Jäqui'ves Tesalonicaĉantyidyes 2
2
Jiꞌcaviti raꞌ fạ́quetety Jenꞌ
1Vojity, q̂uinꞌ raꞌ tsun jéyac miꞌin junꞌ chuc raꞌ ayidyeꞌ Jesucristos muꞌ Ayoꞌ tsun, junꞌ chuc raꞌ vajmuꞌyaꞌjisinꞌ tsun muꞌsiꞌyaꞌ vej muꞌ. Vojity, tsun jäꞌmij jéyac miꞌin, 2jam raꞌ cavin yocve dyijyi miꞌin. Meꞌ raꞌ tsanꞌ seꞌvetiñeꞌ mọꞌ p̂eyacdyeꞌ miꞌin yiꞌsiꞌ: "Aty ayij jadyiquis tupudyeꞌ Ayoꞌsiꞌ muꞌ, yi muꞌ Pablo, jedac muꞌ jasoꞌmiti p̂eyacdyeꞌ Jenꞌ, areꞌ vatyquej sánacdyeꞌcheꞌ yi muꞌ," vatyquej raꞌ yi pạrej jụijyaꞌ in. Seꞌvetiñeꞌ jụijyaꞌ mọꞌ joꞌmes p̂eyacdyeꞌ, jam raꞌ cajotyiti miꞌin, 3mijam raꞌ anicjeyacsebi väñädyeꞌ miꞌin, ĉaĉaij na jambiꞌ raꞌ mọꞌ ayij jadyiquis tupudyeꞌ Ayoꞌsiꞌ muꞌ, mọꞌ chum raꞌ tashiꞌ ayij mọꞌ yacchutidyeꞌ Jenꞌcheꞌ muntyiꞌ in, jiꞌcaviti raꞌ muꞌ fạ́quetety Jenꞌ muꞌ tsäquiꞌsisĉandyety, jäquiꞌve raꞌ mọꞌ ayij tupudyeꞌ. 4Muꞌ raꞌ räj fạ́cacsebi jenꞌtuiꞌsiꞌ jedyeꞌ muntyiꞌ in, Jenꞌmun raꞌ chimeꞌ fạ́quete. Muꞌ raꞌ mạꞌjeꞌ paj qui mumꞌ timaꞌcac, judyeyaꞌ raꞌ cächyi Jenꞌsiꞌĉan acaꞌ bäꞌyi, "Yụ nash anictyity Jenꞌ", yi raꞌ muꞌ jéyacsi.
5Meꞌdye jéyac yụ tacaꞌdyemꞌ miꞌintum jiquej yụ. ¿Jam dyijyeban u miꞌin? 6Chimeꞌdye miꞌin aty chịj tyi chuc ñutschute muꞌ fạ́quetety Jenꞌ jambiꞌ chum raꞌ shupqui muꞌ ĉaĉaij na jambiꞌdyemꞌ ayijyaꞌ tupudyeꞌ muꞌ, aty jäquiꞌve chat q̂uinꞌdyemꞌ raꞌ jiꞌcaviti muꞌ. 7Meꞌ tsanꞌ jambiꞌ jiꞌcaviti q̂uinꞌ muꞌ, mọꞌ qui namꞌ aꞌc̣his dyijyedyeꞌ muꞌ, aty mọꞌ caminve tashiꞌ carijtaquiꞌ muꞌ ọ́cheꞌ jacchemꞌ. A na raꞌ ayijyaꞌ tupudyeꞌ muꞌ, Jenꞌ raꞌ meijjeꞌ mọꞌ jañutschutis muꞌ fạ́quetety Jenꞌ, 8chat qui raꞌ jiꞌcavibun muꞌ. A na raꞌ atsijbanyaꞌ muꞌ Jesús Ayoꞌ tsun, muꞌ raꞌ jaꞌijati p̂ujquedyeꞌyamꞌ, mọꞌyaꞌ raꞌ meꞌjajiti atsijbanyaꞌ muꞌ Ayoꞌ tsun mạijquedyeꞌtum muꞌ. 9Jambiꞌdyemꞌ ijacyaꞌ muꞌ fạ́quetety Jenꞌ, muꞌ raꞌ meꞌchupte Satanássiꞌ ferdyeꞌ, yoc yoc raꞌ jịꞌcaveyacsi ferdyeꞌ muntyiꞌ in paj qui joꞌmesyaꞌ seꞌ jaꞌyacsi muntyiꞌ in paj qui anicjepte in väñädyeꞌ muꞌ.#2:9 Mateos 24:24 10Yedyej raꞌ aꞌc̣his jịꞌcaveyacsi, meꞌ buꞌyi raꞌ väñätucsi muntyiꞌ in tsäquiꞌsisĉandyety in. Muꞌin raꞌ vaꞌcac in ĉaĉaij na meꞌ tsanꞌ seꞌveꞌ tsanꞌ jiquej in mọꞌ rụijsis p̂eyacdyeꞌ, jam qui namꞌ tiĉuñeꞌ in mijam anicjeꞌ in, meij mọmoꞌ fạ́queꞌ jiquej in, mọꞌdyes qui raꞌ jam junꞌ c̣hoñi in. 11Muꞌdye raꞌ Jenꞌ yụꞌtyeyacsi cäjsis dyijyedyedyes muꞌin, paj qui damꞌdye anicjejcacaiꞌ väñädyeꞌ in. 12Meꞌ buꞌyi raꞌ räj in, muꞌin jam mạꞌjeꞌ anicjety in rụijsis p̂eyacdyeꞌ, mọꞌ mọmoꞌ maꞌjotyety in aꞌc̣his juchaj, muꞌin raꞌ tsäquiꞌsisĉandyety in.
Jenꞌ tsimꞌsinꞌ tsun c̣honꞌdyedyety tsun
13Vojity, mạꞌjeyacdyety Ayoty tsun, tsun yoshoropaij jéte Jenꞌ räjĉan miꞌindyes, ĉaĉaij na tạꞌcaty jiquej muꞌ Jenꞌ tsimꞌtyinac paj qui miꞌin c̣honꞌdyety. Ĉụiꞌsiꞌyaꞌ Ạꞌedyeꞌ muꞌ yuꞌnac paj qui muꞌtyiꞌ miꞌin, anicyedyeꞌyaꞌ miꞌin rụijsisyaꞌ p̂eyacdyeꞌ Jenꞌsiꞌ muꞌ. 14Meꞌ muꞌ fayinac miꞌin paj qui meꞌ yụꞌtac miꞌin, yoquiꞌdyemꞌ seꞌvebitinteyaꞌ jiquej u Jenꞌsiꞌ p̂eyacdyeꞌ muꞌ, mọꞌ voroꞌtyeyacsiꞌ tsun jiquej. Meꞌ muꞌ yuꞌnac paj qui Jenꞌyadyety miꞌin mạijquedyeꞌĉan bäꞌyi miꞌin Jesucristos, Ayos tsun.
15Mọꞌdyes vojity, fer buꞌjamꞌ bäꞌjamꞌ, jämꞌ raꞌ cäc̣häꞌchutiñeꞌ miꞌin mọꞌ jiꞌchäyitidyeꞌ jéyacsiꞌ tsun jiquej, mọꞌ voroꞌyedyeꞌĉansiꞌ tsun judyeyaꞌ sánacdyeꞌches tsun chimeꞌ. 16Yụ cọdaqui Jesucristocheꞌ Ayoꞌ tsun judyeyaꞌ Jenꞌcheꞌ chimeꞌ, muꞌ Ạvatusinꞌtyiꞌ, muꞌ mạꞌjisinꞌtyiꞌ tsun, judyeyaꞌ ñịbeꞌjitidyesyaꞌ muꞌ soꞌmisinꞌ sóñiꞌyedyes ĉojtyiꞌĉan tsun, paj qui yejĉojaꞌ bisaĉaꞌ Jenꞌdyes tsun, junꞌ chuc raꞌ soꞌmisinꞌ muꞌ. 17Meꞌ cọdyete yụ paj qui räjĉan soꞌminac sóñiꞌyedyeꞌ ĉojtyiꞌĉandyes miꞌin, paj qui fer buꞌyi bäꞌyi miꞌin, meꞌ raꞌ yejĉoij rụij bäꞌyi miꞌin judyeyaꞌ rụij p̂eyaqui chimeꞌ miꞌin.
Currently Selected:
Jäqui'ves Tesalonicaĉantyidyes 2: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Jäqui'ves Tesalonicaĉantyidyes 2
2
Jiꞌcaviti raꞌ fạ́quetety Jenꞌ
1Vojity, q̂uinꞌ raꞌ tsun jéyac miꞌin junꞌ chuc raꞌ ayidyeꞌ Jesucristos muꞌ Ayoꞌ tsun, junꞌ chuc raꞌ vajmuꞌyaꞌjisinꞌ tsun muꞌsiꞌyaꞌ vej muꞌ. Vojity, tsun jäꞌmij jéyac miꞌin, 2jam raꞌ cavin yocve dyijyi miꞌin. Meꞌ raꞌ tsanꞌ seꞌvetiñeꞌ mọꞌ p̂eyacdyeꞌ miꞌin yiꞌsiꞌ: "Aty ayij jadyiquis tupudyeꞌ Ayoꞌsiꞌ muꞌ, yi muꞌ Pablo, jedac muꞌ jasoꞌmiti p̂eyacdyeꞌ Jenꞌ, areꞌ vatyquej sánacdyeꞌcheꞌ yi muꞌ," vatyquej raꞌ yi pạrej jụijyaꞌ in. Seꞌvetiñeꞌ jụijyaꞌ mọꞌ joꞌmes p̂eyacdyeꞌ, jam raꞌ cajotyiti miꞌin, 3mijam raꞌ anicjeyacsebi väñädyeꞌ miꞌin, ĉaĉaij na jambiꞌ raꞌ mọꞌ ayij jadyiquis tupudyeꞌ Ayoꞌsiꞌ muꞌ, mọꞌ chum raꞌ tashiꞌ ayij mọꞌ yacchutidyeꞌ Jenꞌcheꞌ muntyiꞌ in, jiꞌcaviti raꞌ muꞌ fạ́quetety Jenꞌ muꞌ tsäquiꞌsisĉandyety, jäquiꞌve raꞌ mọꞌ ayij tupudyeꞌ. 4Muꞌ raꞌ räj fạ́cacsebi jenꞌtuiꞌsiꞌ jedyeꞌ muntyiꞌ in, Jenꞌmun raꞌ chimeꞌ fạ́quete. Muꞌ raꞌ mạꞌjeꞌ paj qui mumꞌ timaꞌcac, judyeyaꞌ raꞌ cächyi Jenꞌsiꞌĉan acaꞌ bäꞌyi, "Yụ nash anictyity Jenꞌ", yi raꞌ muꞌ jéyacsi.
5Meꞌdye jéyac yụ tacaꞌdyemꞌ miꞌintum jiquej yụ. ¿Jam dyijyeban u miꞌin? 6Chimeꞌdye miꞌin aty chịj tyi chuc ñutschute muꞌ fạ́quetety Jenꞌ jambiꞌ chum raꞌ shupqui muꞌ ĉaĉaij na jambiꞌdyemꞌ ayijyaꞌ tupudyeꞌ muꞌ, aty jäquiꞌve chat q̂uinꞌdyemꞌ raꞌ jiꞌcaviti muꞌ. 7Meꞌ tsanꞌ jambiꞌ jiꞌcaviti q̂uinꞌ muꞌ, mọꞌ qui namꞌ aꞌc̣his dyijyedyeꞌ muꞌ, aty mọꞌ caminve tashiꞌ carijtaquiꞌ muꞌ ọ́cheꞌ jacchemꞌ. A na raꞌ ayijyaꞌ tupudyeꞌ muꞌ, Jenꞌ raꞌ meijjeꞌ mọꞌ jañutschutis muꞌ fạ́quetety Jenꞌ, 8chat qui raꞌ jiꞌcavibun muꞌ. A na raꞌ atsijbanyaꞌ muꞌ Jesús Ayoꞌ tsun, muꞌ raꞌ jaꞌijati p̂ujquedyeꞌyamꞌ, mọꞌyaꞌ raꞌ meꞌjajiti atsijbanyaꞌ muꞌ Ayoꞌ tsun mạijquedyeꞌtum muꞌ. 9Jambiꞌdyemꞌ ijacyaꞌ muꞌ fạ́quetety Jenꞌ, muꞌ raꞌ meꞌchupte Satanássiꞌ ferdyeꞌ, yoc yoc raꞌ jịꞌcaveyacsi ferdyeꞌ muntyiꞌ in paj qui joꞌmesyaꞌ seꞌ jaꞌyacsi muntyiꞌ in paj qui anicjepte in väñädyeꞌ muꞌ.#2:9 Mateos 24:24 10Yedyej raꞌ aꞌc̣his jịꞌcaveyacsi, meꞌ buꞌyi raꞌ väñätucsi muntyiꞌ in tsäquiꞌsisĉandyety in. Muꞌin raꞌ vaꞌcac in ĉaĉaij na meꞌ tsanꞌ seꞌveꞌ tsanꞌ jiquej in mọꞌ rụijsis p̂eyacdyeꞌ, jam qui namꞌ tiĉuñeꞌ in mijam anicjeꞌ in, meij mọmoꞌ fạ́queꞌ jiquej in, mọꞌdyes qui raꞌ jam junꞌ c̣hoñi in. 11Muꞌdye raꞌ Jenꞌ yụꞌtyeyacsi cäjsis dyijyedyedyes muꞌin, paj qui damꞌdye anicjejcacaiꞌ väñädyeꞌ in. 12Meꞌ buꞌyi raꞌ räj in, muꞌin jam mạꞌjeꞌ anicjety in rụijsis p̂eyacdyeꞌ, mọꞌ mọmoꞌ maꞌjotyety in aꞌc̣his juchaj, muꞌin raꞌ tsäquiꞌsisĉandyety in.
Jenꞌ tsimꞌsinꞌ tsun c̣honꞌdyedyety tsun
13Vojity, mạꞌjeyacdyety Ayoty tsun, tsun yoshoropaij jéte Jenꞌ räjĉan miꞌindyes, ĉaĉaij na tạꞌcaty jiquej muꞌ Jenꞌ tsimꞌtyinac paj qui miꞌin c̣honꞌdyety. Ĉụiꞌsiꞌyaꞌ Ạꞌedyeꞌ muꞌ yuꞌnac paj qui muꞌtyiꞌ miꞌin, anicyedyeꞌyaꞌ miꞌin rụijsisyaꞌ p̂eyacdyeꞌ Jenꞌsiꞌ muꞌ. 14Meꞌ muꞌ fayinac miꞌin paj qui meꞌ yụꞌtac miꞌin, yoquiꞌdyemꞌ seꞌvebitinteyaꞌ jiquej u Jenꞌsiꞌ p̂eyacdyeꞌ muꞌ, mọꞌ voroꞌtyeyacsiꞌ tsun jiquej. Meꞌ muꞌ yuꞌnac paj qui Jenꞌyadyety miꞌin mạijquedyeꞌĉan bäꞌyi miꞌin Jesucristos, Ayos tsun.
15Mọꞌdyes vojity, fer buꞌjamꞌ bäꞌjamꞌ, jämꞌ raꞌ cäc̣häꞌchutiñeꞌ miꞌin mọꞌ jiꞌchäyitidyeꞌ jéyacsiꞌ tsun jiquej, mọꞌ voroꞌyedyeꞌĉansiꞌ tsun judyeyaꞌ sánacdyeꞌches tsun chimeꞌ. 16Yụ cọdaqui Jesucristocheꞌ Ayoꞌ tsun judyeyaꞌ Jenꞌcheꞌ chimeꞌ, muꞌ Ạvatusinꞌtyiꞌ, muꞌ mạꞌjisinꞌtyiꞌ tsun, judyeyaꞌ ñịbeꞌjitidyesyaꞌ muꞌ soꞌmisinꞌ sóñiꞌyedyes ĉojtyiꞌĉan tsun, paj qui yejĉojaꞌ bisaĉaꞌ Jenꞌdyes tsun, junꞌ chuc raꞌ soꞌmisinꞌ muꞌ. 17Meꞌ cọdyete yụ paj qui räjĉan soꞌminac sóñiꞌyedyeꞌ ĉojtyiꞌĉandyes miꞌin, paj qui fer buꞌyi bäꞌyi miꞌin, meꞌ raꞌ yejĉoij rụij bäꞌyi miꞌin judyeyaꞌ rụij p̂eyaqui chimeꞌ miꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'