Colosasĉantyidyes 3
3
1Miꞌin Cristotum vañinyebantyiꞌ miꞌin, muꞌdye tsạꞌchunac, mọꞌdyes qui jemoñeꞌ dyijtutiñeꞌ mạyedyeꞌches jedyeꞌ miꞌin yócheꞌdyemꞌ ayoꞌbuꞌyi Cristo, q̂uinꞌ u, tacve buꞌyi Jenꞌyaꞌ. 2Mạyedyeꞌches jedyeꞌ dyijtuvac miꞌin, jam raꞌ jacches mọmoꞌ jedyeꞌ dyijtutiñeꞌ miꞌin. 3Mọꞌ tashches dyijyedyeꞌvun miꞌin aty säñiꞌ Cristotum, mọꞌdyes q̂uinꞌ aty Cristotum bäꞌyi miꞌin, muꞌ jämꞌ ĉujcabunac ạꞌedyeꞌ miꞌin, judyeyaꞌ muntyiꞌ in aty jam chäyibunac dyijyedyeꞌ in, ĉaĉaij na aty Jenꞌtyiꞌ miꞌin. 4Cristo quimꞌ yirity dyijtutinte miꞌin, muꞌsiꞌ qui dyijyedyeꞌ meꞌchuptinte. Atsijbanyaꞌ raꞌ muꞌ, miꞌinmun raꞌ jiꞌcaviti muꞌtum judyeyaꞌ raꞌ penꞌdyetutinte miꞌin fer buꞌyedyeꞌĉan.
Tashches dyijyedyeꞌ judyeyaꞌ mụiꞌsis dyijyedyeꞌ
5Mọꞌdyes jiꞌsänvac miꞌin mọꞌ aꞌc̣his dyijyedyeꞌ jacches miꞌin. Jam qui raꞌ ac̣hiꞌ bäꞌyi miꞌin, aty jam raꞌ voꞌvoij bäꞌyi miꞌin, mijam raꞌ ac̣hiꞌ dyijyeban miꞌin, aty raꞌ jam fer mạꞌjetinte querec̣ha miꞌin, meꞌ jụijyaꞌ fer dyijtuja tsun, jenꞌtuja querec̣ha shupquejaꞌ. 6Joꞌmemes aꞌc̣his dyijyedyeꞌ mọꞌ jiꞌmeꞌtacsiꞌ tsäquiꞌsisĉan muꞌin jam chiquetety Jenꞌ in. 7Miꞌin chimeꞌ meꞌtyity jiquej miꞌin, joꞌmes cäc̣häꞌchutiñeꞌ aꞌc̣his dyijyedyeꞌ jiquej miꞌin. 8Q̂uinꞌ farajjevac räj joꞌmes aꞌc̣his. Meꞌquiꞌdye raꞌ fạ́codyeꞌtum bäꞌyi miꞌin, mijam qui raꞌ vaj meij fáquibun miꞌin mijam qui raꞌ vaj meij ñäñibun miꞌin, meꞌquiꞌdye raꞌ jiꞌshuptiñeꞌ aꞌc̣his p̂eyacdyeꞌ miꞌin. 9Aty raꞌ jam vaj meij väñätutidyeij miꞌin, ĉaĉaij na aty vaꞌquectiñeꞌ mọꞌ tashches dyijyedyeꞌ aꞌc̣his miꞌin, jeñej ọctumtyiꞌ quịꞌsiꞌ, meꞌ vaꞌquectiñeꞌ mọꞌ miꞌin, q̂uinꞌ aty yocve bäꞌyi miꞌin. 10Yódyemꞌ mụiꞌtyity quịꞌsiꞌ u, meꞌ buꞌyiꞌ mọꞌ meꞌchutiñes miꞌin mọꞌ mụiꞌsis dyijyedyeꞌ miꞌin. Muꞌdye Jenꞌ yuꞌtyiyisinꞌ mọꞌ mụiꞌsis dyijyedyeꞌ tsun, muꞌdye chimeꞌ yuꞌtyiyisinꞌ paj qui yejĉoiꞌ cheꞌejĉoiꞌ mọꞌ mụiꞌsis dyijyedyeꞌ tsun, paj qui meꞌ shupquejaꞌ mọꞌtum yojdyemꞌ muꞌ u, muꞌ mụiꞌsis jịꞌcayisinꞌtyiꞌ, meꞌ raꞌ chat rụij muꞌ chị́yeja Jenꞌ. 11Aty jam yoc yoc muntyiꞌ in, vaj cäts cạvacsi Jenꞌ, paj tsanꞌ judío in judyeyaꞌ jam judío in, paj tsanꞌ seiꞌtactyiꞌ aꞌ in judyeyaꞌ jam seiꞌtactyiꞌ aꞌ in, paj tsanꞌ yoc p̂eyaquity in judyeyaꞌ chätity muntyiꞌ in, paj tsanꞌ úñity in judyeyaꞌ jam úñity in, räj vaj cäts cạvacsi muꞌ Jenꞌ muntyiꞌ in, ĉaĉaij na muꞌ Cristo jajbuꞌyisinꞌ räj tsun, mumꞌ yirity jemonja tsun räj muntyiꞌ tsun.
12Miꞌin tsimꞌtactyiꞌ Jenꞌtyiꞌ muꞌ, aty Jenꞌtyiꞌ miꞌin, muꞌ nash fer mạꞌjinac miꞌin. Yojdyemꞌ mụiꞌtyityĉan quịꞌsiꞌ cätiyaꞌ u miꞌin, jemoñeꞌ meꞌdye miꞌin chimeꞌ jämꞌyedyeꞌtum bäꞌyi räjĉan miꞌin yoctyiꞌtum in. Ñịbeꞌ ĉọcsejamꞌ miꞌin, jämꞌyi raꞌ chimeꞌ miꞌin, dyich buꞌyi raꞌ yoctyiꞌtum muꞌin. Jam raꞌ fibiꞌnacdyeꞌtum bäꞌyi miꞌin, 13tyumꞌchutidyeꞌtum raꞌ vaj meij cavitidyeij miꞌin. Jämꞌjitidyeij raꞌ miꞌin, muꞌyaꞌ ñäñitidyeij pạrej jụijyaꞌ miꞌin, jemoñeꞌ vaj meij farajjitidyeij dyijtucdyeꞌyaꞌ juchadyes miꞌin. Yojdyemꞌ muꞌ Cristo jam dyijtubunac juchaj u, meꞌdye raꞌ miꞌin chimeꞌ jam raꞌ vaj meij dyijtubutidyeij juchaj miꞌin. 14Meꞌ meꞌ raꞌ bäꞌyi miꞌin, dadamꞌ mọꞌ mọjoꞌchaꞌ jemonac paj qui vaj meij mạꞌjitidyeij miꞌin. Jeshaꞌ vaj meꞌ mạꞌjitiĉaꞌ jụijyaꞌ tsun, chat raꞌ vaj cäts dyijyejaꞌ tsun, mọꞌ mạꞌjeꞌ Jenꞌ. 15Jeshaꞌ, jam rụij dyijyejaꞌ jụijyaꞌ tsun, tárejaꞌ raꞌ tsun, rụij qui namꞌ dyijyejaꞌ jụijyaꞌ tsun, maꞌjojaꞌ raꞌ tsun, muꞌdye raꞌ Cristo soꞌmisinꞌ maꞌjodyeꞌ ĉojtyiꞌĉandyes tsun. Mọꞌ meꞌchujaꞌ jụijyaꞌ tsun, tupuj chị́jaꞌ junꞌ chuc raꞌ jämꞌtaĉaꞌ tsun. Muꞌ Jenꞌ meꞌ fayinac miꞌin paj qui vaj meꞌ dyijyi miꞌin, yojdyemꞌ mus aꞌ yiris u, meꞌ yuꞌtyinac chimeꞌ. Jam raꞌ farajjetiñeꞌ yoshoropaij yédyeꞌ Jenꞌcheꞌ miꞌin.
16Jiꞌsisbimac Cristos p̂eyacdyeꞌ muꞌ ĉojtyiꞌĉan miꞌin, mọꞌ nash mọjoꞌchas jämꞌsiꞌ p̂eyacdyeꞌ muꞌ. Räj dyijyedyeꞌtum jiꞌchäyitac vaj meij judyeyaꞌ jiꞌmaꞌyitac Jenꞌsiꞌtum p̂eyacdyeꞌ muꞌ. Sánacdyeꞌches jimacdyeꞌ urucyas mọꞌ raꞌ jimtiñeꞌ miꞌin, Jenꞌsiꞌtum jimacdyeꞌ muꞌ jimaqui raꞌ miꞌin Jenꞌdyes, yoshoropaij jémac ĉojtyiꞌĉan miꞌin. 17Junꞌ chuc jämꞌtaqui jụijyaꞌ miꞌin, jedyeꞌ chuc p̂eyaqui jụijyaꞌ miꞌin, räjĉan raꞌ yi miꞌin dyijtucdyeꞌyaꞌ muꞌ Jesús, Ayoꞌ tsun, yoshoropaij jémac muꞌ Jenꞌ Ạvatusinꞌtyiꞌ tsun, Jesucristoscheꞌ tịj muꞌ Ayos tsun jémac.
Meꞌ raꞌ bäꞌjaꞌ vojitytum tsun
18Miꞌin p̂en jemoñeꞌ seꞌvetinte vämtyiꞌ miꞌin cäc̣häꞌchucdyeꞌyaꞌ miꞌin muꞌ Ayoꞌ tsun. 19Miꞌin sonꞌ, mạꞌjeyaĉamꞌ ĉụiꞌsiꞌ p̂en miꞌin, jam raꞌ doroiꞌjetiñeꞌ miꞌin.
20Miꞌin ạvaꞌ, räjĉan chicaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, mọꞌ nash maꞌjotyeꞌ Ayoꞌ tsun. 21Miꞌin ạvaꞌtumtyiꞌ miꞌin, jam raꞌ jịꞌfajcaqui ạvaꞌ miꞌin, areꞌĉa jiꞌyocaqui ĉojtyiꞌĉan ạvaꞌ miꞌin.
22Miꞌin úñity räjĉan chiquemac jacchety ayoꞌ miꞌin. Jam raꞌ doijrodyeꞌĉan mọmoꞌ carijtaqui miꞌin paj qui maꞌjotyinac, meꞌ tsanꞌ jam muꞌ doijroij, ĉojtyiꞌĉan qui na ramꞌ dyijtutinte miꞌin ĉaĉaij na Jenꞌcheꞌ irijyi miꞌin. 23Jedyeꞌ chuc carijtaqui jụijyaꞌ miꞌin, jemoñeꞌ yụꞌtiñeꞌ ferdyeꞌ miꞌin, meꞌ raꞌ carijtaqui miꞌin, jeñej buꞌyiꞌ Jenꞌdyes carijtacdyeꞌ, meꞌ buꞌjamꞌ carijtaĉamꞌ miꞌin, jam raꞌ muntyidyes mọmoꞌ carijtaqui miꞌin. 24Chịj miꞌin muꞌdye Ayoꞌ tsun soꞌminac raꞌ bijodyedyes miꞌin yojdyesdyemꞌ soꞌmacsis räj muꞌtyiꞌ u in, meꞌdye raꞌ soꞌminac chimeꞌ, ĉaĉaij na Cristodyes carijtaqui miꞌin, muꞌ anictyity Ayoꞌ miꞌin. 25Tyi chuc ac̣hiꞌ bäꞌyity, muꞌ raꞌ soꞌmac vaꞌtacdyeꞌ junꞌ chuc aꞌc̣his jämꞌtaqui, ĉaĉaij na muꞌ Jenꞌ räj vaj cäts cavisinꞌ úchety muntyiꞌ tsun, mijam yirity mujuꞌchaꞌ cavisinꞌ muꞌ Jenꞌ.
Currently Selected:
Colosasĉantyidyes 3: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Colosasĉantyidyes 3
3
1Miꞌin Cristotum vañinyebantyiꞌ miꞌin, muꞌdye tsạꞌchunac, mọꞌdyes qui jemoñeꞌ dyijtutiñeꞌ mạyedyeꞌches jedyeꞌ miꞌin yócheꞌdyemꞌ ayoꞌbuꞌyi Cristo, q̂uinꞌ u, tacve buꞌyi Jenꞌyaꞌ. 2Mạyedyeꞌches jedyeꞌ dyijtuvac miꞌin, jam raꞌ jacches mọmoꞌ jedyeꞌ dyijtutiñeꞌ miꞌin. 3Mọꞌ tashches dyijyedyeꞌvun miꞌin aty säñiꞌ Cristotum, mọꞌdyes q̂uinꞌ aty Cristotum bäꞌyi miꞌin, muꞌ jämꞌ ĉujcabunac ạꞌedyeꞌ miꞌin, judyeyaꞌ muntyiꞌ in aty jam chäyibunac dyijyedyeꞌ in, ĉaĉaij na aty Jenꞌtyiꞌ miꞌin. 4Cristo quimꞌ yirity dyijtutinte miꞌin, muꞌsiꞌ qui dyijyedyeꞌ meꞌchuptinte. Atsijbanyaꞌ raꞌ muꞌ, miꞌinmun raꞌ jiꞌcaviti muꞌtum judyeyaꞌ raꞌ penꞌdyetutinte miꞌin fer buꞌyedyeꞌĉan.
Tashches dyijyedyeꞌ judyeyaꞌ mụiꞌsis dyijyedyeꞌ
5Mọꞌdyes jiꞌsänvac miꞌin mọꞌ aꞌc̣his dyijyedyeꞌ jacches miꞌin. Jam qui raꞌ ac̣hiꞌ bäꞌyi miꞌin, aty jam raꞌ voꞌvoij bäꞌyi miꞌin, mijam raꞌ ac̣hiꞌ dyijyeban miꞌin, aty raꞌ jam fer mạꞌjetinte querec̣ha miꞌin, meꞌ jụijyaꞌ fer dyijtuja tsun, jenꞌtuja querec̣ha shupquejaꞌ. 6Joꞌmemes aꞌc̣his dyijyedyeꞌ mọꞌ jiꞌmeꞌtacsiꞌ tsäquiꞌsisĉan muꞌin jam chiquetety Jenꞌ in. 7Miꞌin chimeꞌ meꞌtyity jiquej miꞌin, joꞌmes cäc̣häꞌchutiñeꞌ aꞌc̣his dyijyedyeꞌ jiquej miꞌin. 8Q̂uinꞌ farajjevac räj joꞌmes aꞌc̣his. Meꞌquiꞌdye raꞌ fạ́codyeꞌtum bäꞌyi miꞌin, mijam qui raꞌ vaj meij fáquibun miꞌin mijam qui raꞌ vaj meij ñäñibun miꞌin, meꞌquiꞌdye raꞌ jiꞌshuptiñeꞌ aꞌc̣his p̂eyacdyeꞌ miꞌin. 9Aty raꞌ jam vaj meij väñätutidyeij miꞌin, ĉaĉaij na aty vaꞌquectiñeꞌ mọꞌ tashches dyijyedyeꞌ aꞌc̣his miꞌin, jeñej ọctumtyiꞌ quịꞌsiꞌ, meꞌ vaꞌquectiñeꞌ mọꞌ miꞌin, q̂uinꞌ aty yocve bäꞌyi miꞌin. 10Yódyemꞌ mụiꞌtyity quịꞌsiꞌ u, meꞌ buꞌyiꞌ mọꞌ meꞌchutiñes miꞌin mọꞌ mụiꞌsis dyijyedyeꞌ miꞌin. Muꞌdye Jenꞌ yuꞌtyiyisinꞌ mọꞌ mụiꞌsis dyijyedyeꞌ tsun, muꞌdye chimeꞌ yuꞌtyiyisinꞌ paj qui yejĉoiꞌ cheꞌejĉoiꞌ mọꞌ mụiꞌsis dyijyedyeꞌ tsun, paj qui meꞌ shupquejaꞌ mọꞌtum yojdyemꞌ muꞌ u, muꞌ mụiꞌsis jịꞌcayisinꞌtyiꞌ, meꞌ raꞌ chat rụij muꞌ chị́yeja Jenꞌ. 11Aty jam yoc yoc muntyiꞌ in, vaj cäts cạvacsi Jenꞌ, paj tsanꞌ judío in judyeyaꞌ jam judío in, paj tsanꞌ seiꞌtactyiꞌ aꞌ in judyeyaꞌ jam seiꞌtactyiꞌ aꞌ in, paj tsanꞌ yoc p̂eyaquity in judyeyaꞌ chätity muntyiꞌ in, paj tsanꞌ úñity in judyeyaꞌ jam úñity in, räj vaj cäts cạvacsi muꞌ Jenꞌ muntyiꞌ in, ĉaĉaij na muꞌ Cristo jajbuꞌyisinꞌ räj tsun, mumꞌ yirity jemonja tsun räj muntyiꞌ tsun.
12Miꞌin tsimꞌtactyiꞌ Jenꞌtyiꞌ muꞌ, aty Jenꞌtyiꞌ miꞌin, muꞌ nash fer mạꞌjinac miꞌin. Yojdyemꞌ mụiꞌtyityĉan quịꞌsiꞌ cätiyaꞌ u miꞌin, jemoñeꞌ meꞌdye miꞌin chimeꞌ jämꞌyedyeꞌtum bäꞌyi räjĉan miꞌin yoctyiꞌtum in. Ñịbeꞌ ĉọcsejamꞌ miꞌin, jämꞌyi raꞌ chimeꞌ miꞌin, dyich buꞌyi raꞌ yoctyiꞌtum muꞌin. Jam raꞌ fibiꞌnacdyeꞌtum bäꞌyi miꞌin, 13tyumꞌchutidyeꞌtum raꞌ vaj meij cavitidyeij miꞌin. Jämꞌjitidyeij raꞌ miꞌin, muꞌyaꞌ ñäñitidyeij pạrej jụijyaꞌ miꞌin, jemoñeꞌ vaj meij farajjitidyeij dyijtucdyeꞌyaꞌ juchadyes miꞌin. Yojdyemꞌ muꞌ Cristo jam dyijtubunac juchaj u, meꞌdye raꞌ miꞌin chimeꞌ jam raꞌ vaj meij dyijtubutidyeij juchaj miꞌin. 14Meꞌ meꞌ raꞌ bäꞌyi miꞌin, dadamꞌ mọꞌ mọjoꞌchaꞌ jemonac paj qui vaj meij mạꞌjitidyeij miꞌin. Jeshaꞌ vaj meꞌ mạꞌjitiĉaꞌ jụijyaꞌ tsun, chat raꞌ vaj cäts dyijyejaꞌ tsun, mọꞌ mạꞌjeꞌ Jenꞌ. 15Jeshaꞌ, jam rụij dyijyejaꞌ jụijyaꞌ tsun, tárejaꞌ raꞌ tsun, rụij qui namꞌ dyijyejaꞌ jụijyaꞌ tsun, maꞌjojaꞌ raꞌ tsun, muꞌdye raꞌ Cristo soꞌmisinꞌ maꞌjodyeꞌ ĉojtyiꞌĉandyes tsun. Mọꞌ meꞌchujaꞌ jụijyaꞌ tsun, tupuj chị́jaꞌ junꞌ chuc raꞌ jämꞌtaĉaꞌ tsun. Muꞌ Jenꞌ meꞌ fayinac miꞌin paj qui vaj meꞌ dyijyi miꞌin, yojdyemꞌ mus aꞌ yiris u, meꞌ yuꞌtyinac chimeꞌ. Jam raꞌ farajjetiñeꞌ yoshoropaij yédyeꞌ Jenꞌcheꞌ miꞌin.
16Jiꞌsisbimac Cristos p̂eyacdyeꞌ muꞌ ĉojtyiꞌĉan miꞌin, mọꞌ nash mọjoꞌchas jämꞌsiꞌ p̂eyacdyeꞌ muꞌ. Räj dyijyedyeꞌtum jiꞌchäyitac vaj meij judyeyaꞌ jiꞌmaꞌyitac Jenꞌsiꞌtum p̂eyacdyeꞌ muꞌ. Sánacdyeꞌches jimacdyeꞌ urucyas mọꞌ raꞌ jimtiñeꞌ miꞌin, Jenꞌsiꞌtum jimacdyeꞌ muꞌ jimaqui raꞌ miꞌin Jenꞌdyes, yoshoropaij jémac ĉojtyiꞌĉan miꞌin. 17Junꞌ chuc jämꞌtaqui jụijyaꞌ miꞌin, jedyeꞌ chuc p̂eyaqui jụijyaꞌ miꞌin, räjĉan raꞌ yi miꞌin dyijtucdyeꞌyaꞌ muꞌ Jesús, Ayoꞌ tsun, yoshoropaij jémac muꞌ Jenꞌ Ạvatusinꞌtyiꞌ tsun, Jesucristoscheꞌ tịj muꞌ Ayos tsun jémac.
Meꞌ raꞌ bäꞌjaꞌ vojitytum tsun
18Miꞌin p̂en jemoñeꞌ seꞌvetinte vämtyiꞌ miꞌin cäc̣häꞌchucdyeꞌyaꞌ miꞌin muꞌ Ayoꞌ tsun. 19Miꞌin sonꞌ, mạꞌjeyaĉamꞌ ĉụiꞌsiꞌ p̂en miꞌin, jam raꞌ doroiꞌjetiñeꞌ miꞌin.
20Miꞌin ạvaꞌ, räjĉan chicaĉamꞌ ĉụiꞌtyiꞌ jenꞌ miꞌin judyeyaꞌ tseꞌ miꞌin, mọꞌ nash maꞌjotyeꞌ Ayoꞌ tsun. 21Miꞌin ạvaꞌtumtyiꞌ miꞌin, jam raꞌ jịꞌfajcaqui ạvaꞌ miꞌin, areꞌĉa jiꞌyocaqui ĉojtyiꞌĉan ạvaꞌ miꞌin.
22Miꞌin úñity räjĉan chiquemac jacchety ayoꞌ miꞌin. Jam raꞌ doijrodyeꞌĉan mọmoꞌ carijtaqui miꞌin paj qui maꞌjotyinac, meꞌ tsanꞌ jam muꞌ doijroij, ĉojtyiꞌĉan qui na ramꞌ dyijtutinte miꞌin ĉaĉaij na Jenꞌcheꞌ irijyi miꞌin. 23Jedyeꞌ chuc carijtaqui jụijyaꞌ miꞌin, jemoñeꞌ yụꞌtiñeꞌ ferdyeꞌ miꞌin, meꞌ raꞌ carijtaqui miꞌin, jeñej buꞌyiꞌ Jenꞌdyes carijtacdyeꞌ, meꞌ buꞌjamꞌ carijtaĉamꞌ miꞌin, jam raꞌ muntyidyes mọmoꞌ carijtaqui miꞌin. 24Chịj miꞌin muꞌdye Ayoꞌ tsun soꞌminac raꞌ bijodyedyes miꞌin yojdyesdyemꞌ soꞌmacsis räj muꞌtyiꞌ u in, meꞌdye raꞌ soꞌminac chimeꞌ, ĉaĉaij na Cristodyes carijtaqui miꞌin, muꞌ anictyity Ayoꞌ miꞌin. 25Tyi chuc ac̣hiꞌ bäꞌyity, muꞌ raꞌ soꞌmac vaꞌtacdyeꞌ junꞌ chuc aꞌc̣his jämꞌtaqui, ĉaĉaij na muꞌ Jenꞌ räj vaj cäts cavisinꞌ úchety muntyiꞌ tsun, mijam yirity mujuꞌchaꞌ cavisinꞌ muꞌ Jenꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'