От Иакова 5
5
Кылыңася̄лъық Аклъюңилңуӷнун
1Нагатык аклъюңилңуӷни! Қиякыстаҳтык, ӣлъқыкыстаҳтык қаюҳлъяк сыӷлылӣӷнақңӯси. 2Аклъюңиси аӷума̄т, а̄ткаси молым ныӷумӣ. 3Золотасилъю, серебросилъю анаҳта̄ма̄т. Анаҳта̄лъҳита ипапиҳқынъақңўа̄ лъңина̄югныӷулъыҳсилъю, пакигныӷулъыҳсилъю нанқихтылъыңыхкуфси. Та̄хкын анаҳта̄лъҳым югусиси на̄фқылъықӣ катам кынӷыстун. Қайўа киңулиӷнун аӷныӷнун лъӣӷңа̄ҳпыси, қырңуҳтимаңина̄гуси ўата аклъюңиӷиналюси. 4Талўа акилыҳтулъҳитаси қыпҳаҳтыси унатақат пӣтусиӷаӷвихпысини. Нагатыки акузилгалъҳит. Атанӷым аҳтуӷьяҳқа̄нӷитыҳлъягым нагақӯмӣ акилӷӯлъҳит. 5Кияҳта̄лъыҳпысини хўани нунами, аклъюңитутыхпысиның сяңўа̄ алңунак пиюкыхкаҳси алъхыҳтақаҳси ыфқуҳналюси лъпысиның катам. Таўатын пилъыҳпысигун пынъӣӷыстун аюқуси. Пынъӣӷыт қугилисиӷат налъюка̄т қантаӷақун туқутылъыҳқаҳтың. Налъюкыстыхӯ қантаӷақун Атанӷым нанқихтилъыҳқа̄? 6Лъпысиңӯт нанқихтистикатлъю, туқутистикатлъю анахусимаңилңуӷның югның, лъңита аяклъӣмаңитӣси.
Қыляныныҳлъяклъю, Юӷалъықлъю
7Ухпықа̄лгутымни, қыляныҳпынаси кынляңа Атанӷым тагинқихтылъыҳқа̄нун. Пӣтысиӷаҳта успутақитыху. Нунами пӣтысиӷаӷлюни қыляныӷьюкаҳпынани утақӣгақуқ укся̄ӷымлъю, упынӷа̄млъю ыслъялъюўаның нагустикаюгмың пӣсяҳқаның. 8Лъпысилъю қыляныныҳлъюгутык ныӷьюмаңинаӷлюси қаюҳлъяк Атанық тагияҳтуҳтуқ.
9Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ. 10Ухпықа̄лгутымни, нықамиклъюки ӯкналиқистыт акузикат а̄тҳакун Атанӷым. Успутақитыки қыляныҳпынатың нуқынъыҳтулютың икфиқылъыӷми пикат. 11Қуяңанӣқапут ӯкналиқистыт қаюҳлъяк икфиқңуӷңа̄ӷмың паниның ныӷьюкумаңинақақа̄т Атанық. Нагақуқақаҳси Иовым нуқынъыҳтулъҳа, қуястылъҳалъю Атаныӷмың икфиқылъҳа алъпагьян. Ынка̄м Иовыкун Атанӷым лӣтыстӣси нафуҳталъыӷминыңлъю, наңлъыхталъыӷминыңлъю.
12Ухпықа̄лгутымни, апыӷнақыхкыхка уна мыгнунапихтуқ. Акықиныҳпысини, акықихпынаси қиляхкун, налиӷмың нунакун, налиӷмың сякун алңунак. Пияҳқа̄куфси лыган а̄ңггга̄си, пияҳқа̄нӷилъкуфси лыган нака̄ҳа̄си. Ынка̄м атуқақитыки акықусяси, таўатын пикуфси Атанӷым нанқихна̄нӷитӣси аӷью̄ӷьяҳқа̄люси.
13Кина акулыхпысини икфиқңўа̄? Юӷаӷли. Кина қуяңа̄? Илягаӷли усюқилъыӷмың. 14Кина қинуюўа̄? Туқлъюӷлики Пресвитерыт ынка̄м юӷа̄ткылъитху мысӣҳқылъюку А̄тҳакун Атанӷым. 15Юӷалъҳым ухпықилъыҳқун на̄лъҳусяҳқақа̄ қинуюлӷӣ ю̄к. Ынка̄м Атанӷым югунқўӯҳтыснықихлъықа̄, сыӷлыҳқылъҳилъю сыӷывулъықӣ. 16Тама̄кын апалъюқлъюку а̄пҳақлъюки сыӷлыҳқылъыси иляхпысинун, юӷа̄ткутутақлъюси на̄лъҳутылъыңысқылъюси. Ылъқуӷутңалӷӣм югым юӷалъҳи икнақыҳлъяхтут, алъхыӷуткаюгӯт. 17Илия югӯқ хўаңкутыстун аюқылӷӣ. Та̄куңинаҳа̄гның юӷақақ ыслъялъюгуҳтыфқа̄н писқылъюку. Ынка̄м ыслъялъюгуҳсимаңилңуқ пиңают аюмиқулъҳыт алъя аӷвинлык танқиқ илялъюку. 18Та̄хкын алъя юӷақақ ыслъялъюгуҳтысқылъюку. Ынка̄м ыслъялъюгуҳсялӷӣми нуна пӣтыстикақ ныӷьяҳқамың.
19-20Ухпықа̄лгутымни, уна киңулӣгуқ апыӷьюкыхка лъпысинун. Налиҳси ухпықинаниқан апыҳтӯсяпигның, китум каюсиӷлигу ухпықинқихтылъыӷмун. Таўатын пикумигу югулислъықа̄к сыӷлыҳқыстым уңувасикык туқулъыӷмың. Кияӷныӷымлъю сыӷувулъықӣ та̄м сыӷлыҳқыстым сыӷлыҳқылъылӷутыҳлъяги.
Currently Selected:
От Иакова 5: ess2
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
От Иакова 5
5
Кылыңася̄лъық Аклъюңилңуӷнун
1Нагатык аклъюңилңуӷни! Қиякыстаҳтык, ӣлъқыкыстаҳтык қаюҳлъяк сыӷлылӣӷнақңӯси. 2Аклъюңиси аӷума̄т, а̄ткаси молым ныӷумӣ. 3Золотасилъю, серебросилъю анаҳта̄ма̄т. Анаҳта̄лъҳита ипапиҳқынъақңўа̄ лъңина̄югныӷулъыҳсилъю, пакигныӷулъыҳсилъю нанқихтылъыңыхкуфси. Та̄хкын анаҳта̄лъҳым югусиси на̄фқылъықӣ катам кынӷыстун. Қайўа киңулиӷнун аӷныӷнун лъӣӷңа̄ҳпыси, қырңуҳтимаңина̄гуси ўата аклъюңиӷиналюси. 4Талўа акилыҳтулъҳитаси қыпҳаҳтыси унатақат пӣтусиӷаӷвихпысини. Нагатыки акузилгалъҳит. Атанӷым аҳтуӷьяҳқа̄нӷитыҳлъягым нагақӯмӣ акилӷӯлъҳит. 5Кияҳта̄лъыҳпысини хўани нунами, аклъюңитутыхпысиның сяңўа̄ алңунак пиюкыхкаҳси алъхыҳтақаҳси ыфқуҳналюси лъпысиның катам. Таўатын пилъыҳпысигун пынъӣӷыстун аюқуси. Пынъӣӷыт қугилисиӷат налъюка̄т қантаӷақун туқутылъыҳқаҳтың. Налъюкыстыхӯ қантаӷақун Атанӷым нанқихтилъыҳқа̄? 6Лъпысиңӯт нанқихтистикатлъю, туқутистикатлъю анахусимаңилңуӷның югның, лъңита аяклъӣмаңитӣси.
Қыляныныҳлъяклъю, Юӷалъықлъю
7Ухпықа̄лгутымни, қыляныҳпынаси кынляңа Атанӷым тагинқихтылъыҳқа̄нун. Пӣтысиӷаҳта успутақитыху. Нунами пӣтысиӷаӷлюни қыляныӷьюкаҳпынани утақӣгақуқ укся̄ӷымлъю, упынӷа̄млъю ыслъялъюўаның нагустикаюгмың пӣсяҳқаның. 8Лъпысилъю қыляныныҳлъюгутык ныӷьюмаңинаӷлюси қаюҳлъяк Атанық тагияҳтуҳтуқ.
9Ухпықа̄лгутымни, сыӷлықӯҳпынаки иляси ынка̄м Атанӷым нанқихныӷилъиси. Лъңаңӯқ Нанқихтиста ка̄сяҳтуңысталӷӣ. 10Ухпықа̄лгутымни, нықамиклъюки ӯкналиқистыт акузикат а̄тҳакун Атанӷым. Успутақитыки қыляныҳпынатың нуқынъыҳтулютың икфиқылъыӷми пикат. 11Қуяңанӣқапут ӯкналиқистыт қаюҳлъяк икфиқңуӷңа̄ӷмың паниның ныӷьюкумаңинақақа̄т Атанық. Нагақуқақаҳси Иовым нуқынъыҳтулъҳа, қуястылъҳалъю Атаныӷмың икфиқылъҳа алъпагьян. Ынка̄м Иовыкун Атанӷым лӣтыстӣси нафуҳталъыӷминыңлъю, наңлъыхталъыӷминыңлъю.
12Ухпықа̄лгутымни, апыӷнақыхкыхка уна мыгнунапихтуқ. Акықиныҳпысини, акықихпынаси қиляхкун, налиӷмың нунакун, налиӷмың сякун алңунак. Пияҳқа̄куфси лыган а̄ңггга̄си, пияҳқа̄нӷилъкуфси лыган нака̄ҳа̄си. Ынка̄м атуқақитыки акықусяси, таўатын пикуфси Атанӷым нанқихна̄нӷитӣси аӷью̄ӷьяҳқа̄люси.
13Кина акулыхпысини икфиқңўа̄? Юӷаӷли. Кина қуяңа̄? Илягаӷли усюқилъыӷмың. 14Кина қинуюўа̄? Туқлъюӷлики Пресвитерыт ынка̄м юӷа̄ткылъитху мысӣҳқылъюку А̄тҳакун Атанӷым. 15Юӷалъҳым ухпықилъыҳқун на̄лъҳусяҳқақа̄ қинуюлӷӣ ю̄к. Ынка̄м Атанӷым югунқўӯҳтыснықихлъықа̄, сыӷлыҳқылъҳилъю сыӷывулъықӣ. 16Тама̄кын апалъюқлъюку а̄пҳақлъюки сыӷлыҳқылъыси иляхпысинун, юӷа̄ткутутақлъюси на̄лъҳутылъыңысқылъюси. Ылъқуӷутңалӷӣм югым юӷалъҳи икнақыҳлъяхтут, алъхыӷуткаюгӯт. 17Илия югӯқ хўаңкутыстун аюқылӷӣ. Та̄куңинаҳа̄гның юӷақақ ыслъялъюгуҳтыфқа̄н писқылъюку. Ынка̄м ыслъялъюгуҳсимаңилңуқ пиңают аюмиқулъҳыт алъя аӷвинлык танқиқ илялъюку. 18Та̄хкын алъя юӷақақ ыслъялъюгуҳтысқылъюку. Ынка̄м ыслъялъюгуҳсялӷӣми нуна пӣтыстикақ ныӷьяҳқамың.
19-20Ухпықа̄лгутымни, уна киңулӣгуқ апыӷьюкыхка лъпысинун. Налиҳси ухпықинаниқан апыҳтӯсяпигның, китум каюсиӷлигу ухпықинқихтылъыӷмун. Таўатын пикумигу югулислъықа̄к сыӷлыҳқыстым уңувасикык туқулъыӷмың. Кияӷныӷымлъю сыӷувулъықӣ та̄м сыӷлыҳқыстым сыӷлыҳқылъылӷутыҳлъяги.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.