Josué 20
20
Ñutsjetacsis bäꞌyedyeꞌ in
1Muꞌ Ayoꞌ jajiti Josué:
2—Jéyacseva muꞌin Israeltyiꞌ vóshiꞌ in paj qui yụꞌtacsi mọꞌin ñutsjetacsis bäꞌyedyeꞌ in yojdyemꞌ jéyac yụ Moisésyaꞌ jiquej u. 3Paj qui tyi ĉụiꞌ ijatety muntyiꞌ in, ĉụiꞌ meꞌ jiyiꞌyaꞌ jam qui namꞌ meꞌ dyijyi ijateyaꞌ in, muꞌin joꞌmety ijatety in tupuj ĉaꞌjoij yirisĉan ñutsjetacsis bäꞌyedyeꞌ jam qui muꞌ chäshdyes chimeꞌjeyacdye ujate in.
4Ĉaꞌjoijyaꞌ muꞌ muntyiꞌ yirisĉan joꞌmes bäꞌyedyeꞌ in, muꞌ raꞌ runꞌquenꞌ buꞌyi muꞌyaꞌ chụiꞌdyeꞌyaꞌ mọꞌ bäꞌyedyesyaꞌ sisdyeꞌ chat qui muꞌ raꞌ jéyacsi muꞌin tashcheꞌ buꞌyity bäꞌyedyeꞌĉantyiꞌ in jedyeꞌ chuc jiyiꞌ muꞌtum. Muꞌin qui raꞌ jiꞌsiste in bäꞌyedyeꞌĉan muꞌ muntyiꞌ judyeyaꞌ raꞌ soꞌmete in vavdyeꞌ paj qui muꞌĉan bäꞌyi muꞌ. 5Meꞌ na jụijyaꞌ muꞌ chäshdyes chimeꞌjeyacdye cäc̣häꞌchute muꞌ muntyiꞌ in bäꞌyedyeꞌyaꞌ, muꞌin na bäꞌyedyeꞌĉantyiꞌ in jam raꞌ junꞌ jiꞌjiyete in muꞌ ijatetyyaꞌ ĉaĉaij na muꞌ muntyiꞌ jam dyijyi paj qui ijate chätidyeꞌ muꞌ, ĉụiꞌ meꞌ jiyiꞌ. 6Muꞌ ijatety muntyiꞌ jemoñeꞌ taĉan chum bäꞌyedyeꞌĉan junꞌ quiꞌ chuc muꞌin bäꞌyedyeꞌĉantyiꞌ jịꞌcäts yụꞌte juchadyeꞌyaꞌ. Judyeyaꞌ muꞌ chimeꞌ jemoñeꞌ muꞌĉan taĉan chum bäꞌyi junꞌ quiꞌ chuc säñi muꞌ tashchety cudyitity Jenꞌcheꞌ. Aty meꞌ jiyiꞌ jụijyaꞌ, tupuj caꞌñibun ĉụiꞌsiꞌyaꞌ acaꞌ muꞌ judyeyaꞌ ĉụiꞌsiꞌĉan bäꞌyedyeꞌ yoquiꞌdyemꞌ ĉaꞌjoijyaꞌ jiquej u —Ayoꞌ jajiti Josué.
7Meꞌdyes qui muꞌin yụꞌtacsi mọꞌin bäꞌyedyeꞌ in: Cedes, mọꞌ Galileaĉansiꞌ bäꞌyedyeꞌ mụcuꞌves Neftalíĉansiꞌ jac; judyeyaꞌ Siquem, mọꞌ bäꞌyedyeꞌ mụcuꞌves Efraínĉansiꞌ jac; judyeyaꞌ Quiriat-arba (yocsiꞌ tịj mọꞌ Hebrón), mọꞌ bäꞌyedyeꞌ mụcuꞌves Judáĉansiꞌ jac. 8Shupquive tsun Jordánve chimeꞌ muꞌin yụꞌtacsi bäꞌyedyeꞌ in. Quic̣henꞌ buꞌyiꞌ Jericó nopej muꞌ cojiro muꞌin yụꞌtyeꞌ mọꞌ bäꞌyedyeꞌ Beser, mọꞌ cäjyasĉan buꞌyiꞌ jac, mọꞌcheꞌ buꞌyis bäꞌyedyeꞌ, nasenꞌ buꞌyiꞌches, mọꞌyaꞌ muꞌinĉansiꞌ jac muꞌin Rubéntyiꞌ vóshiꞌ in. Chimeꞌ Ramot, mọꞌ Galaadĉansiꞌ bäꞌyedyeꞌ muꞌinsiꞌĉan jac, Gadtyiꞌ vóshiꞌ in. Judyeyaꞌ Golán, mọꞌ Basánĉansiꞌ bäꞌyedyeꞌ muꞌinsiꞌĉan jac Manaséstyiꞌ vóshiꞌ in. 9Ọij bäꞌyedyeꞌ in shupquiꞌ mọꞌin yụꞌtacsis muꞌindyes in ujacsity muntyiꞌ in. Muꞌin Israeltyiꞌ vóshiꞌ in judyeyaꞌ jam Israeltyidyes vóshiꞌ in tupuj muꞌĉan ĉaꞌjoij in ijacsiyaꞌ muntyiꞌ in jam dyijyedyeꞌtum in. Meꞌsiꞌ muꞌin jam raꞌ ijac in muꞌyaꞌdye chäshdyesyaꞌ chimeꞌjeyacdye jambiꞌyaꞌ muꞌin jịꞌcäts yụꞌtac juchadyeꞌyaꞌ muꞌinyaꞌ bäꞌyedyeꞌĉantyiꞌyaꞌ in.
Currently Selected:
Josué 20: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Josué 20
20
Ñutsjetacsis bäꞌyedyeꞌ in
1Muꞌ Ayoꞌ jajiti Josué:
2—Jéyacseva muꞌin Israeltyiꞌ vóshiꞌ in paj qui yụꞌtacsi mọꞌin ñutsjetacsis bäꞌyedyeꞌ in yojdyemꞌ jéyac yụ Moisésyaꞌ jiquej u. 3Paj qui tyi ĉụiꞌ ijatety muntyiꞌ in, ĉụiꞌ meꞌ jiyiꞌyaꞌ jam qui namꞌ meꞌ dyijyi ijateyaꞌ in, muꞌin joꞌmety ijatety in tupuj ĉaꞌjoij yirisĉan ñutsjetacsis bäꞌyedyeꞌ jam qui muꞌ chäshdyes chimeꞌjeyacdye ujate in.
4Ĉaꞌjoijyaꞌ muꞌ muntyiꞌ yirisĉan joꞌmes bäꞌyedyeꞌ in, muꞌ raꞌ runꞌquenꞌ buꞌyi muꞌyaꞌ chụiꞌdyeꞌyaꞌ mọꞌ bäꞌyedyesyaꞌ sisdyeꞌ chat qui muꞌ raꞌ jéyacsi muꞌin tashcheꞌ buꞌyity bäꞌyedyeꞌĉantyiꞌ in jedyeꞌ chuc jiyiꞌ muꞌtum. Muꞌin qui raꞌ jiꞌsiste in bäꞌyedyeꞌĉan muꞌ muntyiꞌ judyeyaꞌ raꞌ soꞌmete in vavdyeꞌ paj qui muꞌĉan bäꞌyi muꞌ. 5Meꞌ na jụijyaꞌ muꞌ chäshdyes chimeꞌjeyacdye cäc̣häꞌchute muꞌ muntyiꞌ in bäꞌyedyeꞌyaꞌ, muꞌin na bäꞌyedyeꞌĉantyiꞌ in jam raꞌ junꞌ jiꞌjiyete in muꞌ ijatetyyaꞌ ĉaĉaij na muꞌ muntyiꞌ jam dyijyi paj qui ijate chätidyeꞌ muꞌ, ĉụiꞌ meꞌ jiyiꞌ. 6Muꞌ ijatety muntyiꞌ jemoñeꞌ taĉan chum bäꞌyedyeꞌĉan junꞌ quiꞌ chuc muꞌin bäꞌyedyeꞌĉantyiꞌ jịꞌcäts yụꞌte juchadyeꞌyaꞌ. Judyeyaꞌ muꞌ chimeꞌ jemoñeꞌ muꞌĉan taĉan chum bäꞌyi junꞌ quiꞌ chuc säñi muꞌ tashchety cudyitity Jenꞌcheꞌ. Aty meꞌ jiyiꞌ jụijyaꞌ, tupuj caꞌñibun ĉụiꞌsiꞌyaꞌ acaꞌ muꞌ judyeyaꞌ ĉụiꞌsiꞌĉan bäꞌyedyeꞌ yoquiꞌdyemꞌ ĉaꞌjoijyaꞌ jiquej u —Ayoꞌ jajiti Josué.
7Meꞌdyes qui muꞌin yụꞌtacsi mọꞌin bäꞌyedyeꞌ in: Cedes, mọꞌ Galileaĉansiꞌ bäꞌyedyeꞌ mụcuꞌves Neftalíĉansiꞌ jac; judyeyaꞌ Siquem, mọꞌ bäꞌyedyeꞌ mụcuꞌves Efraínĉansiꞌ jac; judyeyaꞌ Quiriat-arba (yocsiꞌ tịj mọꞌ Hebrón), mọꞌ bäꞌyedyeꞌ mụcuꞌves Judáĉansiꞌ jac. 8Shupquive tsun Jordánve chimeꞌ muꞌin yụꞌtacsi bäꞌyedyeꞌ in. Quic̣henꞌ buꞌyiꞌ Jericó nopej muꞌ cojiro muꞌin yụꞌtyeꞌ mọꞌ bäꞌyedyeꞌ Beser, mọꞌ cäjyasĉan buꞌyiꞌ jac, mọꞌcheꞌ buꞌyis bäꞌyedyeꞌ, nasenꞌ buꞌyiꞌches, mọꞌyaꞌ muꞌinĉansiꞌ jac muꞌin Rubéntyiꞌ vóshiꞌ in. Chimeꞌ Ramot, mọꞌ Galaadĉansiꞌ bäꞌyedyeꞌ muꞌinsiꞌĉan jac, Gadtyiꞌ vóshiꞌ in. Judyeyaꞌ Golán, mọꞌ Basánĉansiꞌ bäꞌyedyeꞌ muꞌinsiꞌĉan jac Manaséstyiꞌ vóshiꞌ in. 9Ọij bäꞌyedyeꞌ in shupquiꞌ mọꞌin yụꞌtacsis muꞌindyes in ujacsity muntyiꞌ in. Muꞌin Israeltyiꞌ vóshiꞌ in judyeyaꞌ jam Israeltyidyes vóshiꞌ in tupuj muꞌĉan ĉaꞌjoij in ijacsiyaꞌ muntyiꞌ in jam dyijyedyeꞌtum in. Meꞌsiꞌ muꞌin jam raꞌ ijac in muꞌyaꞌdye chäshdyesyaꞌ chimeꞌjeyacdye jambiꞌyaꞌ muꞌin jịꞌcäts yụꞌtac juchadyeꞌyaꞌ muꞌinyaꞌ bäꞌyedyeꞌĉantyiꞌyaꞌ in.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'