2 Thessalonians 2
2
Umuwipe
1Ivyakwiza kwa Mfumu yitu e Yesu Klistu nukuwunganikwa kwitu apaliponga ukuti twize tuwe nawe: nkuwalambilizya, wanawitu, 2ukuti mutize muwachuluchila nukwelengania kwinu pamwi nukupungana ndi wumwi wati uwanda wa Mfumu wiza. Amuno nche pamwi angatela umutumwa wumwi avino wavwanzile, pamwi ekawizya. Pamwi nche wangatela wamwi wavwanga kuno sweswe twawalisile e kalata wamazwi ndi-yaa. 3Kusikwezya wumwi awawatumpika namazwi ndivino yaa. Amuno uwandanye wowo wutalitela wize kusuke ukusanguka kwakupelelechezya kwize-kwize pano Umuwipe aliloleka, wino insilo yakwe akwilowelwe. 4Umulwaninye weyo awino aliyiza mukulwisya vyonsi vino awantu wakapakata navyonsinye vino wakutanji we Leza. Aliyiwika papela pavintu vyonsi, akinjile namung'anda yakwe Leza iyakupepela ati nene anemuntu ne Leza.
5Wuzye musinakwizuka kuno nawanenile chonye-choo pano nachilinji indi namwe? 6Ukuwa kuli chimwi chino chikulesya ukuti ichintunye choo chitize chipone kanonzi, namwenye muchimanyile. Ndimpindi yiza yafichila apano Umuwipe aliloleka. 7Amuno uwuwipe wamunkama watalika nukutalika, ukuwa chino chilipona chitalipona asuke wino kanonzi akulesya ayize afumwe. 8Paponye apano Umuwipe aliloleka, nga Imfumu e Yesu amukome numupo wamumulomo wakwe amoneno nukuchinamikwa kwakuloleka kwakwe, ndiwiza-wiza. 9Umuwipe aliyiza namaka yakwe Satan a ayize awachita ivyakuzungusya vyonsi nivimanyilo vyawufi nivyamayele, 10ayize achite umuchenjelo wuwipe kwewano walilowa. Walilowa amuno watatela wapochelele nukusimichila numwezo wawo wonsi alyakuti wangiza watulwe. 11Muno achonye-choo Leza, akawatumila ukuvulungania alyakuti wasuwila muvyawufi. 12Achino wane watasuwila mukusimichila, ukuwa wakazangala muluwembu, walipanzwa.
Mwasolwa ukuti mwize mutulwe
13Wanawitu, twazipila tuwawasalifizya kwe Leza penye, mwemwenye mwewantu Imfumu yakunda. Amuno amwewantu Leza wawasozile ukuti mwemwenye mwize mutalichile ukutulwa namaka ya Muzimu alyakuti muwe mwewantu watele wakwe Leza, muno akusimichila kuno muli nako. 14Twawawilizile Ilandwe zima mwakwe lino Leza wawitizile ukuti mutulwe; wawisile alvakuti mwize muwe ni Mfumu e Yesu Klistu muwukankala wakwe. 15Achaleka, aleni fwandi wanawitu, syanjisyani mwikale mukusimichila kuno twawasambilizizye chikale chiti-ndi, vyonsi vino twawawizizizye navino twawawalichizile mwekalata witu.
16Sivyo Imfumu yitu e Yesu Klistu nalwakwe, nu Leza e Tata, wino watukunzile ninkumbu-nkumbu zyakwe izyape, awatusimpisya tuwawa nukulolela kuzima, 17sivyo awasimpisye mumyezo yinu muwe namaka yakuwombela nukuvwanga ivizima vyonsi.
Muwatupepela
Currently Selected:
2 Thessalonians 2: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
2 Thessalonians 2
2
Umuwipe
1Ivyakwiza kwa Mfumu yitu e Yesu Klistu nukuwunganikwa kwitu apaliponga ukuti twize tuwe nawe: nkuwalambilizya, wanawitu, 2ukuti mutize muwachuluchila nukwelengania kwinu pamwi nukupungana ndi wumwi wati uwanda wa Mfumu wiza. Amuno nche pamwi angatela umutumwa wumwi avino wavwanzile, pamwi ekawizya. Pamwi nche wangatela wamwi wavwanga kuno sweswe twawalisile e kalata wamazwi ndi-yaa. 3Kusikwezya wumwi awawatumpika namazwi ndivino yaa. Amuno uwandanye wowo wutalitela wize kusuke ukusanguka kwakupelelechezya kwize-kwize pano Umuwipe aliloleka, wino insilo yakwe akwilowelwe. 4Umulwaninye weyo awino aliyiza mukulwisya vyonsi vino awantu wakapakata navyonsinye vino wakutanji we Leza. Aliyiwika papela pavintu vyonsi, akinjile namung'anda yakwe Leza iyakupepela ati nene anemuntu ne Leza.
5Wuzye musinakwizuka kuno nawanenile chonye-choo pano nachilinji indi namwe? 6Ukuwa kuli chimwi chino chikulesya ukuti ichintunye choo chitize chipone kanonzi, namwenye muchimanyile. Ndimpindi yiza yafichila apano Umuwipe aliloleka. 7Amuno uwuwipe wamunkama watalika nukutalika, ukuwa chino chilipona chitalipona asuke wino kanonzi akulesya ayize afumwe. 8Paponye apano Umuwipe aliloleka, nga Imfumu e Yesu amukome numupo wamumulomo wakwe amoneno nukuchinamikwa kwakuloleka kwakwe, ndiwiza-wiza. 9Umuwipe aliyiza namaka yakwe Satan a ayize awachita ivyakuzungusya vyonsi nivimanyilo vyawufi nivyamayele, 10ayize achite umuchenjelo wuwipe kwewano walilowa. Walilowa amuno watatela wapochelele nukusimichila numwezo wawo wonsi alyakuti wangiza watulwe. 11Muno achonye-choo Leza, akawatumila ukuvulungania alyakuti wasuwila muvyawufi. 12Achino wane watasuwila mukusimichila, ukuwa wakazangala muluwembu, walipanzwa.
Mwasolwa ukuti mwize mutulwe
13Wanawitu, twazipila tuwawasalifizya kwe Leza penye, mwemwenye mwewantu Imfumu yakunda. Amuno amwewantu Leza wawasozile ukuti mwemwenye mwize mutalichile ukutulwa namaka ya Muzimu alyakuti muwe mwewantu watele wakwe Leza, muno akusimichila kuno muli nako. 14Twawawilizile Ilandwe zima mwakwe lino Leza wawitizile ukuti mutulwe; wawisile alvakuti mwize muwe ni Mfumu e Yesu Klistu muwukankala wakwe. 15Achaleka, aleni fwandi wanawitu, syanjisyani mwikale mukusimichila kuno twawasambilizizye chikale chiti-ndi, vyonsi vino twawawizizizye navino twawawalichizile mwekalata witu.
16Sivyo Imfumu yitu e Yesu Klistu nalwakwe, nu Leza e Tata, wino watukunzile ninkumbu-nkumbu zyakwe izyape, awatusimpisya tuwawa nukulolela kuzima, 17sivyo awasimpisye mumyezo yinu muwe namaka yakuwombela nukuvwanga ivizima vyonsi.
Muwatupepela
Chinamwanga Bible © United Bible Societies, 1981.