Galesia 3
3
Fablahi na mei ka fatutuani
1Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re! 2Kaisei glepo ngala te magnahagheni iara te mala cheke meini ghotilo ka iara na. Ba, ghotilo hata Tharunga te Blahi na naugna ghotilo te leghuni vetula na? Theo! Ghotilo hata Tharunga na naugna ghotilo ne fatutuani ni u Nonomho te Keli te nomhini ghotilo gne. 3Ghotilo neke fufunu nakarhami na balugna Kraes ka Tharunga gna God. Ba, faꞌunha ne meomekro si ghotilo ia? Gognaro ba, ghotilo ginauna na fariuriu hatini u thofno karha te keli na ka nomi nolaghi themi? 4Kmana glepo la lasedihi ghotilo ka nakarhamire. Ba, fiti glepo kolho? Iara theome fatutuani ni tuana. 5Naugna unha si God teke tusu ari nogna nolaghi mae Tharunga te Blahi na ka ghotilo te mala edi farihoteimi u kofubobhoi igrea? Ba, naugna ghotilo neke leghuni vetula na, ba naugna ghotilo neke fatutuani ni u Nonomho te Keli te nomhini ghotilo gne? Tutuani fara, mana neke eni igne naugna ghotilo neke fatutuani ni mana.
Mae Ebraham fatutuani ni God neke doglo ke ulugna mana
6U grioriso te blahi na cheke eghu eigna mae Ebraham, “Mana neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” 7Eghume ghotilo laseni igne, iheire te fatutuanire thofno thugna mae Ebraham. 8Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.” 9Eghume, God fablahidi gnafa iheire te fatutuani ni mana, jateula mana teke fablahini mae Ebraham mae ihei teke fatutuani ni mana na.
10Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”#3:10 Diu 27:26. 11Thofno glola fara ngala, God neke theome eni kaisei naikno mala doglo ke ulugna mana eigna mana te leghuni vetula na. Naugna u grioriso te blahi na cheke eghu, “Mae ihei te fatutuani na, mana ginauna doglo ke ulugna God, eghuteuna mana ginauna hatini u thofno nakarha na.”#3:11 Hab 2:4. 12Kate tusu lao God ka mae Moses u vetula na, mana theome chekeni u vetula na tangomana te mala fakarhini naikno na. Theo. Nu grioriso te blahi na cheke eghu, “Ihei te thofno leghudi nogna vetula God re, mana ginauna karha fabrahu.”#3:12 Lev 18:5. 13Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”#3:13 Diu 21:23. 14Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.
Nogna nhaꞌa cheke God
15Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na. 16Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes. 17Igne gaoghathogu iara na. Ulu lahu na God neke eni kaisei nhaꞌa cheke balugna mae Ebraham. Fati gobi tolufulu finogha ke leghu, God neke tusu mei u vetula ranghini mae Moses. Eghuteuna u vetula na theome tangomana te paꞌeni ba te tuthughu u nogna nhaꞌa cheke God balugna mae Ebraham igne. 18Jame leghuni tahati u vetula te mala tangomana tahati te hata unha te tusu mei ranghi ghita God na meuna, God theome leghuni nogna nhaꞌa cheke na. Ne theome eghu. God neke tusu lao ka mae Ebraham leghuni nogna nhaꞌa cheke na.
19Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore. 20Eghume mae Moses tangomana te hata cheke fari hoteigna God nei naikno. Nu God thegna ngala teke eni nhaꞌa cheke balugna mae Ebraham. Eghuteuna tahati laseni u nhaꞌa cheke teke eni God ka mae Ebraham na glepo ke biꞌo fara uluni u vetula teke tusu lao ka mae Moses ia.
Nogna gloku vetula
21Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne. 22Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.
23Nu theome mei teku narane mala fatutuani ni mae Jisas Kraes naiknore, u vetula gne neke loku famaku ghita fabrahu. Igne neke eghu fabrahu neke ghilei posa kau narane God te fatakle ranghi ghita u puhi te mala fatutuani ni mana na. 24U vetula na neke saghe leghu ghita fabrahu neke ghilei posa mei mae Kraes. Kate mei mae Kraes na, tahati tangomana te fatutuani ni mana, eghuteuna tahati doglo ke ulugna God. 25Tutuani gognaro na u puhi te mala fatutuani ni mana na la meihi, eghuteuna tahati theome auhi ke pari vetula.
26Ghotilo te hui na la thugna hi God naugna ghotilo ne fatutuani ni mae Jisas Kraes. 27Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na. 28Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala. 29Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.
Currently Selected:
Galesia 3: mrn
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Galesia 3
3
Fablahi na mei ka fatutuani
1Ghotilo naikno fameomekro ka namono Galesia! Naugna cheke eigna mae Jisas Kraes teke lehe ke kligna gaju fafatha ia la mei glolahi ka ghotilo. Neuba keha naikno neke nunughere ghami ghotilo mala fameomekrodi gaoghathomi ghotilo re! 2Kaisei glepo ngala te magnahagheni iara te mala cheke meini ghotilo ka iara na. Ba, ghotilo hata Tharunga te Blahi na naugna ghotilo te leghuni vetula na? Theo! Ghotilo hata Tharunga na naugna ghotilo ne fatutuani ni u Nonomho te Keli te nomhini ghotilo gne. 3Ghotilo neke fufunu nakarhami na balugna Kraes ka Tharunga gna God. Ba, faꞌunha ne meomekro si ghotilo ia? Gognaro ba, ghotilo ginauna na fariuriu hatini u thofno karha te keli na ka nomi nolaghi themi? 4Kmana glepo la lasedihi ghotilo ka nakarhamire. Ba, fiti glepo kolho? Iara theome fatutuani ni tuana. 5Naugna unha si God teke tusu ari nogna nolaghi mae Tharunga te Blahi na ka ghotilo te mala edi farihoteimi u kofubobhoi igrea? Ba, naugna ghotilo neke leghuni vetula na, ba naugna ghotilo neke fatutuani ni u Nonomho te Keli te nomhini ghotilo gne? Tutuani fara, mana neke eni igne naugna ghotilo neke fatutuani ni mana.
Mae Ebraham fatutuani ni God neke doglo ke ulugna mana
6U grioriso te blahi na cheke eghu eigna mae Ebraham, “Mana neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” 7Eghume ghotilo laseni igne, iheire te fatutuanire thofno thugna mae Ebraham. 8Tifa na u grioriso te blahi gne neke kulu chekenihi eigna God ginauna jaola fakarhidi ka nodi fatutuani iheire te theome Jiu. Ka puhi igne mae Ebraham neke kulu nomhini u Nonomho te Keli na kani teke cheke eghu God na, “Iara ginauna vahi nigho mala fablahidi naikno te gnafa ka nauthoglu igne.” 9Eghume, God fablahidi gnafa iheire te fatutuani ni mana, jateula mana teke fablahini mae Ebraham mae ihei teke fatutuani ni mana na.
10Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”#3:10 Diu 27:26. 11Thofno glola fara ngala, God neke theome eni kaisei naikno mala doglo ke ulugna mana eigna mana te leghuni vetula na. Naugna u grioriso te blahi na cheke eghu, “Mae ihei te fatutuani na, mana ginauna doglo ke ulugna God, eghuteuna mana ginauna hatini u thofno nakarha na.”#3:11 Hab 2:4. 12Kate tusu lao God ka mae Moses u vetula na, mana theome chekeni u vetula na tangomana te mala fakarhini naikno na. Theo. Nu grioriso te blahi na cheke eghu, “Ihei te thofno leghudi nogna vetula God re, mana ginauna karha fabrahu.”#3:12 Lev 18:5. 13Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”#3:13 Diu 21:23. 14Mae Kraes neke foli fajifla ghita mala tangomana iheire te theome Jiu te mala hatini unha God teke nhaꞌa cheke ka mae Ebraham na mala tusu ranghini mana. God fablahidi naugna mae Jisas Kraes. Eghuteuna ka puhi igne, tahati naikno fateo te fatutuani ra, tahati tangomana te hata Tharunga te Blahi God teke nhaꞌa chekehi ka tahati.
Nogna nhaꞌa cheke God
15Uve kheraguro, iara na eni kaisei thotoghale ka ghotilo. Ghathoni si ghotilo eigna u nhaꞌa cheke te eni kaisei mae balugna keha mae na ia. Kate famamhaku hi phiamare u nhaꞌa cheke igne, theome tangomana kaisei mae te paꞌeni ba teke tudu lao keha cheke na. 16Uve, God neke chekedi nhaꞌa cheke igre ka mae Ebraham nei thugna. Grioriso te blahi na theome neke cheke eghu, “Nei maladi goro thumu.” Tuana gaoghathogna na kmana naikno. Nu God neke cheke eghu, “Nei mala thumu iagho.” Tuana gaoghathogna na kaisei mae kolho, eghume mae tuana, mae Kraes. 17Igne gaoghathogu iara na. Ulu lahu na God neke eni kaisei nhaꞌa cheke balugna mae Ebraham. Fati gobi tolufulu finogha ke leghu, God neke tusu mei u vetula ranghini mae Moses. Eghuteuna u vetula na theome tangomana te paꞌeni ba te tuthughu u nogna nhaꞌa cheke God balugna mae Ebraham igne. 18Jame leghuni tahati u vetula te mala tangomana tahati te hata unha te tusu mei ranghi ghita God na meuna, God theome leghuni nogna nhaꞌa cheke na. Ne theome eghu. God neke tusu lao ka mae Ebraham leghuni nogna nhaꞌa cheke na.
19Eghume mala unha si vetula gnea? God neke salo fodu u vetula igne mala thakle u najafra teke edi naiknore. God magnahagheni vetula igne te au teu te ghilei thokeni u narane meigna mae Thugna teke nhaꞌa chekeni ka mae Ebraham na. Hatimare mae engel neke tusu mei u vetula igne ka mae Moses mae ihei teke toutonuni tifa ka naiknore. 20Eghume mae Moses tangomana te hata cheke fari hoteigna God nei naikno. Nu God thegna ngala teke eni nhaꞌa cheke balugna mae Ebraham. Eghuteuna tahati laseni u nhaꞌa cheke teke eni God ka mae Ebraham na glepo ke biꞌo fara uluni u vetula teke tusu lao ka mae Moses ia.
Nogna gloku vetula
21Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne. 22Nu igne theome tutuani, naugna u grioriso te blahi na cheke eghu, “U gaoghatho te mala eni nafnata puhi te diꞌa na funei frunidi naikno te gnafa ka nauthoglu igne.” Naugna igne tahati naikno te fatutuani ni mae Jisas Kraes ra ngala te tangomana hatini unha teke nhaꞌa chekeni God ka naikno te fatutuani re.
23Nu theome mei teku narane mala fatutuani ni mae Jisas Kraes naiknore, u vetula gne neke loku famaku ghita fabrahu. Igne neke eghu fabrahu neke ghilei posa kau narane God te fatakle ranghi ghita u puhi te mala fatutuani ni mana na. 24U vetula na neke saghe leghu ghita fabrahu neke ghilei posa mei mae Kraes. Kate mei mae Kraes na, tahati tangomana te fatutuani ni mana, eghuteuna tahati doglo ke ulugna God. 25Tutuani gognaro na u puhi te mala fatutuani ni mana na la meihi, eghuteuna tahati theome auhi ke pari vetula.
26Ghotilo te hui na la thugna hi God naugna ghotilo ne fatutuani ni mae Jisas Kraes. 27Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na. 28Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala. 29Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.