Ephesians 2
2
Mwazyulupuka kumfwa
1Mwemwenye kali mwafwile kumuzimu muno akuntatontela kwinu nuluwembu lwinu. 2Mumpindinye yoyo mwakonkanga ukulonda kuwipe ukwamunsi; mwatontelanga ekapanzya wamaka yamuzimu wamulwelele, e muzimu wino nakanonzinye akatungulula awantu wane wasitontela Leza. 3Molimonye naswenye swensi twalinji ndivino woliwo, twakonkanga ukulonda kuwipe ukwamiwili yitu, twachitanga ndimuno imiwili yitu namelengania vyatutwalanga. Twachitanga ndivino wanjinye, achaleka naswenye twazipizile ukusundwa nuwukali wakwe Leza.
4Ukuwa muno inkumbu zyakwe Leza zikalafuka, nalo ulukundo lwakwe lwakula kwakwe sweswe, 5achino pano twafwile kumuzimu muno akuwifya kwitu Leza watuzyulupuzile apaliponga nu Klistu. Twatulilwa munkumbunkumbu zyakwe Leza. 6Muno twalinji apaliponga nu Klistu Yesu watuzyulupuzile apaliponga nawe twawa swewakapanzya apaliponga nawe munsi yamwiyulu. 7Wachisile wonye-woo alyakuti mumpindi yonsi yino iliyiza ayize alanjizye uwukulu wankumbu zyakwe zinu watuchitizile pano watukunzile mwakwe Klistu Yesu. 8Amuno mwatulilwa munkumbu-nkumbu zyakwe Leza, muno alisuwilo. Kusi akuwomba kwinu ukuwa awila wakwe Leza. 9Paa pasi chimwi chino mungayitumvizya, muno mutayilwisizya chimwi mwemwe mwenga, 10E Leza awili Mwelewuzi, achaleka muno tuli mwakwe Klistu Yesu watwelewula ukuti tuwawomba imilimo mizima, yino watulayilizya kali ukuti tuwayichita.
Twasanzinkanwa nu Klistu
11Mwenji mwemakandi ichikwatilwe —mwewantu awa Yuda, wakawita ukuti mutalembwa uwusilamo, wane weni wakati walembwa uwusilamo (chino chikalondolola chino awantu wakachita imiwili yawo—) yizukani vino mwalinji pakutalika. 12Pampindinye yoyo mwalinji ukutali nu Klistu. Mwalinji mwemakandi, mutalinji mwewantu wane Leza wasola, mutapalamizile kuvyilayano nanti katichitichi, lino Leza walayilizizye awantu wakwe. Munsi moo mwikalanga nanti kulolela kumwi swinya nanti kumanya Leza. 13Ukuwa kanonzi muno muli mwakwe Klistu Yesu, mwemwenye mwewantu mwalinji ukutali mwapalamizwa nimfwa yakwe Klistu. 14Amuno e Klistu-nye nalwakwe watuletela umutende, waleka awa Yuda namakandi wawa amwiko wonga. Nu muwili wakwe wamongola uluwumba luno lwawapawunkinie aluleka awazyamilana. 15Wamongola amasundo yachi Yuda, namasundo mbali nukukomelezya kwakwe, alyakuti alete imyiko yawantu wawili apaliponga wawe amwiko wupya mwakwe weliwe, alyakuti kuwe umutende. 16Muno amfwa yakwe pawuchingane Klistu wonona uwulwani; muno pawuchingane wakwe apano wuminkania imyiko yowili mumuwili wakwe wawanyosezya kwe Leza. 17Achaleka Klistu wizile awawilila wonsi Ilandwe Zima ilyamutende —kwemwemwenye mwemakandi, mwewantu mwalinji ukutali nu Leza, nga na kuwa Yuda-nye wane walinji papipi nu Leza. 18Amwakwe Klistunye amuno swensinye, swe wa Yuda namakandi, tungapalamila nu Muzimu wonga pankolelo pa Mukwasi.
19Achaleka fwandi, kanonzi mwemwenye mwemakandi musi mwemakandi swinya, swinya musi mweweni; kanonzi mwewakaya apaliponga nawantu wakwe Leza, awachiwanza chakwe Leza-nye. 20Namwenye, mwasimpwa palufula luno awapostile nawatumwa wimvile awazenga mwenemo, iwe lyifunku we Klistu Yesu umwenecho. 21Weliwenye awino walimbinkania ing'anda yonsi apaliponga ikukula nukukula ukuti iwe ang'anda yamuzilo iya Mfumu. 22Mwakwe wino namwenye mukazengwa apaliponga nawanji wonsi alyakuti muwe mwe ng'anda Yino u Muzimu wakwe Leza wize wuwakwikala mwenemo.
Currently Selected:
Ephesians 2: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Ephesians 2
2
Mwazyulupuka kumfwa
1Mwemwenye kali mwafwile kumuzimu muno akuntatontela kwinu nuluwembu lwinu. 2Mumpindinye yoyo mwakonkanga ukulonda kuwipe ukwamunsi; mwatontelanga ekapanzya wamaka yamuzimu wamulwelele, e muzimu wino nakanonzinye akatungulula awantu wane wasitontela Leza. 3Molimonye naswenye swensi twalinji ndivino woliwo, twakonkanga ukulonda kuwipe ukwamiwili yitu, twachitanga ndimuno imiwili yitu namelengania vyatutwalanga. Twachitanga ndivino wanjinye, achaleka naswenye twazipizile ukusundwa nuwukali wakwe Leza.
4Ukuwa muno inkumbu zyakwe Leza zikalafuka, nalo ulukundo lwakwe lwakula kwakwe sweswe, 5achino pano twafwile kumuzimu muno akuwifya kwitu Leza watuzyulupuzile apaliponga nu Klistu. Twatulilwa munkumbunkumbu zyakwe Leza. 6Muno twalinji apaliponga nu Klistu Yesu watuzyulupuzile apaliponga nawe twawa swewakapanzya apaliponga nawe munsi yamwiyulu. 7Wachisile wonye-woo alyakuti mumpindi yonsi yino iliyiza ayize alanjizye uwukulu wankumbu zyakwe zinu watuchitizile pano watukunzile mwakwe Klistu Yesu. 8Amuno mwatulilwa munkumbu-nkumbu zyakwe Leza, muno alisuwilo. Kusi akuwomba kwinu ukuwa awila wakwe Leza. 9Paa pasi chimwi chino mungayitumvizya, muno mutayilwisizya chimwi mwemwe mwenga, 10E Leza awili Mwelewuzi, achaleka muno tuli mwakwe Klistu Yesu watwelewula ukuti tuwawomba imilimo mizima, yino watulayilizya kali ukuti tuwayichita.
Twasanzinkanwa nu Klistu
11Mwenji mwemakandi ichikwatilwe —mwewantu awa Yuda, wakawita ukuti mutalembwa uwusilamo, wane weni wakati walembwa uwusilamo (chino chikalondolola chino awantu wakachita imiwili yawo—) yizukani vino mwalinji pakutalika. 12Pampindinye yoyo mwalinji ukutali nu Klistu. Mwalinji mwemakandi, mutalinji mwewantu wane Leza wasola, mutapalamizile kuvyilayano nanti katichitichi, lino Leza walayilizizye awantu wakwe. Munsi moo mwikalanga nanti kulolela kumwi swinya nanti kumanya Leza. 13Ukuwa kanonzi muno muli mwakwe Klistu Yesu, mwemwenye mwewantu mwalinji ukutali mwapalamizwa nimfwa yakwe Klistu. 14Amuno e Klistu-nye nalwakwe watuletela umutende, waleka awa Yuda namakandi wawa amwiko wonga. Nu muwili wakwe wamongola uluwumba luno lwawapawunkinie aluleka awazyamilana. 15Wamongola amasundo yachi Yuda, namasundo mbali nukukomelezya kwakwe, alyakuti alete imyiko yawantu wawili apaliponga wawe amwiko wupya mwakwe weliwe, alyakuti kuwe umutende. 16Muno amfwa yakwe pawuchingane Klistu wonona uwulwani; muno pawuchingane wakwe apano wuminkania imyiko yowili mumuwili wakwe wawanyosezya kwe Leza. 17Achaleka Klistu wizile awawilila wonsi Ilandwe Zima ilyamutende —kwemwemwenye mwemakandi, mwewantu mwalinji ukutali nu Leza, nga na kuwa Yuda-nye wane walinji papipi nu Leza. 18Amwakwe Klistunye amuno swensinye, swe wa Yuda namakandi, tungapalamila nu Muzimu wonga pankolelo pa Mukwasi.
19Achaleka fwandi, kanonzi mwemwenye mwemakandi musi mwemakandi swinya, swinya musi mweweni; kanonzi mwewakaya apaliponga nawantu wakwe Leza, awachiwanza chakwe Leza-nye. 20Namwenye, mwasimpwa palufula luno awapostile nawatumwa wimvile awazenga mwenemo, iwe lyifunku we Klistu Yesu umwenecho. 21Weliwenye awino walimbinkania ing'anda yonsi apaliponga ikukula nukukula ukuti iwe ang'anda yamuzilo iya Mfumu. 22Mwakwe wino namwenye mukazengwa apaliponga nawanji wonsi alyakuti muwe mwe ng'anda Yino u Muzimu wakwe Leza wize wuwakwikala mwenemo.
Chinamwanga Bible © United Bible Societies, 1981.