Eksodas 37
37
Besalel ne eni nogna Bokis Nhaꞌa Cheke Lord
1Besalel ne eni kaisei bokis ka thaba gaju akesia. Brahu gna na thokeni kaisei gobi nabotho glima sentemita, eghuteuna krepa gna na thokeni namno salei fitu sentemita, eghuteuna haghe gna na jaola thokeni namno salei fitu sentemita. 2Mana ghiha tafru vido te gnafa ke lamna nei ke kosi teure ka famane gol. Eghuteuna mana jaola eni kaisei nhugha ikoi ka gol tei faligohoni bokis igne mala fa lalaoni ni. 3Mana edi fati ring ka gol, eghuteuna mana fagegefe fati ring igre ka fati ghahedi bokis igre, phei ka phei philere, eghuteuna keha phei re ka keha phile na. 4Eghuteuna mana edi phei gaju brahu mala pala ka thaba gaju akesia, eghuteuna mana ghiha tafru phei gaju igre ka gol. 5Aonu mana toghu tei phei gaju igre lamna ka ring ka phei phile gna bokis igne mala pala gna na.
6Mana eni kaisei thotoku malagna bokis igne ka famane gol. Brahu gna thotoku igne thokeni kaisei gobi nabotho glima sentemita, eghuteuna krepa gna na thokeni namno salei fitu sentemita. 7Mana edi phei mumuju engel eghuteuna baghidi re gol teke tuge mana re. Eghuteuna mana lilisei phei engel igre kligna ka phei khukrudi thotoku igre, 8aheva repa te thofno kaisei ka thotoku igne. Kaisei khegra ka keha khukru na, eghuteuna kehana ka keha khukru na. 9Eghuteuna mana jaola edi phei engel igre mala fari totoi, eghuteuna repa filo soru ka thotoku igne. Eghuteuna phei baghidi re fnerha tei ka repa, mala tava baghidi re ke kligna gna bokis igne.
Mare horo tevo malagna Bret Blahi na
10Mare ne horo Tevo malagna Bret Blahi igne ka thaba gaju akesia. Brahu gna na thokeni nheva salei sentemita, eghuteuna krepa gna na thokeni phiatutu glima sentemita, eghuteuna haghe gna na thokeni namno salei fitu sentemita. 11Mare ghiha tafru thaba igre ka famane gol, eghuteuna mare eni kaisei nhugha ikoi ka gol lithui tevo igne mala lalaoni ni. 12Mare eni kaisei reil mala lithui kligna ka tevo igne, haghe gna reil igne thokeni fitu salei glima milimita. Eghuteuna mare eni keha nhugha ikoi na ka gol mala lithui ka reil ikoi igne mala lalaoni ni. 13Mare edi fati ring ka gol malagna tevo igne, eghuteuna mare fagefe haghe ka fati sulukhu rhedi fati ghahedi re. 14-15Ring igre mala loku famakudi phei gaju igre mala pala gna tevo igne, eghuteuna mare fagefe haghe rhegna reil ikoi igne. Eghuteuna mare edi phei gaju brahu mala pala gna ka thaba gaju akesia, eghuteuna ghiha tafru ka gol. 16Mare edi thua nafnotu glepo ka gol mala gna tevo igne. Glepo igre, tapera nei dis, baludi kapu nei botol mala totoho waen te mala fafara lao mare ka Lord.
Mare ei thaba mala lilisei juta
17Mare ei thaba mala lilisei fitu juta ke klignadi, ka famane gol. Mare tuge gol igne mala ei pesigna nei khegra gna. Kapu mala lilisei oel ke kligna gna, mare edi kapu igre mala jateula sisi eghu filodi re, mala vido te gnafa ka thini gna na kaisei vido gol kolho. 18Mare edi namno grege mala jifla mei ka khegra igne, thiloi jifla mei ka kaisei phile eghuteuna keha thiloi re jifla mei ka keha phile na. 19Ka namno grege igre, mare edi thilo sisi ka kaisei grege ka gol mala jateula sisi gaju amon eghu filodi re. 20Eghuteuna ka khegra igre, mare edi fati sisi ka gol mala jateula sisi gaju amon eghu filodi re. 21Mare lilisei kaisei sisi ka thilo vido te gnafa aheva grege igre te loku fodu ka namno khegra igre, eghuteuna kaisei sisi kligna ka khegra igne. 22Mare tuge thaba igne baludi sisi nei grege teu igre ka kaisei vido gol kolho.
23Mare edi fitu juta oel malagna thaba igne, eghuteuna phapala mala loku khaꞌaghi, nei plet ka famane gol. 24Mare atha tolufulu fati kilo ka famane gol mala eni thaba mala lilisei juta nei gobigna lepo gna re.
Mare eni Olta mala gahu insens
25Mare atha thaba gaju akesia mala ei Olta mala gahu insens. Olta igne kaisei nanaba kolho, brahu gna nei krepa gna teuna thokeni phiatutu glima sentemita, eghuteuna haghe gna na thokeni nheva salei sentemita. Kligna ka fati sulukhu gna olta igne, au fati glepo jateula hona buluka eghu, igne vidogna olta. 26Eghuteuna mare toku tafru ke kligna olta, eghuteuna fati ka geri gna re, eghuteuna fati hona gna re ka famane gol. Eghuteuna mare eni kaisei nhugha ka gol mala tei faligoho ni mala lalaoni. 27Eghuteuna mare jaola edi fati ring ka gol, eghuteuna mare fagefe haghe phei ka kaisei phile, eghuteuna keha pheire ka keha phile na, pari ka nhugha te faligohoni olta igne. Fati ring igre mala loku famakudi phei gaju mala pala olta igne. 28Eghuteuna mare edi phei gaju igre ka thaba gaju akesia, eghuteuna mare ghiha tafru phei gaju igre ka gol.
Mare edi oel blahi nei insens
29Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.
Currently Selected:
Eksodas 37: mrn
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.
Eksodas 37
37
Besalel ne eni nogna Bokis Nhaꞌa Cheke Lord
1Besalel ne eni kaisei bokis ka thaba gaju akesia. Brahu gna na thokeni kaisei gobi nabotho glima sentemita, eghuteuna krepa gna na thokeni namno salei fitu sentemita, eghuteuna haghe gna na jaola thokeni namno salei fitu sentemita. 2Mana ghiha tafru vido te gnafa ke lamna nei ke kosi teure ka famane gol. Eghuteuna mana jaola eni kaisei nhugha ikoi ka gol tei faligohoni bokis igne mala fa lalaoni ni. 3Mana edi fati ring ka gol, eghuteuna mana fagegefe fati ring igre ka fati ghahedi bokis igre, phei ka phei philere, eghuteuna keha phei re ka keha phile na. 4Eghuteuna mana edi phei gaju brahu mala pala ka thaba gaju akesia, eghuteuna mana ghiha tafru phei gaju igre ka gol. 5Aonu mana toghu tei phei gaju igre lamna ka ring ka phei phile gna bokis igne mala pala gna na.
6Mana eni kaisei thotoku malagna bokis igne ka famane gol. Brahu gna thotoku igne thokeni kaisei gobi nabotho glima sentemita, eghuteuna krepa gna na thokeni namno salei fitu sentemita. 7Mana edi phei mumuju engel eghuteuna baghidi re gol teke tuge mana re. Eghuteuna mana lilisei phei engel igre kligna ka phei khukrudi thotoku igre, 8aheva repa te thofno kaisei ka thotoku igne. Kaisei khegra ka keha khukru na, eghuteuna kehana ka keha khukru na. 9Eghuteuna mana jaola edi phei engel igre mala fari totoi, eghuteuna repa filo soru ka thotoku igne. Eghuteuna phei baghidi re fnerha tei ka repa, mala tava baghidi re ke kligna gna bokis igne.
Mare horo tevo malagna Bret Blahi na
10Mare ne horo Tevo malagna Bret Blahi igne ka thaba gaju akesia. Brahu gna na thokeni nheva salei sentemita, eghuteuna krepa gna na thokeni phiatutu glima sentemita, eghuteuna haghe gna na thokeni namno salei fitu sentemita. 11Mare ghiha tafru thaba igre ka famane gol, eghuteuna mare eni kaisei nhugha ikoi ka gol lithui tevo igne mala lalaoni ni. 12Mare eni kaisei reil mala lithui kligna ka tevo igne, haghe gna reil igne thokeni fitu salei glima milimita. Eghuteuna mare eni keha nhugha ikoi na ka gol mala lithui ka reil ikoi igne mala lalaoni ni. 13Mare edi fati ring ka gol malagna tevo igne, eghuteuna mare fagefe haghe ka fati sulukhu rhedi fati ghahedi re. 14-15Ring igre mala loku famakudi phei gaju igre mala pala gna tevo igne, eghuteuna mare fagefe haghe rhegna reil ikoi igne. Eghuteuna mare edi phei gaju brahu mala pala gna ka thaba gaju akesia, eghuteuna ghiha tafru ka gol. 16Mare edi thua nafnotu glepo ka gol mala gna tevo igne. Glepo igre, tapera nei dis, baludi kapu nei botol mala totoho waen te mala fafara lao mare ka Lord.
Mare ei thaba mala lilisei juta
17Mare ei thaba mala lilisei fitu juta ke klignadi, ka famane gol. Mare tuge gol igne mala ei pesigna nei khegra gna. Kapu mala lilisei oel ke kligna gna, mare edi kapu igre mala jateula sisi eghu filodi re, mala vido te gnafa ka thini gna na kaisei vido gol kolho. 18Mare edi namno grege mala jifla mei ka khegra igne, thiloi jifla mei ka kaisei phile eghuteuna keha thiloi re jifla mei ka keha phile na. 19Ka namno grege igre, mare edi thilo sisi ka kaisei grege ka gol mala jateula sisi gaju amon eghu filodi re. 20Eghuteuna ka khegra igre, mare edi fati sisi ka gol mala jateula sisi gaju amon eghu filodi re. 21Mare lilisei kaisei sisi ka thilo vido te gnafa aheva grege igre te loku fodu ka namno khegra igre, eghuteuna kaisei sisi kligna ka khegra igne. 22Mare tuge thaba igne baludi sisi nei grege teu igre ka kaisei vido gol kolho.
23Mare edi fitu juta oel malagna thaba igne, eghuteuna phapala mala loku khaꞌaghi, nei plet ka famane gol. 24Mare atha tolufulu fati kilo ka famane gol mala eni thaba mala lilisei juta nei gobigna lepo gna re.
Mare eni Olta mala gahu insens
25Mare atha thaba gaju akesia mala ei Olta mala gahu insens. Olta igne kaisei nanaba kolho, brahu gna nei krepa gna teuna thokeni phiatutu glima sentemita, eghuteuna haghe gna na thokeni nheva salei sentemita. Kligna ka fati sulukhu gna olta igne, au fati glepo jateula hona buluka eghu, igne vidogna olta. 26Eghuteuna mare toku tafru ke kligna olta, eghuteuna fati ka geri gna re, eghuteuna fati hona gna re ka famane gol. Eghuteuna mare eni kaisei nhugha ka gol mala tei faligoho ni mala lalaoni. 27Eghuteuna mare jaola edi fati ring ka gol, eghuteuna mare fagefe haghe phei ka kaisei phile, eghuteuna keha pheire ka keha phile na, pari ka nhugha te faligohoni olta igne. Fati ring igre mala loku famakudi phei gaju mala pala olta igne. 28Eghuteuna mare edi phei gaju igre ka thaba gaju akesia, eghuteuna mare ghiha tafru phei gaju igre ka gol.
Mare edi oel blahi nei insens
29Mare thofno eni fakeli oel blahi igne mala fablahi gobigna lepo. Eghuteuna mare jaola thofno eni fakeli insens blahi te famane sisiri keligna igne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators , Inc. All rights reserved.