Jäqui'ves Samuel 7
7
Jenꞌ jayuꞌtyiyiti p̂eyacdyeꞌ David
1David, aty ayoꞌbuꞌyi muꞌ, ayosĉan qui acaꞌ bäꞌyi muꞌ. Ayoꞌ yi paj qui jam atsij in muꞌin yocve bäꞌyity in fạ́cacsity Israeltyiꞌ vóshiꞌ in, meꞌquiꞌdye chutidyeij muꞌintum in. 2Chat qui muꞌ yi David, jéte muꞌ Natán muꞌ jasoꞌmitity p̂eyacdyeꞌ Jenꞌ:
—Q̂uinꞌ chat jämꞌsiꞌĉan acaꞌ bäꞌyi yụ, yedyej siyamo son mọꞌ. Jenꞌsiꞌ na acamꞌ quịꞌsimꞌ, yóĉandyemꞌ cajón o yụꞌtacdyeꞌtumsiꞌ muꞌ.
Meꞌ David dyijyi mạꞌjeꞌ jämꞌtyeyete acaꞌ Jenꞌ. 3Vorjete Natán:
—Jụdyej, yojdyemꞌ dyijyi um, meꞌ raꞌ mi, Ayoꞌdye raꞌ ñútyin mi —yi jajiti muꞌ Natán.
Jenꞌ yụꞌbite Davidtyiꞌ ạvaꞌ muꞌ paj qui muꞌ jämꞌtyeꞌ Jenꞌsiꞌ acaꞌ muꞌ #7:4 Jenꞌ jasoꞌmiti ọij p̂eyacdyeꞌ Natán Daviddyes.
4Yi muꞌ Jenꞌ jajiti Natán:
—Jéme mi muꞌ David: 12"A na raꞌ säñiyam, a na raꞌ vóshiꞌvuntum mi, chat qui raꞌ yụꞌbiye ĉụiꞌtyiꞌ ạvaꞌ mi, muꞌ qui raꞌ ayoꞌbuꞌban jeñej mi, anic raꞌ fer buꞌyi yụꞌte yụ. 13Muꞌ raꞌ jämꞌtyiyin acaꞌ yụ. Yụ raꞌ yụꞌtyeyete paj qui räjĉan buꞌyiꞌ ayoꞌbuꞌyedyeꞌ muꞌ. 14Yụ raꞌ jeñej jenꞌ muꞌ, muꞌ raꞌ jeñej ĉụiꞌtyiꞌ ạvaꞌ yụ. Jämꞌdyeyaꞌ juchaij jụijyaꞌ muꞌ, yụ raꞌ vaꞌtacdyeꞌ soꞌmete, jeñej yirity muntyiꞌ vaꞌtacdyeꞌ soꞌmaquiyaꞌ ạvamꞌ. 15Yụ raꞌ jam meijjetyete mạꞌjitidyes yụ mijam raꞌ vaꞌquecte yụ, jam jeñej Saúl jiquej vaꞌquecte yụ, jiꞌshupjajte yụ paj qui mi aty ayoꞌbuꞌyi. 16Jam raꞌ meꞌ ạvaꞌ mi, räjĉan raꞌ muꞌyaꞌ vóshiꞌ mi, mijam raꞌ junꞌ mọtsiꞌ ayoꞌbuꞌyedyeꞌ muꞌin", meꞌ raꞌ jéte mi muꞌ David —Jenꞌ jajiti Natán.
17Anicdye meꞌ muꞌ Natán ĉọcte muꞌ David, mọꞌdye p̂eyacdyeꞌ jajiti junꞌ chuc yi muꞌ Jenꞌ.
Currently Selected:
Jäqui'ves Samuel 7: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Jäqui'ves Samuel 7
7
Jenꞌ jayuꞌtyiyiti p̂eyacdyeꞌ David
1David, aty ayoꞌbuꞌyi muꞌ, ayosĉan qui acaꞌ bäꞌyi muꞌ. Ayoꞌ yi paj qui jam atsij in muꞌin yocve bäꞌyity in fạ́cacsity Israeltyiꞌ vóshiꞌ in, meꞌquiꞌdye chutidyeij muꞌintum in. 2Chat qui muꞌ yi David, jéte muꞌ Natán muꞌ jasoꞌmitity p̂eyacdyeꞌ Jenꞌ:
—Q̂uinꞌ chat jämꞌsiꞌĉan acaꞌ bäꞌyi yụ, yedyej siyamo son mọꞌ. Jenꞌsiꞌ na acamꞌ quịꞌsimꞌ, yóĉandyemꞌ cajón o yụꞌtacdyeꞌtumsiꞌ muꞌ.
Meꞌ David dyijyi mạꞌjeꞌ jämꞌtyeyete acaꞌ Jenꞌ. 3Vorjete Natán:
—Jụdyej, yojdyemꞌ dyijyi um, meꞌ raꞌ mi, Ayoꞌdye raꞌ ñútyin mi —yi jajiti muꞌ Natán.
Jenꞌ yụꞌbite Davidtyiꞌ ạvaꞌ muꞌ paj qui muꞌ jämꞌtyeꞌ Jenꞌsiꞌ acaꞌ muꞌ #7:4 Jenꞌ jasoꞌmiti ọij p̂eyacdyeꞌ Natán Daviddyes.
4Yi muꞌ Jenꞌ jajiti Natán:
—Jéme mi muꞌ David: 12"A na raꞌ säñiyam, a na raꞌ vóshiꞌvuntum mi, chat qui raꞌ yụꞌbiye ĉụiꞌtyiꞌ ạvaꞌ mi, muꞌ qui raꞌ ayoꞌbuꞌban jeñej mi, anic raꞌ fer buꞌyi yụꞌte yụ. 13Muꞌ raꞌ jämꞌtyiyin acaꞌ yụ. Yụ raꞌ yụꞌtyeyete paj qui räjĉan buꞌyiꞌ ayoꞌbuꞌyedyeꞌ muꞌ. 14Yụ raꞌ jeñej jenꞌ muꞌ, muꞌ raꞌ jeñej ĉụiꞌtyiꞌ ạvaꞌ yụ. Jämꞌdyeyaꞌ juchaij jụijyaꞌ muꞌ, yụ raꞌ vaꞌtacdyeꞌ soꞌmete, jeñej yirity muntyiꞌ vaꞌtacdyeꞌ soꞌmaquiyaꞌ ạvamꞌ. 15Yụ raꞌ jam meijjetyete mạꞌjitidyes yụ mijam raꞌ vaꞌquecte yụ, jam jeñej Saúl jiquej vaꞌquecte yụ, jiꞌshupjajte yụ paj qui mi aty ayoꞌbuꞌyi. 16Jam raꞌ meꞌ ạvaꞌ mi, räjĉan raꞌ muꞌyaꞌ vóshiꞌ mi, mijam raꞌ junꞌ mọtsiꞌ ayoꞌbuꞌyedyeꞌ muꞌin", meꞌ raꞌ jéte mi muꞌ David —Jenꞌ jajiti Natán.
17Anicdye meꞌ muꞌ Natán ĉọcte muꞌ David, mọꞌdye p̂eyacdyeꞌ jajiti junꞌ chuc yi muꞌ Jenꞌ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'