Josué 9
9
Gabaónĉantyiꞌ väñätucsi in
1Seꞌvaqui räj muꞌin ayoꞌ in jịjcaijcheꞌ tsun Jordánve bäꞌyity in jedyeꞌ chuc jiyiꞌ. Muꞌin ayoꞌ mụcuꞌve bäꞌyity in judyeyaꞌ muꞌin jịjcaijcheꞌ tsun c̣hẹiꞌyaꞌ mụcuꞌ bäꞌyity in, muꞌin ayoꞌ sinve mọꞌ Mar Mediterraneo#9:1 Yocsiꞌ tịj mọꞌ Mar Därsiꞌ bäꞌyity in meꞌdye Líbano moch bäꞌyity in (muꞌin ayoꞌ hitita in, muꞌin ayoꞌ amorreo in, muꞌin ayoꞌ cananeo in, muꞌin ayoꞌ fereseo in, muꞌin ayoꞌ heveo in judyeyaꞌ muꞌin ayoꞌ jebuseo in) räj seꞌveꞌ in. 2Chat qui muꞌin yiriꞌyaꞌ dyijyi in paj qui chute Josué in judyeyaꞌ muꞌin Israeltyiꞌ vóshiꞌ in.
3Aty meꞌ seꞌvaquiyaꞌ in muꞌin Gabaónve bäꞌyity in junꞌ chuc Josué meꞌtyeꞌ Jericó judyeyaꞌ Hai 4muꞌin dyijyi in paj qui väñätucsi in. Muꞌin jiꞌcaviti in jeñej buꞌyi jutactyiꞌ in moch bäꞌyity in. Muꞌintyiꞌ bórico in cạcsi ishoꞌ vorsa in, judyeyaꞌ ishoꞌ shoꞌpaꞌ vinodyes in tŝubiꞌbiꞌsiꞌ judyeyaꞌ tŝuꞌbacsiꞌ in. 5Muꞌin sonꞌ in cofjiti ishoꞌĉan quịꞌsiꞌ judyeyaꞌ yujches muꞌin ishoꞌ judyeyaꞌ reꞌbacsiꞌ in. Räj pan muꞌin chañety judyeyaꞌ buñity.
6Chat qui muꞌin ĉọcte muꞌ Josué in dyäquedyeꞌyaꞌ Gilgal. Muꞌin jéyacsi Israeltyiꞌ vóshiꞌ in:
—Tsun atsij yirisĉansiꞌ jac anic moch buꞌyis. Damꞌdye jämꞌ yuꞌtyiyitiĉaꞌ p̂eyacdyeꞌ ĉụiꞌdyes tsun jämꞌjeyacdyes mọꞌ paj qui jam vaj meꞌtiĉaꞌve tsun —jéyacsi in.
7Muꞌin Israeltyiꞌ vóshiꞌ in jéyacsi muꞌin heveo in:
—Vatyquej c̣hẹiꞌyaꞌ bäꞌyity miꞌin, ¿junꞌ buty raꞌ tupuj meꞌ yụꞌtyeyac joꞌmes p̂eyacdyeꞌ? —jéyacsi in.
8—Tsun nash úñity miꞌin —jéte Josué in.
Josué qui jéyacsi in:
—¿Tyi caꞌ miꞌin judyeyaꞌ junatyiꞌ dash miꞌin?
9Muꞌin vorjete in:
—Mítyiꞌ úñity tsun anic moc̣hves jac jijtuij tsun ĉaĉaij na äjyedyes jämꞌtaqui jiquej muꞌ Jenꞌ Ayoꞌ miꞌin. Aty seꞌveꞌ tsun mọꞌin jämꞌtaquis muꞌ Jenꞌ Egiptoĉan jiquej. 10Judyeyaꞌ seꞌveꞌ tsun junꞌ chuc muꞌ jiꞌpenacsi muꞌin päräꞌ ayoꞌ amorreo in nopej Jordán bäꞌyity jiquej in: Sehón, muꞌ ayoꞌ Hesbónĉantyiꞌ judyeyaꞌ Og, muꞌ ayoꞌ Basánĉantyiꞌ (muꞌsiꞌ ayoꞌbuꞌyedyeꞌ Astarotĉan jiquej). 11Tsuntyiꞌ tashcheꞌ buꞌyity in judyeyaꞌ räj muꞌin muntyiꞌ tsunsiꞌĉantyiꞌ bäꞌyedyeꞌ jin tsun in, "Jämiꞌtacac cạcdyes miꞌedyedyes miꞌin. Tạij miꞌin, ĉọcseĉamꞌ muꞌin chat jéyacsi raꞌ muꞌin, ‘Tsun nash úñity miꞌin, yuꞌtyiyitiĉamꞌ p̂eyacdyeꞌ tsundyes", jin tsun in.
12Uts pan tsuntyiꞌ tacaꞌ jushuꞌshuij vecdyeꞌyaꞌ mọꞌdye mạyedyeꞌ sacti atsijyaꞌ jiquej tsun. Cạvetinte q̂uinꞌ miꞌin junꞌ chuc chañej muꞌ judyeyaꞌ buñi. 13Judyeyaꞌ mọꞌin shoꞌpaꞌ vinodyes in, mụiꞌsis tsanꞌ in bänꞌjeyacsiyaꞌ jiquej. Cạvacsi raꞌ miꞌin junꞌ chuc aty tŝubiꞌbiiꞌ in. Judyeyaꞌ muꞌ quịꞌsiꞌ tsun judyeyaꞌ yujches tsun aty räꞌiꞌ mọꞌ miꞌedyeꞌĉan —jéyacsi muꞌin.
14Muꞌin Israeltyiꞌ vóshiꞌ in jịꞌĉojtacsebi víte in jam qui namꞌ dyijyedyeꞌ cọdyete in Ayoꞌsiꞌ muꞌin. 15Chat qui Josué yụꞌtyeyacsi jämꞌsiꞌ p̂eyacdyeꞌ jämꞌjitidyes paj qui jam junꞌ ujacsi in. Judyeyaꞌ muꞌin tashcheꞌ buꞌyity Israeltyiꞌ vóshiꞌ in tsäquiꞌyis p̂eyacdyeꞌ soꞌmacsi in, meꞌ fer buꞌyi yụꞌtyeyacsi mọꞌ p̂eyacdyeꞌ in.
16Aty jiyiꞌyaꞌ chibin mạyedyeꞌ jäquiꞌve yóquiꞌdyemꞌ yụꞌtyeyacsi p̂eyacdyeꞌ u in Gabaónve bäꞌyitydyes in, muꞌin Israeltyiꞌ vóshiꞌ in seꞌvebanꞌ in junꞌ chuc muꞌin jam mochtyiꞌ in, anic c̣hẹiꞌyaꞌ bäꞌyity jiquej in. 17Chat qui muꞌin Israeltyiꞌ vóshiꞌ in sacti in judyeyaꞌ chibinĉan mạyedyeꞌ venjoij muꞌinsiꞌyaꞌ bäꞌyedyeꞌ in: Gabaón, Beerot, judyeyaꞌ Quiriat-jearim. 18Jam qui namꞌ chucsi in muꞌin Israeltyiꞌ vóshiꞌ in ĉaĉaij na muꞌintyiꞌ tashcheꞌ buꞌyity in aty soꞌmacsi in tsäquiꞌyis p̂eyacdyeꞌ Ayoꞌyaꞌ, muꞌ Jenꞌ Israeltyiꞌyaꞌ muꞌ.
Meꞌdyes qui räj muꞌin Israeltyiꞌ vóshiꞌ in jịꞌchuꞌacsi muꞌintyiꞌ tashcheꞌ buꞌyity in. 19Muꞌin tashcheꞌ buꞌyity jéyacsi in:
—Tsun soꞌmacsi jiquej tsäquiꞌyis p̂eyacdyeꞌ Ayoꞌyaꞌ, muꞌ Jenꞌ Israeltyiꞌyaꞌ, aty jam tupuj täjtacsejaꞌ. 20Paj tsanꞌ meꞌ ọijtum dyijyedyeꞌ raꞌ meꞌjeyacsejaꞌ: Tsun raꞌ jiꞌbäꞌyacsejaꞌ jam qui Ayoꞌsiꞌ fáquitidyeꞌ tsuncheꞌ tŝọiꞌ, ĉaĉaij na jam meꞌ jụijyaꞌ tsun raꞌ jam jịꞌcätsepja mọꞌ tsäquiꞌyis p̂eyacdyeꞌ soꞌmacsejas jiquej —jéyacsi muꞌin tashcheꞌ buꞌyity in. 21Muꞌin tashcheꞌ buꞌyity in yejĉoij jéyacsi muꞌin Israeltyiꞌ vóshiꞌ in, yi in:
—Tsun raꞌ jiꞌbäꞌyeyac paj tsanꞌ meꞌ muꞌin raꞌ tsuntyiꞌ shupqui tsijtuijtyiꞌ in judyeyaꞌ ojñiꞌtuijtyiꞌ in räjdyes muꞌin Israeltyidyes vóshiꞌ in —jéyacsi in.
22Chat qui muꞌ Josué fayacsi muꞌin Gabaónĉantyiꞌ in judyeyaꞌ muꞌ cọdacsi:
—¿Junꞌ buty väñätutiĉaꞌ tsun miꞌin, "Tsun mochtyiꞌ tsun", yi miꞌin? ¿Jam adac c̣hẹiꞌyaꞌ bäꞌyity miꞌin? 23Miꞌin aty vaꞌtacdyeꞌĉandyety shupqui. Räjĉan buꞌyiꞌ raꞌ úñedyeꞌ miꞌin, tsijtuijtyiꞌ qui raꞌ miꞌin judyeyaꞌ ojñiꞌtuijtyiꞌ miꞌin muꞌsidyes acaꞌ Jenꞌdyes yụ —jéyacsi Josué.
24Muꞌin vorjebajte Josué in:
—Mítyiꞌ úñity tsun seꞌveꞌyaꞌ jorojĉansiꞌ p̂eyacdyeꞌ junꞌ chuc muꞌ Ayoꞌ Jenꞌ mi jajiti jiquej muꞌ Moisés úñity muꞌ junꞌ chuc raꞌ jasoꞌmiti mọꞌ jac miꞌindyes judyeyaꞌ raꞌ jịꞌmotsacsi räj muꞌĉan bäꞌyity in. Meꞌdyes qui meꞌ jämꞌtaqui tsun. 25Q̂uinꞌ tsun unĉan mi. Meꞌ yuꞌtiĉamꞌ tsun yojdyemꞌ dyijyi um jedyeꞌ chuc jämꞌsiꞌ judyeyaꞌ rụijsis ĉọiꞌsiꞌ u mi —jéte Josué in.
26Meꞌdyes qui Josué jiꞌc̣honacsi muꞌin Gabaónĉantyiꞌ in muꞌinyaꞌ in Israeltyiꞌyaꞌ vóshiꞌ in, jam ujacsi in. 27Chimeꞌ mọꞌĉandye mạyedyeꞌ Josué yụꞌtacsi muꞌin Gabaónĉantyiꞌ in tsijtuijtyiꞌ in judyeyaꞌ ojñiꞌtuijtyiꞌ in muꞌindyes Israeltyidyes vóshiꞌ in judyeyaꞌ chimeꞌ raꞌ meꞌ buꞌyiꞌ carijtacdyeꞌ muꞌin yóyaꞌdyemꞌ raꞌ mọꞌ jiꞌcoꞌshayaquis Jenꞌdyes yụꞌtacyaꞌ o. Q̂uinꞌ qui namꞌ tacaꞌ meꞌ buꞌyiꞌ carijtacdyeꞌ muꞌin.
Currently Selected:
Josué 9: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Josué 9
9
Gabaónĉantyiꞌ väñätucsi in
1Seꞌvaqui räj muꞌin ayoꞌ in jịjcaijcheꞌ tsun Jordánve bäꞌyity in jedyeꞌ chuc jiyiꞌ. Muꞌin ayoꞌ mụcuꞌve bäꞌyity in judyeyaꞌ muꞌin jịjcaijcheꞌ tsun c̣hẹiꞌyaꞌ mụcuꞌ bäꞌyity in, muꞌin ayoꞌ sinve mọꞌ Mar Mediterraneo#9:1 Yocsiꞌ tịj mọꞌ Mar Därsiꞌ bäꞌyity in meꞌdye Líbano moch bäꞌyity in (muꞌin ayoꞌ hitita in, muꞌin ayoꞌ amorreo in, muꞌin ayoꞌ cananeo in, muꞌin ayoꞌ fereseo in, muꞌin ayoꞌ heveo in judyeyaꞌ muꞌin ayoꞌ jebuseo in) räj seꞌveꞌ in. 2Chat qui muꞌin yiriꞌyaꞌ dyijyi in paj qui chute Josué in judyeyaꞌ muꞌin Israeltyiꞌ vóshiꞌ in.
3Aty meꞌ seꞌvaquiyaꞌ in muꞌin Gabaónve bäꞌyity in junꞌ chuc Josué meꞌtyeꞌ Jericó judyeyaꞌ Hai 4muꞌin dyijyi in paj qui väñätucsi in. Muꞌin jiꞌcaviti in jeñej buꞌyi jutactyiꞌ in moch bäꞌyity in. Muꞌintyiꞌ bórico in cạcsi ishoꞌ vorsa in, judyeyaꞌ ishoꞌ shoꞌpaꞌ vinodyes in tŝubiꞌbiꞌsiꞌ judyeyaꞌ tŝuꞌbacsiꞌ in. 5Muꞌin sonꞌ in cofjiti ishoꞌĉan quịꞌsiꞌ judyeyaꞌ yujches muꞌin ishoꞌ judyeyaꞌ reꞌbacsiꞌ in. Räj pan muꞌin chañety judyeyaꞌ buñity.
6Chat qui muꞌin ĉọcte muꞌ Josué in dyäquedyeꞌyaꞌ Gilgal. Muꞌin jéyacsi Israeltyiꞌ vóshiꞌ in:
—Tsun atsij yirisĉansiꞌ jac anic moch buꞌyis. Damꞌdye jämꞌ yuꞌtyiyitiĉaꞌ p̂eyacdyeꞌ ĉụiꞌdyes tsun jämꞌjeyacdyes mọꞌ paj qui jam vaj meꞌtiĉaꞌve tsun —jéyacsi in.
7Muꞌin Israeltyiꞌ vóshiꞌ in jéyacsi muꞌin heveo in:
—Vatyquej c̣hẹiꞌyaꞌ bäꞌyity miꞌin, ¿junꞌ buty raꞌ tupuj meꞌ yụꞌtyeyac joꞌmes p̂eyacdyeꞌ? —jéyacsi in.
8—Tsun nash úñity miꞌin —jéte Josué in.
Josué qui jéyacsi in:
—¿Tyi caꞌ miꞌin judyeyaꞌ junatyiꞌ dash miꞌin?
9Muꞌin vorjete in:
—Mítyiꞌ úñity tsun anic moc̣hves jac jijtuij tsun ĉaĉaij na äjyedyes jämꞌtaqui jiquej muꞌ Jenꞌ Ayoꞌ miꞌin. Aty seꞌveꞌ tsun mọꞌin jämꞌtaquis muꞌ Jenꞌ Egiptoĉan jiquej. 10Judyeyaꞌ seꞌveꞌ tsun junꞌ chuc muꞌ jiꞌpenacsi muꞌin päräꞌ ayoꞌ amorreo in nopej Jordán bäꞌyity jiquej in: Sehón, muꞌ ayoꞌ Hesbónĉantyiꞌ judyeyaꞌ Og, muꞌ ayoꞌ Basánĉantyiꞌ (muꞌsiꞌ ayoꞌbuꞌyedyeꞌ Astarotĉan jiquej). 11Tsuntyiꞌ tashcheꞌ buꞌyity in judyeyaꞌ räj muꞌin muntyiꞌ tsunsiꞌĉantyiꞌ bäꞌyedyeꞌ jin tsun in, "Jämiꞌtacac cạcdyes miꞌedyedyes miꞌin. Tạij miꞌin, ĉọcseĉamꞌ muꞌin chat jéyacsi raꞌ muꞌin, ‘Tsun nash úñity miꞌin, yuꞌtyiyitiĉamꞌ p̂eyacdyeꞌ tsundyes", jin tsun in.
12Uts pan tsuntyiꞌ tacaꞌ jushuꞌshuij vecdyeꞌyaꞌ mọꞌdye mạyedyeꞌ sacti atsijyaꞌ jiquej tsun. Cạvetinte q̂uinꞌ miꞌin junꞌ chuc chañej muꞌ judyeyaꞌ buñi. 13Judyeyaꞌ mọꞌin shoꞌpaꞌ vinodyes in, mụiꞌsis tsanꞌ in bänꞌjeyacsiyaꞌ jiquej. Cạvacsi raꞌ miꞌin junꞌ chuc aty tŝubiꞌbiiꞌ in. Judyeyaꞌ muꞌ quịꞌsiꞌ tsun judyeyaꞌ yujches tsun aty räꞌiꞌ mọꞌ miꞌedyeꞌĉan —jéyacsi muꞌin.
14Muꞌin Israeltyiꞌ vóshiꞌ in jịꞌĉojtacsebi víte in jam qui namꞌ dyijyedyeꞌ cọdyete in Ayoꞌsiꞌ muꞌin. 15Chat qui Josué yụꞌtyeyacsi jämꞌsiꞌ p̂eyacdyeꞌ jämꞌjitidyes paj qui jam junꞌ ujacsi in. Judyeyaꞌ muꞌin tashcheꞌ buꞌyity Israeltyiꞌ vóshiꞌ in tsäquiꞌyis p̂eyacdyeꞌ soꞌmacsi in, meꞌ fer buꞌyi yụꞌtyeyacsi mọꞌ p̂eyacdyeꞌ in.
16Aty jiyiꞌyaꞌ chibin mạyedyeꞌ jäquiꞌve yóquiꞌdyemꞌ yụꞌtyeyacsi p̂eyacdyeꞌ u in Gabaónve bäꞌyitydyes in, muꞌin Israeltyiꞌ vóshiꞌ in seꞌvebanꞌ in junꞌ chuc muꞌin jam mochtyiꞌ in, anic c̣hẹiꞌyaꞌ bäꞌyity jiquej in. 17Chat qui muꞌin Israeltyiꞌ vóshiꞌ in sacti in judyeyaꞌ chibinĉan mạyedyeꞌ venjoij muꞌinsiꞌyaꞌ bäꞌyedyeꞌ in: Gabaón, Beerot, judyeyaꞌ Quiriat-jearim. 18Jam qui namꞌ chucsi in muꞌin Israeltyiꞌ vóshiꞌ in ĉaĉaij na muꞌintyiꞌ tashcheꞌ buꞌyity in aty soꞌmacsi in tsäquiꞌyis p̂eyacdyeꞌ Ayoꞌyaꞌ, muꞌ Jenꞌ Israeltyiꞌyaꞌ muꞌ.
Meꞌdyes qui räj muꞌin Israeltyiꞌ vóshiꞌ in jịꞌchuꞌacsi muꞌintyiꞌ tashcheꞌ buꞌyity in. 19Muꞌin tashcheꞌ buꞌyity jéyacsi in:
—Tsun soꞌmacsi jiquej tsäquiꞌyis p̂eyacdyeꞌ Ayoꞌyaꞌ, muꞌ Jenꞌ Israeltyiꞌyaꞌ, aty jam tupuj täjtacsejaꞌ. 20Paj tsanꞌ meꞌ ọijtum dyijyedyeꞌ raꞌ meꞌjeyacsejaꞌ: Tsun raꞌ jiꞌbäꞌyacsejaꞌ jam qui Ayoꞌsiꞌ fáquitidyeꞌ tsuncheꞌ tŝọiꞌ, ĉaĉaij na jam meꞌ jụijyaꞌ tsun raꞌ jam jịꞌcätsepja mọꞌ tsäquiꞌyis p̂eyacdyeꞌ soꞌmacsejas jiquej —jéyacsi muꞌin tashcheꞌ buꞌyity in. 21Muꞌin tashcheꞌ buꞌyity in yejĉoij jéyacsi muꞌin Israeltyiꞌ vóshiꞌ in, yi in:
—Tsun raꞌ jiꞌbäꞌyeyac paj tsanꞌ meꞌ muꞌin raꞌ tsuntyiꞌ shupqui tsijtuijtyiꞌ in judyeyaꞌ ojñiꞌtuijtyiꞌ in räjdyes muꞌin Israeltyidyes vóshiꞌ in —jéyacsi in.
22Chat qui muꞌ Josué fayacsi muꞌin Gabaónĉantyiꞌ in judyeyaꞌ muꞌ cọdacsi:
—¿Junꞌ buty väñätutiĉaꞌ tsun miꞌin, "Tsun mochtyiꞌ tsun", yi miꞌin? ¿Jam adac c̣hẹiꞌyaꞌ bäꞌyity miꞌin? 23Miꞌin aty vaꞌtacdyeꞌĉandyety shupqui. Räjĉan buꞌyiꞌ raꞌ úñedyeꞌ miꞌin, tsijtuijtyiꞌ qui raꞌ miꞌin judyeyaꞌ ojñiꞌtuijtyiꞌ miꞌin muꞌsidyes acaꞌ Jenꞌdyes yụ —jéyacsi Josué.
24Muꞌin vorjebajte Josué in:
—Mítyiꞌ úñity tsun seꞌveꞌyaꞌ jorojĉansiꞌ p̂eyacdyeꞌ junꞌ chuc muꞌ Ayoꞌ Jenꞌ mi jajiti jiquej muꞌ Moisés úñity muꞌ junꞌ chuc raꞌ jasoꞌmiti mọꞌ jac miꞌindyes judyeyaꞌ raꞌ jịꞌmotsacsi räj muꞌĉan bäꞌyity in. Meꞌdyes qui meꞌ jämꞌtaqui tsun. 25Q̂uinꞌ tsun unĉan mi. Meꞌ yuꞌtiĉamꞌ tsun yojdyemꞌ dyijyi um jedyeꞌ chuc jämꞌsiꞌ judyeyaꞌ rụijsis ĉọiꞌsiꞌ u mi —jéte Josué in.
26Meꞌdyes qui Josué jiꞌc̣honacsi muꞌin Gabaónĉantyiꞌ in muꞌinyaꞌ in Israeltyiꞌyaꞌ vóshiꞌ in, jam ujacsi in. 27Chimeꞌ mọꞌĉandye mạyedyeꞌ Josué yụꞌtacsi muꞌin Gabaónĉantyiꞌ in tsijtuijtyiꞌ in judyeyaꞌ ojñiꞌtuijtyiꞌ in muꞌindyes Israeltyidyes vóshiꞌ in judyeyaꞌ chimeꞌ raꞌ meꞌ buꞌyiꞌ carijtacdyeꞌ muꞌin yóyaꞌdyemꞌ raꞌ mọꞌ jiꞌcoꞌshayaquis Jenꞌdyes yụꞌtacyaꞌ o. Q̂uinꞌ qui namꞌ tacaꞌ meꞌ buꞌyiꞌ carijtacdyeꞌ muꞌin.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'