Levitikas 2
2
Atha mei flaoa teke eni ka famane wit
1Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne. 2Kate lilisei te gnafa na, mana atha tei tusu lao glepo igre ka mae pris thugna mae Eron. Aonu pris igne mala atha kakatha vido flaoa nei oel eghu baludi insens te gnafa igre, eghuteuna mana gahu ke kligna olta mala laseni te famei mana flaoa igre ka iara eghuteuna glepo igre blahi naugna iara Lord kelitagu ka sisirigna na. 3Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.
4“Jame kaisei mae ka ghotilo magnahaghei te atha te mei ka iara bret teke tetego na, bret igne blahi te lilisei isi tagna na. Mana atha famane flaoa ngigno balu oliv oel mala tetego bret, ba ei bisket te ghiha oliv oel tagna. 5Jame kaisei mae ka ghotilo magnahaghei te atha te mei ka iara flaoa teke gahu ka fraepan, mana ngigno famane flaoa te theo isi tagna na balu oliv oel. 6Mana piphike eghuteuna tofa oliv oel tagna. Igne puhi te mala atha te mei ka iara flaoa teke eni ka famane wit. 7Jame kaisei mae ka ghotilo magnahaghei te atha te mei ka iara flaoa teke kuki ka suspen, mana kulu ngigno famane flaoa balu oliv oel. 8Jame kaisei mae ka ghotilo eni kaisei fafara ka wit malagu iara, mana ginauna atha mei ka mae pris, eghuteuna mae pris igne atha mei ka olta. 9Aonu mae pris ginauna atha kaisei vido ka gano igne, eghuteuna mana gahu ke kligna olta mala laseni te atha te mei mana ka iara na eghuteuna igne glepo blahi naugna iara Lord kelitagu ka sisirigna na. 10Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.
11“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara. 12Leuleghu finogha, kate atha mei ghotilo ka iara gano saro ulu ka nomi nagare ghotilo re, ghotilo tangomana te lilisei isi ba jurukuli tagna, nu ghotilo theome tangomana te gahu isi ba jurukuli ke kligna olta te mala kelitagu iara ka sisirigna na. 13Flaoa te edi ka famane wit te atha te mei ghotilo ka iara igne, ghotilo lilisei tahi tagna, naugna tahi igne fagaglana gna nhaꞌa cheke teke eni iara balumi ghotilo ia. Ghotilo mala lilisei tahi ka gano te atha te mei ghotilo ka iara re.
14“Kate atha te mei ghotilo ka iara gano teke saro ulu ka nomi nagare re, ghotilo tangomana te atha te mei wit teke gahu nei jigri teku ghotilo re. 15Eghuteuna ghotilo tofa oliv oel tagna, eghuteuna ghotilo jaola lilisei insens tagna naugna famane flaoa majaghani teke eni ka wit. 16Aonu mae pris ginauna atha kakatha flaoa nei oel baludi insens te tusu mei ghotilo re, eghuteuna gahu ke kligna olta mala laseni ghotilo te tusu mei gano igre ka iara na eghuteuna igne jateula kaisei gano te tufa ka Lord eghu.”
Currently Selected:
Levitikas 2: mrn
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Levitikas 2
2
Atha mei flaoa teke eni ka famane wit
1Lord ne cheke eghu, “Jame kaisei mae ka ghotilo magnahaghei atha mei gano ka nagare mala famei ka iara, mana mala atha mei flaoa teke eni ka famane wit. Eghuteuna mana mala lilisei oliv oel nei insens eghu ka flaoa igne. 2Kate lilisei te gnafa na, mana atha tei tusu lao glepo igre ka mae pris thugna mae Eron. Aonu pris igne mala atha kakatha vido flaoa nei oel eghu baludi insens te gnafa igre, eghuteuna mana gahu ke kligna olta mala laseni te famei mana flaoa igre ka iara eghuteuna glepo igre blahi naugna iara Lord kelitagu ka sisirigna na. 3Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.
4“Jame kaisei mae ka ghotilo magnahaghei te atha te mei ka iara bret teke tetego na, bret igne blahi te lilisei isi tagna na. Mana atha famane flaoa ngigno balu oliv oel mala tetego bret, ba ei bisket te ghiha oliv oel tagna. 5Jame kaisei mae ka ghotilo magnahaghei te atha te mei ka iara flaoa teke gahu ka fraepan, mana ngigno famane flaoa te theo isi tagna na balu oliv oel. 6Mana piphike eghuteuna tofa oliv oel tagna. Igne puhi te mala atha te mei ka iara flaoa teke eni ka famane wit. 7Jame kaisei mae ka ghotilo magnahaghei te atha te mei ka iara flaoa teke kuki ka suspen, mana kulu ngigno famane flaoa balu oliv oel. 8Jame kaisei mae ka ghotilo eni kaisei fafara ka wit malagu iara, mana ginauna atha mei ka mae pris, eghuteuna mae pris igne atha mei ka olta. 9Aonu mae pris ginauna atha kaisei vido ka gano igne, eghuteuna mana gahu ke kligna olta mala laseni te atha te mei mana ka iara na eghuteuna igne glepo blahi naugna iara Lord kelitagu ka sisirigna na. 10Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.
11“Flaoa ka famane wit atha te mei ghotilo ka iara igne mala theome au isi tagna. Ghotilo theome tangomana te lilisei isi ba jurukuli ka gano te gahu ghotilo igne jateula thufa blahi eghu ka iara. 12Leuleghu finogha, kate atha mei ghotilo ka iara gano saro ulu ka nomi nagare ghotilo re, ghotilo tangomana te lilisei isi ba jurukuli tagna, nu ghotilo theome tangomana te gahu isi ba jurukuli ke kligna olta te mala kelitagu iara ka sisirigna na. 13Flaoa te edi ka famane wit te atha te mei ghotilo ka iara igne, ghotilo lilisei tahi tagna, naugna tahi igne fagaglana gna nhaꞌa cheke teke eni iara balumi ghotilo ia. Ghotilo mala lilisei tahi ka gano te atha te mei ghotilo ka iara re.
14“Kate atha te mei ghotilo ka iara gano teke saro ulu ka nomi nagare re, ghotilo tangomana te atha te mei wit teke gahu nei jigri teku ghotilo re. 15Eghuteuna ghotilo tofa oliv oel tagna, eghuteuna ghotilo jaola lilisei insens tagna naugna famane flaoa majaghani teke eni ka wit. 16Aonu mae pris ginauna atha kakatha flaoa nei oel baludi insens te tusu mei ghotilo re, eghuteuna gahu ke kligna olta mala laseni ghotilo te tusu mei gano igre ka iara na eghuteuna igne jateula kaisei gano te tufa ka Lord eghu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.