Números 27
27
Josué aty yụꞌtac ĉọjcacsity
12Ayoꞌ jajiti muꞌ Moisés:
—Mụcuꞌcheꞌ raꞌ jịjcaij mi uts Abarimcheꞌ, muꞌcheꞌ buꞌyi raꞌ cạveꞌ mi mọꞌ jac Canaán soꞌmacsis jiquej yụ Israeltyiꞌ vóshiꞌ in. 13Aty raꞌ meꞌsiꞌ cạveꞌyaꞌ mi mọꞌ jac, chat raꞌ q̂uinꞌdyemꞌ säñi mi, vóshiꞌvunyaꞌ raꞌ buꞌban mi yojdyemꞌ Aarónvun u vojityvun mi. 14Jam raꞌ muꞌĉan jịjcaij mi ĉaĉaij na jam chäquibutiĉaꞌ p̂eyacdyeꞌ yụs miꞌin jiquej, ojñiꞌyaꞌ, Meribayaꞌ jiquej, Cadejve, cäjyasĉansiꞌ jac, Sin tịj mọꞌ, yóyaꞌdyemꞌ muntyiꞌ jiquej u in ñäñin yụ in. Miꞌin jam damꞌ jéyacsi jiquej miꞌin: "Ọij nash Jenꞌsiꞌ ferdyemꞌ", mijam meꞌ jéyacsi miꞌin —jajiti Jenꞌ muꞌ Moisés.
15Moisés jéte cọdyete Ayoꞌ:
16—Tsuntyiꞌ Jenꞌ Ayoꞌ tsun, mi nash tsạꞌchucsity räj jacchety muntyiꞌ in, yụ cọdyeye paj qui yụꞌbajte mi yoctyiꞌ ĉọjcacsity muꞌinyaꞌ muntyiꞌyaꞌ in. 17Junanaj chuc jịjcaij in natiyaꞌ in, paj tsanꞌ chutidyeꞌyaꞌ in, muꞌ raꞌ tashcheꞌ buꞌyi muntyiꞌ mídyes in paj qui jam jeñej oveca in itŝij ĉọjcacsity mọꞌin, paj jam meꞌ shupqui in.
18Ayoꞌ jajiti Moisés:
—Jụdyej, uts Josué, Nuntyiꞌ ạvaꞌ muꞌ muꞌ nash meꞌchubun Ạꞌedyeꞌ yụ. Yụꞌtaca un mi joꞌnoꞌcheꞌ muꞌ 19chat qui yụꞌtyeme Eleazarsiꞌ vej muꞌ, muꞌ cudyitity yụ́cheꞌ, judyeyaꞌ muntyisyaꞌ vej räj muꞌin, chat qui raꞌ soꞌmetem muꞌdyety yụꞌtactyiꞌ. 20Chocyaꞌ quiꞌ soꞌmeme ĉụiꞌsiꞌ yụꞌtacdyeꞌ mi, paj qui muꞌin Israeltyiꞌ vóshiꞌ in räj chiquete in. 21Josué mạꞌjeꞌ chäyibun dyijyedyeꞌ jụijyaꞌ yụ, jemoñeꞌ muꞌ jiꞌcaviti Eleazaryaꞌ, chat qui raꞌ yụ muꞌyaꞌ Urimyaꞌ#27:21 Muꞌ Urim judyeyaꞌ muꞌ Tumim muꞌin nash miquity mij jiquej in. Muꞌyaꞌ jiquej muꞌ Jenꞌ jịꞌchicaqui dyijyedyeꞌ muꞌ. Q̂uinꞌ jam méquiꞌ chị́jaꞌ junꞌ chuc muꞌ. P̂eyevaꞌ chimeꞌ Exodo 28:30 Bibliaĉan. yụ jéte muꞌ Eleazar, junꞌ chuc mạꞌjeꞌ yụ, chat qui raꞌ muꞌ jiꞌjiyete muꞌ Josué, muꞌ qui raꞌ jéyacsi räj muntyiꞌ in junꞌ chuc raꞌ jämꞌtaqui muꞌin in —meꞌ jajiti muꞌ Jenꞌ Moisés.
22Anicdye meꞌ, muꞌ Moisés chiquepte Ayoꞌsiꞌ p̂eyacdyeꞌ muꞌ jasoꞌmitis jiquej. Muꞌ jịꞌcaveyete muꞌ Josué Eleazar, muꞌ cudyitity Jenꞌcheꞌ, muntyisyaꞌ vej muꞌin. 23Yụꞌtaqui un muꞌ joꞌnoꞌchemꞌ Josuécheꞌ, judyeyaꞌ soꞌmete yụꞌtacdyeꞌ muꞌ paj qui muꞌ ĉọjcacseban muntyiꞌ in, yoj jajitidyemꞌ Moisés Ayoꞌ jiquej u.
Currently Selected:
Números 27: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Números 27
27
Josué aty yụꞌtac ĉọjcacsity
12Ayoꞌ jajiti muꞌ Moisés:
—Mụcuꞌcheꞌ raꞌ jịjcaij mi uts Abarimcheꞌ, muꞌcheꞌ buꞌyi raꞌ cạveꞌ mi mọꞌ jac Canaán soꞌmacsis jiquej yụ Israeltyiꞌ vóshiꞌ in. 13Aty raꞌ meꞌsiꞌ cạveꞌyaꞌ mi mọꞌ jac, chat raꞌ q̂uinꞌdyemꞌ säñi mi, vóshiꞌvunyaꞌ raꞌ buꞌban mi yojdyemꞌ Aarónvun u vojityvun mi. 14Jam raꞌ muꞌĉan jịjcaij mi ĉaĉaij na jam chäquibutiĉaꞌ p̂eyacdyeꞌ yụs miꞌin jiquej, ojñiꞌyaꞌ, Meribayaꞌ jiquej, Cadejve, cäjyasĉansiꞌ jac, Sin tịj mọꞌ, yóyaꞌdyemꞌ muntyiꞌ jiquej u in ñäñin yụ in. Miꞌin jam damꞌ jéyacsi jiquej miꞌin: "Ọij nash Jenꞌsiꞌ ferdyemꞌ", mijam meꞌ jéyacsi miꞌin —jajiti Jenꞌ muꞌ Moisés.
15Moisés jéte cọdyete Ayoꞌ:
16—Tsuntyiꞌ Jenꞌ Ayoꞌ tsun, mi nash tsạꞌchucsity räj jacchety muntyiꞌ in, yụ cọdyeye paj qui yụꞌbajte mi yoctyiꞌ ĉọjcacsity muꞌinyaꞌ muntyiꞌyaꞌ in. 17Junanaj chuc jịjcaij in natiyaꞌ in, paj tsanꞌ chutidyeꞌyaꞌ in, muꞌ raꞌ tashcheꞌ buꞌyi muntyiꞌ mídyes in paj qui jam jeñej oveca in itŝij ĉọjcacsity mọꞌin, paj jam meꞌ shupqui in.
18Ayoꞌ jajiti Moisés:
—Jụdyej, uts Josué, Nuntyiꞌ ạvaꞌ muꞌ muꞌ nash meꞌchubun Ạꞌedyeꞌ yụ. Yụꞌtaca un mi joꞌnoꞌcheꞌ muꞌ 19chat qui yụꞌtyeme Eleazarsiꞌ vej muꞌ, muꞌ cudyitity yụ́cheꞌ, judyeyaꞌ muntyisyaꞌ vej räj muꞌin, chat qui raꞌ soꞌmetem muꞌdyety yụꞌtactyiꞌ. 20Chocyaꞌ quiꞌ soꞌmeme ĉụiꞌsiꞌ yụꞌtacdyeꞌ mi, paj qui muꞌin Israeltyiꞌ vóshiꞌ in räj chiquete in. 21Josué mạꞌjeꞌ chäyibun dyijyedyeꞌ jụijyaꞌ yụ, jemoñeꞌ muꞌ jiꞌcaviti Eleazaryaꞌ, chat qui raꞌ yụ muꞌyaꞌ Urimyaꞌ#27:21 Muꞌ Urim judyeyaꞌ muꞌ Tumim muꞌin nash miquity mij jiquej in. Muꞌyaꞌ jiquej muꞌ Jenꞌ jịꞌchicaqui dyijyedyeꞌ muꞌ. Q̂uinꞌ jam méquiꞌ chị́jaꞌ junꞌ chuc muꞌ. P̂eyevaꞌ chimeꞌ Exodo 28:30 Bibliaĉan. yụ jéte muꞌ Eleazar, junꞌ chuc mạꞌjeꞌ yụ, chat qui raꞌ muꞌ jiꞌjiyete muꞌ Josué, muꞌ qui raꞌ jéyacsi räj muntyiꞌ in junꞌ chuc raꞌ jämꞌtaqui muꞌin in —meꞌ jajiti muꞌ Jenꞌ Moisés.
22Anicdye meꞌ, muꞌ Moisés chiquepte Ayoꞌsiꞌ p̂eyacdyeꞌ muꞌ jasoꞌmitis jiquej. Muꞌ jịꞌcaveyete muꞌ Josué Eleazar, muꞌ cudyitity Jenꞌcheꞌ, muntyisyaꞌ vej muꞌin. 23Yụꞌtaqui un muꞌ joꞌnoꞌchemꞌ Josuécheꞌ, judyeyaꞌ soꞌmete yụꞌtacdyeꞌ muꞌ paj qui muꞌ ĉọjcacseban muntyiꞌ in, yoj jajitidyemꞌ Moisés Ayoꞌ jiquej u.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'