Tashches Tesalonicaĉantyidyes 4
4
Meꞌ raꞌ bäꞌjaꞌ paj qui muꞌ Jenꞌ maꞌjotyisinꞌ
1Vojity, q̂uinꞌ tsun fercheꞌ jéyac Jesucristoscheꞌ tịj muꞌ, paj qui yejĉoij rụij bäꞌyi miꞌin, ĉaĉaij na aty meꞌ bäꞌyi miꞌin. Tsun meꞌ jịꞌchiyeyac jiquej miꞌin, junꞌ chuc raꞌ rụij bäꞌyi miꞌin, q̂uinꞌ tsun raꞌ jéyac paj qui miꞌin dadamꞌ yejĉoij Jenꞌdyes bäꞌyi miꞌin paj qui maꞌjotyinac muꞌ Jenꞌ.
2Chịj tyuꞌ u miꞌin mọꞌ p̂eyacdyeꞌ soꞌmeyacsiꞌ jiquej tsun, yiꞌ mọꞌĉan junꞌ chuc raꞌ bäꞌyi miꞌin, mọꞌ soꞌminsiꞌ tsun Jesús Ayoꞌ tsun, paj qui tsun jiꞌjiyeyac miꞌin. 3Muꞌ Jenꞌ mạꞌjeꞌ paj qui muꞌdyes rụij bäꞌyi miꞌin ĉaĉaij na aty muꞌtyiꞌ miꞌin, judyeyaꞌ muꞌ chimeꞌ mạꞌjeꞌ paj qui jam méquiꞌ voꞌvodyeꞌcheꞌ dyijyi miꞌin. 4Muꞌ na mạꞌjeꞌ paj qui rụij bäꞌyi p̂entum miꞌin, jämꞌsiꞌtum dyijyedyeꞌ mọꞌtum bäꞌyi miꞌin, jämꞌjeyaĉamꞌ ĉụiꞌsiꞌ p̂en miꞌin. 5Jam raꞌ aꞌc̣his aꞌsiꞌ dyijyedyeꞌ cạtiñeꞌ mọꞌtum miꞌin, jam raꞌ jeñej muꞌin miꞌin jam chị́yetety Jenꞌ in. 6Mọꞌdyes jam raꞌ méquiꞌ juchatubitinte chätidyes p̂en muꞌ, mijam raꞌ junꞌbitinte. Aty jéyac jiquej fercheꞌ miꞌin, muꞌ raꞌ Ayoꞌ tsun muꞌ raꞌ fersiꞌ vaꞌtacdyeꞌ soꞌmacsi jụꞌñity chuc meꞌtyity in. 7Muꞌ Jenꞌ jam muꞌ yuꞌsinꞌ meꞌ paj qui aꞌc̣his bäꞌjaꞌ, mijam voꞌvoyedyeꞌcheꞌ chimeꞌ, muꞌ yuꞌsinꞌ paj qui rụij bäꞌjaꞌ cäc̣häꞌchucdyeꞌyaꞌ, ĉaĉaij na muꞌtyiꞌ aty tsun. 8Mọꞌdyes yụ raꞌ jéyac, tyi chuc äcäijjety ọij jiꞌchäyitidyeꞌ jeñej aty muntyiꞌ äcäijte ĉúti u, Jenꞌ na muꞌ äcäijte, muꞌ soꞌminactyiꞌ Ạꞌedyeꞌ muꞌ.
9A nash jam tupuj jéyac miꞌin paj qui vaj meij mạꞌjitidyeij miꞌin anicjetintety Jenꞌ miꞌin, muꞌdye Jenꞌ jiꞌchäyinac jiquej miꞌin junꞌ chuc raꞌ vaj meij mạꞌjitidyeij miꞌin. 10Anic jämꞌ meꞌ buꞌyi miꞌin, mạꞌjeyacsi miꞌin muꞌin paiꞌ bäꞌyity in Macedoniaĉantyiꞌ in, räj muꞌin anicjetety Jenꞌ in. Tsun fer jéyac vojity, paj dadamꞌ yejĉoij mạꞌjitidyestum bäꞌyi miꞌin. 11Dyijyejamꞌ jämꞌ paj qui jämꞌyedyeꞌtum bäꞌyi miꞌin, jam raꞌ jiꞌc̣hamꞌdyi miꞌin yoctyisĉan jedyeꞌ muꞌin, ĉụiꞌsiꞌtum ramꞌ un carijtaqui miꞌin tsạꞌ buꞌyedyes miꞌin, meꞌ raꞌ bäꞌyi miꞌin yoj jeyacdyemꞌ caꞌ jiquej u. 12Meꞌ jụijyaꞌ bäꞌyi miꞌin, chat qui raꞌ jam jayejjotaqui tsạꞌ buꞌyedyes miꞌin judyeyaꞌ muꞌin chimeꞌ jorojyaty in jämꞌjinac raꞌ in cavibunacyaꞌ in mọꞌ rụijsis dyijyedyeꞌ miꞌin.
Ayidyeꞌ raꞌ Ayos tsun
13Vojity, tsun mạꞌjeꞌ jịꞌchiqueyeyac paj qui chịj miꞌin junꞌ chuc raꞌ yirisĉan mạyedyeꞌ shupqui muꞌin säñity in, paj qui jam táracsi miꞌin, jam jeñej muꞌin in jam anicjetety Jenꞌ in, ĉaĉaij na muꞌin in jam biseꞌ in paj qui Jenꞌyaꞌ bäꞌyi in. 14Tsun na anicjejaty p̂eyacdyeꞌ yiꞌsiꞌ: muꞌ Jesús säñi jiquej judyeyaꞌ vañinyeban muꞌ, chimeꞌdye chị́jaꞌ tsun aty atsijbanyaꞌ raꞌ muꞌ Jesús, muꞌ raꞌ Jenꞌ räj vañinjeyacseban muꞌin säñity in anicjetety Jesús in. Jenꞌ raꞌ yụꞌtacsi paj qui penꞌdyetute in muꞌ Jesús.
15Ọij jiꞌchäyitidyeꞌ q̂uinꞌ Ayoꞌ soꞌmin tsun, atsijbanyaꞌ raꞌ muꞌ Ayoꞌ, tsun jambiꞌ sänjaꞌtyiꞌ jam raꞌ tashjaꞌ, säñity chum raꞌ tashcheꞌ cạc in, jäquiꞌve raꞌ tsun jambiꞌ sänjaty cabusinꞌ. 16Atsijbanyaꞌ raꞌ muꞌ, mạꞌiꞌ raꞌ fersiꞌ äjquedyeꞌ jutacdyeꞌ, yirity anjertyiꞌ ayoꞌ äjyi raꞌ, chimeꞌ raꞌ mạꞌiꞌ tujquedyeꞌ Jenꞌsiꞌ muꞌ, tujyedyeꞌĉandye ramꞌ chạij Ayoꞌ tsun mạyedyeꞌcheꞌ jijtuij. Muꞌin säñity in anicjetety Cristo jiquej in, muꞌin raꞌ tashcheꞌ vañinyeban in. 17Tsun qui raꞌ jambiꞌ sänjaty cäꞌc̣häjaꞌdye raꞌ cabusinꞌ tsun, tsunmun raꞌ taiꞌyaꞌ jiꞌrebeja Ayoꞌ tsun dyicbaꞌbadyeꞌĉan, chat raꞌ räjĉan buꞌjaꞌ muꞌtum. 18Dyijtujamꞌ anꞌdyemꞌ ọij p̂eyacdyeꞌ, mọꞌyaꞌ raꞌ jiꞌjiijbuti táredyeꞌ miꞌin säntaqui chätidyeꞌ jụijyaꞌ miꞌin.
Currently Selected:
Tashches Tesalonicaĉantyidyes 4: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Tashches Tesalonicaĉantyidyes 4
4
Meꞌ raꞌ bäꞌjaꞌ paj qui muꞌ Jenꞌ maꞌjotyisinꞌ
1Vojity, q̂uinꞌ tsun fercheꞌ jéyac Jesucristoscheꞌ tịj muꞌ, paj qui yejĉoij rụij bäꞌyi miꞌin, ĉaĉaij na aty meꞌ bäꞌyi miꞌin. Tsun meꞌ jịꞌchiyeyac jiquej miꞌin, junꞌ chuc raꞌ rụij bäꞌyi miꞌin, q̂uinꞌ tsun raꞌ jéyac paj qui miꞌin dadamꞌ yejĉoij Jenꞌdyes bäꞌyi miꞌin paj qui maꞌjotyinac muꞌ Jenꞌ.
2Chịj tyuꞌ u miꞌin mọꞌ p̂eyacdyeꞌ soꞌmeyacsiꞌ jiquej tsun, yiꞌ mọꞌĉan junꞌ chuc raꞌ bäꞌyi miꞌin, mọꞌ soꞌminsiꞌ tsun Jesús Ayoꞌ tsun, paj qui tsun jiꞌjiyeyac miꞌin. 3Muꞌ Jenꞌ mạꞌjeꞌ paj qui muꞌdyes rụij bäꞌyi miꞌin ĉaĉaij na aty muꞌtyiꞌ miꞌin, judyeyaꞌ muꞌ chimeꞌ mạꞌjeꞌ paj qui jam méquiꞌ voꞌvodyeꞌcheꞌ dyijyi miꞌin. 4Muꞌ na mạꞌjeꞌ paj qui rụij bäꞌyi p̂entum miꞌin, jämꞌsiꞌtum dyijyedyeꞌ mọꞌtum bäꞌyi miꞌin, jämꞌjeyaĉamꞌ ĉụiꞌsiꞌ p̂en miꞌin. 5Jam raꞌ aꞌc̣his aꞌsiꞌ dyijyedyeꞌ cạtiñeꞌ mọꞌtum miꞌin, jam raꞌ jeñej muꞌin miꞌin jam chị́yetety Jenꞌ in. 6Mọꞌdyes jam raꞌ méquiꞌ juchatubitinte chätidyes p̂en muꞌ, mijam raꞌ junꞌbitinte. Aty jéyac jiquej fercheꞌ miꞌin, muꞌ raꞌ Ayoꞌ tsun muꞌ raꞌ fersiꞌ vaꞌtacdyeꞌ soꞌmacsi jụꞌñity chuc meꞌtyity in. 7Muꞌ Jenꞌ jam muꞌ yuꞌsinꞌ meꞌ paj qui aꞌc̣his bäꞌjaꞌ, mijam voꞌvoyedyeꞌcheꞌ chimeꞌ, muꞌ yuꞌsinꞌ paj qui rụij bäꞌjaꞌ cäc̣häꞌchucdyeꞌyaꞌ, ĉaĉaij na muꞌtyiꞌ aty tsun. 8Mọꞌdyes yụ raꞌ jéyac, tyi chuc äcäijjety ọij jiꞌchäyitidyeꞌ jeñej aty muntyiꞌ äcäijte ĉúti u, Jenꞌ na muꞌ äcäijte, muꞌ soꞌminactyiꞌ Ạꞌedyeꞌ muꞌ.
9A nash jam tupuj jéyac miꞌin paj qui vaj meij mạꞌjitidyeij miꞌin anicjetintety Jenꞌ miꞌin, muꞌdye Jenꞌ jiꞌchäyinac jiquej miꞌin junꞌ chuc raꞌ vaj meij mạꞌjitidyeij miꞌin. 10Anic jämꞌ meꞌ buꞌyi miꞌin, mạꞌjeyacsi miꞌin muꞌin paiꞌ bäꞌyity in Macedoniaĉantyiꞌ in, räj muꞌin anicjetety Jenꞌ in. Tsun fer jéyac vojity, paj dadamꞌ yejĉoij mạꞌjitidyestum bäꞌyi miꞌin. 11Dyijyejamꞌ jämꞌ paj qui jämꞌyedyeꞌtum bäꞌyi miꞌin, jam raꞌ jiꞌc̣hamꞌdyi miꞌin yoctyisĉan jedyeꞌ muꞌin, ĉụiꞌsiꞌtum ramꞌ un carijtaqui miꞌin tsạꞌ buꞌyedyes miꞌin, meꞌ raꞌ bäꞌyi miꞌin yoj jeyacdyemꞌ caꞌ jiquej u. 12Meꞌ jụijyaꞌ bäꞌyi miꞌin, chat qui raꞌ jam jayejjotaqui tsạꞌ buꞌyedyes miꞌin judyeyaꞌ muꞌin chimeꞌ jorojyaty in jämꞌjinac raꞌ in cavibunacyaꞌ in mọꞌ rụijsis dyijyedyeꞌ miꞌin.
Ayidyeꞌ raꞌ Ayos tsun
13Vojity, tsun mạꞌjeꞌ jịꞌchiqueyeyac paj qui chịj miꞌin junꞌ chuc raꞌ yirisĉan mạyedyeꞌ shupqui muꞌin säñity in, paj qui jam táracsi miꞌin, jam jeñej muꞌin in jam anicjetety Jenꞌ in, ĉaĉaij na muꞌin in jam biseꞌ in paj qui Jenꞌyaꞌ bäꞌyi in. 14Tsun na anicjejaty p̂eyacdyeꞌ yiꞌsiꞌ: muꞌ Jesús säñi jiquej judyeyaꞌ vañinyeban muꞌ, chimeꞌdye chị́jaꞌ tsun aty atsijbanyaꞌ raꞌ muꞌ Jesús, muꞌ raꞌ Jenꞌ räj vañinjeyacseban muꞌin säñity in anicjetety Jesús in. Jenꞌ raꞌ yụꞌtacsi paj qui penꞌdyetute in muꞌ Jesús.
15Ọij jiꞌchäyitidyeꞌ q̂uinꞌ Ayoꞌ soꞌmin tsun, atsijbanyaꞌ raꞌ muꞌ Ayoꞌ, tsun jambiꞌ sänjaꞌtyiꞌ jam raꞌ tashjaꞌ, säñity chum raꞌ tashcheꞌ cạc in, jäquiꞌve raꞌ tsun jambiꞌ sänjaty cabusinꞌ. 16Atsijbanyaꞌ raꞌ muꞌ, mạꞌiꞌ raꞌ fersiꞌ äjquedyeꞌ jutacdyeꞌ, yirity anjertyiꞌ ayoꞌ äjyi raꞌ, chimeꞌ raꞌ mạꞌiꞌ tujquedyeꞌ Jenꞌsiꞌ muꞌ, tujyedyeꞌĉandye ramꞌ chạij Ayoꞌ tsun mạyedyeꞌcheꞌ jijtuij. Muꞌin säñity in anicjetety Cristo jiquej in, muꞌin raꞌ tashcheꞌ vañinyeban in. 17Tsun qui raꞌ jambiꞌ sänjaty cäꞌc̣häjaꞌdye raꞌ cabusinꞌ tsun, tsunmun raꞌ taiꞌyaꞌ jiꞌrebeja Ayoꞌ tsun dyicbaꞌbadyeꞌĉan, chat raꞌ räjĉan buꞌjaꞌ muꞌtum. 18Dyijtujamꞌ anꞌdyemꞌ ọij p̂eyacdyeꞌ, mọꞌyaꞌ raꞌ jiꞌjiijbuti táredyeꞌ miꞌin säntaqui chätidyeꞌ jụijyaꞌ miꞌin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'