Josué 5
5
1Jäquiꞌve muꞌin ayoꞌ amorreo in jịjcaijcheꞌ tsun Jordán bäꞌyity in, judyeyaꞌ muꞌin ayoꞌ cananeo in marve bäꞌyity in, seꞌveꞌ in junꞌ chuc muꞌ Jenꞌ jiꞌchante muꞌ Jordán paj qui tupuj nobi muꞌin Israeltyiꞌ vóshiꞌ in. Chat qui noiꞌyi ĉojtyiꞌĉan muꞌin judyeyaꞌ jam sóñiꞌyi in. Aty jam mạꞌjeꞌ chucsi muꞌin Israeltyiꞌ vóshiꞌ in.
Jiꞌseiꞌtac Gilgalve
2Ọijĉan tupudyeꞌ muꞌ Jenꞌ jajiti muꞌ Josué:
—Jämꞌtacseva mij coc̣hino buꞌyity in chat raꞌ quivij seiꞌtacsim muꞌin Israeltyiꞌ vóshiꞌ in —jajiti Jenꞌ. 3Chat qui muꞌ Josué jämꞌtacsi mij coc̣hino buꞌyity in judyeyaꞌ seiꞌtacsi muꞌin Israeltyiꞌ vóshiꞌ in muꞌyaꞌdye muꞌ mụcuꞌ Aralotyaꞌ.
4Ọij nash mọꞌ dyijyedyeꞌ junꞌ chuc muꞌ Josué jemoñeꞌ seiꞌtacsi in. Tashcheꞌ jiquej yoquiꞌdyemꞌ muꞌin Israeltyiꞌ vóshiꞌ shubanyaꞌ Egiptoĉan in, räj muꞌin Israeltyiꞌ sonꞌ in aty seiꞌtactyiꞌ in. Muꞌindye shupqui muꞌin yụꞌtactyiꞌ sondaro in paj tsanꞌ meꞌ jäquiꞌve räj muꞌin sänjan in cäjyasĉan jac. 5Räj sonꞌ naꞌity Egiptoĉan jiquej seiꞌtactyiꞌ in paj tsanꞌ meꞌ itŝij muꞌyaꞌ sonꞌ seiꞌtactyiꞌ jäquiꞌve. Räj muꞌin sonꞌ naꞌity jorojyaꞌ Egipto, mọꞌĉandye tupudyeꞌ yoquiꞌdyemꞌ muꞌin Israeltyiꞌ vóshiꞌ in miꞌi cäjyasĉan jac in, mijam yirity muꞌyaꞌ seiꞌtactyiꞌ aꞌ in. 6Vạjpedyeꞌ quiꞌtac yómodyeꞌ muꞌin Israeltyiꞌ vóshiꞌ in miꞌi cäjyasĉan jac. Mọꞌĉan tupudyeꞌ räj muꞌin tashchety sondaro yụꞌtactyiꞌ in sänjan in. Meꞌsiꞌ mọꞌ vaꞌtacdyeꞌ muꞌindyes in ĉaĉaij na muꞌin jam chiquete in muꞌ Ayoꞌ. Muꞌ Ayoꞌ tashcheꞌ jiquej jéyacsi muꞌintyiꞌ vóshiꞌvun junꞌ chuc raꞌ muꞌ soꞌmacsi mọꞌ jämꞌsiꞌ jac. Paj tsanꞌ meꞌ, ĉaĉaij na muꞌin jam chiquete in, tsäquiꞌyistumsiꞌ p̂eyacdyeꞌ muꞌ Ayoꞌ jam jịꞌcaveyacsi mọꞌ jac jam jayejjoiꞌyaꞌ reche judyeyaꞌ coroma. 7Chat qui muꞌ Ayoꞌ jiꞌp̂anacsi chum ạvaꞌ muꞌin paj qui ạvadyes raꞌ shupquiꞌ mọꞌ tashches jämꞌsiꞌ dyijyedyeꞌ jenvundyes muꞌin. Uts ạvaꞌ in muꞌindye seiꞌtactyiꞌ Josuéyaꞌ ĉaĉaij na jam seiꞌtac in cäjyasĉan jac. 8Meꞌdyes qui aty seiꞌtacyaꞌ räj muꞌin sonꞌ Israeltyiꞌ vóshiꞌ in. Tacyaꞌ chum dyäquedyeꞌyaꞌ muꞌin junꞌ quiꞌ chuc chäĉän in.
9Muꞌ Ayoꞌ jajiti Josué:
—Q̂uinꞌ mạyedyeꞌ yojdyemꞌ bur bur cạc o yụ meijjetyeyac Egiptoĉansiꞌ tsị́cadyeꞌ mọꞌyas jiquej —jajiti Ayoꞌ. Meꞌdyes qui muꞌin jịꞌtiꞌeꞌ mọꞌ jac Gilgal.
10Mọꞌ mạyedyeꞌ yiriꞌtac vạjpedyeꞌ ịvajsiꞌ mọꞌ muꞌin jämꞌtyeꞌ in mọꞌ jiꞌc̣honacdyes feshta. Gilgalĉan feshtaij in, Jericóches jac mọꞌ dyäquedyes. 11Nojno mạyedyeꞌ jiꞌc̣honacdyes feshta muꞌin jebeiꞌ in säcsedyeꞌ mọꞌĉansiꞌ jäqueꞌ in. Jebete in pan jam jiꞌdujraquistumtyiꞌ judyeyaꞌ trivos vej muquety. 12Jebeiꞌyaꞌ mọꞌĉansiꞌ sicdyeꞌ in chat nojno mạyedyeꞌ aty itŝiꞌ jọꞌchaiꞌ maná atsvun. Muꞌin qui jebeiꞌ in mọꞌ Canaánĉansiꞌ sicdyeꞌ räj yómodyeꞌ.
Chutidyeꞌ Jericóves
13Yirisĉan mạyedyeꞌ muꞌ Josué c̣hẹiꞌyaꞌ buꞌyi Jericó. Muꞌ doijrojyi nạijte muꞌyaꞌ yirity muntyiꞌ quic̣henꞌ. Muꞌ muntyiꞌ unĉan mọꞌyaꞌ chutidyes coc̣hino muꞌ. Muꞌ Josué c̣hẹiꞌyaꞌjete chat qui cọdyete:
—¿Mi buty atsij tsundyes jam jụijyaꞌ muꞌindyes chuntyiꞌ raꞌ tsun in? —cọdyete Josué.
14Muꞌ jajiti:
—Jam. Yụ nash muꞌ tashcheꞌ buꞌyity mọꞌ chutidyedyes Ayoꞌtyiꞌ. Aty atsij yụ q̂uinꞌ —jajiti muꞌ.
Chat qui Josué täjjequeꞌ jaccheꞌ vej muꞌ judyeyaꞌ cọdyete:
—Ayoꞌ, yụ nash úñity mi, ¿jedyeꞌ buty mọꞌ p̂eyacdyeꞌ yụ́dyes? —jéte Josué.
15Muꞌ tashcheꞌ buꞌyity mọꞌ chutidyes Ayoꞌtyiꞌ jajiti:
—Chacjeyaca yujches mi. Tsäquiꞌ buꞌyiꞌ ọ́yaꞌ jac yóyaꞌdyemꞌ runꞌquenꞌ buꞌyiyam —jajiti. Meꞌdye muꞌ Josué c̣hacjeyaqui.
Currently Selected:
Josué 5: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Josué 5
5
1Jäquiꞌve muꞌin ayoꞌ amorreo in jịjcaijcheꞌ tsun Jordán bäꞌyity in, judyeyaꞌ muꞌin ayoꞌ cananeo in marve bäꞌyity in, seꞌveꞌ in junꞌ chuc muꞌ Jenꞌ jiꞌchante muꞌ Jordán paj qui tupuj nobi muꞌin Israeltyiꞌ vóshiꞌ in. Chat qui noiꞌyi ĉojtyiꞌĉan muꞌin judyeyaꞌ jam sóñiꞌyi in. Aty jam mạꞌjeꞌ chucsi muꞌin Israeltyiꞌ vóshiꞌ in.
Jiꞌseiꞌtac Gilgalve
2Ọijĉan tupudyeꞌ muꞌ Jenꞌ jajiti muꞌ Josué:
—Jämꞌtacseva mij coc̣hino buꞌyity in chat raꞌ quivij seiꞌtacsim muꞌin Israeltyiꞌ vóshiꞌ in —jajiti Jenꞌ. 3Chat qui muꞌ Josué jämꞌtacsi mij coc̣hino buꞌyity in judyeyaꞌ seiꞌtacsi muꞌin Israeltyiꞌ vóshiꞌ in muꞌyaꞌdye muꞌ mụcuꞌ Aralotyaꞌ.
4Ọij nash mọꞌ dyijyedyeꞌ junꞌ chuc muꞌ Josué jemoñeꞌ seiꞌtacsi in. Tashcheꞌ jiquej yoquiꞌdyemꞌ muꞌin Israeltyiꞌ vóshiꞌ shubanyaꞌ Egiptoĉan in, räj muꞌin Israeltyiꞌ sonꞌ in aty seiꞌtactyiꞌ in. Muꞌindye shupqui muꞌin yụꞌtactyiꞌ sondaro in paj tsanꞌ meꞌ jäquiꞌve räj muꞌin sänjan in cäjyasĉan jac. 5Räj sonꞌ naꞌity Egiptoĉan jiquej seiꞌtactyiꞌ in paj tsanꞌ meꞌ itŝij muꞌyaꞌ sonꞌ seiꞌtactyiꞌ jäquiꞌve. Räj muꞌin sonꞌ naꞌity jorojyaꞌ Egipto, mọꞌĉandye tupudyeꞌ yoquiꞌdyemꞌ muꞌin Israeltyiꞌ vóshiꞌ in miꞌi cäjyasĉan jac in, mijam yirity muꞌyaꞌ seiꞌtactyiꞌ aꞌ in. 6Vạjpedyeꞌ quiꞌtac yómodyeꞌ muꞌin Israeltyiꞌ vóshiꞌ in miꞌi cäjyasĉan jac. Mọꞌĉan tupudyeꞌ räj muꞌin tashchety sondaro yụꞌtactyiꞌ in sänjan in. Meꞌsiꞌ mọꞌ vaꞌtacdyeꞌ muꞌindyes in ĉaĉaij na muꞌin jam chiquete in muꞌ Ayoꞌ. Muꞌ Ayoꞌ tashcheꞌ jiquej jéyacsi muꞌintyiꞌ vóshiꞌvun junꞌ chuc raꞌ muꞌ soꞌmacsi mọꞌ jämꞌsiꞌ jac. Paj tsanꞌ meꞌ, ĉaĉaij na muꞌin jam chiquete in, tsäquiꞌyistumsiꞌ p̂eyacdyeꞌ muꞌ Ayoꞌ jam jịꞌcaveyacsi mọꞌ jac jam jayejjoiꞌyaꞌ reche judyeyaꞌ coroma. 7Chat qui muꞌ Ayoꞌ jiꞌp̂anacsi chum ạvaꞌ muꞌin paj qui ạvadyes raꞌ shupquiꞌ mọꞌ tashches jämꞌsiꞌ dyijyedyeꞌ jenvundyes muꞌin. Uts ạvaꞌ in muꞌindye seiꞌtactyiꞌ Josuéyaꞌ ĉaĉaij na jam seiꞌtac in cäjyasĉan jac. 8Meꞌdyes qui aty seiꞌtacyaꞌ räj muꞌin sonꞌ Israeltyiꞌ vóshiꞌ in. Tacyaꞌ chum dyäquedyeꞌyaꞌ muꞌin junꞌ quiꞌ chuc chäĉän in.
9Muꞌ Ayoꞌ jajiti Josué:
—Q̂uinꞌ mạyedyeꞌ yojdyemꞌ bur bur cạc o yụ meijjetyeyac Egiptoĉansiꞌ tsị́cadyeꞌ mọꞌyas jiquej —jajiti Ayoꞌ. Meꞌdyes qui muꞌin jịꞌtiꞌeꞌ mọꞌ jac Gilgal.
10Mọꞌ mạyedyeꞌ yiriꞌtac vạjpedyeꞌ ịvajsiꞌ mọꞌ muꞌin jämꞌtyeꞌ in mọꞌ jiꞌc̣honacdyes feshta. Gilgalĉan feshtaij in, Jericóches jac mọꞌ dyäquedyes. 11Nojno mạyedyeꞌ jiꞌc̣honacdyes feshta muꞌin jebeiꞌ in säcsedyeꞌ mọꞌĉansiꞌ jäqueꞌ in. Jebete in pan jam jiꞌdujraquistumtyiꞌ judyeyaꞌ trivos vej muquety. 12Jebeiꞌyaꞌ mọꞌĉansiꞌ sicdyeꞌ in chat nojno mạyedyeꞌ aty itŝiꞌ jọꞌchaiꞌ maná atsvun. Muꞌin qui jebeiꞌ in mọꞌ Canaánĉansiꞌ sicdyeꞌ räj yómodyeꞌ.
Chutidyeꞌ Jericóves
13Yirisĉan mạyedyeꞌ muꞌ Josué c̣hẹiꞌyaꞌ buꞌyi Jericó. Muꞌ doijrojyi nạijte muꞌyaꞌ yirity muntyiꞌ quic̣henꞌ. Muꞌ muntyiꞌ unĉan mọꞌyaꞌ chutidyes coc̣hino muꞌ. Muꞌ Josué c̣hẹiꞌyaꞌjete chat qui cọdyete:
—¿Mi buty atsij tsundyes jam jụijyaꞌ muꞌindyes chuntyiꞌ raꞌ tsun in? —cọdyete Josué.
14Muꞌ jajiti:
—Jam. Yụ nash muꞌ tashcheꞌ buꞌyity mọꞌ chutidyedyes Ayoꞌtyiꞌ. Aty atsij yụ q̂uinꞌ —jajiti muꞌ.
Chat qui Josué täjjequeꞌ jaccheꞌ vej muꞌ judyeyaꞌ cọdyete:
—Ayoꞌ, yụ nash úñity mi, ¿jedyeꞌ buty mọꞌ p̂eyacdyeꞌ yụ́dyes? —jéte Josué.
15Muꞌ tashcheꞌ buꞌyity mọꞌ chutidyes Ayoꞌtyiꞌ jajiti:
—Chacjeyaca yujches mi. Tsäquiꞌ buꞌyiꞌ ọ́yaꞌ jac yóyaꞌdyemꞌ runꞌquenꞌ buꞌyiyam —jajiti. Meꞌdye muꞌ Josué c̣hacjeyaqui.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'