Josué 2
2
Rahab
1Muꞌ Josué jutacsi päräꞌ muntyiꞌ Sitimyaꞌ yóyaꞌdyemꞌ dyäqui u in paj qui caminve cạvequeꞌ in mọꞌ jac. Tashcheꞌ muꞌ jéyacsi:
—Tạij miꞌin, cạvecac mọꞌ jac. Dadamꞌ raꞌ cạvectiñeꞌ mọꞌ bäꞌyedyeꞌ Jericó —jéyacsi Josué. Jericóve qui jịjcaij in chat siti in yirisĉan acaꞌ yóyaꞌdyemꞌ bäꞌyiꞌ mọꞌ meꞌtaquis p̂en o, Rahab tịj mọꞌ. Taĉan in muꞌĉan acaꞌĉan mọꞌ.
2Yirity jéte muꞌ ayoꞌ Jericóĉantyiꞌ yi:
—Jeshaꞌ, aty atsij Israeltyiꞌ vóshiꞌ in tsedyedyeꞌ q̂uinꞌ paj qui caminve cavishbusinꞌ in mọꞌ jac —jéte.
3Meꞌdyes qui muꞌ ayoꞌ Jericóĉantyiꞌ juteꞌ yiris p̂eyacdyeꞌ Rahabyaꞌ yi:
—Jiꞌshupcacseva mi muꞌin sonꞌ atsijtyiꞌ in jiꞌsitacsity mi acaꞌĉan ĉaĉaij na muꞌin atsij in paj qui caminve cavishbusinꞌ in räj mọꞌ jac —jeꞌ Rahab.
4Mọꞌ aty jijmuꞌsacsiꞌ muꞌin päräꞌ sonꞌ in paj tsanꞌ meꞌ mọꞌ jéyacsi muꞌin jutactyiꞌ in:
—Anicdye meꞌ, muꞌin venchuij yụ́yaꞌ jiquej in, jam qui namꞌ chịꞌ yụ junatyiꞌ chuc muꞌin in. 5Shocam, jambiꞌdyemꞌ ĉärꞌjeꞌbanꞌ mọꞌ bäꞌyedyes chụiꞌdyeꞌ in, aty jọban muꞌin. Jam chịꞌ yụ junaꞌ chuc jịjcaij muꞌin in. Cavinyevac, jinchacacsebadac miꞌin vatyquej raꞌ chaꞌshacsi miꞌin —yiꞌ Rahab. 6Mọꞌ na aty jijmuꞌsacsiꞌ muꞌin fajcheꞌ acaꞌ. Taccheꞌ muꞌin in jijmuꞌsiti in mọꞌĉan dụriꞌjeyeyacsiꞌ pech linos, tashcheꞌdye jambiꞌ venchuij in. 7Meꞌdyes qui pạrej Jericóĉantyiꞌ sonꞌ shupqui in judyeyaꞌ quevacsi muꞌin cạvequety jac in majmiyaꞌ Jordánve jịjcaiꞌsiꞌ. Shupquiꞌyaꞌ bäꞌyedyeꞌ muꞌin quevacsity in, q̂uinꞌdyemꞌ ĉärꞌjetaqueꞌ in mọꞌ bäꞌyedyes chụiꞌdyeꞌ.
8Jambiꞌdyemꞌ ĉọshan muꞌin sonꞌ in mọꞌ qui Rahab fajcheꞌ acaꞌ ĉọcsequiꞌ muꞌin in.
9Mọꞌ jéyacsiꞌ:
—Chịꞌ yụ junꞌ chuc muꞌ Ayoꞌ aty soꞌminac miꞌin ọij jac, chat qui därsiꞌ noiꞌyedyeꞌ tsuncheꞌ tŝọiꞌ. Meꞌdyes qui räj muꞌin úĉan bäꞌyity in quijñinac miꞌin, jeñej poijjoiꞌsiꞌ jedyeꞌ noiꞌyedyeꞌyaꞌ muꞌin. 10Aty seꞌveꞌ p̂eyacdyeꞌ tsun junꞌ chuc muꞌ Jenꞌ jiꞌchañeꞌ mọꞌ ojñiꞌ Mar Jäijnäsĉan yoquiꞌdyemꞌ shupĉanyaꞌ miꞌin Egiptoĉan jiquej u. Chimeꞌ seꞌveꞌ tsun junꞌ chuc miꞌin jiꞌpenacsi muꞌin pärenꞌ ayoꞌ amorreo in; Sehón judyeyaꞌ Og. Miꞌin jịꞌmotsacsebi ayoꞌbuꞌyedyeꞌ muꞌinsiꞌ jiquej in nopej Jordán. 11Seꞌveꞌyaꞌ tsun ọij p̂eyacdyeꞌ mọꞌ noiꞌyedyeꞌ jictyibun ĉojtyiꞌĉansiꞌ ferdyeꞌ tsun. Meꞌdyes qui itŝij tyi sóñiꞌyi atsvun dyijtucdyeꞌyaꞌ miꞌin ĉaĉaij na Jenꞌ miꞌin, muꞌ anictyity Jenꞌ mạyedyeꞌchety judyeyaꞌ jacchety chimeꞌ.
12Meꞌdyes qui soꞌmitiĉamꞌ yiris tsäquiꞌyis p̂eyacdyeꞌ Jenꞌsiꞌcheꞌ tịj muꞌ junꞌ chuc miꞌin raꞌ ñịbeꞌ ĉọcsi muꞌin chätidyeꞌ yụ́tyiꞌ in, muꞌin acaꞌyaꞌ bäꞌyity tátasyaꞌ yụ. Yụ ñịbeꞌ ĉọ́yac miꞌin meꞌdyes qui cọdyeyac paj qui yụ ñịbeꞌ ĉútiĉamꞌ. Soꞌmitiĉamꞌ yiris jịꞌĉocdyes 13paj qui mọꞌyaꞌdye chịꞌ yụ miꞌin raꞌ jiꞌc̣honacsi táta yụ judyeyaꞌ tseꞌ yụ judyeyaꞌ vojity yụ in judyeyaꞌ vojiꞌ yụ in, räj muꞌintumtyiꞌ in. Jiꞌĉuyitiĉamꞌ junꞌ chuc raꞌ tsun jiꞌc̣hontiĉaꞌ sänꞌdyeꞌyaꞌ miꞌin —yiꞌ mọꞌ Rahab jéyacsiꞌ.
14Muꞌin jeꞌ in mọꞌ Rahab:
—Yejĉoij tsạꞌ jụijyaꞌ tsun, meꞌ raꞌ miꞌin yejĉoij tsạꞌ chimeꞌ. Q̂uinꞌ jam tyi jéyacsiꞌ jụijyaꞌ mi junꞌ chuc raꞌ jämꞌtaqui tsun, jäquiꞌve tsun raꞌ ñịbeꞌ ĉọ́yac judyeyaꞌ raꞌ jịꞌcätsebiyac p̂eyacdyeꞌ tsun. Meꞌ raꞌ jiyiꞌ mọꞌĉandye tupudyeꞌ yoquiꞌdyemꞌ muꞌ Ayoꞌ soꞌmin raꞌ tsun ọij jac u —jeꞌ Rahab in.
15Rahabsiꞌ acaꞌ cäch buꞌyiꞌdye yiriꞌyaꞌ mọꞌ bäꞌyedyestum naꞌru. Chat qui mọꞌ jiꞌshupcacsiꞌ muꞌin acasyaꞌ ventana. Sogayaꞌ jiꞌc̣hacsebanꞌ muꞌin jorojyaꞌ mọꞌ bäꞌyedyeꞌ. 16Mọꞌ aty jéyacsiꞌ:
—Mụcuꞌve raꞌ jịjcaban miꞌin paj qui muꞌin quivnactyiꞌ miꞌin jam dạcnac in. Chibin raꞌ mạyedyeꞌ jijmuꞌsiti miꞌin mụcuꞌĉan junꞌ quiꞌ chuc muꞌin quivnactyiꞌ in caꞌñibun in úyaꞌ. Chat qui tupuj jọban miꞌin —yiꞌ mọꞌ jéyacsiꞌ.
17Muꞌin jeꞌ in:
—Mi aty cudyityitiĉaꞌ tsäquiꞌyis p̂eyacdyeꞌ paj qui ñịbeꞌ ĉọ́yac miꞌin, paj tsanꞌ meꞌ jemoñeꞌ mi jiꞌcätsiptiĉaꞌ ọij dyijyedyeꞌ tsunsiꞌ. Jam meꞌ jụijyaꞌ jịꞌcätsaqui mi, jam raꞌ yaꞌiꞌ mọꞌ p̂eyacdyeꞌ soꞌmeyacsiꞌ. 18Meꞌdyes qui mọꞌĉandye tupudyeꞌ yoquiꞌdyemꞌ siteꞌ raꞌ tsun ọij jac jemoñeꞌ mi saptyeꞌ jäijnäs soga ventanayaꞌ mi yóyaꞌdyemꞌ shupĉanyaꞌ tsun u. Jemoñeꞌ mi jiꞌsitacsiꞌ táta mi judyeyaꞌ tseꞌ mi judyeyaꞌ vojity mi judyeyaꞌ vojiꞌ mi judyeyaꞌ räj miꞌintumtyiꞌ in ọijĉan acaꞌ. 19Tyi chuc jorojyaꞌ acaꞌ jịjcaijtyiꞌ in säñi jụijyaꞌ in, muꞌin meꞌtyity in ĉụiꞌ jiꞌmeꞌti in, jam raꞌ tsunsiꞌ juchaj shupquiꞌ. Paj tsanꞌ meꞌ muꞌin na acaꞌĉantyiꞌ in, yirity säñi jụijyaꞌ, tsunsiꞌ raꞌ juchaj shupquiꞌ. 20Mi jụijyaꞌ jéyacsi yoctyiꞌ junꞌ chuc tsunsiꞌ dyijyedyeꞌ, aty jam raꞌ yaꞌiꞌ mọꞌ tsäquiꞌyis p̂eyacdyeꞌ cudyityitiĉas mi —jeꞌ in.
21Rahab qui jéyacsiꞌ:
—Jämꞌ toꞌ o, paj meꞌ jiyiꞌ yoj yidyemꞌ miꞌin u —yiꞌ jéyacsiꞌ.
Chat qui mọꞌ jịꞌjobacsebanꞌ judyeyaꞌ saptyeꞌ mọꞌ jäijnäs soga ventanayaꞌ.
22Jọban in chat mụcuꞌve jịjcaij in. Chibin mạyedyeꞌ taĉan in mụcuꞌyaꞌ junꞌ quiꞌ chuc muꞌin majmiyaꞌ quevacsity in caꞌñibun bäꞌyedyeꞌĉan jijtuban in, jam dạcacsi in.
23Chat qui muꞌin päräꞌ sonꞌ caꞌñibun in. Shupqueshan in mụcuꞌyaꞌ in nopjan in muꞌ cojiro judyeyaꞌ venjoban Josuéyaꞌ in, Nuntyiꞌyaꞌ ạvaꞌ muꞌ. Muꞌin qui jébajte in junꞌ chuc räj jiyis muꞌinyaꞌ jiquej in. 24Chat qui jéte in muꞌ Josué:
—Anicdye meꞌ, muꞌ Jenꞌ aty soꞌmisinꞌ unĉan räj mọꞌ jac, räj muꞌĉantyiꞌ in poijjoij in ĉaĉaij na quiñisinꞌ in.
Currently Selected:
Josué 2: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Josué 2
2
Rahab
1Muꞌ Josué jutacsi päräꞌ muntyiꞌ Sitimyaꞌ yóyaꞌdyemꞌ dyäqui u in paj qui caminve cạvequeꞌ in mọꞌ jac. Tashcheꞌ muꞌ jéyacsi:
—Tạij miꞌin, cạvecac mọꞌ jac. Dadamꞌ raꞌ cạvectiñeꞌ mọꞌ bäꞌyedyeꞌ Jericó —jéyacsi Josué. Jericóve qui jịjcaij in chat siti in yirisĉan acaꞌ yóyaꞌdyemꞌ bäꞌyiꞌ mọꞌ meꞌtaquis p̂en o, Rahab tịj mọꞌ. Taĉan in muꞌĉan acaꞌĉan mọꞌ.
2Yirity jéte muꞌ ayoꞌ Jericóĉantyiꞌ yi:
—Jeshaꞌ, aty atsij Israeltyiꞌ vóshiꞌ in tsedyedyeꞌ q̂uinꞌ paj qui caminve cavishbusinꞌ in mọꞌ jac —jéte.
3Meꞌdyes qui muꞌ ayoꞌ Jericóĉantyiꞌ juteꞌ yiris p̂eyacdyeꞌ Rahabyaꞌ yi:
—Jiꞌshupcacseva mi muꞌin sonꞌ atsijtyiꞌ in jiꞌsitacsity mi acaꞌĉan ĉaĉaij na muꞌin atsij in paj qui caminve cavishbusinꞌ in räj mọꞌ jac —jeꞌ Rahab.
4Mọꞌ aty jijmuꞌsacsiꞌ muꞌin päräꞌ sonꞌ in paj tsanꞌ meꞌ mọꞌ jéyacsi muꞌin jutactyiꞌ in:
—Anicdye meꞌ, muꞌin venchuij yụ́yaꞌ jiquej in, jam qui namꞌ chịꞌ yụ junatyiꞌ chuc muꞌin in. 5Shocam, jambiꞌdyemꞌ ĉärꞌjeꞌbanꞌ mọꞌ bäꞌyedyes chụiꞌdyeꞌ in, aty jọban muꞌin. Jam chịꞌ yụ junaꞌ chuc jịjcaij muꞌin in. Cavinyevac, jinchacacsebadac miꞌin vatyquej raꞌ chaꞌshacsi miꞌin —yiꞌ Rahab. 6Mọꞌ na aty jijmuꞌsacsiꞌ muꞌin fajcheꞌ acaꞌ. Taccheꞌ muꞌin in jijmuꞌsiti in mọꞌĉan dụriꞌjeyeyacsiꞌ pech linos, tashcheꞌdye jambiꞌ venchuij in. 7Meꞌdyes qui pạrej Jericóĉantyiꞌ sonꞌ shupqui in judyeyaꞌ quevacsi muꞌin cạvequety jac in majmiyaꞌ Jordánve jịjcaiꞌsiꞌ. Shupquiꞌyaꞌ bäꞌyedyeꞌ muꞌin quevacsity in, q̂uinꞌdyemꞌ ĉärꞌjetaqueꞌ in mọꞌ bäꞌyedyes chụiꞌdyeꞌ.
8Jambiꞌdyemꞌ ĉọshan muꞌin sonꞌ in mọꞌ qui Rahab fajcheꞌ acaꞌ ĉọcsequiꞌ muꞌin in.
9Mọꞌ jéyacsiꞌ:
—Chịꞌ yụ junꞌ chuc muꞌ Ayoꞌ aty soꞌminac miꞌin ọij jac, chat qui därsiꞌ noiꞌyedyeꞌ tsuncheꞌ tŝọiꞌ. Meꞌdyes qui räj muꞌin úĉan bäꞌyity in quijñinac miꞌin, jeñej poijjoiꞌsiꞌ jedyeꞌ noiꞌyedyeꞌyaꞌ muꞌin. 10Aty seꞌveꞌ p̂eyacdyeꞌ tsun junꞌ chuc muꞌ Jenꞌ jiꞌchañeꞌ mọꞌ ojñiꞌ Mar Jäijnäsĉan yoquiꞌdyemꞌ shupĉanyaꞌ miꞌin Egiptoĉan jiquej u. Chimeꞌ seꞌveꞌ tsun junꞌ chuc miꞌin jiꞌpenacsi muꞌin pärenꞌ ayoꞌ amorreo in; Sehón judyeyaꞌ Og. Miꞌin jịꞌmotsacsebi ayoꞌbuꞌyedyeꞌ muꞌinsiꞌ jiquej in nopej Jordán. 11Seꞌveꞌyaꞌ tsun ọij p̂eyacdyeꞌ mọꞌ noiꞌyedyeꞌ jictyibun ĉojtyiꞌĉansiꞌ ferdyeꞌ tsun. Meꞌdyes qui itŝij tyi sóñiꞌyi atsvun dyijtucdyeꞌyaꞌ miꞌin ĉaĉaij na Jenꞌ miꞌin, muꞌ anictyity Jenꞌ mạyedyeꞌchety judyeyaꞌ jacchety chimeꞌ.
12Meꞌdyes qui soꞌmitiĉamꞌ yiris tsäquiꞌyis p̂eyacdyeꞌ Jenꞌsiꞌcheꞌ tịj muꞌ junꞌ chuc miꞌin raꞌ ñịbeꞌ ĉọcsi muꞌin chätidyeꞌ yụ́tyiꞌ in, muꞌin acaꞌyaꞌ bäꞌyity tátasyaꞌ yụ. Yụ ñịbeꞌ ĉọ́yac miꞌin meꞌdyes qui cọdyeyac paj qui yụ ñịbeꞌ ĉútiĉamꞌ. Soꞌmitiĉamꞌ yiris jịꞌĉocdyes 13paj qui mọꞌyaꞌdye chịꞌ yụ miꞌin raꞌ jiꞌc̣honacsi táta yụ judyeyaꞌ tseꞌ yụ judyeyaꞌ vojity yụ in judyeyaꞌ vojiꞌ yụ in, räj muꞌintumtyiꞌ in. Jiꞌĉuyitiĉamꞌ junꞌ chuc raꞌ tsun jiꞌc̣hontiĉaꞌ sänꞌdyeꞌyaꞌ miꞌin —yiꞌ mọꞌ Rahab jéyacsiꞌ.
14Muꞌin jeꞌ in mọꞌ Rahab:
—Yejĉoij tsạꞌ jụijyaꞌ tsun, meꞌ raꞌ miꞌin yejĉoij tsạꞌ chimeꞌ. Q̂uinꞌ jam tyi jéyacsiꞌ jụijyaꞌ mi junꞌ chuc raꞌ jämꞌtaqui tsun, jäquiꞌve tsun raꞌ ñịbeꞌ ĉọ́yac judyeyaꞌ raꞌ jịꞌcätsebiyac p̂eyacdyeꞌ tsun. Meꞌ raꞌ jiyiꞌ mọꞌĉandye tupudyeꞌ yoquiꞌdyemꞌ muꞌ Ayoꞌ soꞌmin raꞌ tsun ọij jac u —jeꞌ Rahab in.
15Rahabsiꞌ acaꞌ cäch buꞌyiꞌdye yiriꞌyaꞌ mọꞌ bäꞌyedyestum naꞌru. Chat qui mọꞌ jiꞌshupcacsiꞌ muꞌin acasyaꞌ ventana. Sogayaꞌ jiꞌc̣hacsebanꞌ muꞌin jorojyaꞌ mọꞌ bäꞌyedyeꞌ. 16Mọꞌ aty jéyacsiꞌ:
—Mụcuꞌve raꞌ jịjcaban miꞌin paj qui muꞌin quivnactyiꞌ miꞌin jam dạcnac in. Chibin raꞌ mạyedyeꞌ jijmuꞌsiti miꞌin mụcuꞌĉan junꞌ quiꞌ chuc muꞌin quivnactyiꞌ in caꞌñibun in úyaꞌ. Chat qui tupuj jọban miꞌin —yiꞌ mọꞌ jéyacsiꞌ.
17Muꞌin jeꞌ in:
—Mi aty cudyityitiĉaꞌ tsäquiꞌyis p̂eyacdyeꞌ paj qui ñịbeꞌ ĉọ́yac miꞌin, paj tsanꞌ meꞌ jemoñeꞌ mi jiꞌcätsiptiĉaꞌ ọij dyijyedyeꞌ tsunsiꞌ. Jam meꞌ jụijyaꞌ jịꞌcätsaqui mi, jam raꞌ yaꞌiꞌ mọꞌ p̂eyacdyeꞌ soꞌmeyacsiꞌ. 18Meꞌdyes qui mọꞌĉandye tupudyeꞌ yoquiꞌdyemꞌ siteꞌ raꞌ tsun ọij jac jemoñeꞌ mi saptyeꞌ jäijnäs soga ventanayaꞌ mi yóyaꞌdyemꞌ shupĉanyaꞌ tsun u. Jemoñeꞌ mi jiꞌsitacsiꞌ táta mi judyeyaꞌ tseꞌ mi judyeyaꞌ vojity mi judyeyaꞌ vojiꞌ mi judyeyaꞌ räj miꞌintumtyiꞌ in ọijĉan acaꞌ. 19Tyi chuc jorojyaꞌ acaꞌ jịjcaijtyiꞌ in säñi jụijyaꞌ in, muꞌin meꞌtyity in ĉụiꞌ jiꞌmeꞌti in, jam raꞌ tsunsiꞌ juchaj shupquiꞌ. Paj tsanꞌ meꞌ muꞌin na acaꞌĉantyiꞌ in, yirity säñi jụijyaꞌ, tsunsiꞌ raꞌ juchaj shupquiꞌ. 20Mi jụijyaꞌ jéyacsi yoctyiꞌ junꞌ chuc tsunsiꞌ dyijyedyeꞌ, aty jam raꞌ yaꞌiꞌ mọꞌ tsäquiꞌyis p̂eyacdyeꞌ cudyityitiĉas mi —jeꞌ in.
21Rahab qui jéyacsiꞌ:
—Jämꞌ toꞌ o, paj meꞌ jiyiꞌ yoj yidyemꞌ miꞌin u —yiꞌ jéyacsiꞌ.
Chat qui mọꞌ jịꞌjobacsebanꞌ judyeyaꞌ saptyeꞌ mọꞌ jäijnäs soga ventanayaꞌ.
22Jọban in chat mụcuꞌve jịjcaij in. Chibin mạyedyeꞌ taĉan in mụcuꞌyaꞌ junꞌ quiꞌ chuc muꞌin majmiyaꞌ quevacsity in caꞌñibun bäꞌyedyeꞌĉan jijtuban in, jam dạcacsi in.
23Chat qui muꞌin päräꞌ sonꞌ caꞌñibun in. Shupqueshan in mụcuꞌyaꞌ in nopjan in muꞌ cojiro judyeyaꞌ venjoban Josuéyaꞌ in, Nuntyiꞌyaꞌ ạvaꞌ muꞌ. Muꞌin qui jébajte in junꞌ chuc räj jiyis muꞌinyaꞌ jiquej in. 24Chat qui jéte in muꞌ Josué:
—Anicdye meꞌ, muꞌ Jenꞌ aty soꞌmisinꞌ unĉan räj mọꞌ jac, räj muꞌĉantyiꞌ in poijjoij in ĉaĉaij na quiñisinꞌ in.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'