Tashches Tesalonicaĉantyidyes 2
2
Voroꞌyedyeꞌ Pablos Tesalónicaĉan
1Vojity, aty chịj miꞌin jam mọꞌ fibis shupquiꞌ mọꞌ sóbacdyeꞌ tsunsiꞌ jiquej miꞌinyaꞌ, yoquiꞌdyemꞌ voroꞌtyeyacyaꞌ jiquej u. 2Chimeꞌdye chịj miꞌin junꞌ chuc tsun jambiꞌdyemꞌ ventyecyacyaꞌ miꞌin jiquej, Filiposĉan jiquej anic chäcdyis ñịbedyes jiꞌcaviyin tsun in, cächjeꞌ damꞌdye mọꞌcheꞌ ñinacdyeꞌ muꞌin tsuncheꞌ.#2:2 Úñedyeꞌ 16:19-24 Meꞌdye chimeꞌ aty miꞌinyaꞌ tsun, aty voroꞌtyeyacyaꞌ tsun jiquej, pạrej muꞌyaꞌ fer fáquibun tsunsiꞌ p̂eyacdyeꞌ in mọꞌ cạiꞌsiꞌ tsun. Meꞌ tsanꞌ meꞌ muꞌ qui namꞌ Jenꞌ räjĉan ñútyin tsun paj qui sóñiꞌyedyeꞌtum jéyac miꞌin mọꞌ jämꞌsiꞌ p̂eyacdyeꞌ Jenꞌsiꞌ muꞌ. 3Tsun jam méquiꞌ cäjsis jiꞌchäyitidyeꞌ jéyac tsun, mijam aꞌc̣histum dyijyedyeꞌ jéyac tsun, mijam väñädyeꞌyaꞌ chimeꞌ seꞌ jaꞌyeyac tsun. 4Muꞌ Jenꞌ jiꞌĉujtyintyiꞌ tsun muꞌ yuꞌtyin tsun paj qui tsun voroꞌtacsity jämꞌsiꞌ p̂eyacdyeꞌ muꞌ. Muꞌ mọmoꞌ chiquete tsun voroꞌyedyeꞌyaꞌ tsun, jam tsun dyijyi paj qui muntyiꞌ maꞌjotyin tsun in, jam. Mumꞌ Jenꞌ dyijtute tsun, muꞌ chäyibuntyiꞌ ĉojtyiꞌ tsun, paj qui muꞌ maꞌjotyin tsun. 5Chịj miꞌin, yoquiꞌdyemꞌ voroꞌtyeyacyaꞌ tsun jiquej u, jam jiꞌshupqueyeyac tsun mọꞌ jiꞌmaꞌjotacdyes p̂eyacdyeꞌ paj qui mọꞌ maꞌjodyeꞌtum yuꞌnac, mijam querec̣ha chimeꞌ dyijtute tsun voroꞌyedyeꞌyaꞌ tsun, chịj muꞌ Jenꞌ jam mọꞌ dyijtuiꞌ tsun. 6Jam mọꞌ damꞌ dyijtuiꞌ tsun paj qui muntyiꞌ timaꞌquin tsun in, mijam dyijtuiꞌ tsun paj qui miꞌin timaꞌquitiĉaꞌ tsun miꞌin. 7Tsun tupuj tsanꞌ cọdyetyeyac jedyeꞌ miꞌin tsạꞌ buꞌyedyes tsun, ĉaĉaij na mọꞌyaꞌ yụꞌtacdyeꞌ tsun, tsun nash jutactyiꞌ Cristoty muꞌ, tsun qui namꞌ jam mạꞌjeꞌ meꞌ cọdyetyeyac. Tsun jämꞌyedyeꞌtum dyijtuyac miꞌin, jeñej yiris p̂en jämꞌyedyeꞌtum ĉọjcaquiꞌ ạvaꞌ mọꞌ, meꞌ buꞌyidye tsun jiquej miꞌintum. 8Tsun anic fer mạꞌjeyac miꞌin, jam Jenꞌsimꞌ p̂eyacdyeꞌ jéyac, chimeꞌdye jeñej úñity tsun miꞌintyiꞌ, meꞌ shupqui tsun, meꞌ fer tsun nọ́tyeyac carijtaqui miꞌindyes. 9Chịj tyuꞌ u miꞌin junꞌ chuc tsun fer carijtaqui tsạꞌ buꞌyedyes tsun jiquej. Mạij judyeyaꞌ tsedyedyeꞌ, meꞌ buꞌyi carijtaqui tsun, tsun jam jedyeꞌ cọdyetyeyac tsạꞌ buꞌyedyes tsun voroꞌyedyeꞌyaꞌ tsun miꞌin Jenꞌsiꞌ p̂eyacdyeꞌ muꞌ.
10Chimeꞌdye jämꞌ chäyibutiĉaꞌ tsunsiꞌ dyijyedyeꞌ miꞌin, judyeyaꞌ junꞌ chuc bäꞌyi tsun, meꞌdye chimeꞌ muꞌ Jenꞌ chäyibun tsun junꞌ chuc rụij bäꞌyi tsun miꞌinyaꞌ jiquej. Anic jämꞌyi tsun miꞌintum anicjetinte Jenꞌ, jam jụꞌñiij tsun miꞌinsiꞌyaꞌ vej jiquej. 11Dyijyeban tyuꞌ u miꞌin junꞌ chuc tsun jiĉun yụꞌbadyeyac jiquej miꞌin judyeyaꞌ jiꞌmaꞌyebadyeyac maꞌjodyeꞌtum jiquej, yoj jeyaquidyemꞌ yirity muntyiꞌ u ĉụiꞌtyiꞌ ạvaꞌ umꞌ, meꞌ jéyac tsun. 12Tsun fercheꞌ jéyac jiquej: "Rụij raꞌ bäꞌyi miꞌin yojdyemꞌ mạꞌjeꞌ Jenꞌ u, muꞌ fayinactyiꞌ jiquej paj qui muꞌyadyety miꞌin ayoꞌbuꞌyedyedyety muꞌ, yóĉandyemꞌ ferdyeꞌtum ayoꞌbuꞌyi muꞌ", jéyac jiquej.
13Mọꞌdyes tsun räjĉan yoshoropaij jéte Jenꞌ miꞌindyes ĉaĉaij na miꞌin jụjjebitinte Jenꞌsiꞌ p̂eyacdyeꞌ muꞌ, mọꞌ voroꞌtyeyacsiꞌ tsun jiquej. Yi jiquej miꞌin: "Mọꞌ jam muntyis p̂eyacdyeꞌ muꞌin, meꞌdye Jenꞌsiꞌ p̂eyacdyeꞌ muꞌ." Anicdye meꞌ, anic Jenꞌsiꞌ p̂eyacdyeꞌ muꞌ, mọꞌ ferdyeꞌtum carijtaquis ĉojtyiꞌĉan miꞌin anicjetiñety miꞌin, mọꞌ ñútyinac paj qui rụij bäꞌyi miꞌin. 14Vojity, ñịbeꞌ jiꞌcavinac jiquej in ĉụiꞌtyiꞌ chätidyeꞌ miꞌin muꞌĉantyiꞌdye in, meꞌdye chimeꞌ muꞌin Judeaĉantyiꞌ judío in jịꞌñibeꞌcacsi jiquej in ĉụiꞌtyiꞌ chätidyeꞌ muꞌin anicjetety Jenꞌ in, muꞌin Jesucristoty in. 15Muꞌindye mọmoꞌ judío jiquej in ijate in muꞌ Jesús Ayoꞌ tsun, yódyemꞌ vóshiꞌvun u muꞌin ijacsi muꞌin jasoꞌmitity p̂eyacdyeꞌ Jenꞌ jiquej in. Meꞌdye q̂uinꞌ muꞌindye mọmoꞌ jịꞌñibeꞌcan tsun in, muꞌin jam maꞌjotacsebity Jenꞌ dyijyedyeꞌ muꞌin, muꞌindye mọmoꞌ in räj fáquiti muntyiꞌtum in. 16Muꞌindye mọmoꞌ judío in mạꞌjeꞌ jiꞌdyäquibun p̂eyacdyeꞌ tsunsiꞌ in mọꞌ jiꞌc̣honacsis, paj jam jéyacsi tsun muꞌin jam judío in mọꞌ p̂eyacdyeꞌ Jenꞌsiꞌ muꞌ. Meꞌ muꞌin in jam ọ́yaꞌ shupquiꞌ juchaj muꞌin, chijämꞌ tŝọ́taqui in Jenꞌsiꞌ vaꞌtacdyeꞌ muꞌ.
Pablo mạꞌjeꞌ ĉọcsequi cuvij Tesalónicaĉantyiꞌ in
17Vojity, yạjquiyacyaꞌ bishaꞌ tsun jiquej miꞌin, meꞌ tsanꞌ aty jam cạveyac tsun, ĉojtyiꞌĉan qui namꞌ tsun yejĉoij tacaꞌ dyijtuyac miꞌin, meꞌ tsanꞌ meꞌ tsun qui namꞌ fercheꞌ dyijyi mạꞌjeꞌ tsanꞌ ĉọĉadyeyac quivij. 18Dyijyi tsanꞌ tsun mạꞌjeꞌ caꞌñibun tsun miꞌinyaꞌ. Dadamꞌ yụ Pablo, daiꞌ quiꞌ tsanꞌ dyijyi yụ, mạꞌjeꞌ tsanꞌ ĉọĉadyeyac, Satanás qui namꞌ ñutschun yụ. 19Tsun fer dyijtuyac miꞌin, judyeyaꞌ maꞌjotyeyac junꞌ chuc bäꞌyi miꞌin, tsun biseꞌ bijodyeꞌ soꞌminsiꞌ raꞌ tsun muꞌ Jesucristo Ayoꞌ tsun jụj jaꞌyacdyeꞌyaꞌ miꞌin. Chimeꞌdye atsijbanyaꞌ raꞌ muꞌ Jesucristo Ayoꞌ tsun, miꞌin raꞌ jeñej buꞌyi chäcdyis bijodyeꞌ tsun, meꞌ buꞌyi raꞌ shupqui miꞌin muꞌsiꞌyaꞌ vej muꞌ atsijbanyaꞌ muꞌ Jesucristo. 20Meꞌ miꞌin, anic maꞌjoij tsun miꞌindyes, räj muntyiꞌ in chäyibun in tsunsiꞌ yụꞌtacdyeꞌ voroꞌyedyeꞌ miꞌindyes.
Currently Selected:
Tashches Tesalonicaĉantyidyes 2: CAS
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
Tashches Tesalonicaĉantyidyes 2
2
Voroꞌyedyeꞌ Pablos Tesalónicaĉan
1Vojity, aty chịj miꞌin jam mọꞌ fibis shupquiꞌ mọꞌ sóbacdyeꞌ tsunsiꞌ jiquej miꞌinyaꞌ, yoquiꞌdyemꞌ voroꞌtyeyacyaꞌ jiquej u. 2Chimeꞌdye chịj miꞌin junꞌ chuc tsun jambiꞌdyemꞌ ventyecyacyaꞌ miꞌin jiquej, Filiposĉan jiquej anic chäcdyis ñịbedyes jiꞌcaviyin tsun in, cächjeꞌ damꞌdye mọꞌcheꞌ ñinacdyeꞌ muꞌin tsuncheꞌ.#2:2 Úñedyeꞌ 16:19-24 Meꞌdye chimeꞌ aty miꞌinyaꞌ tsun, aty voroꞌtyeyacyaꞌ tsun jiquej, pạrej muꞌyaꞌ fer fáquibun tsunsiꞌ p̂eyacdyeꞌ in mọꞌ cạiꞌsiꞌ tsun. Meꞌ tsanꞌ meꞌ muꞌ qui namꞌ Jenꞌ räjĉan ñútyin tsun paj qui sóñiꞌyedyeꞌtum jéyac miꞌin mọꞌ jämꞌsiꞌ p̂eyacdyeꞌ Jenꞌsiꞌ muꞌ. 3Tsun jam méquiꞌ cäjsis jiꞌchäyitidyeꞌ jéyac tsun, mijam aꞌc̣histum dyijyedyeꞌ jéyac tsun, mijam väñädyeꞌyaꞌ chimeꞌ seꞌ jaꞌyeyac tsun. 4Muꞌ Jenꞌ jiꞌĉujtyintyiꞌ tsun muꞌ yuꞌtyin tsun paj qui tsun voroꞌtacsity jämꞌsiꞌ p̂eyacdyeꞌ muꞌ. Muꞌ mọmoꞌ chiquete tsun voroꞌyedyeꞌyaꞌ tsun, jam tsun dyijyi paj qui muntyiꞌ maꞌjotyin tsun in, jam. Mumꞌ Jenꞌ dyijtute tsun, muꞌ chäyibuntyiꞌ ĉojtyiꞌ tsun, paj qui muꞌ maꞌjotyin tsun. 5Chịj miꞌin, yoquiꞌdyemꞌ voroꞌtyeyacyaꞌ tsun jiquej u, jam jiꞌshupqueyeyac tsun mọꞌ jiꞌmaꞌjotacdyes p̂eyacdyeꞌ paj qui mọꞌ maꞌjodyeꞌtum yuꞌnac, mijam querec̣ha chimeꞌ dyijtute tsun voroꞌyedyeꞌyaꞌ tsun, chịj muꞌ Jenꞌ jam mọꞌ dyijtuiꞌ tsun. 6Jam mọꞌ damꞌ dyijtuiꞌ tsun paj qui muntyiꞌ timaꞌquin tsun in, mijam dyijtuiꞌ tsun paj qui miꞌin timaꞌquitiĉaꞌ tsun miꞌin. 7Tsun tupuj tsanꞌ cọdyetyeyac jedyeꞌ miꞌin tsạꞌ buꞌyedyes tsun, ĉaĉaij na mọꞌyaꞌ yụꞌtacdyeꞌ tsun, tsun nash jutactyiꞌ Cristoty muꞌ, tsun qui namꞌ jam mạꞌjeꞌ meꞌ cọdyetyeyac. Tsun jämꞌyedyeꞌtum dyijtuyac miꞌin, jeñej yiris p̂en jämꞌyedyeꞌtum ĉọjcaquiꞌ ạvaꞌ mọꞌ, meꞌ buꞌyidye tsun jiquej miꞌintum. 8Tsun anic fer mạꞌjeyac miꞌin, jam Jenꞌsimꞌ p̂eyacdyeꞌ jéyac, chimeꞌdye jeñej úñity tsun miꞌintyiꞌ, meꞌ shupqui tsun, meꞌ fer tsun nọ́tyeyac carijtaqui miꞌindyes. 9Chịj tyuꞌ u miꞌin junꞌ chuc tsun fer carijtaqui tsạꞌ buꞌyedyes tsun jiquej. Mạij judyeyaꞌ tsedyedyeꞌ, meꞌ buꞌyi carijtaqui tsun, tsun jam jedyeꞌ cọdyetyeyac tsạꞌ buꞌyedyes tsun voroꞌyedyeꞌyaꞌ tsun miꞌin Jenꞌsiꞌ p̂eyacdyeꞌ muꞌ.
10Chimeꞌdye jämꞌ chäyibutiĉaꞌ tsunsiꞌ dyijyedyeꞌ miꞌin, judyeyaꞌ junꞌ chuc bäꞌyi tsun, meꞌdye chimeꞌ muꞌ Jenꞌ chäyibun tsun junꞌ chuc rụij bäꞌyi tsun miꞌinyaꞌ jiquej. Anic jämꞌyi tsun miꞌintum anicjetinte Jenꞌ, jam jụꞌñiij tsun miꞌinsiꞌyaꞌ vej jiquej. 11Dyijyeban tyuꞌ u miꞌin junꞌ chuc tsun jiĉun yụꞌbadyeyac jiquej miꞌin judyeyaꞌ jiꞌmaꞌyebadyeyac maꞌjodyeꞌtum jiquej, yoj jeyaquidyemꞌ yirity muntyiꞌ u ĉụiꞌtyiꞌ ạvaꞌ umꞌ, meꞌ jéyac tsun. 12Tsun fercheꞌ jéyac jiquej: "Rụij raꞌ bäꞌyi miꞌin yojdyemꞌ mạꞌjeꞌ Jenꞌ u, muꞌ fayinactyiꞌ jiquej paj qui muꞌyadyety miꞌin ayoꞌbuꞌyedyedyety muꞌ, yóĉandyemꞌ ferdyeꞌtum ayoꞌbuꞌyi muꞌ", jéyac jiquej.
13Mọꞌdyes tsun räjĉan yoshoropaij jéte Jenꞌ miꞌindyes ĉaĉaij na miꞌin jụjjebitinte Jenꞌsiꞌ p̂eyacdyeꞌ muꞌ, mọꞌ voroꞌtyeyacsiꞌ tsun jiquej. Yi jiquej miꞌin: "Mọꞌ jam muntyis p̂eyacdyeꞌ muꞌin, meꞌdye Jenꞌsiꞌ p̂eyacdyeꞌ muꞌ." Anicdye meꞌ, anic Jenꞌsiꞌ p̂eyacdyeꞌ muꞌ, mọꞌ ferdyeꞌtum carijtaquis ĉojtyiꞌĉan miꞌin anicjetiñety miꞌin, mọꞌ ñútyinac paj qui rụij bäꞌyi miꞌin. 14Vojity, ñịbeꞌ jiꞌcavinac jiquej in ĉụiꞌtyiꞌ chätidyeꞌ miꞌin muꞌĉantyiꞌdye in, meꞌdye chimeꞌ muꞌin Judeaĉantyiꞌ judío in jịꞌñibeꞌcacsi jiquej in ĉụiꞌtyiꞌ chätidyeꞌ muꞌin anicjetety Jenꞌ in, muꞌin Jesucristoty in. 15Muꞌindye mọmoꞌ judío jiquej in ijate in muꞌ Jesús Ayoꞌ tsun, yódyemꞌ vóshiꞌvun u muꞌin ijacsi muꞌin jasoꞌmitity p̂eyacdyeꞌ Jenꞌ jiquej in. Meꞌdye q̂uinꞌ muꞌindye mọmoꞌ jịꞌñibeꞌcan tsun in, muꞌin jam maꞌjotacsebity Jenꞌ dyijyedyeꞌ muꞌin, muꞌindye mọmoꞌ in räj fáquiti muntyiꞌtum in. 16Muꞌindye mọmoꞌ judío in mạꞌjeꞌ jiꞌdyäquibun p̂eyacdyeꞌ tsunsiꞌ in mọꞌ jiꞌc̣honacsis, paj jam jéyacsi tsun muꞌin jam judío in mọꞌ p̂eyacdyeꞌ Jenꞌsiꞌ muꞌ. Meꞌ muꞌin in jam ọ́yaꞌ shupquiꞌ juchaj muꞌin, chijämꞌ tŝọ́taqui in Jenꞌsiꞌ vaꞌtacdyeꞌ muꞌ.
Pablo mạꞌjeꞌ ĉọcsequi cuvij Tesalónicaĉantyiꞌ in
17Vojity, yạjquiyacyaꞌ bishaꞌ tsun jiquej miꞌin, meꞌ tsanꞌ aty jam cạveyac tsun, ĉojtyiꞌĉan qui namꞌ tsun yejĉoij tacaꞌ dyijtuyac miꞌin, meꞌ tsanꞌ meꞌ tsun qui namꞌ fercheꞌ dyijyi mạꞌjeꞌ tsanꞌ ĉọĉadyeyac quivij. 18Dyijyi tsanꞌ tsun mạꞌjeꞌ caꞌñibun tsun miꞌinyaꞌ. Dadamꞌ yụ Pablo, daiꞌ quiꞌ tsanꞌ dyijyi yụ, mạꞌjeꞌ tsanꞌ ĉọĉadyeyac, Satanás qui namꞌ ñutschun yụ. 19Tsun fer dyijtuyac miꞌin, judyeyaꞌ maꞌjotyeyac junꞌ chuc bäꞌyi miꞌin, tsun biseꞌ bijodyeꞌ soꞌminsiꞌ raꞌ tsun muꞌ Jesucristo Ayoꞌ tsun jụj jaꞌyacdyeꞌyaꞌ miꞌin. Chimeꞌdye atsijbanyaꞌ raꞌ muꞌ Jesucristo Ayoꞌ tsun, miꞌin raꞌ jeñej buꞌyi chäcdyis bijodyeꞌ tsun, meꞌ buꞌyi raꞌ shupqui miꞌin muꞌsiꞌyaꞌ vej muꞌ atsijbanyaꞌ muꞌ Jesucristo. 20Meꞌ miꞌin, anic maꞌjoij tsun miꞌindyes, räj muntyiꞌ in chäyibun in tsunsiꞌ yụꞌtacdyeꞌ voroꞌyedyeꞌ miꞌindyes.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'