuno awantu wamwi waliwalema wawatwale kumapembo yakupanzizya, wawavyapule nukuwavyapula mung'anda zyakupepela. 18Waliwatwala kwakwe wakapanzya nakuzyamfumu muno anene, pakuwalandila Ilandwe Zima nukulandila amakandi. 19Ndi wiza wawatwala kukupanzwa, mutize mwize muwasakamala chino mwandi mukavwange nanti achakuti nga mwaya vwanga chani; ndi iumapindi yiza-yiza mulipwa ichakuvwanga. 20Amuno amazwi yano muliwavwanga yasi amazwi yinu; yalifuma ku Muzimu wa Monsi winu awino aliwavwanga mwakwe mwemwe.
21Awantu waliwalemeka awanyina kukukomwa, nawakwasinye nawo waliwachita kuwana wawo wowonye; awana walisambuchila awakwasi waleke wakomwa. 22Awantu wonsi waliwapata, amuno anene. Ukuwa wino wiza walemasya ukufika nakunsilo alitulwa. 23Ukuwa ndi wiza wawayimvya mukaya kamwi, amwiza amusamalila kukaya kanji. Nkuwanena nkuti, mutalimala ukuwomba umulimo winu mutwaya twakwe Israeli tonsi alange Umwanamuntu atizile.
24Umusambilizi atakula walusya umusambilizya wakwe; nanti amuzya atalusya yisikulu. 25Achaleka umusambilizi wazipila awa ngati amusambilizya wakwe, numuzya ngati weyisikulu. Ndipongo lyachiwanza akakwitwa ilya Muwipe, ye awamuchiwanza weni wangitwa amazina mawipisye ukulusye!
Wino wazipila ukutinwa
(Luka 12:2-7)
26Mutize muwatina awantu. Chonsinye chino chafumfunjizywa chiliwa palwenze, ninkama yonsinye ilimanyikwa. 27Chino nkuwanena mumfinzi mwenji amuchivwanga apatiswe, nachonsi chino mwivwa munkama amuya amuchivwanjila pamusonje papela. 28Mutize muwatina wino ali namaka yakukoma umuwili ukuwa nanti kuwa namaka yakukoma umuzimu; ukuwa tinanji Leza, wino ali namaka yakulovya vyowili umuwili numuzimu awusumbile namwilungu lyamulilo. 29Mungakala utusawa tuwili nikopala lyonga; ukuwa naponye pasi nanti kamwi kano kakapona pansi nanti kuti Umonsi winu amanye. 30Achaleka fwandi mwenji, ninyele zyakumwite yinunye zyapendwa zyonsi. 31Achaleka mutize muwatina; mwakula uwuzi mwalusya utusawa tuvule!
Ukuzumila mbali nukukana Klistu
(Luka 12:8-9)
32Wensi wino akunzumila pankolelo pawantu, awino naninye ndimuzumila pankolelo pa Monsi wane uwamwiyulu. 33Ukuwa wensi wino akunkana pankolelo pawantu, naninye ndimukana pankolelo pa Monsi wane uwamwiyulu.
Wus'amutende, ukuwa alisumo
(Luka 12:51-53; 14:26-27)
34Mutize muwakwelengania muwati niza leta umutende munsi; awe ntizaleta umutende, ukuwa alisumo. 35Niza mukupatania awanachonsi kwewayisi nawo awanachanachi kwewanyina, wanyinavyala wana kwewanyinavyala; 36awalwani walutilizyewamuntu waliwa awachiwanza chakwenye.
37Wensi wino wakunda yisi nanti wenyina walusya nene atazipila nene; nawensi wino wakunda umwanakwe uwachonsi nanti awachanachi walusya nene atazipila nene. 38Wensi wino asinakusenda uwuchingane wakwe ankonka munzila zyane atazipila nene. 39Wensi wino akwelezya ukukakatizya uwumi aliwusumba; ukuwa wensi wino akusumba uwumi wakwe muno anene alilanga ali nawo.
ivilambu
(Marko 9:41)
40Wensi wino akuwapochelela, atela akumpochelela nene; nawensi wino akumpochelela nene, atela akupochelela wino wantuma. 41Wensi wino akupochelela intumi yakwe Leza alichelela ichilambu nawensi wino akupopochelela umuntu muzima, muno nachawuzimanye amuzima, alipochelela ichilambu. 42Achaleka yizukani choo! Wensi wino wiza wapa wenga awawatichinye wano wakankonka aminzi matalale, muno akankonka nene, nachawuzimanye alipochelela ichilambuchakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.