Filiposĉantyidyes 1
1
Tashches voryedyeꞌ Pablosiꞌ
1Yụ Pablo penꞌdyetun yụ Timoteo, tsun nash úñity Jesucristoty muꞌ. Yụ sáñeꞌ ọij miꞌindyes Filiposĉantyidyes miꞌin Jenꞌtyiꞌ ñuruꞌtyity miꞌin judyeyaꞌ Jesucristoty miꞌin, räjtumdye muꞌĉantyiꞌ ĉọjcacsity in judyeyaꞌ nọ́taquity in, räjdyes ọij sánacdyeꞌ. 2Yụ cọdyete Jenꞌ muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin paj qui chimeꞌ soꞌminac maꞌjodyeꞌ ĉojtyiꞌĉandyes miꞌin.
3Junꞌsiꞌ ĉụiꞌ dyijtuyacyaꞌ yụ, yụ yoshoropaij jéte Jenꞌ miꞌindyes. 4Räjĉan cọdacdyeꞌĉan yụ, maꞌjodyeꞌtum yụ cọdyete Jenꞌ miꞌindyes, 5ĉaĉaij na ñútyitiĉaꞌ yụ miꞌin carijtacdyeꞌ Jenꞌdyes yoquiꞌdyemꞌ jiquej tiyacchutiyaꞌ voroꞌtacsi yụ jämꞌsiꞌ p̂eyacdyeꞌ Jenꞌsiꞌ muꞌ, meꞌdye q̂uinꞌ, meꞌ yejĉoij ñútyitiĉaꞌ yụ miꞌin. 6Yụ anic chị́yete Jenꞌ junꞌ chuc muꞌ tiyacchuiꞌ jiquej carijtaqui ĉojtyiꞌĉan miꞌin, muꞌdye raꞌ yejĉoij fer buꞌyi yuꞌnac ĉojtyiꞌĉan miꞌin junꞌ quiꞌ chuc atsijbanyaꞌ muꞌ Jesucristo. 7Yụ räjĉan maꞌjodyeꞌtum dyijtuyac miꞌin anic mạꞌjeyac yụ miꞌin. Tupuj meꞌ dyijtuyac miꞌin ĉaĉaij na miꞌin ñútyitiĉaꞌ carijtacdyeꞌyaꞌ yụ, mọꞌ soꞌminsiꞌ Jenꞌ yụ ñịbeꞌjitidyesyaꞌ muꞌ. Meꞌ tsanꞌ ĉärꞌtaquisĉan yụ, meꞌ tsanꞌ jam, yejĉoij qui namꞌ ñútyitiĉaꞌ yụ miꞌin voroꞌyedyeꞌyaꞌ yụ mọꞌ jämꞌsiꞌ p̂eyacdyeꞌ Jenꞌsiꞌ muꞌ. Meꞌ tsanꞌ ayosyaꞌ vej muꞌin, yụ qui namꞌ rụij jéyacsi mọꞌ p̂eyacdyeꞌ paj qui jam cäj shupquiꞌ mọꞌ, tacaꞌ qui namꞌ miꞌin yejĉoij dyijtutiĉaꞌ yụ miꞌin. 8Jenꞌ chäyin yụ anic rụij p̂eyaqui yụ, junꞌ chuc yụ fer mạꞌjeꞌ cạveyac miꞌin, muꞌdye Cristo Jesús soꞌmin yụ mạꞌjitidyes muꞌ paj qui meꞌ mạꞌjeyac yụ. 9Mọꞌdyes yụ cọdyete Jenꞌ miꞌindyes paj qui miꞌin dadamꞌ yejĉoij mạꞌjitidyeij bäꞌyi miꞌin, paj qui chimeꞌ dyijyedyeꞌtum bäꞌyi miꞌin, paj qui räjĉan rụij dyijyi miꞌin. 10Chat qui raꞌ tupuj chị́yetiñeꞌ jụꞌñis chuc jämꞌsiꞌ dyijyedyeꞌ paj qui mọꞌ cäc̣häꞌchutiñeꞌ miꞌin. Meꞌ jụijyaꞌ miꞌin anic raꞌ rụij bäꞌyi miꞌin judyeyaꞌ raꞌ chat jam jụꞌñiij shupqui miꞌin Jenꞌsiꞌyaꞌ vej muꞌ aty atsijbanyaꞌ muꞌ Cristo. 11Meꞌ jụijyaꞌ miꞌin mọjoꞌchas qui raꞌ damꞌdye jämꞌyedyeꞌ meꞌchutiñeꞌ q̂uinꞌ miꞌin, Jesucristosyaꞌ ferdyeꞌ muꞌ meꞌ raꞌ bäꞌyi miꞌin, chat qui raꞌ muntyiꞌ in timaꞌquete Jenꞌ in miꞌindyes.
Mumꞌ yirity Cristo dyijtute muꞌ Pablo
12Vojity, yụ raꞌ jịꞌchiqueyeyac miꞌin junꞌ chuc mọꞌ ñịbedyes jịꞌĉojtyeꞌsiꞌ yụ ĉärꞌtyinyaꞌ yụ in, jam qui namꞌ jiꞌdyäquepte in jämꞌsiꞌ p̂eyacdyeꞌ Jenꞌsiꞌ muꞌ, meꞌdye chat mọꞌ jiꞌtseꞌeꞌ mọmoꞌ p̂eyacdyeꞌ. 13Jeshaꞌ muꞌin räj väc̣häꞌtyity in ĉọjcatety ayoꞌ in judyeyaꞌ yoctyiꞌ muntyiꞌ chimeꞌ in, räj muꞌin chịj in junꞌ chuc Cristodyes ĉäꞌräij yụ.#1:13 Úñedyeꞌ 28:30 14Chimeꞌdye araj räj vojity tsun, meꞌ tsanꞌ chịj in junꞌ chuc ĉäꞌräij yụ, jam qui namꞌ mọꞌ jäquijnacsiꞌ, meꞌdye chat Ayoꞌ yi paj qui dadamꞌ meijquejĉoij voroꞌtacsi in Jenꞌsiꞌ p̂eyacdyeꞌ muꞌ, mijam damꞌ noiꞌyedyeꞌtum voroꞌtacsi in.
15Muꞌyaꞌ pạrej jam jämꞌsiꞌyaꞌ dyijyedyeꞌ voroꞌtacsi in Cristos p̂eyacdyeꞌ muꞌ, mọꞌ jịꞌfajqueꞌ in junꞌ chuc yụ mujuꞌchaꞌ jụj jaꞌyacsi muntyiꞌ in, muꞌin na uyaꞌyaꞌ jụj jaꞌyacsi in. Muꞌin meꞌtyity voroꞌtacsity in mạꞌjeꞌ daiꞌ jụj jaꞌyacsi in paj qui muꞌin mọmoꞌ timaꞌcac in. Yoctyiꞌ na voroꞌtacsity in jam meꞌ in, rụijsisyamꞌ dyijyedyeꞌ voroꞌtacsi in. 16Uts mạꞌjitidyestum voroꞌtacsi in, muꞌin mạꞌjin yụ in chịj in muꞌdye Jenꞌ meꞌ yuꞌtyin yụ paj qui yụ jịꞌchiqueyacsi muntyiꞌ in junꞌ chuc anic rụijsis mọꞌ jämꞌsiꞌ p̂eyacdyeꞌ Jenꞌsiꞌ muꞌ. 17Yoctyiꞌ na in jam meꞌ in, muꞌin jam jämꞌsiꞌyaꞌ dyijyedyeꞌ voroꞌtacsi in Cristos p̂eyacdyeꞌ muꞌ, ĉụiꞌsiꞌyamꞌ vaꞌbunyedyeꞌ muꞌin voroꞌyi in, chimeꞌdye dyijyi in mạꞌjeꞌ jiꞌtarin yụ in úĉan ĉärꞌtaquisĉan, meꞌ ĉúti tsanꞌ in. 18Meꞌ tsanꞌ meꞌ buꞌyiꞌ mọꞌ dyijyedyeꞌ muꞌin, jam qui namꞌ mọꞌ jedyeꞌ yiꞌ, paj tsanꞌ jämꞌsiꞌyaꞌ dyijyedyeꞌ muꞌin, paj tsanꞌ jam, maꞌjoij qui namꞌ shupqui yụ ĉaĉaij na mọꞌdye Cristos p̂eyacdyeꞌ voroꞌtacsi in.
Yụ raꞌ yejĉoij maꞌjodyeꞌtum bäꞌyi, 19ĉaĉaij na chịj yụ jiꞌc̣hoñin raꞌ yụ in úĉantyiꞌ, ĉaĉaij na miꞌin cọdyetinte Jenꞌ yụ́dyes Jesucristosmun Ạꞌedyeꞌ mọꞌ chimeꞌ ñútyin yụ, mọꞌdyes qui raꞌ jiꞌc̣hoñin yụ in. 20Yụ fer dyijyi ĉojtyiꞌĉan paj qui jam jiꞌpenac yụ Jenꞌsiꞌyaꞌ dyijyedyeꞌ muꞌ yụ́dyes. Meꞌdye mọꞌ mọmoꞌ mạꞌjeꞌ yụ paj qui sóñiꞌyedyeꞌtum voroꞌtacsi yụ paj qui räj timaꞌquete Jenꞌ in yụ́dyes. Meꞌ tsanꞌ tsạꞌ yụ, meꞌ tsanꞌ ijac yụ, jam mọꞌ jedyeꞌ yiꞌ, meꞌdye mọmoꞌ mạꞌjeꞌ yụ paj qui timaꞌquete Jenꞌ in yụ́dyes. 21Tsạꞌdyemꞌ yụ, Cristodyes raꞌ bäꞌyi yụ, a na raꞌ säñiyaꞌ yụ, dadamꞌ mọꞌ mọjoꞌchaꞌ jämꞌ yụ́dyes. 22-23Yejĉoij tsạꞌ buꞌyi jụijyaꞌ yụ tupuj yejĉoij úcheꞌ carijtaqui Jenꞌdyes yụ. Päräꞌ qui namꞌ mọꞌyaꞌ dyijyedyeꞌ meꞌchuiꞌ yụ, damꞌdye jämꞌ yạjquiꞌ yụ ọij jac paj qui yụ penꞌdyetute muꞌcheꞌ muꞌ Cristo. 24Meꞌ tsanꞌ meꞌ buꞌyiꞌ tsanꞌ mọꞌ dyijyedyeꞌ yụ, dadamꞌ qui namꞌ mọꞌ jemoñeij paj qui tsạꞌ buꞌyi úcheꞌ yụ paj qui tupuj yejĉoij jịꞌchiyeyac miꞌin. 25Yụ chịj yejĉoij raꞌ tacaꞌ tsạꞌ buꞌyi úcheꞌ yụ, penꞌdyetuyac raꞌ tacaꞌ miꞌin, yejĉoij raꞌ nọ́tyeyac miꞌin paj qui miꞌin yejĉoij maꞌjodyeꞌtum anicjetinte Jenꞌ, paj qui p̂añi muꞌdyes miꞌin. 26Tacaꞌdye raꞌ meꞌ yụ cuvij ĉọĉadyeyac yụ, chat qui raꞌ därsiꞌtum maꞌjodyeꞌ yoshoropaij jétinte Jenꞌ yụ́dyes miꞌin Jesucristoty muntyiꞌ miꞌin.
27Damꞌdye jämꞌ räjĉan rụij bäꞌyi miꞌin junꞌ chuc yiꞌ mọꞌ jämꞌsiꞌ p̂eyacdyeꞌ Cristos muꞌ. Meꞌ raꞌ tsanꞌ ĉọcyac jụijyaꞌ yụ, meꞌ raꞌ tsanꞌ jam, jemoñeꞌ qui namꞌ vaj cäts buꞌyiꞌ dyijyedyeꞌ miꞌin, fer buꞌyi bäꞌyi miꞌin, yejĉojamꞌ vaj cäts fer carijtaĉamꞌ Jenꞌdyes miꞌin, jéyacsejamꞌ p̂eyacdyeꞌ muꞌ. Meꞌ bäꞌyi jụijyaꞌ miꞌin, yụ raꞌ mọꞌ seꞌveꞌ junꞌ chuc Jenꞌdyes bäꞌyi miꞌin. 28Jam raꞌ méquiꞌ quijnacsi miꞌin muꞌin fáquinactyiꞌ in p̂eyacdyedyes Jenꞌsiꞌ muꞌ, sóñiꞌjeyacsejamꞌ mọmoꞌ miꞌin. Mọꞌyaꞌ raꞌ chịj in junꞌ chuc raꞌ soꞌmac vaꞌtacdyeꞌ Jenꞌyaꞌ in, miꞌin qui na ramꞌ jiꞌc̣honac, ĉaĉaij na Jenꞌdye soꞌminactyiꞌ ferdyeꞌ paj qui miꞌin jiꞌpenacsebi aꞌc̣his dyijyedyeꞌ muꞌin. 29Ñịbeꞌjitidyesyaꞌ muꞌ yuꞌtyinac miꞌin paj qui carijtaqui Cristodyes miꞌin, jam mọꞌ mọmoꞌ paj qui anicyi miꞌin, chimeꞌdye ñịbeꞌjitidyesyaꞌ muꞌ yuꞌnac miꞌin paj qui ñịbedyes jịꞌĉojtiñeꞌ miꞌin muꞌdyes chimeꞌ. 30Anicdye meꞌ, vaj cäts tsun fer chutiĉaꞌ Jenꞌdyes p̂eyacdyedyes muꞌ. Miꞌin aty cavitiĉaꞌ jiquej yụ miꞌin, junꞌ chuc fer chuti yụ, meꞌdye q̂uinꞌ tacaꞌ yejĉoij meꞌ chuti Jenꞌdyes yụ, mọꞌ yejĉoij seꞌvetiñeꞌ q̂uinꞌ miꞌin.
Currently Selected:
Filiposĉantyidyes 1: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Filiposĉantyidyes 1
1
Tashches voryedyeꞌ Pablosiꞌ
1Yụ Pablo penꞌdyetun yụ Timoteo, tsun nash úñity Jesucristoty muꞌ. Yụ sáñeꞌ ọij miꞌindyes Filiposĉantyidyes miꞌin Jenꞌtyiꞌ ñuruꞌtyity miꞌin judyeyaꞌ Jesucristoty miꞌin, räjtumdye muꞌĉantyiꞌ ĉọjcacsity in judyeyaꞌ nọ́taquity in, räjdyes ọij sánacdyeꞌ. 2Yụ cọdyete Jenꞌ muꞌ Ạvatusinꞌtyiꞌ tsun, judyeyaꞌ muꞌ Jesucristo Ayoꞌ tsun paj qui muꞌ ñịbeꞌjitidyes soꞌminac miꞌin paj qui chimeꞌ soꞌminac maꞌjodyeꞌ ĉojtyiꞌĉandyes miꞌin.
3Junꞌsiꞌ ĉụiꞌ dyijtuyacyaꞌ yụ, yụ yoshoropaij jéte Jenꞌ miꞌindyes. 4Räjĉan cọdacdyeꞌĉan yụ, maꞌjodyeꞌtum yụ cọdyete Jenꞌ miꞌindyes, 5ĉaĉaij na ñútyitiĉaꞌ yụ miꞌin carijtacdyeꞌ Jenꞌdyes yoquiꞌdyemꞌ jiquej tiyacchutiyaꞌ voroꞌtacsi yụ jämꞌsiꞌ p̂eyacdyeꞌ Jenꞌsiꞌ muꞌ, meꞌdye q̂uinꞌ, meꞌ yejĉoij ñútyitiĉaꞌ yụ miꞌin. 6Yụ anic chị́yete Jenꞌ junꞌ chuc muꞌ tiyacchuiꞌ jiquej carijtaqui ĉojtyiꞌĉan miꞌin, muꞌdye raꞌ yejĉoij fer buꞌyi yuꞌnac ĉojtyiꞌĉan miꞌin junꞌ quiꞌ chuc atsijbanyaꞌ muꞌ Jesucristo. 7Yụ räjĉan maꞌjodyeꞌtum dyijtuyac miꞌin anic mạꞌjeyac yụ miꞌin. Tupuj meꞌ dyijtuyac miꞌin ĉaĉaij na miꞌin ñútyitiĉaꞌ carijtacdyeꞌyaꞌ yụ, mọꞌ soꞌminsiꞌ Jenꞌ yụ ñịbeꞌjitidyesyaꞌ muꞌ. Meꞌ tsanꞌ ĉärꞌtaquisĉan yụ, meꞌ tsanꞌ jam, yejĉoij qui namꞌ ñútyitiĉaꞌ yụ miꞌin voroꞌyedyeꞌyaꞌ yụ mọꞌ jämꞌsiꞌ p̂eyacdyeꞌ Jenꞌsiꞌ muꞌ. Meꞌ tsanꞌ ayosyaꞌ vej muꞌin, yụ qui namꞌ rụij jéyacsi mọꞌ p̂eyacdyeꞌ paj qui jam cäj shupquiꞌ mọꞌ, tacaꞌ qui namꞌ miꞌin yejĉoij dyijtutiĉaꞌ yụ miꞌin. 8Jenꞌ chäyin yụ anic rụij p̂eyaqui yụ, junꞌ chuc yụ fer mạꞌjeꞌ cạveyac miꞌin, muꞌdye Cristo Jesús soꞌmin yụ mạꞌjitidyes muꞌ paj qui meꞌ mạꞌjeyac yụ. 9Mọꞌdyes yụ cọdyete Jenꞌ miꞌindyes paj qui miꞌin dadamꞌ yejĉoij mạꞌjitidyeij bäꞌyi miꞌin, paj qui chimeꞌ dyijyedyeꞌtum bäꞌyi miꞌin, paj qui räjĉan rụij dyijyi miꞌin. 10Chat qui raꞌ tupuj chị́yetiñeꞌ jụꞌñis chuc jämꞌsiꞌ dyijyedyeꞌ paj qui mọꞌ cäc̣häꞌchutiñeꞌ miꞌin. Meꞌ jụijyaꞌ miꞌin anic raꞌ rụij bäꞌyi miꞌin judyeyaꞌ raꞌ chat jam jụꞌñiij shupqui miꞌin Jenꞌsiꞌyaꞌ vej muꞌ aty atsijbanyaꞌ muꞌ Cristo. 11Meꞌ jụijyaꞌ miꞌin mọjoꞌchas qui raꞌ damꞌdye jämꞌyedyeꞌ meꞌchutiñeꞌ q̂uinꞌ miꞌin, Jesucristosyaꞌ ferdyeꞌ muꞌ meꞌ raꞌ bäꞌyi miꞌin, chat qui raꞌ muntyiꞌ in timaꞌquete Jenꞌ in miꞌindyes.
Mumꞌ yirity Cristo dyijtute muꞌ Pablo
12Vojity, yụ raꞌ jịꞌchiqueyeyac miꞌin junꞌ chuc mọꞌ ñịbedyes jịꞌĉojtyeꞌsiꞌ yụ ĉärꞌtyinyaꞌ yụ in, jam qui namꞌ jiꞌdyäquepte in jämꞌsiꞌ p̂eyacdyeꞌ Jenꞌsiꞌ muꞌ, meꞌdye chat mọꞌ jiꞌtseꞌeꞌ mọmoꞌ p̂eyacdyeꞌ. 13Jeshaꞌ muꞌin räj väc̣häꞌtyity in ĉọjcatety ayoꞌ in judyeyaꞌ yoctyiꞌ muntyiꞌ chimeꞌ in, räj muꞌin chịj in junꞌ chuc Cristodyes ĉäꞌräij yụ.#1:13 Úñedyeꞌ 28:30 14Chimeꞌdye araj räj vojity tsun, meꞌ tsanꞌ chịj in junꞌ chuc ĉäꞌräij yụ, jam qui namꞌ mọꞌ jäquijnacsiꞌ, meꞌdye chat Ayoꞌ yi paj qui dadamꞌ meijquejĉoij voroꞌtacsi in Jenꞌsiꞌ p̂eyacdyeꞌ muꞌ, mijam damꞌ noiꞌyedyeꞌtum voroꞌtacsi in.
15Muꞌyaꞌ pạrej jam jämꞌsiꞌyaꞌ dyijyedyeꞌ voroꞌtacsi in Cristos p̂eyacdyeꞌ muꞌ, mọꞌ jịꞌfajqueꞌ in junꞌ chuc yụ mujuꞌchaꞌ jụj jaꞌyacsi muntyiꞌ in, muꞌin na uyaꞌyaꞌ jụj jaꞌyacsi in. Muꞌin meꞌtyity voroꞌtacsity in mạꞌjeꞌ daiꞌ jụj jaꞌyacsi in paj qui muꞌin mọmoꞌ timaꞌcac in. Yoctyiꞌ na voroꞌtacsity in jam meꞌ in, rụijsisyamꞌ dyijyedyeꞌ voroꞌtacsi in. 16Uts mạꞌjitidyestum voroꞌtacsi in, muꞌin mạꞌjin yụ in chịj in muꞌdye Jenꞌ meꞌ yuꞌtyin yụ paj qui yụ jịꞌchiqueyacsi muntyiꞌ in junꞌ chuc anic rụijsis mọꞌ jämꞌsiꞌ p̂eyacdyeꞌ Jenꞌsiꞌ muꞌ. 17Yoctyiꞌ na in jam meꞌ in, muꞌin jam jämꞌsiꞌyaꞌ dyijyedyeꞌ voroꞌtacsi in Cristos p̂eyacdyeꞌ muꞌ, ĉụiꞌsiꞌyamꞌ vaꞌbunyedyeꞌ muꞌin voroꞌyi in, chimeꞌdye dyijyi in mạꞌjeꞌ jiꞌtarin yụ in úĉan ĉärꞌtaquisĉan, meꞌ ĉúti tsanꞌ in. 18Meꞌ tsanꞌ meꞌ buꞌyiꞌ mọꞌ dyijyedyeꞌ muꞌin, jam qui namꞌ mọꞌ jedyeꞌ yiꞌ, paj tsanꞌ jämꞌsiꞌyaꞌ dyijyedyeꞌ muꞌin, paj tsanꞌ jam, maꞌjoij qui namꞌ shupqui yụ ĉaĉaij na mọꞌdye Cristos p̂eyacdyeꞌ voroꞌtacsi in.
Yụ raꞌ yejĉoij maꞌjodyeꞌtum bäꞌyi, 19ĉaĉaij na chịj yụ jiꞌc̣hoñin raꞌ yụ in úĉantyiꞌ, ĉaĉaij na miꞌin cọdyetinte Jenꞌ yụ́dyes Jesucristosmun Ạꞌedyeꞌ mọꞌ chimeꞌ ñútyin yụ, mọꞌdyes qui raꞌ jiꞌc̣hoñin yụ in. 20Yụ fer dyijyi ĉojtyiꞌĉan paj qui jam jiꞌpenac yụ Jenꞌsiꞌyaꞌ dyijyedyeꞌ muꞌ yụ́dyes. Meꞌdye mọꞌ mọmoꞌ mạꞌjeꞌ yụ paj qui sóñiꞌyedyeꞌtum voroꞌtacsi yụ paj qui räj timaꞌquete Jenꞌ in yụ́dyes. Meꞌ tsanꞌ tsạꞌ yụ, meꞌ tsanꞌ ijac yụ, jam mọꞌ jedyeꞌ yiꞌ, meꞌdye mọmoꞌ mạꞌjeꞌ yụ paj qui timaꞌquete Jenꞌ in yụ́dyes. 21Tsạꞌdyemꞌ yụ, Cristodyes raꞌ bäꞌyi yụ, a na raꞌ säñiyaꞌ yụ, dadamꞌ mọꞌ mọjoꞌchaꞌ jämꞌ yụ́dyes. 22-23Yejĉoij tsạꞌ buꞌyi jụijyaꞌ yụ tupuj yejĉoij úcheꞌ carijtaqui Jenꞌdyes yụ. Päräꞌ qui namꞌ mọꞌyaꞌ dyijyedyeꞌ meꞌchuiꞌ yụ, damꞌdye jämꞌ yạjquiꞌ yụ ọij jac paj qui yụ penꞌdyetute muꞌcheꞌ muꞌ Cristo. 24Meꞌ tsanꞌ meꞌ buꞌyiꞌ tsanꞌ mọꞌ dyijyedyeꞌ yụ, dadamꞌ qui namꞌ mọꞌ jemoñeij paj qui tsạꞌ buꞌyi úcheꞌ yụ paj qui tupuj yejĉoij jịꞌchiyeyac miꞌin. 25Yụ chịj yejĉoij raꞌ tacaꞌ tsạꞌ buꞌyi úcheꞌ yụ, penꞌdyetuyac raꞌ tacaꞌ miꞌin, yejĉoij raꞌ nọ́tyeyac miꞌin paj qui miꞌin yejĉoij maꞌjodyeꞌtum anicjetinte Jenꞌ, paj qui p̂añi muꞌdyes miꞌin. 26Tacaꞌdye raꞌ meꞌ yụ cuvij ĉọĉadyeyac yụ, chat qui raꞌ därsiꞌtum maꞌjodyeꞌ yoshoropaij jétinte Jenꞌ yụ́dyes miꞌin Jesucristoty muntyiꞌ miꞌin.
27Damꞌdye jämꞌ räjĉan rụij bäꞌyi miꞌin junꞌ chuc yiꞌ mọꞌ jämꞌsiꞌ p̂eyacdyeꞌ Cristos muꞌ. Meꞌ raꞌ tsanꞌ ĉọcyac jụijyaꞌ yụ, meꞌ raꞌ tsanꞌ jam, jemoñeꞌ qui namꞌ vaj cäts buꞌyiꞌ dyijyedyeꞌ miꞌin, fer buꞌyi bäꞌyi miꞌin, yejĉojamꞌ vaj cäts fer carijtaĉamꞌ Jenꞌdyes miꞌin, jéyacsejamꞌ p̂eyacdyeꞌ muꞌ. Meꞌ bäꞌyi jụijyaꞌ miꞌin, yụ raꞌ mọꞌ seꞌveꞌ junꞌ chuc Jenꞌdyes bäꞌyi miꞌin. 28Jam raꞌ méquiꞌ quijnacsi miꞌin muꞌin fáquinactyiꞌ in p̂eyacdyedyes Jenꞌsiꞌ muꞌ, sóñiꞌjeyacsejamꞌ mọmoꞌ miꞌin. Mọꞌyaꞌ raꞌ chịj in junꞌ chuc raꞌ soꞌmac vaꞌtacdyeꞌ Jenꞌyaꞌ in, miꞌin qui na ramꞌ jiꞌc̣honac, ĉaĉaij na Jenꞌdye soꞌminactyiꞌ ferdyeꞌ paj qui miꞌin jiꞌpenacsebi aꞌc̣his dyijyedyeꞌ muꞌin. 29Ñịbeꞌjitidyesyaꞌ muꞌ yuꞌtyinac miꞌin paj qui carijtaqui Cristodyes miꞌin, jam mọꞌ mọmoꞌ paj qui anicyi miꞌin, chimeꞌdye ñịbeꞌjitidyesyaꞌ muꞌ yuꞌnac miꞌin paj qui ñịbedyes jịꞌĉojtiñeꞌ miꞌin muꞌdyes chimeꞌ. 30Anicdye meꞌ, vaj cäts tsun fer chutiĉaꞌ Jenꞌdyes p̂eyacdyedyes muꞌ. Miꞌin aty cavitiĉaꞌ jiquej yụ miꞌin, junꞌ chuc fer chuti yụ, meꞌdye q̂uinꞌ tacaꞌ yejĉoij meꞌ chuti Jenꞌdyes yụ, mọꞌ yejĉoij seꞌvetiñeꞌ q̂uinꞌ miꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'