Josué 16
16
Jac muꞌindyes Efraínĉantyiꞌ ñuruꞌtyity in judyeyaꞌ Manasésĉantyiꞌ ñuruꞌtyity in
1Chị́yacdyesyaꞌ majmadyeꞌ muꞌin soꞌmacsi ọij jiꞌchetacdyeꞌ jacsiꞌ muꞌindyes in ñuruꞌtyity Josétyiꞌ vóshiꞌ in. Tiyacchutiꞌ mọꞌ feiꞌtacdyeꞌ Jordányaꞌ meꞌdye shupquive buꞌyi tsun muꞌinyaꞌ jijmoꞌmoj Jericóvety in. Chat shupquive tsun jịjcaiꞌ cäjyasĉan jac nobiꞌ meꞌdye mọꞌ mụcuꞌveyas bäꞌyedyeꞌ Betel. 2Chat shupquiꞌyaꞌ Betel judyeyaꞌ Luz meij jịjcaiꞌ dạquiqueꞌ jac muꞌinsiꞌ arquitas in Atarotĉan bäꞌyity in. 3Mọꞌ feiꞌtacdyeꞌ chạiꞌ jịjcaijcheꞌ tsun meꞌdye dạquiqueꞌ muꞌinsiꞌ jac jafletitas in, judyeyaꞌ yejĉoiꞌ mọꞌveyasyaꞌ bäꞌyedyeꞌ Ọ́ĉansiꞌ Bet-horón, chat meij jịjcaiꞌ Gezeryaꞌ judyeyaꞌ jiyiꞌ meꞌdye mọꞌ Mar Mediterraneo.
4Meꞌ shupquiꞌ mọꞌ jac muꞌindyes ạvaꞌ Joséty: Manasés judyeyaꞌ Efraín.
5Ọij mọꞌ jac soꞌmacsis muꞌin ñuruꞌtyity in Efraíntyiꞌ vóshiꞌ in.
Muꞌinsiꞌ jac tiyacchutiꞌ shupquive tsun mọꞌ bäꞌyedyeꞌ Atarot-adar, chat meij jịjcaiꞌ mọꞌ feiꞌtacdyeꞌ meꞌdye Bet-horón cheꞌves 6judyeyaꞌ yejĉoiꞌ meꞌdye mọꞌ Mar Mediterráneo. Rocve tiyacchutiꞌyaꞌ Micmetatyaꞌ meij jịjcaiꞌ feiꞌtacdyeꞌ shupquive tsun meꞌdye Taanat-silo, chat yejĉoiꞌ cajñeꞌ Janoa. 7Janoayaꞌ chạiꞌ mọꞌ feiꞌtacdyeꞌ meꞌdye Atarot judyeyaꞌ Naarat, chat täj buꞌyiꞌ Jericó meꞌdye muꞌ Jordán. 8Tiyacchutiꞌyaꞌ Tapúayaꞌ mọꞌ feiꞌtacdyeꞌ shupquive tsun jịjcaiꞌ jinacyaꞌ Caná meꞌdye mọꞌ Mar Mediterráneo. Ọij shupquiꞌ mọꞌ jac soꞌmacsis muꞌin ñuruꞌtyity in Efraíntyiꞌ vóshiꞌ in.
9Mọꞌyaꞌ chimeꞌ mọꞌin bäꞌyedyeꞌ yụꞌtac muꞌindyes Efraíntyidyes vóshiꞌ in, muꞌinsiꞌĉan jac in, Manaséstyiꞌĉan vóshiꞌ in. 10Paj tsanꞌ meꞌ muꞌin jam jiꞌshupcacsi muꞌin cananeo in Gezerĉan bäꞌyity in. Mọꞌdyes qui muꞌin cananeo in yiriꞌyaꞌ bäꞌyi muꞌintum Israeltyiꞌtum vóshiꞌ in. Muꞌin cananeo in jemoñeꞌ carijtaqui muꞌindyes in, Efraíntyidyes vóshiꞌ in.
Currently Selected:
Josué 16: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Josué 16
16
Jac muꞌindyes Efraínĉantyiꞌ ñuruꞌtyity in judyeyaꞌ Manasésĉantyiꞌ ñuruꞌtyity in
1Chị́yacdyesyaꞌ majmadyeꞌ muꞌin soꞌmacsi ọij jiꞌchetacdyeꞌ jacsiꞌ muꞌindyes in ñuruꞌtyity Josétyiꞌ vóshiꞌ in. Tiyacchutiꞌ mọꞌ feiꞌtacdyeꞌ Jordányaꞌ meꞌdye shupquive buꞌyi tsun muꞌinyaꞌ jijmoꞌmoj Jericóvety in. Chat shupquive tsun jịjcaiꞌ cäjyasĉan jac nobiꞌ meꞌdye mọꞌ mụcuꞌveyas bäꞌyedyeꞌ Betel. 2Chat shupquiꞌyaꞌ Betel judyeyaꞌ Luz meij jịjcaiꞌ dạquiqueꞌ jac muꞌinsiꞌ arquitas in Atarotĉan bäꞌyity in. 3Mọꞌ feiꞌtacdyeꞌ chạiꞌ jịjcaijcheꞌ tsun meꞌdye dạquiqueꞌ muꞌinsiꞌ jac jafletitas in, judyeyaꞌ yejĉoiꞌ mọꞌveyasyaꞌ bäꞌyedyeꞌ Ọ́ĉansiꞌ Bet-horón, chat meij jịjcaiꞌ Gezeryaꞌ judyeyaꞌ jiyiꞌ meꞌdye mọꞌ Mar Mediterraneo.
4Meꞌ shupquiꞌ mọꞌ jac muꞌindyes ạvaꞌ Joséty: Manasés judyeyaꞌ Efraín.
5Ọij mọꞌ jac soꞌmacsis muꞌin ñuruꞌtyity in Efraíntyiꞌ vóshiꞌ in.
Muꞌinsiꞌ jac tiyacchutiꞌ shupquive tsun mọꞌ bäꞌyedyeꞌ Atarot-adar, chat meij jịjcaiꞌ mọꞌ feiꞌtacdyeꞌ meꞌdye Bet-horón cheꞌves 6judyeyaꞌ yejĉoiꞌ meꞌdye mọꞌ Mar Mediterráneo. Rocve tiyacchutiꞌyaꞌ Micmetatyaꞌ meij jịjcaiꞌ feiꞌtacdyeꞌ shupquive tsun meꞌdye Taanat-silo, chat yejĉoiꞌ cajñeꞌ Janoa. 7Janoayaꞌ chạiꞌ mọꞌ feiꞌtacdyeꞌ meꞌdye Atarot judyeyaꞌ Naarat, chat täj buꞌyiꞌ Jericó meꞌdye muꞌ Jordán. 8Tiyacchutiꞌyaꞌ Tapúayaꞌ mọꞌ feiꞌtacdyeꞌ shupquive tsun jịjcaiꞌ jinacyaꞌ Caná meꞌdye mọꞌ Mar Mediterráneo. Ọij shupquiꞌ mọꞌ jac soꞌmacsis muꞌin ñuruꞌtyity in Efraíntyiꞌ vóshiꞌ in.
9Mọꞌyaꞌ chimeꞌ mọꞌin bäꞌyedyeꞌ yụꞌtac muꞌindyes Efraíntyidyes vóshiꞌ in, muꞌinsiꞌĉan jac in, Manaséstyiꞌĉan vóshiꞌ in. 10Paj tsanꞌ meꞌ muꞌin jam jiꞌshupcacsi muꞌin cananeo in Gezerĉan bäꞌyity in. Mọꞌdyes qui muꞌin cananeo in yiriꞌyaꞌ bäꞌyi muꞌintum Israeltyiꞌtum vóshiꞌ in. Muꞌin cananeo in jemoñeꞌ carijtaqui muꞌindyes in, Efraíntyidyes vóshiꞌ in.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'