Números 20
20
Ojñiꞌ shupquiꞌ mijĉan
1Tashchetyĉan ịvaj yómodyety, muꞌin Israeltyiꞌ vóshiꞌ in ventyequeꞌ in mọꞌ cäjyas jac, Sin tịj mọꞌ. Muꞌĉan dyäqui in, Cadej tịj mọꞌ dyäquedyes. Mọꞌĉan säñiꞌ mọꞌ María vojiꞌvun muꞌin Moiséssiꞌ judyeyaꞌ Aarónsiꞌ, mọꞌĉandye rudyuꞌjeꞌ in.
2Itŝiꞌ ojñiꞌ mọꞌyaꞌ tyédyes muꞌin, mọꞌdyes qui vajmuꞌyaij in ñiñete in muꞌ Moisés judyeyaꞌ Aarón, 3yi in:
—Faraj vuꞌ caꞌ muꞌtumdye säñi tsun chätidyeꞌtumdye tsun, muꞌin jiꞌsänacsity Ayoꞌ jiquej muꞌsiꞌyaꞌ acaꞌ mọꞌ tinates. 4¿Junꞌ dash tutiĉaꞌ miꞌin tsun Ayoꞌtyiꞌ muntyiꞌ muꞌ, yuꞌtiĉaꞌ miꞌin úyaꞌ cäjyasĉan jac? Q̂uinꞌ raꞌ cuꞌdyeꞌtumdye säñi tsun. 5¿Junꞌ dash jiꞌshuptiĉaꞌ tsun miꞌin Egiptoĉantyiꞌ tsun, tutiĉaꞌ úĉan miꞌin anic aꞌc̣hisĉan jac? Jam tupuj úñejaꞌ úĉan, itŝiꞌ mọꞌyaꞌ sacacdyeꞌ in mijam higo mọꞌyaꞌ, mijam ova, mijam granado, mijam ojñiꞌ mọꞌyaꞌ tyédyes tsun —jéte in muꞌ Moisés.
6Muꞌ Moisés judyeyaꞌ muꞌ Aarón farajjeyacsi chum muntyiꞌ in, ĉọcbite in Jenꞌsiꞌ acaꞌ muꞌ mọꞌ tinates, chụiꞌdyeꞌyamꞌ. Muꞌyaꞌ dyụtsyi in, täjjequeꞌ jac jáfiyaꞌ muꞌin. Meꞌĉandye jiꞌcavitiꞌ Ayoꞌsiꞌ mạijquedyeꞌ muꞌ muꞌinsiꞌyaꞌ vej muꞌin. 7Ayoꞌ jajiti Moisés:
8—Tapjeyaca mutyudyeꞌ mi chat qui raꞌ Aaróntum vojitytum mi vajmuꞌyaꞌjeyacsim muntyiꞌ in. Aty vajmuꞌyaꞌ jụijyaꞌ in, chat qui raꞌ p̂eyete mi muꞌ mij, meꞌ raꞌ jiꞌshupqueꞌ ojñiꞌ muntyidyes tyédyes in judyeyaꞌ cuꞌdyedyes chimeꞌ muꞌin —jajiti Jenꞌ.
9Anicdye meꞌ muꞌ Moisés tapjequeꞌ mutyudyeꞌ muꞌ, mọꞌ Ayoꞌsiꞌyaꞌ buꞌyis vej yoj jajitidyemꞌ Jenꞌ u. 10Chat qui muꞌ Moisés judyeyaꞌ muꞌ Aarón yóyaꞌdyemꞌ mij u muꞌyaꞌ yụꞌtacsi muntyiꞌ in, chat muꞌyaꞌ muꞌ Moisés soꞌmacsi mic, muꞌyaꞌ jéyacsi:
—Seꞌvitiĉamꞌ yụ där ac̣hiꞌc̣hity miꞌin fạ́quetintety Jenꞌ miꞌin. Tsun adac raꞌ ĉaĉaij jiꞌshupqueꞌ ojñiꞌ utsĉan mijĉan paj qui tyeij ojñiꞌ miꞌin —jéyacsi Moisés muntyiꞌ in.
11Muꞌ qui Moisés, cheꞌjeyaqui un muꞌ, päräꞌ quiꞌ pacjete mij mutyudyeꞌyamꞌ, meꞌĉandye corenꞌ tyeiꞌ ojñiꞌ shupquiꞌ. Chat q̂uinꞌdyemꞌ tyeij muntyiꞌ in, räjtumdye cuꞌdyeꞌ muꞌin. 12Muꞌ na Ayoꞌ jajiti muꞌ Moisés Aaróntum:
—Aty jam anicjibutiĉaꞌ p̂eyacdyeꞌ yụs miꞌin, mijam jéyacsi miꞌin Israeltyiꞌ vóshiꞌ in: "Ọij nash Jenꞌsiꞌ ferdyeꞌ muꞌ", mijam méquiꞌ jéyacsi miꞌin. Mọꞌdyes qui raꞌ yụ nọ́yac miꞌin paj aty jam miꞌin q̂uinꞌ cạcsity muntyiꞌ Canaánĉan in, mọꞌ jac soꞌmacsis yụ —yi jéyacsi Jenꞌ muꞌin in.
Aarónsiꞌ sänꞌdyeꞌ muꞌ
22Muꞌin Israeltyiꞌ vóshiꞌ muꞌ sacti in, yacchuiꞌ in Cadejve rụij jịjcaij in mụcuꞌyaꞌ in Hor, tịj mus. 23Aty c̣hẹiꞌyaꞌ Edom chaꞌsheꞌ in, Ayoꞌ jajiti muꞌ Moisés Aaróntum:
24—Säñi nash raꞌ Aarón judyeyaꞌ raꞌ vóshiꞌvunyaꞌ raꞌ jịjcaij. Muꞌ raꞌ jam siti mọꞌ jac soꞌmacsis yụ uts Israeltyiꞌ vóshiꞌ in, ĉaĉaij na ojñiꞌyaꞌ Meribayaꞌ, muꞌyaꞌ miꞌin farajjibutiĉaꞌ yụ́siꞌ p̂eyacdyeꞌ miꞌin. 25Mi Moisés jäꞌmij raꞌ cạte mi muꞌ Aarón ạvaꞌtumdye muꞌ Eleazartum, mụcuꞌcheꞌ raꞌ jiꞌbojvacsim Horcheꞌ. 26Aty muꞌcheꞌ jụijyaꞌ, meꞌĉandye raꞌ c̣honjetyetem Aaróntyiꞌ quịꞌsiꞌ muꞌ cudyititydyety yụ́cheꞌ muꞌ, muꞌ qui raꞌ cofjeyetem Eleazar, ạvaꞌ muꞌ. Muꞌcheꞌ raꞌ säñi muꞌ Aarón —yi muꞌ Ayoꞌ.
27Anicdye meꞌ, muꞌ Moisés chiquepte Ayoꞌsiꞌ p̂eyacdyeꞌ muꞌ yoj jajitidyemꞌ Ayoꞌ u. Muntyisyaꞌ vej muꞌin sacti in mụcuꞌcheꞌ jịjcaij in. 28Aty muꞌcheꞌ buꞌyi in muꞌ Moisés meꞌdye c̣honjetyete muꞌ Aaróntyiꞌ quịꞌsiꞌ muꞌ cudyititydyety Jenꞌcheꞌ muꞌ, muꞌ qui cofjeyete Eleazar, ạvaꞌ muꞌ. Mụcuꞌcheꞌ muꞌ säñi Aarón muꞌ qui Moisés Eleazartum chạban mụcuꞌchety in, dyäquedyeꞌyaꞌ jijtuban in.
Currently Selected:
Números 20: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Números 20
20
Ojñiꞌ shupquiꞌ mijĉan
1Tashchetyĉan ịvaj yómodyety, muꞌin Israeltyiꞌ vóshiꞌ in ventyequeꞌ in mọꞌ cäjyas jac, Sin tịj mọꞌ. Muꞌĉan dyäqui in, Cadej tịj mọꞌ dyäquedyes. Mọꞌĉan säñiꞌ mọꞌ María vojiꞌvun muꞌin Moiséssiꞌ judyeyaꞌ Aarónsiꞌ, mọꞌĉandye rudyuꞌjeꞌ in.
2Itŝiꞌ ojñiꞌ mọꞌyaꞌ tyédyes muꞌin, mọꞌdyes qui vajmuꞌyaij in ñiñete in muꞌ Moisés judyeyaꞌ Aarón, 3yi in:
—Faraj vuꞌ caꞌ muꞌtumdye säñi tsun chätidyeꞌtumdye tsun, muꞌin jiꞌsänacsity Ayoꞌ jiquej muꞌsiꞌyaꞌ acaꞌ mọꞌ tinates. 4¿Junꞌ dash tutiĉaꞌ miꞌin tsun Ayoꞌtyiꞌ muntyiꞌ muꞌ, yuꞌtiĉaꞌ miꞌin úyaꞌ cäjyasĉan jac? Q̂uinꞌ raꞌ cuꞌdyeꞌtumdye säñi tsun. 5¿Junꞌ dash jiꞌshuptiĉaꞌ tsun miꞌin Egiptoĉantyiꞌ tsun, tutiĉaꞌ úĉan miꞌin anic aꞌc̣hisĉan jac? Jam tupuj úñejaꞌ úĉan, itŝiꞌ mọꞌyaꞌ sacacdyeꞌ in mijam higo mọꞌyaꞌ, mijam ova, mijam granado, mijam ojñiꞌ mọꞌyaꞌ tyédyes tsun —jéte in muꞌ Moisés.
6Muꞌ Moisés judyeyaꞌ muꞌ Aarón farajjeyacsi chum muntyiꞌ in, ĉọcbite in Jenꞌsiꞌ acaꞌ muꞌ mọꞌ tinates, chụiꞌdyeꞌyamꞌ. Muꞌyaꞌ dyụtsyi in, täjjequeꞌ jac jáfiyaꞌ muꞌin. Meꞌĉandye jiꞌcavitiꞌ Ayoꞌsiꞌ mạijquedyeꞌ muꞌ muꞌinsiꞌyaꞌ vej muꞌin. 7Ayoꞌ jajiti Moisés:
8—Tapjeyaca mutyudyeꞌ mi chat qui raꞌ Aaróntum vojitytum mi vajmuꞌyaꞌjeyacsim muntyiꞌ in. Aty vajmuꞌyaꞌ jụijyaꞌ in, chat qui raꞌ p̂eyete mi muꞌ mij, meꞌ raꞌ jiꞌshupqueꞌ ojñiꞌ muntyidyes tyédyes in judyeyaꞌ cuꞌdyedyes chimeꞌ muꞌin —jajiti Jenꞌ.
9Anicdye meꞌ muꞌ Moisés tapjequeꞌ mutyudyeꞌ muꞌ, mọꞌ Ayoꞌsiꞌyaꞌ buꞌyis vej yoj jajitidyemꞌ Jenꞌ u. 10Chat qui muꞌ Moisés judyeyaꞌ muꞌ Aarón yóyaꞌdyemꞌ mij u muꞌyaꞌ yụꞌtacsi muntyiꞌ in, chat muꞌyaꞌ muꞌ Moisés soꞌmacsi mic, muꞌyaꞌ jéyacsi:
—Seꞌvitiĉamꞌ yụ där ac̣hiꞌc̣hity miꞌin fạ́quetintety Jenꞌ miꞌin. Tsun adac raꞌ ĉaĉaij jiꞌshupqueꞌ ojñiꞌ utsĉan mijĉan paj qui tyeij ojñiꞌ miꞌin —jéyacsi Moisés muntyiꞌ in.
11Muꞌ qui Moisés, cheꞌjeyaqui un muꞌ, päräꞌ quiꞌ pacjete mij mutyudyeꞌyamꞌ, meꞌĉandye corenꞌ tyeiꞌ ojñiꞌ shupquiꞌ. Chat q̂uinꞌdyemꞌ tyeij muntyiꞌ in, räjtumdye cuꞌdyeꞌ muꞌin. 12Muꞌ na Ayoꞌ jajiti muꞌ Moisés Aaróntum:
—Aty jam anicjibutiĉaꞌ p̂eyacdyeꞌ yụs miꞌin, mijam jéyacsi miꞌin Israeltyiꞌ vóshiꞌ in: "Ọij nash Jenꞌsiꞌ ferdyeꞌ muꞌ", mijam méquiꞌ jéyacsi miꞌin. Mọꞌdyes qui raꞌ yụ nọ́yac miꞌin paj aty jam miꞌin q̂uinꞌ cạcsity muntyiꞌ Canaánĉan in, mọꞌ jac soꞌmacsis yụ —yi jéyacsi Jenꞌ muꞌin in.
Aarónsiꞌ sänꞌdyeꞌ muꞌ
22Muꞌin Israeltyiꞌ vóshiꞌ muꞌ sacti in, yacchuiꞌ in Cadejve rụij jịjcaij in mụcuꞌyaꞌ in Hor, tịj mus. 23Aty c̣hẹiꞌyaꞌ Edom chaꞌsheꞌ in, Ayoꞌ jajiti muꞌ Moisés Aaróntum:
24—Säñi nash raꞌ Aarón judyeyaꞌ raꞌ vóshiꞌvunyaꞌ raꞌ jịjcaij. Muꞌ raꞌ jam siti mọꞌ jac soꞌmacsis yụ uts Israeltyiꞌ vóshiꞌ in, ĉaĉaij na ojñiꞌyaꞌ Meribayaꞌ, muꞌyaꞌ miꞌin farajjibutiĉaꞌ yụ́siꞌ p̂eyacdyeꞌ miꞌin. 25Mi Moisés jäꞌmij raꞌ cạte mi muꞌ Aarón ạvaꞌtumdye muꞌ Eleazartum, mụcuꞌcheꞌ raꞌ jiꞌbojvacsim Horcheꞌ. 26Aty muꞌcheꞌ jụijyaꞌ, meꞌĉandye raꞌ c̣honjetyetem Aaróntyiꞌ quịꞌsiꞌ muꞌ cudyititydyety yụ́cheꞌ muꞌ, muꞌ qui raꞌ cofjeyetem Eleazar, ạvaꞌ muꞌ. Muꞌcheꞌ raꞌ säñi muꞌ Aarón —yi muꞌ Ayoꞌ.
27Anicdye meꞌ, muꞌ Moisés chiquepte Ayoꞌsiꞌ p̂eyacdyeꞌ muꞌ yoj jajitidyemꞌ Ayoꞌ u. Muntyisyaꞌ vej muꞌin sacti in mụcuꞌcheꞌ jịjcaij in. 28Aty muꞌcheꞌ buꞌyi in muꞌ Moisés meꞌdye c̣honjetyete muꞌ Aaróntyiꞌ quịꞌsiꞌ muꞌ cudyititydyety Jenꞌcheꞌ muꞌ, muꞌ qui cofjeyete Eleazar, ạvaꞌ muꞌ. Mụcuꞌcheꞌ muꞌ säñi Aarón muꞌ qui Moisés Eleazartum chạban mụcuꞌchety in, dyäquedyeꞌyaꞌ jijtuban in.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'